Génesis 1 的热门经文

分享

Jix lawi tuꞌ xin, jix yalon pax Dios jaxca tiꞌ: Jaꞌ tinaniꞌ xin, cu waꞌne ebꞌ ánima jaxca keoc tiꞌ, yet watxꞌ chi yakꞌ yaawil ebꞌ yibꞌan noꞌ pescado ey yul jaꞌ mar, yibꞌan masanil noꞌ tzꞌiquin, yibꞌan masanil noꞌ jobꞌbꞌeal noꞌ, yibꞌan noꞌ xol-laj teꞌal noꞌ yetoj cꞌal yibꞌan noꞌ chi sjutx sbꞌa sat txꞌotxꞌ txꞌotxꞌ. Catuꞌ jix waꞌnele ebꞌ ánima yu Dios jaxca wal yeocoj. Jix waꞌnele naj winaj yetoj cꞌal ix ix.

Jix lawi tuꞌ, jix yakꞌon syaaxilal yibꞌan ebꞌ; jix yalon tet ebꞌ jaxca tiꞌ: Aloj ojabꞌ je yuninal, chꞌibꞌ ojabꞌ je bꞌisil, no ojabꞌ el sat txꞌotxꞌ txꞌotxꞌ tiꞌ je yu. Catuꞌ che yakꞌon yaawil yul yibꞌankꞌinal tiꞌ, yibꞌan noꞌ pescado ey yul jaꞌ mar, yibꞌan noꞌ tzꞌiquin chi ecꞌ jenenoj satcan, yetoj cꞌal yibꞌan masanil noꞌ noꞌ chi ecꞌ sat txꞌotxꞌ txꞌotxꞌ tiꞌ.

Jaꞌ yet yichbꞌanil, jaꞌ Dios jix waꞌnen satcan cꞌal txꞌotxꞌ txꞌotxꞌ tiꞌ.

Jaꞌ yet tuꞌ uchquiltaj yeoc yibꞌan txꞌotxꞌ txꞌotxꞌ tiꞌ, tzꞌinini yili, jaꞌlaj cꞌal eloj, kꞌej jolinaj yili yibꞌan masanil yul yibꞌankꞌinal tiꞌ. Jaꞌ Yespíritu Dios chi ecꞌ yibꞌan jaꞌ jaꞌ.

Jix yalon Dios jaxca tiꞌ: Ey ojabꞌ sajkꞌinal; catuꞌ jix jul can sajkꞌinal.

Jix yilon oc Dios jantaj tzet jix swaꞌne, tol caw watxꞌ jix yun swaꞌxi masanil. Jix ecꞌ junxa akꞌbꞌal yetoj junxa cꞌu, queytuꞌ jix yun stzꞌajna yet swaj cꞌual.

Jix yilon Dios tol watxꞌ jun sajkꞌinal tuꞌ. Catuꞌ jix spoꞌon el sajkꞌinal xol kꞌejkꞌinal.

Jix yalon pax Dios tet ebꞌ ánima tuꞌ jaxca tiꞌ: Chi wakꞌcan masanil tujan an cꞌultaj tol ey yinatil, yetoj masanil sat teꞌ teꞌ je loꞌbꞌeoj.

Jaꞌ sajkꞌinal tuꞌ cꞌualil jix yij can sbꞌi yu Dios, jal kꞌejkꞌinal, akꞌbꞌalil jix yij canoj. Jix ecꞌ jun akꞌbꞌal yetoj jun cꞌu, queytuꞌ jix yun stzꞌajna jun bꞌabꞌel cꞌu.

Jix yalon pax Dios jaxca tiꞌ: Ey ojabꞌ junoj tzetyetal chi ey jenan yul yibꞌankꞌinal tiꞌ, catuꞌ jix spoꞌon el sbꞌa jaꞌ jaꞌ yu.

Masanil noꞌ jobꞌbꞌeal noꞌ, noꞌ xol-laj teꞌal noꞌ, noꞌ chi sjutx sbꞌa sat txꞌotxꞌ, cꞌal noꞌ tzꞌiquin, jain chi wakꞌcan an cꞌultaj cꞌal xaj teꞌ teꞌ sloꞌbꞌeoj noꞌ. Jaxca ton tuꞌ jix yunne.

