Matthieu 7
7
Gɔn kita ha zu ma wi na
(Lc 6.37-38, 41-42)
1«Ɛnɛ agɔn kita ha zu ma wi na, tuka nde Sɔ agɔn kita ha zu ɛnɛ na. 2Hazu Sɔ begɔn kita ha zu ɛnɛ lɛm nɛ kita ka ɛnɛ gɔn ha zu hio mbinga. Sɔ beweki mɔ ha ɛnɛ nɛ ndangtɛ mɔwekimɔ ka ɛnɛ weki nɛ mɔ ha hio mbinga. 3Hazu ge mɛ gɛri mbuli pala ka dung ha li ya mɛ, ma, mɛ zɔk gasa te ka dung ha li mɛ na, ge nde? 4Mɛ bede mɛng mɛ tɔ ha ya mɛ: ‹Ya mi, gde mi aku mbuli pala ha li mɛ yunɛ,› nɛ mɛ zɔk gasa te ka dung ha li mɛ na, ge nde? 5Wan-dambari, mɛ kusi gasa te ka dung ha li mɛ yunɛ sɔngsi. Nɛ ka mɛ zɔka mɔ buee, ki mɛ lɛma ku mbuli pala ka dung ha li ya mɛ yunɛ.
6«Ka ɛnɛ aha nzɔy mɔ ha hio tolo na. Yu nde, mbwa bekifiri tɛ yɔng ɛnɛ. Nɛ ka ɛnɛ aha hio mɛtɛtɛ pɛ ɛnɛ ha hio nguru na. Yu nde, mbwa be-um yo nɛ nanga mbwa.»
Anamɔ, kiomɔ, kɔna nutwa
(Lc 11.9-13)
7«Ɛnɛ gɔ mɔ, nɛ ɛ beha yo ha ɛnɛ. Ɛnɛ ki mɔ, nɛ ɛnɛ bekpa yo. Ɛnɛ kɔn nutwa, nɛ ɛ begbosisi yo ha ɛnɛ. 8Hazu wi ndang ndang fɛt ka gɔ mɔ, ɛ beha yo ha wɛnɛ. Nɛ wi ka ki mɔ, a bekpa yo. Nɛ wi ka kɔn nutwa, ɛ begbosisi yo ha wɛnɛ. 9Yo nê nge wi ha soko ɛnɛ ka lɛma ha ta ha bem pɛa, ka gɔa yɔngamɔ ha kɔ wa, o nde? 10Mana ka bem pɛa ana kɔyɔ ha kɔ wa, a beha na-gdangdole ha wɛnɛ nde? 11Ngase ɛnɛ, ka dung nê gdanga wi, ɛnɛ ingɔ haa dedemɔ ha bem pɛ ɛnɛ. Mɛgi pen fɛt Bafa ɛnɛ ha zang ngɔn beha dedemɔ ha wi ndɔng ka gɔ wɛnɛ.»
12«Mɛgi, mɔ fɛt ka ɛnɛ ngoy nde, hio wi ade yo ha tɛ ɛnɛ, ɛnɛ de yo gbesi ha tɛ mbwa! Hazu ɛngɛ nê goto osamɔ pɛ *mbonga pɛ Moïse nɛ pɛ hio *w an-tɔkuliwen.»
Bho-ngo-ngo nutwa
(Lc 13.24)
13«Ɛnɛ le nɛ bho-ngo-ngo nutwa. Hazu yo nê pɛsa nutwa nɛ kpemyeke wal, ka nɛ ha bhandi bhondisi wi. Nɛ dɔka wi ha nɛa haki. 14Ma, yo nê bho-ngo-ngo nutwa nɛ bhɛtɛ-bhɛtɛ wal, ka nɛ ha tunɔ. Nɛ wi ndɔng ka kpa wal ɛngɛ dɔk na.»
Hio *wan-tɔkuliwen dalo
(Lc 6.43-44)
15«Pangay nɛ hio wan-tɔkuliwen dalo. Hazu mbwa yol nɛ kotu sami tɛnɛ ha pɛ ɛnɛ. Ma, ha zanga, mbwa nê hio ngɔnzu. 16Ɛnɛ being mbwa nɛ wal deamɔ pɛ mbwa. Hazu ɛ lɛm bhi waya sole ha te gaza na, nɛ ɛ lɛm bhi waya yama ha yak ngombia na. 17Mɛgi dede te fɛt way nɛ dede wayaa. Nɛ gdanga te way nɛ gdanga wayaa. 18Dede te lɛm way gdanga wayaa na. Nɛ gdanga te lɛm way dede wayaa na. 19Te fɛt ka way dede wayaa na, ɛ begɔn yo pi ha we. 20Nɛ mɛgi, ɛnɛ being hio wan-tɔkuliwen dalo nɛ wal deamɔ pɛ mbwa.»
