Karikani B'aai 17
17
Te korotabonim'aneaki are Kanikinaean te Berita
1Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako. 2N na karaoa au boraraoi ma ngkoe, ao N na anganiko kanoam aika m'aiti.” 3Ao e bobaraaki Aberam, ao e kabooa matana ma aontano, ao E taku te Atua, 4“I boraraoi ma ngkoe: I berita b'a ko na riki b'a aia bakatibu botannaomata aika m'aiti. 5Ao e na aki manga atongaki aram b'a Aberam,#17.5 Aberam: N Ebera nanona aia bakatibu botannaomata. ma e na atongaki b'a Aberaam, i bukina ngkai I karikiko b'a aia bakatibu botannaomata aika m'aiti. 6N na anganiko kanoam aika m'aiti, ao tabeman mai buakoia a na riki b'a uea. A na bon rangi ni m'aiti kanoam, ao a na riki b'a taiani botannaomata.
7“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu. 8N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.
9E taku te Atua nakon Aberaam, “Ko riai ni kariaia b'a ko na kawakina au boraraoi ma ngkoe, ngkoe ma kanoam n roro aika na roko. 10A na riai ni kariaia kanoam b'a a na koroi tabonim'aneia aia mm'aane akana i buakoia. 11Ni moa man te tai aei, ao kam na koroi kunin taboni m'aneia ataei ni mm'aane ni kabane akana a koro wanua aia bong i mwiin bungiakiia, n ikotaki naba ma nati mm'aane akana natiia ami toro akana bungiaki ni mwengami, ao tooro naba aika kam kabooi mairouia ianena. E na kaotaki raoi n aei b'a iai te boraraoi i marenau ma ngkami. 12Kam na bane ni korotabonim'aneaki, ao bon aei kanikinaeana i aon rab'atami b'a boni iai te boraraoi i marenami ma Ngai. 13A riai ni bane ni korotabonim'aneaki n tatabemaniia nako, ao e na riki aei b'a te kanikina i aon rab'atami b'a kaotan Au boraraoi ma ngkami ae akea tokina. 14Te mm'aane ane aki korotabonim'aneaki, e na bon aki atongaki b'a au Aomata, i bukina ngke aki kawakina au boraraoi ma ngaia.” 15E taku te Atua nakon Aberaam, “man te tai aei ko na aki manga atonga aran buum b'a Nei Tarai, ma e na aranaki b'a Nei Taara.
16N na kakab'aiaa, ao N na karekea natim te mm'aane mai rouna. N na kakab'aiaa, ao e na riki b'a tinaia botannaomata nako, ao a na riki uea irouia kanoana.”
17Ao e bobaraaki Aberaam ni kabo matana ma aontano, ma e ngare n ana iango ae kaangai, “E koaua b'a e kona ni kariki te aomata ngkana ai tebubua ana ririki ni maiu? E kona ni kariki Nei Taara ngkai ai ruabwi ana ririki?” 18Ao e taku nakon te Atua, “E aera ngkai e aki karikaki Itimaera #17.18 Itimaera: Natin ana toro Nei Taara (Noora 16.1-16). b'a te tia onea mwiiu?”
19Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka.#17.19 Itaaka: N Ebera nanona ngare. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina. 20I a tia n ongo am bubuti i bukin Itimaera, ma ngaia are, I a tia ni kakab'aiaa, ma n anganna natina aika m'aiti, ma kanoana aika m'aiti naba. E na riki b'a tamaia nati n uea ake tengaun ma uoman. N na karika te botannaomata ae buubura mairouia kanoana. 21Ma N na kaawakina au berita ma natim te mm'aane are Itaaka, are e na bungiia Nei Taara n te tai ae ai aron naba aei n te ririki ae na roko.” 22Ao E a kitana Aberaam te Atua ngke E a tia n taetae ma ngaia.
23Ao ni bon te bong naba arei, ao e ongotaeka Aberaam iroun te Atua, e anaa natina te mm'aane are Itimaera ao e korotabonim'aneia, ao mm'aanen ana auti ni kabane, n ikotaki naba ma nati mm'aane ake ana toro, ake a bungiaki n ana auti, ma ake e kabooia. 24Ai ruabwi ma ruaiwa ana ririki ni maiu Aberaam ngke e koreaki tabonim'anena, 25ao ana ririki natina te mm'aane are Itimaera ai tebwi ma tenua. 26A kaai ni korotabonim'aneaki n te bong ae ti te bongina, 27n ikotaki naba ma ana toro Aberaam ni kabane.
