JOHAN 10
10
Anenikehiewa pi Ajühkaghape
1Jisu na khi, “Hi atsentsawa nthu kizaden: anyi thowa na ajenka wi nyela alen kepa wina khaghaneni jawi dugho khe tsüna kaghanfü nu nyu tengkedsa nyi. 2Isala thowa na ajenka wina dugho khe ma khaghaneni kehiewa ji. 3Ajenka kehiewa na sha pi ma cüben, ma ma jithu nyan teng nu cichithu khaghanenithu na ma hhai zayaden., nu ma mathu ssinu dushhu den. 4Ma ma jithu ssinu shhugho yathu ma atuwa sa nu khaghanenithu na ma nie den, kepaghenanye mathu na ma hhai tsü chüben. 5Mathu na anyi kepa wi nie wa nben, isala tsüwa wina bvüaben, kepaghenanye mathu na ma hhai nchü.” 6Jisu na ajüh ha pi mathu ghape nu kiza, isala mathu na ma mangwa khiben khe nchü.
Jisu na Anenikehie Kemehaiwa
7Tsalina Jisu na kheneng mathu wi khi, “Hi atsentsawa nthu kizaden: hi khaghaneni jenkawa tsü. 8Itu wi keghothu tsüdila kaghanfüthu nu nyu tengkedsa nyithu, isala khaghanenithu na mathu hhai nkina. 9Hi ajenkawa tsü, keujüla anyi kesü le kesü lela hi wina duthu ma hangsha yaben, ma dushhuya nu amou muyaben. 10Kaghanfü nyi na ghanfü, nyu pathi nu yasale kesalina ghoden. Isala hi tsü mathu ya kahang benya thsü nu ben ntsa saya thsüle kesalina gho.
11“Hi anenikehie kemehaiwa. Kehie kemehaiwa na khaghaneni ghena ma kahangli khuchi mvu saden. 12Kehiewa nkenye nu khaghaneni ma ji nkenye mille kewawa na meshüla gho keten mu lethu ma khaghanenithu teshi nu bvüden. Nu meshüla na khaghanenithu tsü ghan nu mathu jügü zigheden. 13Kepaghenanye ma mille kewa nyi nu mille wa keben ketan ghena ma khaghaneni cüki nmeshenla bvüden. 14-15#Mat 11.27; Luk 10.22 Hi anenikehie kemehaiwa. IBa na hi chü keben ti hi la iBa chüben, tsü makesü hi ikhaghanenithu chüben nu mathu la hi chüben. Hi ikhaghaneni ghena hi kahangli khuchi mvu saden. 16Nu ciwi ikhaghanenithu akhang hawa wi nkemi kepa wi la ben. Hi tsüthu la ssinu nghothu yishüben, mathu la ijüh kinaden. Isanu ciwi mathu akhang kesütan nu kehiewa la kesütan saben.
17“Abawa na hi tizenghali keten tsüna hi hi kahangli khuchi mvu nu tsü mu nengya le kesalina. 18Thola hi wina tsü khusen bvüya nben, isala hi kemeshen wina tsü khuchiden. Hi tsü khuchi nu khunengya kemehai kekhang ben. Hawa ha iBa na hi salo pi hi kekiza.”
19Kheneng anyithu jawi ajüh hathu ghena ajühkepapa sa. 20Anyi kejon na khi, “Atsaghang kesü ma miwi benle! Ma deja wadha le! Isathu nthu mangkesa na ma jüh kinaten nu?”
21Isala kepathu na khiben, “Anyi kesü atsaghang na ma miwi keben ajüh hati khiya nben. Khati nu atsaghang na anyon nkemu nyi sa pi muya thsü mehai nu?”
Jisu tsü Meya Mvulakesa
22Tsüna pathsü wi, nu Jerusalem wi Kekinyijjenwa tsü Keshakekhie Kho tsü sa keben. 23Jisu na Kekinyijjen wi Solomon Ccühha wi tsü kegoe keten wi 24anyithu na gho ma vüya nu ma wi keü, “No matsü khathu ikhang yala chükivvü ben thsü ten nu? Keujüla no ntsakhiwa Khrista lethu nkuthila ikhang kizalo.”
25Jisu na luneng, “Hi nthu kizadha, isala nthu na hi n-nondi. Hi iBa kekhang wina kuli kechithu tsüna isheipi ben, 26isala nthu hi nondi nben, kepaghenanye nthu na ikhaghanenithu nye. 27Ikhaghanenithu na ijüh kinaden; hi mathu chüben, nu mathu na hi nieden. 28Hi anuphan kahang pi mathu cüden, nu mathu na khiela shü meyacha. Thola ikwen wina mathu khusen bvüya nben. 29IBa pi hi kecüthu tsüna tsüdi miwi diki, nu thola Abawa kwen wina mathu khusen bvüya nben. 30Hi nu Abawa ishinyi kesütan.”
