Wambeela 11
11
Ovunganyedhiwa wa ewogelo
1Malabo awale athu aatene a elabo ya vati yanna ewogelo emohi ni madhu mamohive. 2Mudhidhi olene athu yeeddaga epaddi ya wewo onakuma nduwa, yahifwanyaga mburo wootadeeleya wa oXinari, okalaga wewule.#11.2 OXinari thi ndina nimohi na Babilooniya wewo peeno oneethaniwa Bagadadi, oIraki. 3Vano yahiwogaga mmohi ni mukwaaye, wiira: <<Kabeni, nuube njola, nipahe pama>>. Sowi, yamaga ni njola ni arikataraya voohukalana mabwe ni ologo.#11.3 Elabo ele kuli mabwe. Fivevo vasasanyiisu njola. 4Yahiiraga: <<Kabeni, niimagele nluwa ni sanja yowi njoo efiye odhulu wi nivuwe, nihimwadheyele mwiilaboni yaatene ya vati>>.#11.4 Kayafuna odhaala mwiilaboni wona Mulugu mwalamuleliiye muniivuruni na Wambeela 9.1. Yafuna okala vamohive. Yafuna ovuwa owodha wi yaathongege akwiiwa. Mulugu obwanyula moobuwelelo eewa.
5 Nabwiya ahikita wi oone nluwa ni sanja yowi njoo eyene athu yamagiiwa. 6Vevale Nabwiya ahiiraga: <<Aliwa bi athu a nlogo nimohi, vano enawoga aatene ewogelo emohive. Mabasa ala yawambeeliiwa, vano voohulogela enoodha yiirena dhaatedhene dhinoobuweleliiwa. 7Kabeni nikitele vati wi navunganyedhe ewogelo yeewa, ehiiwananege mmohi ni mukwaaye>>. 8Nuwindo Nabwiya ahaamwadhela mwiilaboni yaatene ya vati, vano aliwa yahihiya omaga nluwa ndde. 9Mwa ela, nluwa ndde nneethaniwa Babeli,#11.9 Babeli mu ewogelo ya eHeberi oneeweya wona: nthapa, naari wi ovunganyedha. vowi fi vevale Nabwiya vavunganyedhiiye dhiwogelo dha athu. Fuwewule teto wamwadheliwiiwa mwiilaboni mwaatemwene ya vati.
Makolo a Abaramu
10Ola mwaha wa ahima a Semu: Semu ola aganna yaaka zana (100), ahimbala Arifaxadi, yaaka biili dhigavirile mudhidhi wa mahinje majinji. 11Agambalile Arifaxadi, Semu ahimala yaaka mazana matanu (500), vano ahaabala ahima amohi anaalobwana ni anaahiyana. 12Arifaxadi aganna yaaka makumi maraaru ni yaaka tanu, ahimbala Sala. 13Agambalile Sala, Arifaxadi ahimala yaaka mazana mannayi ni yaaka thaaru (403), vano ahaabala ahima amohi anaalobwana ni anaahiyana.
14Sala aganna yaaka makumi maraaru, ahimbala Heberi. 15Agambalile Heberi, Sala ahimala yaaka mazana mannayi ni yaaka makumi maraaru (430), vano ahaabala ahima amohi anaalobwana ni anaahiyana.
16Heberi aganna yaaka makumi maraaru ni yaaka nnayi, ahimbala Pelegi.#11.16 Pelegi mu ewogelo ya eHeberi oneeweya wona: ogawanyeya. 17Agambalile Pelegi, Heberi ahimala yaaka mazana mannayi ni yaaka thaaru (403), vano ahaabala ahima amohi anaalobwana ni anaahiyana.
18Pelegi aganna yaaka makumi maraaru, ahimbala Rewu. 19Agambalile Rewu, Pelegi ahimala yaaka mazana meenddi ni yaaka tanu nennayi (209), vano ahaabala ahima amohi anaalobwana ni anaahiyana.
20Rewu aganna yaaka makumi maraaru ni yaaka biili, ahimbala Serugi. 21Agambalile Serugi, Rewu ahimala yaaka mazana meenddi ni yaaka tanu nabiili (207), vano ahaabala ahima amohi anaalobwana ni anaahiyana.
22Serugi aganna yaaka makumi maraaru, ahimbala Nahori. 23Agambalile Nahori, Serugi ahimala yaaka mazana meenddi (200), vano ahaabala ahima amohi anaalobwana ni anaahiyana.
24Nahori aganna yaaka makumi meenddi ni yaaka tanu nennayi, ahimbala Tera. 25Agambalile Tera, Nahori ahimala yaaka zana ni kumi natanu nennayi (119), vano ahaabala ahima amohi anaalobwana ni anaahiyana.
26Tera aganna yaaka makumi matanu nameenddi (70) ahaabala anaaye: Abaramu, Nahori ni Harani.
27Ala mandina a ahima a Tera: Olena ahaabala anaaye Abaramu, Nahori ni Harani. Vano Harani ahimbala Lothi. 28Harani akwile ababe Tera ehinakwe, owaniwa nluwa na Uri wa oKalideya.
29Abaramu ni Nahori yahitela. Mwadha a Abaramu eethaniwa Sarayi, vano mwadha a Nahori eethaniwa Milika, mwaana a Harani. Milika ddibile aali Isika. 30Mbwenye Sarayi aali guba, kaakwaniha waabala ahima.
31Nuwindo Tera ahihiya elabo yaaye ya Uri wa aKalideya afunaga odhowa elabo ya oKanani, ahimuthukula Abaramu mwaanaye vamohi ni Lothi, mwaana a mwaanaye Harani, vamohi ni Sarayi mwihiyanaaye Abaramu. Mbwenye egafiyile oHarani yahimaga wewo.#11.31 Uri wa aKalideya naali nluwa nuulubale. Mweeriwa nagooso ni osuuza. Mwahikala nyuba yuulubale ya maniivuru. Abaramu moorumeedheya asuuzile weelenga ni oleba mwemo. 32Tera amalile yaaka mazana meenddi ni yaaka tanu (205), okwa agali oHarani.
© 2015, Wycliffe Bible Translators, Inc. All rights reserved.