JOHAN Ajühtuwa
Ajühtuwa
Johan zhükechi Jühtheü Kemehaiwa ha Jisu pi anuphan Anyiza Jühwa tsüna “anyi kesü ceng gho ithu jawi kahangwa” tsü satheng. Lesüshen ha wi khi keben ti, Jühtheü Kemehaiwa ha kesithu yala Jisu hana khishichi ketheng Hangshawa Anyiza Tsawa tsü nu mathu ma kenondi wina anuphan kahang tsü mu yaben kesa nondiya thsüle kesalina zhü chitheng(20.31).
Ajühtuwa seng wi Jisu tsü pi anuphan Anyiza Jühwa tsüle kesa mehaitsü muyaben. Jühtheü Kemehaiwa ha ghatsan wi amankesa kejon zhü ketheng wi tsü Jisu hana khishichi ketheng Hangshawa Anyiza Tsawa tsüle kesa pi ccüca chitheng. Tsaseng wi amankesathu wi pi ccücakechi jjügi keccünengli jühthu na ben. Hawi anyi pahan na Jisu nondi nu ma senkenie nyi saya, isala pahan na ma shun nu ma n-nondila kesa pi kiza theng. Kezhü 13-17 wi Jisu ghanya keten ghaja wi ma sansikeyathu gweghe ashusa kemehu, nu ma pi kross miwi npi kejen wi ma kiden-keshakeya nu mathu kechü-kenong jüh na ben. Kezhü sakhen wi Jisu ghankeya nu ajühkekaghaten, ma pi kross miwi kejen nu hangneng-keshagha, nu hangneng- keshagha seng wi ma sansikeyathu kemetu cüki zhütheng.
Keqheza nza kesü ghankeya cüki (8.1-11) tsü qhe pi vütheng, kepaghenanye kheni zhükemili kechi lesüshen kejon wi tsü nmi, isala pahan wi tsüna ben.
Johan na Khrista wina anuphan kahang kekhuchi jjügi tsü khi ntsa saben, nu tsüna khili Jisu na alenwa, atsentsawa, nu kahangwa tsüle kesa nondikeyathu miwi benyadha. Johan na zhükechi wi mukeya na ma keshüthangla kesen ji atssü, amesa, kewegü, anenikehiewa nu ma nenithu, nu kemeshentsse ton nu ma bithu, pi aghamulen wi atsentsa tsütson kechithu tsüna amankesa.
Hawi kebenthu
Ajühtuwa 1; 1-18
Johan Baptizwa nu Jisu sansikeyathu atuwa 1.19-51
Jisu na nyu tuwi kekuli sa keshhu 2.1—12.50
Atsathang sakhen wi nu Jerusalem tetsaki kewa 13.1—19.42
Apvüwa hangneng-keshagha nu nyu ma mukeya 20.1-31
Ajühsakhen: Galilee wi ma mu neng keya 21.1-25
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
JOHAN Ajühtuwa
Ajühtuwa
Johan zhükechi Jühtheü Kemehaiwa ha Jisu pi anuphan Anyiza Jühwa tsüna “anyi kesü ceng gho ithu jawi kahangwa” tsü satheng. Lesüshen ha wi khi keben ti, Jühtheü Kemehaiwa ha kesithu yala Jisu hana khishichi ketheng Hangshawa Anyiza Tsawa tsü nu mathu ma kenondi wina anuphan kahang tsü mu yaben kesa nondiya thsüle kesalina zhü chitheng(20.31).
Ajühtuwa seng wi Jisu tsü pi anuphan Anyiza Jühwa tsüle kesa mehaitsü muyaben. Jühtheü Kemehaiwa ha ghatsan wi amankesa kejon zhü ketheng wi tsü Jisu hana khishichi ketheng Hangshawa Anyiza Tsawa tsüle kesa pi ccüca chitheng. Tsaseng wi amankesathu wi pi ccücakechi jjügi keccünengli jühthu na ben. Hawi anyi pahan na Jisu nondi nu ma senkenie nyi saya, isala pahan na ma shun nu ma n-nondila kesa pi kiza theng. Kezhü 13-17 wi Jisu ghanya keten ghaja wi ma sansikeyathu gweghe ashusa kemehu, nu ma pi kross miwi npi kejen wi ma kiden-keshakeya nu mathu kechü-kenong jüh na ben. Kezhü sakhen wi Jisu ghankeya nu ajühkekaghaten, ma pi kross miwi kejen nu hangneng-keshagha, nu hangneng- keshagha seng wi ma sansikeyathu kemetu cüki zhütheng.
Keqheza nza kesü ghankeya cüki (8.1-11) tsü qhe pi vütheng, kepaghenanye kheni zhükemili kechi lesüshen kejon wi tsü nmi, isala pahan wi tsüna ben.
Johan na Khrista wina anuphan kahang kekhuchi jjügi tsü khi ntsa saben, nu tsüna khili Jisu na alenwa, atsentsawa, nu kahangwa tsüle kesa nondikeyathu miwi benyadha. Johan na zhükechi wi mukeya na ma keshüthangla kesen ji atssü, amesa, kewegü, anenikehiewa nu ma nenithu, nu kemeshentsse ton nu ma bithu, pi aghamulen wi atsentsa tsütson kechithu tsüna amankesa.
Hawi kebenthu
Ajühtuwa 1; 1-18
Johan Baptizwa nu Jisu sansikeyathu atuwa 1.19-51
Jisu na nyu tuwi kekuli sa keshhu 2.1—12.50
Atsathang sakhen wi nu Jerusalem tetsaki kewa 13.1—19.42
Apvüwa hangneng-keshagha nu nyu ma mukeya 20.1-31
Ajühsakhen: Galilee wi ma mu neng keya 21.1-25
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.