Ioane Ioane vaḡa-foforina guruḡari
Ioane vaḡa-foforina guruḡari
Ioane tu Iesu ḡena apostolo tarimari gabanana ruarua (12) nuḡari ai tarimana ta. Ḡia tamana tu Sebedaio, ma ḡia tu kone ai maina tarimari.
Ioane ḡena mai Vari Namona tu laḡani 85 beiaḡo 95 fakari ai ta etoreato, mo tu Iesu emaseto murinai. Ḡia na mai Vari Namona tu tanobara tarimari mabarari, ḡemaḡuri-ḡenoḡoito ema asi ḡemaḡuri-ḡenoḡoito, ḡeri etoreato.
Ḡia ḡena ura baregona tanobara tarimari mabarari bene vaḡa-ribari, Iesu Nasareta tarimana tu moḡoni Barau Natuna, e Iesu tu moḡoni Barau na tanobara ḡana etuḡu-mariḡoato, tanobara tarimari ḡia ḡenana maḡuri beḡene ḡabia uranai, ema Barau vetoḡana korikorina tu ḡia ḡenana ema vevaḡa-foforiato tarimarima ḡeri ai. Siri baregona Ioane ḡena Vari Namona bukana nuḡanai tu karoa 20:31, “Maiḡeri guruḡa atorerito, korana tu ḡomi na Iesu boḡono vaḡa-moḡonia, ḡia tu moḡoni Keriso, Barau Natuna. Ma bema ḡomi na ḡia boḡo vaḡa-moḡoniani nai tu, ḡia aranai maḡuri vanaḡivanaḡi boḡo ḡabiani.”
Ioane ḡena toretore tu maiḡesina eboioḡaiato:
1. Barau Natuna - karoa 1:1-18
2. Barau ḡena vetuḡunaḡi Iuda tarimari fakari ai ema iaḡo-vinito - karoa 1:19–12:50
3. Barau ḡena vetuḡunaḡi Iesu tauḡena ḡena mero fakari ai ema iaḡo-vinito - karoa 13-17
4. Barau vetuḡunaḡina ema iaḡo-vinito tanobara vaḡa-maḡurina ḡana - karoa 18-21
© 1995, Wycliffe Bible Translators, Inc. All rights reserved.