Hio kpasa *wan-yambimɔ
(Lc 13.25-27)
21«Hio wi ang ka sa mi nde, *Kongawan, Kongawan. Ma, mbwa fɛt lɛm le ha *Kongakandɔ Ngɔn na. Yo sɔna nê wi ndɔng ka de mɔ ka Bafa mi ka dung ha zang ngɔn ngoya. 22Ha swe kita, dɔka wi betɔ ha mi nde, ‹Kongawan, Kongawan bo nɛ ɔ batɔ kuliwen nɛ ling mɛ na nde? Bo nɛ ɔ bayin hio gdanga sɔtɛ nɛ ling mɛ na nde? Bo nɛ ɔ bade dɔka *mɔkifi nɛ ling mɛ na nde?› 23Mɛgi mi betɔ ha mbwa long nde, ‹Mi ing ɛnɛ ndang na, ɛnɛ pen. Hazu ɛnɛ tɛ de mɔ ka Sɔ ngoya ndang na.›»
Towen hazu twa bwa
(Lc 6.47-49)
24«Mɛgi, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo, mbwa gbesi tuka zɔma wi ka bɛa twa pɛa ha zu gogo. 25Ngase ka kolo ɔla, gbongbong kolo hɔa, nɛ bok gdufo sungiri nɛ twa ɛngɛ, yo tɛ tukili na, hazu nangaa nɛ nɔa ha zu gogo. 26Ma, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo na, mbwa gbesi tuka yera wi ka bɛa twa pɛa ha zu lembe. 27Nɛ ka kolo ɔla, gbongbong kolo hɔa, nɛ bok gdufo sungiri nɛ twa ɛngɛ, yo tukolo fɛt mburr.»
Ziomɔ pɛ Jésus
28Nɛ ka Jésus karsa tɔa wen ndɔng, dɔka giliwi yaksa pentɛ hazu osamɔ pɛa. 29Hazu a osimɔ tuka hio *wan-osi mbonga na, ma, a osamɔ ha mbwa nɛ ziomɔ.
© Societe Biblique en Centrafrique
Matthieu 7
7
Gɔn kita ha zu ma wi na
(Lc 6.37-38, 41-42)
1«Ɛnɛ agɔn kita ha zu ma wi na, tuka nde Sɔ agɔn kita ha zu ɛnɛ na. 2Hazu Sɔ begɔn kita ha zu ɛnɛ lɛm nɛ kita ka ɛnɛ gɔn ha zu hio mbinga. Sɔ beweki mɔ ha ɛnɛ nɛ ndangtɛ mɔwekimɔ ka ɛnɛ weki nɛ mɔ ha hio mbinga. 3Hazu ge mɛ gɛri mbuli pala ka dung ha li ya mɛ, ma, mɛ zɔk gasa te ka dung ha li mɛ na, ge nde? 4Mɛ bede mɛng mɛ tɔ ha ya mɛ: ‹Ya mi, gde mi aku mbuli pala ha li mɛ yunɛ,› nɛ mɛ zɔk gasa te ka dung ha li mɛ na, ge nde? 5Wan-dambari, mɛ kusi gasa te ka dung ha li mɛ yunɛ sɔngsi. Nɛ ka mɛ zɔka mɔ buee, ki mɛ lɛma ku mbuli pala ka dung ha li ya mɛ yunɛ.
6«Ka ɛnɛ aha nzɔy mɔ ha hio tolo na. Yu nde, mbwa bekifiri tɛ yɔng ɛnɛ. Nɛ ka ɛnɛ aha hio mɛtɛtɛ pɛ ɛnɛ ha hio nguru na. Yu nde, mbwa be-um yo nɛ nanga mbwa.»
Anamɔ, kiomɔ, kɔna nutwa
(Lc 11.9-13)
7«Ɛnɛ gɔ mɔ, nɛ ɛ beha yo ha ɛnɛ. Ɛnɛ ki mɔ, nɛ ɛnɛ bekpa yo. Ɛnɛ kɔn nutwa, nɛ ɛ begbosisi yo ha ɛnɛ. 8Hazu wi ndang ndang fɛt ka gɔ mɔ, ɛ beha yo ha wɛnɛ. Nɛ wi ka ki mɔ, a bekpa yo. Nɛ wi ka kɔn nutwa, ɛ begbosisi yo ha wɛnɛ. 9Yo nê nge wi ha soko ɛnɛ ka lɛma ha ta ha bem pɛa, ka gɔa yɔngamɔ ha kɔ wa, o nde? 10Mana ka bem pɛa ana kɔyɔ ha kɔ wa, a beha na-gdangdole ha wɛnɛ nde? 11Ngase ɛnɛ, ka dung nê gdanga wi, ɛnɛ ingɔ haa dedemɔ ha bem pɛ ɛnɛ. Mɛgi pen fɛt Bafa ɛnɛ ha zang ngɔn beha dedemɔ ha wi ndɔng ka gɔ wɛnɛ.»