Catuꞌ jix yalon Dios jaxca tiꞌ: Ey ojabꞌ junoj tzetyetal ey bꞌey satcan, yet chi stzejtanele sat txꞌotxꞌ txꞌotxꞌ tiꞌ, yet chi spoꞌon sbꞌa cꞌualil yetoj akꞌbꞌalil, yet chi xꞌoxon junjun cꞌu cꞌal abꞌil, cꞌal tiempolaj. Jaxca ton tuꞌ jix yun yelocoj.

Jix lawi tuꞌ, jix yilon Jehová tol caw watxꞌ yili yuxan jix yal jaxca tiꞌ: Ey ojabꞌ teꞌ teꞌ cꞌal an cꞌultaj chi chꞌibꞌ sat txꞌotxꞌ tiꞌ, teꞌ teꞌ chi yakꞌ sat, cꞌal teꞌ chi yakꞌ yinatil jatacꞌalaꞌ tzet teꞌal. Jaxca ton tuꞌ jix yunne.

Jaꞌ yet jun txolan tuꞌ, jix poꞌocha cantoj snan jaꞌ jaꞌ tuꞌ yu Dios, caabꞌ tujan jix yun cantoj jaꞌ, nan jaꞌ jaꞌ tuꞌ jix cancan yalan, catuꞌ nan jaꞌ jix cancan yibꞌan.

Catuꞌ jix aol teꞌ teꞌ sat txꞌotxꞌ txꞌotxꞌ tiꞌ, masanil an cꞌultaj, an chi yakꞌ sat jatacꞌalaꞌ tzet jinatil, cꞌal teꞌ teꞌ chi yakꞌ sat jatacꞌalaꞌ tzet teꞌal. Jix yilon Jehová tol caw watxꞌ jix elocoj.

Jaꞌ Dios tuꞌ jix swaꞌne pax caabꞌ mimej tzejtebꞌal. Jaꞌ jun tzejtebꞌal yel miman skꞌakꞌal, chi oc yopiso yet cꞌualil, jal junxa tzejtebꞌal tol txenne skꞌakꞌal, chi oc yopiso yet akꞌbꞌalil; catuꞌ jix swaꞌne pax masanil weycan.

Jix yalon pax Dios jaxca tiꞌ: Syambꞌa ojabꞌ oc sbꞌa jaꞌ jaꞌ yalan satcan tiꞌ, yet watxꞌ junxane chi yun can jaꞌ, catuꞌ chi txeclo can a txꞌotxꞌ txꞌotxꞌ yin tajinal. Jaxca tuꞌ jix yun yet jun txolan tuꞌ. Jaꞌ bꞌey jix txeclo can a yin tajinal tuꞌ, txꞌotxꞌ jix yij can sbꞌi; jal jaꞌ jaꞌ jix syambꞌa can oc sbꞌa tuꞌ xin, mar jix yij can sbꞌi jaꞌ.

Jaꞌ Jehová, jix yakꞌ syaaxilal yibꞌan masanil noꞌ noꞌ jix swaꞌne tuꞌ, jix yalon jaxca tiꞌ: Uneꞌwoj ojabꞌ noꞌ, chꞌibꞌ ojabꞌ sbꞌisil noꞌ, no ojabꞌ el yul jaꞌ mar yu noꞌ. Jacꞌalaꞌ pax noꞌ tzꞌiquin, chꞌibꞌ ojabꞌ sbꞌisil noꞌ bꞌey yul yibꞌankꞌinal tiꞌ.

Jix yalon pax Jehová jaxca tiꞌ: Pitzcꞌu ojabꞌ a masanil junjun tujan noꞌ noꞌ bꞌey sat txꞌotxꞌ txꞌotxꞌ tiꞌ, noꞌ jobꞌbꞌeal noꞌ, cꞌal noꞌ xol-laj teꞌal noꞌ, yetoj junjun tujan noꞌ chi sjutx sbꞌa sat txꞌotxꞌ.

Jix yalon pax Dios jaxca tiꞌ: Pitzcꞌu ojabꞌ a noꞌ noꞌ bꞌey yul-laj jaꞌ jaꞌ, cꞌal masanil noꞌ tzꞌiquin chi ecꞌ jenenoj bꞌey yul yibꞌankꞌinal tiꞌ.

Jix waꞌnele masanil junjun tujan noꞌ noꞌ ey sat txꞌotxꞌ txꞌotxꞌ tiꞌ yu Jehová. Caw sakꞌal jix eloc jix yilaꞌ.