Jua 3 的热门经文

分享

»Tuxi ndá kitsitjo xu̱ta̱ nga̱sunde Namiña Diuu̱, ku kitsjua Kjindi tjunꞌe̱n, nga̱tꞌa ngieje xi sꞌejínre nga̱tꞌana najmí ni̱tjin nga ꞌmé, tusátse sakúre kju̱a̱mijñachun nguxikaꞌa.

Kuijí xá kitsingiyana Namiña Diuu̱ tsa xu̱ta̱ nga̱sunde tsijéna, tusáni kju̱a̱ꞌekꞌátsjengiꞌan.

Ku̱i̱cha kitsú Kjesuu: —Kju̱a̱xikjainni, tsa ngu xu̱ta̱ mejínre nga tjukja tjatse, najmí ni̱tjin sku̱e̱ ngande jmá kjibatexuma Namiña Diuu̱.

»Xi sꞌejínre nga̱taꞌna, nga án xi Kjindiꞌe Namiña Diuu̱ꞌan, najmí ni̱tjin nga Namiña Diuu̱ tsijere. Ta̱nga tsa tjin xi sꞌejinjínre je kisakungi jee, nga̱tꞌa kisꞌejinjínre nga̱tꞌaꞌe xi Kjindi ngu tutuꞌe Namiña Diuu̱.

Ku ku̱a̱cha tsitsjé kju̱a̱ Namiña Diuu̱: án xi jiꞌiꞌan kui nga̱sunde, ku án kui ndiꞌi xi fatꞌae jmanga jñu, ta̱nga xu̱ta̱ xi kju̱a̱xaba máre ñaꞌán jñu skabe ndiꞌi xi majínre tsitsejénña.

Kuí xi tsubáre nga ꞌñu nichjiꞌe ngisa, tukꞌuajíre̱ nga án.

Ngieje xu̱ta̱ xi najmi xaba tsiꞌin chꞌore ndiꞌi xi tsiꞌasénña, ku tsitiñajínre yajo̱ꞌe, nga̱tꞌa mejínre nga bitjutsejen najmi xi inchatsiꞌin.

Xi sꞌejínre nga̱tꞌaꞌe Kjindiꞌe Namiña Diuu̱ sakúre kju̱a̱mijñachun nguxikaꞌa, ta̱nga xi tꞌeꞌenjínre̱ Kjindiꞌe Namiña Diuu̱ sakujíre kju̱a̱mijñachun, tusani jee tsjuare Namiña Diuu̱.

»Xukúcha kitsikisitjen ye̱ kicha siné Moise kꞌi̱a̱ nangi kixí, ku tekuácha án, xi Kjindiꞌe xu̱ta̱ nga̱sunde, tekuácha tsubáre nga kꞌa nikisitjénna

»Namiña Diuu̱, xi Nami, ku tjore̱ Kjindiꞌe, ku kitsjuáre̱ ngaꞌñu nga kui tsiꞌin manda ngieje nga̱sunde.