Matiyu 24 的热门经文

分享

Kóyoongɛ ó yáa fáan sɔ́ɔ, tó dhyáaɲɔɔnya óo lɔ́ɔya mɔɔn gbɔ́gbɔ yóso lɔ. Wáa mɔɔn mín ngɛ í lɔ́ja kɛ táa sé a la ŋó mán, o yáa kísi.

Sanmankanmɛɛ mín nvɔnin ŋé Ala yɛ́ Mansaya ó tá fa nvɛ́ nín, o sanmankanmɛɛ ó yáa í láse dínɲan ó ywáa bɛ́ lɔ, kɛ kɛ́ sɛ́ɛya lé síya ólu bɛ́ yɛ, tó dínɲan é tó í lábhanan.»

A yáa kɛ́ɛkɛkan nu myɛ́n, óni kɛɛko lu mánngan, o sí kɛ́nan a mánshaan: Fɔ́ olu a kɛ́ lé, wáa o táa kɛ́ dínɲan labha ŋo sénin ne.

Síya lɔ yáa í wíi síya gbɛ́ɛlu kanman, yamaanlɔ yáa í wíi yamaan gbɛ́ɛlu kanman. Kɔ́ɔn yáa kɛ́ ywáa shɛ́ɛman nɔn, lúukolo ó yáa yáayaa ywáa shɛ́ɛman nɔn. O kó ó bɛ́ yáa kɛ́ tɔ́lɔya ólu lámyaan o le óyoo muso tínndɔ ó ó tɔ́lɔya myáanla tɛ́nmɛn ne.

Sángboo óni lúukolo ó yáa tínmin, wáa ɲɛ́n kóman ólu táa tínmin tún.»

Kɛ mansɔɔ mɔɔn shɛ́ɛman ɲáan nan nín ndɔ́ɔ óle kɛ́ fɔ kó: Né lée Kílisi o le. I yáa mɔɔn shɛ́ɛman náfii o bhóo ó mán.

Mɔɔn ólu yáa a ló bhóolɔ, i yáa a fáa. A yáa gbóya yamaanlɔ mɔɔn ólu yɛ né tɔ́ɔ ó kósɔn. Lánanya o yáa bhɔ́ mɔɔn shɛ́ɛman móo, i yáa bhɔ ɲɔ́ɔn ngwɔ́kɔɔ, i yáa gbéya ɲɔ́ɔnɲɛn. Céla kóo ngóo nzhɛ́ɛman ɲáan yé, i yáa mɔɔn gbɔ́gbɔ láfii.

Ɛnza ŋé i yawi kó: «Áa í yáakii tó a yɛ́ɛ lɔ, a kɛ́nan tó ké mɔɔn lɔ́ a a láfii

O kósɔn, Álee lɔ́bhyɛnin ŋán kɛ́, kɛ mansɔɔ a tɛ́ í milila wáati mín mán, mɔɔn Dhyénjɛ ó káa nan ó wáati ó lé lɔ.»

Oo lɔ mínngɛ, áa tó í ɲánla, kɛ mansɔɔ a mán a yɛ́ Mantii o nánlo ŋo lɔ.

«O kó ólu káa kɛ́ ló mínnan, wáman wáati kée mínnɔn, mɔɔn óo mɔɔn mán o lɔ, malɛɛka olu mán lɔ, háanin Dhyénjɛ ó mán o lɔ. Ala mín ŋé Fá óle, o kéembe lé a o lɔ.

Kílisi kóo ngóo ni céla kóo ngóo nzhɛ́ɛman ɲáan í wíi, i yáa tɔ́ɔmansiibaba ní káwananngo bá bá lú kɛ mɔɔnlafii tɔ́ɔ lɔ, háanin Ala yɛ mɔɔn lɔ́tɔnmɔnnin ŋólu, i yáa olu láfii o ɲánɲiin.

Kó míin kɛ́ Nuwo yɛ́ tée ó lɔ, o ɲɔ́ɔn ɲáan kɛ́ íkwɔ mɔɔn Dhyénjɛ nan wáati ó lɔ: Tínɲan o wáati o lɔ, ké sámba ó mán nan bhá, mɔɔn ólu tɛ́ɛ lɔ́minkɛla, i lo ndɛ́ɛ í mínnan, i tɛɛ muso fúu kɛ́la óni kɛ i dhyémuso lú ló fúu la. Fɔ kɛ́ táa sé Nuwo lo no ŋó mán kúunmba ó kɔ́ɔnnɔn. I mán sówi fósi mán, fɔ sámba óo bé lo mínnan kɛ mɔɔn bɛ́ látuun. Mɔɔn Dhyénjɛ ó, ó nánlo ŋó káa kɛ́ céne íkwɔ.