31Tsaseng wi Judah nyithu alon khuya nu pi ma kecenthiale sa. 32Jisu na mathu wi khi, “Hi, Abawa na pi hi kecü pi nthu jawi kekuli kemehai kejon sachidha; hathu ha khawa ghena nthu na alon pi hi kecenthiale saben nu?”
33 #
Lev 24.16
Mathu na luneng, “No kekuli kemehai ghena ikhang na alon pi no kecenthiale sa nben, isala no kethenjüh kekhi ghena le! No anyi mele kesü, isala no ketanla no sa pi Anyiza saden.”
34 #
Zak 82.6
Jisu na luneng, “Nthu Yenwa wi Anyiza hati kekhi zhütheng: ‘Nthu na acenpvüthu.’ 35Ntsawajüh khi keben ha anuphanla atsentsa le kesa ithu na chüben; Anyiza na anyi tsüthu pi acenpvüthu le ci, nu mathu ghena ma ketsijüh tsü khuchi. 36Ighena tsü, Abawa na hi satemetha nu hi kesun pi ayyi wi chi. Isathu, hi Anyiza Tsawa le kekhi ghena nthu na khati nu hi kethenjüh khiben le khiya mehai nu? 37Isalethu, keujüla hi iBawa kekuli tsü sa nben lethu, nthu na hi n-nondi lalo. 38Isala keujüla hi tsüthu sa lethu, anuphan ghena Abawa na hi wi ben nu hi Abawa wi ben kesa chüyale kesalina nthu na hi n-nondi lela hi kekulithu ketanla nondi keya-u le.”
39Mathu kheneng ma ghanyale wa, isala ma mathu chhen bvüa.
40 #
Jhn 1.28 Tsaseng wi Jisu na kheneng Jordan Ghaku pvüdhi sen nu Johan na kheni nyu baptaiz kesa pen wi tsü wa nu ciwi ben wa. 41Ciwi anyi kejon na ma wi gho nu khi, “Johan na azensuthu nkuli, isala ma anyi hawa cüki mangwale khi khe tsüdila atsentsa.” 42Nu ciwi anyi kejon na ma nondiya.
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
JOHAN 10
10
Anenikehiewa pi Ajühkaghape
1Jisu na khi, “Hi atsentsawa nthu kizaden: anyi thowa na ajenka wi nyela alen kepa wina khaghaneni jawi dugho khe tsüna kaghanfü nu nyu tengkedsa nyi. 2Isala thowa na ajenka wina dugho khe ma khaghaneni kehiewa ji. 3Ajenka kehiewa na sha pi ma cüben, ma ma jithu nyan teng nu cichithu khaghanenithu na ma hhai zayaden., nu ma mathu ssinu dushhu den. 4Ma ma jithu ssinu shhugho yathu ma atuwa sa nu khaghanenithu na ma nie den, kepaghenanye mathu na ma hhai tsü chüben. 5Mathu na anyi kepa wi nie wa nben, isala tsüwa wina bvüaben, kepaghenanye mathu na ma hhai nchü.” 6Jisu na ajüh ha pi mathu ghape nu kiza, isala mathu na ma mangwa khiben khe nchü.
Jisu na Anenikehie Kemehaiwa
7Tsalina Jisu na kheneng mathu wi khi, “Hi atsentsawa nthu kizaden: hi khaghaneni jenkawa tsü. 8Itu wi keghothu tsüdila kaghanfüthu nu nyu tengkedsa nyithu, isala khaghanenithu na mathu hhai nkina. 9Hi ajenkawa tsü, keujüla anyi kesü le kesü lela hi wina duthu ma hangsha yaben, ma dushhuya nu amou muyaben. 10Kaghanfü nyi na ghanfü, nyu pathi nu yasale kesalina ghoden. Isala hi tsü mathu ya kahang benya thsü nu ben ntsa saya thsüle kesalina gho.
11“Hi anenikehie kemehaiwa. Kehie kemehaiwa na khaghaneni ghena ma kahangli khuchi mvu saden. 12Kehiewa nkenye nu khaghaneni ma ji nkenye mille kewawa na meshüla gho keten mu lethu ma khaghanenithu teshi nu bvüden. Nu meshüla na khaghanenithu tsü ghan nu mathu jügü zigheden. 13Kepaghenanye ma mille kewa nyi nu mille wa keben ketan ghena ma khaghaneni cüki nmeshenla bvüden. 14-15#Mat 11.27; Luk 10.22 Hi anenikehie kemehaiwa. IBa na hi chü keben ti hi la iBa chüben, tsü makesü hi ikhaghanenithu chüben nu mathu la hi chüben. Hi ikhaghaneni ghena hi kahangli khuchi mvu saden. 16Nu ciwi ikhaghanenithu akhang hawa wi nkemi kepa wi la ben. Hi tsüthu la ssinu nghothu yishüben, mathu la ijüh kinaden. Isanu ciwi mathu akhang kesütan nu kehiewa la kesütan saben.
