Yohana 6 的热门经文

分享

Yesu wacu igi kumae, An a kwen mi kwo: ng’atu m’ubino i bang’a kec binege ngo, ng’atu m’uyia de rieu binege ki ngo.

En e tipo ma mio kwo; kum kulokane mbe: lembe m’adaru yero iwu gi tipo, gi kwo de.

Kud wutim pi cam ma nyothre, endre pi cemo m’ubedo mi kwo ma rondo ku rondo ma Wod dhanu bimio iwu: kum Wego, ma Mungu, mwono ayi i kume.

Kum maeni en e yeny ma i Vwa yenyo nia ceke kubang’gi m’uneno Wod, m’uyie de, ubed ku kwo ma rondo ku rondo; man abiting’e malu i kajikceng’.

Yesu loko lembe ewacu igi kumae, Maeni tic pa Mungu ya wuyi ng’atu m’eoro.

Ceke ma Wego mio ira gibibino i bang’a: ng’atu m’ubino i bang’a de abibaye woko ki ngo.

Simon Petro loko lembe ire kumae, Rwoth, wabicidho ba ng’a? In i won lembe mi kwo ma rondo ku rondo.

An a kwen mi kwo m’uai i polo loro piny: tek ng’atu moko camu kwen maeni, ebibedo rondo ku rondo: eyo kwen de m’abimio en e ring’ kuma, pi kwo mi ng’om.

Ng’atu moko mbe ma copo bino i bang’a, tek Wego m’uora kupeye ngo: man abiketho ecungo i kajikceng’.

Kum kwen pa Mungu en e maeno m’uai i polo loro piny, man; emio kwo de ni ng’om.

An a kwen mi kwo.

E Yesu ting’o lungu kwen; e kan efoyo pire, epoko ni ju m’ubedo piny; rec bende kumeno calu ma giyenyo. E ka giyeng’, ewacu ni julubne kumae, Wucok kodine m’udong’, kara gin moko kud urwiny.

Ka kumeno ka gikiewo ma yenyo romo ungolo abic kadi abiro, gineno Yesu m’ubewotho ku wi nam, ebedhingo combo de: e lworo makugi. Ento ewacu igi kumae, En e an; lworo kud unegwu.