Gḭ-Néje 6 的热门经文

分享

Njesigənea̰ ndiŋga rəa dɔ kunda gə́ yeḛ unda dəw dɔ naŋg neelé ndá ar mée ea̰ tɔ.

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Nɛ Noe lé taa kəm Njesigənea̰ rəgm ya.

Aa ooje, ŋgaka Noe ɓa to nee. Noe lé to nje néra gə́ danasur ləm, gə njegelgodo ləm tɔ mee ndɔje gə́ yeḛ si ne kəmba lé ya, Noe lé aa dɔ ta lə Ala kər-kər tɔ.

Njesigənea̰ pa pana: M’a tuji dəw gə́ m’undá dɔ naŋg neelé karee udu, un kudee dɔ dəw’g saar teḛ ne dɔ nékulje’g ləm, gə daje gə́ d’ag naŋg gə ta mee dee ləma, gə yelje gə́ d’aw pə̰ dara’d gə́ tar ləm tɔ mbata ma m’ndiŋga rɔm dɔ kunda gə́ ma m’unda dee lé.

Loo gə́ dəwje d’un kudu kɔs goo na̰ gə́ kédé-kédé dɔ naŋg nee ləm, d’oji ne ŋganje gə́ dené ləm tɔ ndá ŋgan-Alaje gə́ diŋgam d’oo to gə́ ŋgan dəwje gə́ dené lé ma̰də kəm dee’g ndá deḛ mbər njé gə́ na̰je mbuna dee-deḛ lai gə́ taa kəm dee lé, taa deḛ gə́ denéje lə dee. Yen ŋga Njesigənea̰ pa pana: Ndiləm a si mee dəw’g saar-saar gə no̰ el mbata dəw lé to gə́ dakasrɔ ba ndá ndɔje gə́ ka̰ si kəmba ləa d’a kas ləb tɔl dəa rɔ-joo ba ŋga. Mee ndəaje’g neelé dəwje gə́ ŋgal pur-pur d’isi dɔ naŋg nee ya gə goo kɔm gə́ ŋgan-Alaje gə́ diŋgam d’ɔm na̰’d gə ŋgan dəwje gə́ dené ar dee d’oji ne ŋganje lé. Deḛ nja to dəwje gə́ ləw gə́ to ɓəl kədm-kədm gə́ ri dee ɓar yaa̰.

Yee ɓa gə́ né gə́ Noe ra. Yeḛ ra néje lai gə́ Ala un ndia aree lé aree ɔr rɔd ya.

Bèe ɓa Ala ula Noe pana: ndɔ gə́ rudu dəwje lai gə́ dɔ naŋg nee a gə kun ɗiao lé ma m’wɔji mba̰, mbata deḛ d’ar néra gə́ kərm-kərm taa loo dɔ naŋg nee pəl-pəl, aa oo, m’a kar dee tuji gə naŋg nee bura ya.

Maji kari ra kəi-kag gə kag gə́ ɓaree goper. Kəi-kag neelé i a gaŋg mee ɓəd-ɓəd gə́ ŋgan kəije ndá i a rḛdə mée gə giree gə tibi né gə́ to asəna gə tibi ɓida bèe.

Ala aa loo oo naŋg nee ndá aa oo, to asəna gə né gə́ ndum ya. Mbata darɔ dəwje lai tuji rəw-kaw deḛ gə́ dɔ naŋg nee pugudu-pugudu.

Néje lai gə́ d’aw kəmba’g əsé dan nékundaje’g lai lé i a kwa dee joo-joo gə gel dee gel dee mba kar dee d’andə səi mee kəi-kag’d ɓó gə kar dee d’aji səi na̰’d tɔ, bɔ da gə ko̰ da lé i a kwa dee joo-joo bèe.