ወንጌል ዘዮሐንስ 10 的热门经文

分享

ወሰራቂሰ ኢይመጽእ ዘእንበለ ከመ ይስርቅ ወይጥባሕ ወያኀጕል ወአንሰኬ መጻእኩ ከመ ይርከቡ ሕይወተ ዘለዓለም ወፈድፋደ ይርከቡ።

አነ ውእቱ ኖላዊ ኄር ወኖላዊሰ ኄር ይሜጡ ነፍሶ ቤዛ አባግዒሁ።

ወአባግዕየሰ እሊኣየ ይሰምዓኒ ቃልየ ወአነሂ አአምሮን ወእማንቱ ይተልዋኒ።

ወአነሂ እሁቦን ሕይወተ ዘለዓለም ወኢይትኀጐላ ለዓለም ወአልቦ ዘየሀይደንዮን እምእዴየ።

አነ ውእቱ አንቀጸ አባግዕ ዘበአማን ዘቦአ ብእሲ እንተ ኀቤየ ይድኅን ወይበውእ ወይወፅእ ወይረክብ ምርዓየ።

አነ ውእቱ ኖላዊ ኄር ወአአምር ዘዚኣየ መርዔትየ ወየአምራኒ እሊኣየ።

እስመ አቡየ ዘወሀበንዮን ውእቱ የዐቢ እምኵሉ ወአልቦ ዘይክል ሀዪደ እምእዴሁ ለአቡየ። አነ ወአብ አሐዱ ንሕነ።

ወበከመ የአምረኒ አብ አነኒ አአምሮ ለአብ ወእሜጡ ነፍስየ ቤዛ አባግዕየ።

ወአልቦ ዘየሀይደንያ አላ ለልየ እሜጥዋ በፈቃድየ እስመ ብዉሕ ሊተ አንብራሂ ወእሢማ ወብዉሕ ሊተ ካዕበ አንሥኣ ዘንተ ትእዛዘ ነሣእኩ እምኀበ አቡየ።

ወካዕበ ይቤሎሙ እግዚእ ኢየሱስ አማን አማን እብለክሙ አነ ውእቱ አንቀጸ አባግዕ።

ወዐሳብሰ ዘኢኮነ ኖላዌ ወዘኢኮና አባግዕ ዘዚኣሁ ሶበ ይሬኢ ተኵላ እንዘ ይመጽእ ይጐይይ ወየኀድግ አባግዒሁ ወይመሥጦን ተኵላ ወይዘርዎን ለአባግዕ።

አማን አማን እብለክሙ ዘኢቦአ እንተ አንቀጽ ውስተ ዐጸደ አባግዕ ወዐርገ እንተ ካልእ ገጽ ሰራቂ ወፈያት ወጕሕልያ ውእቱ።