12«Mɛgi, mɔ fɛt ka ɛnɛ ngoy nde, hio wi ade yo ha tɛ ɛnɛ, ɛnɛ de yo gbesi ha tɛ mbwa! Hazu ɛngɛ nê goto osamɔ pɛ *mbonga pɛ Moïse nɛ pɛ hio *w an-tɔkuliwen.»
Bho-ngo-ngo nutwa
(Lc 13.24)
13«Ɛnɛ le nɛ bho-ngo-ngo nutwa. Hazu yo nê pɛsa nutwa nɛ kpemyeke wal, ka nɛ ha bhandi bhondisi wi. Nɛ dɔka wi ha nɛa haki. 14Ma, yo nê bho-ngo-ngo nutwa nɛ bhɛtɛ-bhɛtɛ wal, ka nɛ ha tunɔ. Nɛ wi ndɔng ka kpa wal ɛngɛ dɔk na.»
Hio *wan-tɔkuliwen dalo
(Lc 6.43-44)
15«Pangay nɛ hio wan-tɔkuliwen dalo. Hazu mbwa yol nɛ kotu sami tɛnɛ ha pɛ ɛnɛ. Ma, ha zanga, mbwa nê hio ngɔnzu. 16Ɛnɛ being mbwa nɛ wal deamɔ pɛ mbwa. Hazu ɛ lɛm bhi waya sole ha te gaza na, nɛ ɛ lɛm bhi waya yama ha yak ngombia na. 17Mɛgi dede te fɛt way nɛ dede wayaa. Nɛ gdanga te way nɛ gdanga wayaa. 18Dede te lɛm way gdanga wayaa na. Nɛ gdanga te lɛm way dede wayaa na. 19Te fɛt ka way dede wayaa na, ɛ begɔn yo pi ha we. 20Nɛ mɛgi, ɛnɛ being hio wan-tɔkuliwen dalo nɛ wal deamɔ pɛ mbwa.»
Hio kpasa *wan-yambimɔ
(Lc 13.25-27)
21«Hio wi ang ka sa mi nde, *Kongawan, Kongawan. Ma, mbwa fɛt lɛm le ha *Kongakandɔ Ngɔn na. Yo sɔna nê wi ndɔng ka de mɔ ka Bafa mi ka dung ha zang ngɔn ngoya. 22Ha swe kita, dɔka wi betɔ ha mi nde, ‹Kongawan, Kongawan bo nɛ ɔ batɔ kuliwen nɛ ling mɛ na nde? Bo nɛ ɔ bayin hio gdanga sɔtɛ nɛ ling mɛ na nde? Bo nɛ ɔ bade dɔka *mɔkifi nɛ ling mɛ na nde?› 23Mɛgi mi betɔ ha mbwa long nde, ‹Mi ing ɛnɛ ndang na, ɛnɛ pen. Hazu ɛnɛ tɛ de mɔ ka Sɔ ngoya ndang na.›»
Towen hazu twa bwa
(Lc 6.47-49)
24«Mɛgi, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo, mbwa gbesi tuka zɔma wi ka bɛa twa pɛa ha zu gogo. 25Ngase ka kolo ɔla, gbongbong kolo hɔa, nɛ bok gdufo sungiri nɛ twa ɛngɛ, yo tɛ tukili na, hazu nangaa nɛ nɔa ha zu gogo. 26Ma, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo na, mbwa gbesi tuka yera wi ka bɛa twa pɛa ha zu lembe. 27Nɛ ka kolo ɔla, gbongbong kolo hɔa, nɛ bok gdufo sungiri nɛ twa ɛngɛ, yo tukolo fɛt mburr.»
Ziomɔ pɛ Jésus
28Nɛ ka Jésus karsa tɔa wen ndɔng, dɔka giliwi yaksa pentɛ hazu osamɔ pɛa. 29Hazu a osimɔ tuka hio *wan-osi mbonga na, ma, a osamɔ ha mbwa nɛ ziomɔ.
© Societe Biblique en Centrafrique