Karikani B'aai 17
17
Te korotabonim'aneaki are Kanikinaean te Berita
1Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako. 2N na karaoa au boraraoi ma ngkoe, ao N na anganiko kanoam aika m'aiti.” 3Ao e bobaraaki Aberam, ao e kabooa matana ma aontano, ao E taku te Atua, 4“I boraraoi ma ngkoe: I berita b'a ko na riki b'a aia bakatibu botannaomata aika m'aiti. 5Ao e na aki manga atongaki aram b'a Aberam,#17.5 Aberam: N Ebera nanona aia bakatibu botannaomata. ma e na atongaki b'a Aberaam, i bukina ngkai I karikiko b'a aia bakatibu botannaomata aika m'aiti. 6N na anganiko kanoam aika m'aiti, ao tabeman mai buakoia a na riki b'a uea. A na bon rangi ni m'aiti kanoam, ao a na riki b'a taiani botannaomata.
7“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu. 8N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.
9E taku te Atua nakon Aberaam, “Ko riai ni kariaia b'a ko na kawakina au boraraoi ma ngkoe, ngkoe ma kanoam n roro aika na roko. 10A na riai ni kariaia kanoam b'a a na koroi tabonim'aneia aia mm'aane akana i buakoia. 11Ni moa man te tai aei, ao kam na koroi kunin taboni m'aneia ataei ni mm'aane ni kabane akana a koro wanua aia bong i mwiin bungiakiia, n ikotaki naba ma nati mm'aane akana natiia ami toro akana bungiaki ni mwengami, ao tooro naba aika kam kabooi mairouia ianena. E na kaotaki raoi n aei b'a iai te boraraoi i marenau ma ngkami. 12Kam na bane ni korotabonim'aneaki, ao bon aei kanikinaeana i aon rab'atami b'a boni iai te boraraoi i marenami ma Ngai. 13A riai ni bane ni korotabonim'aneaki n tatabemaniia nako, ao e na riki aei b'a te kanikina i aon rab'atami b'a kaotan Au boraraoi ma ngkami ae akea tokina. 14Te mm'aane ane aki korotabonim'aneaki, e na bon aki atongaki b'a au Aomata, i bukina ngke aki kawakina au boraraoi ma ngaia.” 15E taku te Atua nakon Aberaam, “man te tai aei ko na aki manga atonga aran buum b'a Nei Tarai, ma e na aranaki b'a Nei Taara.
16N na kakab'aiaa, ao N na karekea natim te mm'aane mai rouna. N na kakab'aiaa, ao e na riki b'a tinaia botannaomata nako, ao a na riki uea irouia kanoana.”
17Ao e bobaraaki Aberaam ni kabo matana ma aontano, ma e ngare n ana iango ae kaangai, “E koaua b'a e kona ni kariki te aomata ngkana ai tebubua ana ririki ni maiu? E kona ni kariki Nei Taara ngkai ai ruabwi ana ririki?” 18Ao e taku nakon te Atua, “E aera ngkai e aki karikaki Itimaera #17.18 Itimaera: Natin ana toro Nei Taara (Noora 16.1-16). b'a te tia onea mwiiu?”
19Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka.#17.19 Itaaka: N Ebera nanona ngare. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina. 20I a tia n ongo am bubuti i bukin Itimaera, ma ngaia are, I a tia ni kakab'aiaa, ma n anganna natina aika m'aiti, ma kanoana aika m'aiti naba. E na riki b'a tamaia nati n uea ake tengaun ma uoman. N na karika te botannaomata ae buubura mairouia kanoana. 21Ma N na kaawakina au berita ma natim te mm'aane are Itaaka, are e na bungiia Nei Taara n te tai ae ai aron naba aei n te ririki ae na roko.” 22Ao E a kitana Aberaam te Atua ngke E a tia n taetae ma ngaia.
23Ao ni bon te bong naba arei, ao e ongotaeka Aberaam iroun te Atua, e anaa natina te mm'aane are Itimaera ao e korotabonim'aneia, ao mm'aanen ana auti ni kabane, n ikotaki naba ma nati mm'aane ake ana toro, ake a bungiaki n ana auti, ma ake e kabooia. 24Ai ruabwi ma ruaiwa ana ririki ni maiu Aberaam ngke e koreaki tabonim'anena, 25ao ana ririki natina te mm'aane are Itimaera ai tebwi ma tenua. 26A kaai ni korotabonim'aneaki n te bong ae ti te bongina, 27n ikotaki naba ma ana toro Aberaam ni kabane.
