Kapyegèle 2 的热门经文

分享

A Pyɛri be yari: «Ye kàdoʔo wáa yele kapeegèle ma, yele myɛ nibin nibin si batɛmiw kpéʔele Zyezu Kirisi mɛ́ɛgi na, koro ga pye Kolocɔlɔɔ í yele kapeegèle kùsulugo syɔɔ, si yakaangi kaan yele ma gi nyɛ lè Pìicǎnni.

A be kòro ni pìitunbèle tamana lúro, níì pye pínɛnyɛnnɛgɛ na ní tágafɔzanbèle ní, ní wɔ́ɔ i búruw kabagi peyɛɛ na, ní i nyɛ́ɛri Kolocɔlɔɔ ma.

A pe myɛ fúnyo nyìn Pìicǎnni na, a be fala ni syɛɛnfeleraa nikwɔɔ nyuu àmɛɛ Pìicǎnni di le lè be nyɔ́ɔyi ni.

Lǎli bee ni a kàfulogo fala n yìri terire nyɛ̀ʔɛni na, àmɛɛ káfalakpɔʔɔ kàfulogo nyɛ lè, a gi baa kpáagi myɛ nyìn, gee ni pe da pye lè wodɛ́ɛnbéle ní. A be yariraa nyaa mɔ a jo naanyìnye yii. A yi wálagi n tɛ́ɛn be na nibin nibin. A pe myɛ fúnyo nyìn Pìicǎnni na, a be fala ni syɛɛnfeleraa nikwɔɔ nyuu àmɛɛ Pìicǎnni di le lè be nyɔ́ɔyi ni.

Pe maa kòro ni syée kpɔ̀ʔɔrɔli kpaʔa ma canʔa o canʔa ní fungo nibin ní, ní i búruw kabagi peyɛɛ na be kpáayi ni, ní i líi ní fundaanra ní, ní funjànya ní, ní i Kolocɔlɔɔ kpɔ̀ʔɔrɔ́, a be kéeli syɛ́ɛnbèle myɛ dɛ́nɛ. Bele be syoo lè, a Kàfɔw i bele bee fàrá Egiliziw na canʔa o canʔa.

‹Kolocɔlɔɔ n gi joo níì jo: Canzanyi ni mii a mii Pǐli yàli syɛ́ɛnbèle myɛ na. Yele nànbiigèle, ní yele calipiigèle a ba ra kérigèle nyaagi da nyuu, yele wojáribèle a ba ra yanyaayi nyaagi, yele wolɛɛbèle sáā ŋúnɔyi ŋúnɔ.

Bele myɛ be tága lè, a be pínɛ ni kòró ní peyɛɛ ní, níì pe yáriri myɛ kpéʔele peyɛɛ wóro. A be i be tári ní be kɔlɔ̀ yáriri pára ni lee peyɛɛ na ni yɛlɛgi ní pe myɛ nibin nibin màkonyɔɔrɔ ní.

Lǎli bee ni syɔ́ɔnwee faala wi ga Kàfɔw mɛ́ʔɛ yeri lè, wee bee a syɔɔ.›

Cángi a ba kàri yébilimɛ, yégi si kàri sìsyaan, sáni Kàfɔw cângbɔʔɔ í nan lè ki lè nìjangbɔɔri canʔa.