17“Abawa na hi tizenghali keten tsüna hi hi kahangli khuchi mvu nu tsü mu nengya le kesalina. 18Thola hi wina tsü khusen bvüya nben, isala hi kemeshen wina tsü khuchiden. Hi tsü khuchi nu khunengya kemehai kekhang ben. Hawa ha iBa na hi salo pi hi kekiza.”
19Kheneng anyithu jawi ajüh hathu ghena ajühkepapa sa. 20Anyi kejon na khi, “Atsaghang kesü ma miwi benle! Ma deja wadha le! Isathu nthu mangkesa na ma jüh kinaten nu?”
21Isala kepathu na khiben, “Anyi kesü atsaghang na ma miwi keben ajüh hati khiya nben. Khati nu atsaghang na anyon nkemu nyi sa pi muya thsü mehai nu?”
Jisu tsü Meya Mvulakesa
22Tsüna pathsü wi, nu Jerusalem wi Kekinyijjenwa tsü Keshakekhie Kho tsü sa keben. 23Jisu na Kekinyijjen wi Solomon Ccühha wi tsü kegoe keten wi 24anyithu na gho ma vüya nu ma wi keü, “No matsü khathu ikhang yala chükivvü ben thsü ten nu? Keujüla no ntsakhiwa Khrista lethu nkuthila ikhang kizalo.”
25Jisu na luneng, “Hi nthu kizadha, isala nthu na hi n-nondi. Hi iBa kekhang wina kuli kechithu tsüna isheipi ben, 26isala nthu hi nondi nben, kepaghenanye nthu na ikhaghanenithu nye. 27Ikhaghanenithu na ijüh kinaden; hi mathu chüben, nu mathu na hi nieden. 28Hi anuphan kahang pi mathu cüden, nu mathu na khiela shü meyacha. Thola ikwen wina mathu khusen bvüya nben. 29IBa pi hi kecüthu tsüna tsüdi miwi diki, nu thola Abawa kwen wina mathu khusen bvüya nben. 30Hi nu Abawa ishinyi kesütan.”
31Tsaseng wi Judah nyithu alon khuya nu pi ma kecenthiale sa. 32Jisu na mathu wi khi, “Hi, Abawa na pi hi kecü pi nthu jawi kekuli kemehai kejon sachidha; hathu ha khawa ghena nthu na alon pi hi kecenthiale saben nu?”
33 #
Lev 24.16
Mathu na luneng, “No kekuli kemehai ghena ikhang na alon pi no kecenthiale sa nben, isala no kethenjüh kekhi ghena le! No anyi mele kesü, isala no ketanla no sa pi Anyiza saden.”
34 #
Zak 82.6
Jisu na luneng, “Nthu Yenwa wi Anyiza hati kekhi zhütheng: ‘Nthu na acenpvüthu.’ 35Ntsawajüh khi keben ha anuphanla atsentsa le kesa ithu na chüben; Anyiza na anyi tsüthu pi acenpvüthu le ci, nu mathu ghena ma ketsijüh tsü khuchi. 36Ighena tsü, Abawa na hi satemetha nu hi kesun pi ayyi wi chi. Isathu, hi Anyiza Tsawa le kekhi ghena nthu na khati nu hi kethenjüh khiben le khiya mehai nu? 37Isalethu, keujüla hi iBawa kekuli tsü sa nben lethu, nthu na hi n-nondi lalo. 38Isala keujüla hi tsüthu sa lethu, anuphan ghena Abawa na hi wi ben nu hi Abawa wi ben kesa chüyale kesalina nthu na hi n-nondi lela hi kekulithu ketanla nondi keya-u le.”
39Mathu kheneng ma ghanyale wa, isala ma mathu chhen bvüa.
40 #
Jhn 1.28 Tsaseng wi Jisu na kheneng Jordan Ghaku pvüdhi sen nu Johan na kheni nyu baptaiz kesa pen wi tsü wa nu ciwi ben wa. 41Ciwi anyi kejon na ma wi gho nu khi, “Johan na azensuthu nkuli, isala ma anyi hawa cüki mangwale khi khe tsüdila atsentsa.” 42Nu ciwi anyi kejon na ma nondiya.
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.