MATÌÙT 10 的热门经文

分享

Atì'nogo yogoisasikesik he, aike mel yogoisasike: “An nen, hit he, hinoabùt wam topa wam oabùt hake mene, it apùnì inoabùt yeke lo yeke oabùt weak mene hake mene inekele'ma heak hogo lakhikegeinmo atì re, hinoabùt walo oabùt hibik-hebek hogo hagaterek atì hak hagatìk, sùe pel oabùt enago welagarek atì hak welagìk, ìkì logoino.

Sa nen okawerek ebe elele helegein halok he, ebe wa'larìk nong asigin o. Meneat he, sa nen an hesik wa'lasigin halok he, ebe elele helegein o,” ìlùk yogoisasike.

Apùnì nen hinareagùn hinoasusak mea. We, hinagasabeke nek hinoasugun atì nen he, hinayùk hago logogùp o. Meneat he, at Ala nek he, hinareagùn mel, hinagasabeke mel, elok motok warogo etu ai'mo lakhikasagat werek atì nen, at Ala at hinayùk hogo logoino.

E ba menhisìlìk inoatarek mene a'nogo, hinageiyo lopok hinomolo ba wìlìk an nopolik wolok wagì'lek halok, an nagoromì asusak legat o.

Atì'nogo yogoisasikesik, aike mel yogoisasike: “Sa nen, Yesùt atì an noe o, apùnì ineilhanem ane pak hogo iko halok he, an hogo re, At atì an nagot o, ìlùk nopase pogot oba mene eilhanem, nane pak hogo iginat o. Atì'nogo meneat he, sa nen, Yesùt atì an nokot o, ìlùk apùnì ineilhanem labelho halok he, an hogo re, At atì an nokot o, ìlùk nopase pogot oba mene eilhanem pak hogoat igin o,” ìlùk yogoisasike.

It apùnì ou inoba werek halok hagarinapìk, wa'lagaika halok inelugurinapìk, henako hake inayùk mene inoba werek halok hagarinapìk, mokareke oabùt weak mene ina'la kìlìk were'ma henogo wulaksìgìk, ìlìk nìkì logoino. An nen oko lek wokhisìgì atì hak he, hit en atì'nogoat oko lek wogisìlìk lano.

Ala nen sùe wulue atì ebe apigat mene, esin hake akikerek hùk. Apùnì hinebeat esin motok akikerek o. Atì nen hinayù'lek hogo logoino o,” ìlùk yogoisasike.

Atì'nogo yogoisasikesik he, aike mel yogoisasike: “Hit hina'la nen he, At wagaike atì re, kweangma yoma weim lìoligìlùk wagaike, ìlùk akagùp o. An wagagi atì re, opase aput eperak weak agìk, agosa eak eperak weak agìk, oan a'logo eperak weak agìk, it-it inom weak arìk loagalùk wagagi o.