Genesis 1 的热门经文

分享

Chaypa ipanmanñatacmi Tayta Dios nin: “Yaꞌanchictanülla nunäta camaśhun. Chayćha challwacunäta, pälïcunäta, ñutu uywacunäta, chucaru uywacunäta, śhullwaypa pulï culucunätapis munayllanćhu uywaycunꞌa” nil. Chay nilculmi Tayta Dios quiqui-quiquintanülla nunäta camala; walmi-carictam camala.

Chaynu licalilcachilmi allin caycälinanpä Tayta Dios nin: “Allin capäcuy, milapäcuy; cay jinantin pachäman milapäcuy. Jinal sumäpa licaycul munayllayquićhu cachipäcuy; lamarcäćhu cä challwacunätapis, pälï imaymana uywacunätapis, śhullwayllap pulï imaymana culucunätapis” nil.

Manalä imapis cayaptinmi, Tayta Dios janay pachätawan cay pachäta camala.

Cay pachaca manam ima caśhanpis tuqui camalälachu; lluy yaculla cayäcätam yanawyayä pucutaylla ñitiläcula. Chayćhu Tayta Diospa Chuya Ispiritunꞌa cayälañam.

Chayćhümi Tayta Dios “Acchi cachun” nin. Niptinmi acchica cala.

Chayćhümi Tayta Dios lluy camaśhancunäta lical: “Caycuna maynu sumä tuqui allinmi” nila. Chaynüpam sütayänan muyunca cala.

Chay acchica allin captinmi, Tayta Dios acchïta tutäpi laquila.

Chaynütacmi nin: “Cay pachäćhu imaymana wayuyniyu, mujuyu jaćhacunätam maquiquiman ćhulaycamú; caycunapïćha micapäcunqui.

Jinalculmi acchïta “muyunmi canꞌa” nil śhutichäla. Chay tutawyäcätañatacmi “tutam canꞌa” nin. Chaynüpam wamä cä muyunca cala.

Ishcayyänan muyuncäćhümi Tayta Dios nin: “Yacup ćhawpinćhu jäcuyä cachun; chayta lluy laquichun” nil.

“Ñatac śhullwaypa pulïcunaca, lluy pälïcunaca, lluy chucaru uywacunäpis pastucta micapäcunanpämi uycú” nil. Chaynümi cala.

Tawayänan muyuncäćhüñatacmi Tayta Dios nin: “Muyuncätapis tutätapis laquinanpä acchi janay pachäćhu cachun. Chayćha camalachinꞌa ima timpucunätapis, muyuncunätapis, watacunätapis

Chay muyuncällaćhütacmi Tayta Dios: “Cay allpäćhu imaymana wiñäcuna cachun, ulacunapis mujuyü-cama wiñapäcuchun, jaćhacunapis mujuntin-cama, lluy imapis tincüninman-camalla milapäcuchun” nil. Chaynümi cala.

Chaynümi Tayta Dios lulala: chay janay pacha lädućhu jäcücäta lulalculmi chay luli lädućhu yacüta laquila janay lädućhu yacupïta.

Imaymanam wiñayta allacaycamun: ulacunapis jaćhacunapis mujuyü-cama, lluy imapis chay licchä-cama mujucta ćhuläcunapis. Chayta licayculmi Tayta Dios: “Cayꞌa allinmi” nila.

Tayta Diosmi cay ishcaynin jatućhaćhä acchïta lulala. Mayurcätam muyuncäta acchinanpä, śhullcätañatacmi tutäta acchinanpä; jinaman uyllurcunätapis lulalam.

Quimsayänan muyuncäćhümi Tayta Dios nin: “Janay pachap lulïninćhu lluy yacucunaca jucllayllaman juntunaculcay, jinaptin chaquica licalichun” nil. Chaynümi cala. Chay chaquictam “allpam” nila. Chay achca juntunacü yacütañatacmi “lamar” nila. Tayta Diospä chay allinmi caycula.

Chaynu licalilcachilmi sumä allin captin Tayta Dios nin: “Lluy allin capäcuy, milapäcuy; jinantin lamarćhu cä yacucunäman juntapäcuy. Pälïcunäpis jinantin allpäman milapäcuy” nil.

Sütayänan muyuncäćhüñatacmi Tayta Dios nin: “Cay pachäćhu imaymana cawsä uywacuna caycuchun: mansu uywacuna, chucaru uywacuna, śhullwaypa pulïcunäpis lluy tincüninman-cama milaycuśhtin” nil. Chaynümi cala.

Pichayänan muyuncäćhüñatacmi Tayta Dios nin: “Yacucunäćhu imaymana cawsäcuna milapäcuchun, imaymana pälï uywacunapis cay jinantin allpäćhu caycuchun” nil.

Chaynüpam Tayta Dios lluy imaymana jatućhaćhä uchuchachä mansu chucaru uywacunätapis lichcällanman-cama, śhullwaypa pulïcunätapis lichcällanman-camatac camala. Chayta licayculmi “Cayꞌa allinmi” nila.