Gênesis 17 的热门经文

分享

Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Xawakni hi Abrão-patkayi phiwakpatkani Abraão klu tshinanu nkamhatkayi hixonerune hiru pixyawakpatka.

Hita wane ntshinanyi numlujyayi hikeklu hohne hnikawnanu numluklewle. Pixaymano hiyrun-koxa piklopichaneymano, pixa whenene hapkatatatshinepa koxa ymapno. Pixa Poyakalutno hiyrun-koxa piklopichane Hoyakalutepno.

— Hita wan-tshinyi pixa; pixa hixo nerune kakojerune hirupyi.

Waneya wane htshinru Hoyakalu: — Hike seyni Sara, phanunro wuhenewatanu jejipni. Putakhiwakatanru Isaque; wale Isaque numlukanu xye numluklewle nkamhinru, nunkaklexinna koxa Isaque klopichane, hikeklu hohne mnikawnakatupa.

Canaã tshiji psoluka, pwajexyawaka, pa neru tshijneya nenekanyi pixa hiyrun-koxa piklopichane, ptowru hohneruka mnikawnakatupa hixa hwalerupa. Wanna Hoyakalutepno.

Waneya Abraão tshij-hoho hyotshrijrotatatka, rutsolhiwata waneya wane htshinnawa: “Rumukata wuhenewlethe sat-jeji cem mhalerututka, Sara koxa noventa mhaletka, tumukata wuhenewlethe?”

Waneya wane koxa htshinatkalu Hoyakalu, Abraão: — Phanunro Sarai xawakni wane pnute hohnepatka hi Sarai ptshinanro seyni Sara.

Hiptojimta rustajiko; waneya xyekni hekhitanru nuchinkapkaklewle Hita, hixayma.

Seyni Isaque potuko nuchinkapkakanu ptowru nunkakletleru pirana. Sara honra matkajinyi Isaque pa kata hetkoko xyeklu papkokotnaka.

Ptowru jeji, ptowru piklopichane oito hohne rixini rustakko. Ptowreru pixasko matuxikatshri hiyrun-koxa paneru hanjixikolu yehi hwatshri wane hixko. Pjiprojhaptojitanru ptowru jeji pixasko matuxikatshri hiyrunu katukta ptiyiroteyma panjireru wane hixko. Hiyáhoni ruchinkapko ntshinreru hix-mane hikeklu hohne mnikawnakatupa.