Matiyu 5 的热门经文

分享

Njawu fee tikesha kǝ chipan fee tǝ ɗuliya wa. Naa fee ɗǝftǝ kǝ yikaa, kǝthlǝm kǝ fǝrantǝ ɗaˈkǝt nat nafchiɗi ǝ wuran. Kǝɗu paɗ, malaman kǝ nǝ nafcha ɗaˈkǝtɗi nech hwirˈyowun. Kǝthlǝm maa ǝ nii ndǝ kwastǝ tarchiɗi thlǝnandǝwun, nandǝ fǝran maandǝ Chinwun thla nech hulafǝrta.”

“Kun nech kǝ ɗaˈkǝta ǝ hur heshi. Nat mǝrǝɓɗi tǝndǝ fee ɗar tingringnda wuɓ wa ha wa.

Fǝ mbǝs ichǝ har, fee nech chiɗ chiɗ tǝ wanɗǝkaɗata, kǝthlǝm nandǝ naa Farta.

Fǝ mbǝs ichǝ har, kǝmɗi fee thlǝ yahtǝ wanɗǝkaɗechˈyanda, ndaˈan nech kǝ thlǝnandǝ ǝnɗi yahtǝ Farta. Kǝthlǝm nandǝ choktǝ kǝ nafchǝɗi naa fee nggallandata.

Tǝkǝɗu nggǝt ndowundǝ wa, kǝ yehin atǝkrechǝwun, kǝ shiwun kǝ ɗar fee nech ɓahowunda.

“Fǝ mbǝs ichǝ har, fee sinchǝ wa wulan fat tanda hur Shemeta. Kǝthlǝm kutǝrakti hulafǝrta yinanda.

Fǝ mbǝs ichǝ har, kǝmɗi fee thlǝ mbǝnanchi pǝthlǝr nafchǝ kaɗi, kǝthlǝm nech Farta ˈya tanda wa wanchiyan.

Fǝ mbǝs ichǝ har, fee nech tǝ sǝɓtǝ wanɗǝkaɗata, kǝthlǝm naa Farta mbiɗaandǝ wanɗǝkaɗechˈyanda.

Fǝ mbǝs ichǝ har, kǝmɗi fee naa fee ɓahandata kǝthlǝm chǝt ǝnɗi yah tǝ Farta. Kutǝrakti hulafǝrta nan choktǝ kǝ yinanda.

Fǝ mbǝs ichǝ har, fee thlǝ haɗandǝ nafchǝ fa, kǝthlǝm nandǝ haɗandǝ Farta fa.

“Kun fǝ mbǝs ichǝ har, maa nafchǝ ˈyarawunchi, kǝ fǝrowunchǝ ndǝ ɓahta, tandǝ mbuˈ sǝɓtǝ icha kǝ inwun tǝ lekta, kǝthlǝm nggǝta. Mbǝnam fata tǝ chiɗ chiɗ tǝ wanɗǝkaɗata kaˈan, kǝthlǝm nowun mbǝs kǝnawan kaˈan hulafǝrta. Kǝthlǝm kǝɗu paɗ ɓahandǝ ndǝ fee fǝ shenuˈtǝ tǝ yahti Farta fee lech nat ha mǝ kun.

Fǝ mbǝs ichǝ har, kǝmɗi fee thlǝ thlaˈawakchǝ inda, kǝthlǝm naa Farta fǝranda ǝnɗi ɗǝftǝn miyan.

“Kun nech kǝ fisha ǝ hur heshi. Tǝkǝɗu ma ǝ tǝr mbǝndi fish kaɗi, tǝ kǝn naa fee nggǝrandǝ mbinan kaɗi? Chokchan kǝ kohaɗan peˈwu fee chǝt ǝnsǝ wa. Tǝn fee thlǝrandǝ kaɗ ndak kǝn fee ɗǝsanda.

Kǝthlǝm ndaˈan kǝ nɗiiɗ wun kaɗi, kǝɗ ǝnɗi naa Chinwun thla nech hulafǝrta kǝ ndiiɗan.

Ənɗi kǝmchǝs kǝ mbuˈ nefa, ndaˈan nech kǝ, ‘Əa’ ndu ‘Auwa.’ Ənɗi mbǝranchi ha kǝɗu, thlaˈchan yu mǝɗi hweˈra, ɓǝɓiˈan.

“Sǝk wun ǝ mbuˈ fee hur Laulawati Farta choh ndat wa, ‘Nafɗi huhlanchi weniti sheɗan kaɗi, mǝthlan paɗ kǝ kǝtan fee yaˈan kaɗ kǝ kwaran. Nafɗi kǝtanchi thleni sheɗan kaɗi, mǝthlan paɗ kǝ kǝtan fee yaˈan kaɗ kǝ kwaran.’ Nggǝt mbuˈowunda tǝ ndat wa, thla yahchǝ chu ɓǝɓifat fa, malangko tǝ ǝna chitˈyan. Maa ǝ mbali yowun wech ǝ mbertǝyo yi harsǝm, tǝɓranko mbertǝ thla fǝ paɗ.

Maa wenitiyo yi harsǝm thlǝ ɗǝfchǝ wech kǝ chin ɓǝɓifata, huhlanko kaɗi kǝ mikeen kaɗi. Kwechan kǝ kuɓen tanggathla fat arta ǝ fiyo mǝ kǝ mǝk fee nat fatˈyo kǝ hur wur wata. Maa herˈyo yi harsǝm thlǝ ɗǝfchǝ wech kǝ chin ɓiɓǝfata thlen ko kaɗ kǝ mǝkeen kaɗi. Kwechan kǝ kuɓen tanggathla fat arta ǝ fiyo mǝ kǝ mǝk fee nat fatˈyo kǝ hur wur wata.