मत्ती 18 的热门经文

分享

एह़ इसतांई कि जित्थु दो या त्रै माणु मेरे नांऐ ते किठ्ठे हुंदे हन, तित्थु मैं तिन्हां बिच्च हुंदा ऐ।”

भिरी मैं तुहां नैं ग्लांदा, जे तुहां च दो जणे धरतिया पर कुसी गल्लां तांई इक्क मन होई नैं प्रार्थना करी नैं मंगगे, तां सैह़ मेरे पिता दे पास्से ते जेह्ड़ा सुअर्ग च ऐ, तिन्हां तांई होई जांगा।

इसा गल्ला पर यीशुयैं इक्की जागते जो अपणे अल्ल सद्दी नैं तिन्हां बिच्च खरेड़ी दित्ता, कने ग्लाणा लग्गा, “मैं तुहां नैं सच्च ग्लांदा ऐ, कि जाह़लू तुहां अपणे आप्पे जो बदली करी जागतां साइआं बणी जांगे, ताह़लू तुहां सुअर्ग दे राज्जे च पुज्जी जांगे।

जेह्ड़ा कोई अप्पु जो इस जागते साइआं लोक्का करगा, सैह़ सुअर्ग दे राज्जे च बड्डा हुंगा।

कने जेह्ड़ा कोई मेरे नांऐ ते इक्क ऐदेय जागते जो अपनांदा ऐ सैह़ मिन्जो अपनांदा ऐ।

“मैं तुहां नैं सच्च ग्लांदा ऐ, जेह्ड़ा कुच्छ तुहां धरतिया पर बन्नगे, सैह़ सुअर्गे च बन्नेया जाणा, कने जेह्ड़ा कुच्छ तुहां धरतिया पर खोलगे, सैह़ सुअर्गे च खुलणा।

“इआं ई जे तुहां च हर इक्क अपणे भाऊये जो दिले ते माफ नीं करगे, तां मेरा पिता जेह्ड़ा सुअर्गे च ऐ, तुहां नैं देहया बर्ताब करगा।”

“अपर जेह्ड़ा कोई इन्हां लोक्केयां च जेह्ड़े मिन्जो पर बसुआस करदे हन, कुसी इक्की ते पाप करवां, तिसियो परमात्मा सज़ा दिंगा, अपर परमात्मे दिया खतरनाक सज़ा ते एह़ खरा कि बड्डे घराटे दा पुड़ तिसदे गल़े च लटकाई करी सैह़ समुंदरे च सट्टी दित्ता जां।

“तुहां क्या सोचा दे हन? मन्नी लेआ कुसी माणुये दियां सौ भेड्डां होन, कने तिन्हां च इक्क गुआची जां, तां क्या सैह़ नड़ीनूयें जो छड्डी नैं प्हाड़ां पर जाई नैं, तिसा गुआचिया जो नीं तोपगा?