Piilimka 23
23
1Saara jam goa paari ka bena kook ale pisiye ale ŋayopɔi. 2Wa jam kpi ka Kiriat Arba ale ka Yebron la a bo Keenan tɛŋka po, ate Abrayam cheŋ a ga kasim a kum wa powa nyiŋ.
3Abrayam yaa yiti wa powa tɛŋ a biisi ale Yit demma. Wa weeni ayen, 4<<Mi ka nichaanɔ a bo ni po. Ni pa tɛŋ a da te mu dela ate m gu m powa.
5Yit demma yaa tulisi Abrayam ayen, 6<<Wom ti le a weeni diila. Fi ka nabiik kaai ale zuak a bo le ti. Lueri tama vieŋa bunyi a gu fi powa. Ti waai a kan zɛri ayen fi kan gu fi kpiewa, wa vɔrup po.>>
7Abrayam yaa yiti a koori tɛŋ, Yit demma niŋ. 8Wa weeni ba ayen, <<Ni daa siak ayen m gu m kpiewa, ni be wom mu a biisi ale Efron ale ka Zoyar biik la a te mu 9ate wa pa Makpela vɔrumu ate wa soa la ate bu bo talimu kpeglimka jigini la a da te mu. Ni weeni wa ate wa pai da bu le magsi diila a te mu ate ku chim guka jigi ni tɛŋka po.>>
10Efron Yit denɔwa a jam kali ka wa nuruma po a yaa tulisi ate ku paari Yit demma ale jam wa tɛŋka nansuiŋku la wom ka. 11Wa weeni ayen, <<Aaya, m nyɔnɔ. Wom mi m pai talimu a te fu, ale pai vɔrumu ale bo talimu po la a te fu. M pai a te fu m nuruma niŋ. Gu fi kpiewa.>>
12Abrayam ŋman koori tɛŋ, tɛŋka demma niŋ 13a weeni Efron nuruma tue po ayen, <<Wom mi, ase fi le a yaali. M le tuni talimu ale ka diila. Siak a tuesi m jigi ate m gu m kpiewa dula.>>
14Efron yaa tulisi Abrayam ayen, 15<<Wom dɛ, m nyɔnɔ, tɛŋka ka kpana kobsinaansi, alege kula ka boa mi ale fi suŋsuŋŋa? Gu fi kpiewa.>>
16Abrayam yaa siak Efron ale weeni diila, a yaa magsi dii ate wa weeni Yit demma la, kpana kobsinaansi a magsi chaab ale dobrim buui ate geruŋdɔma a seba la.
17Dila Efron talimu ale bo Makpela a moata Mamre la, talimu ale vɔrumu meena ale tiisaŋa ale bo talimu banaŋa la, wa gomsi pai te 18Abrayam ase wa nitalim la, Yit demma ale jam wa tɛŋka nansuiŋku nɔi la niŋ. 19Ku ŋaaŋnyiŋ Abrayam yaa gu wa powa Saara vɔrumu ale bo Makpela a moata Mamre ale ka Yebron a bo Keenan tɛŋka po la. 20Dila talimu ale vɔrumu ale bo bu po la Yit demma ale jam pai te Abrayam ase guka jigi la.
© 2023, Ghana Institute of Linguistics, Literacy and Bible Translation
Piilimka 23
23
1Saara jam goa paari ka bena kook ale pisiye ale ŋayopɔi. 2Wa jam kpi ka Kiriat Arba ale ka Yebron la a bo Keenan tɛŋka po, ate Abrayam cheŋ a ga kasim a kum wa powa nyiŋ.
3Abrayam yaa yiti wa powa tɛŋ a biisi ale Yit demma. Wa weeni ayen, 4<<Mi ka nichaanɔ a bo ni po. Ni pa tɛŋ a da te mu dela ate m gu m powa.
5Yit demma yaa tulisi Abrayam ayen, 6<<Wom ti le a weeni diila. Fi ka nabiik kaai ale zuak a bo le ti. Lueri tama vieŋa bunyi a gu fi powa. Ti waai a kan zɛri ayen fi kan gu fi kpiewa, wa vɔrup po.>>
7Abrayam yaa yiti a koori tɛŋ, Yit demma niŋ. 8Wa weeni ba ayen, <<Ni daa siak ayen m gu m kpiewa, ni be wom mu a biisi ale Efron ale ka Zoyar biik la a te mu 9ate wa pa Makpela vɔrumu ate wa soa la ate bu bo talimu kpeglimka jigini la a da te mu. Ni weeni wa ate wa pai da bu le magsi diila a te mu ate ku chim guka jigi ni tɛŋka po.>>
10Efron Yit denɔwa a jam kali ka wa nuruma po a yaa tulisi ate ku paari Yit demma ale jam wa tɛŋka nansuiŋku la wom ka. 11Wa weeni ayen, <<Aaya, m nyɔnɔ. Wom mi m pai talimu a te fu, ale pai vɔrumu ale bo talimu po la a te fu. M pai a te fu m nuruma niŋ. Gu fi kpiewa.>>
12Abrayam ŋman koori tɛŋ, tɛŋka demma niŋ 13a weeni Efron nuruma tue po ayen, <<Wom mi, ase fi le a yaali. M le tuni talimu ale ka diila. Siak a tuesi m jigi ate m gu m kpiewa dula.>>
14Efron yaa tulisi Abrayam ayen, 15<<Wom dɛ, m nyɔnɔ, tɛŋka ka kpana kobsinaansi, alege kula ka boa mi ale fi suŋsuŋŋa? Gu fi kpiewa.>>
16Abrayam yaa siak Efron ale weeni diila, a yaa magsi dii ate wa weeni Yit demma la, kpana kobsinaansi a magsi chaab ale dobrim buui ate geruŋdɔma a seba la.
17Dila Efron talimu ale bo Makpela a moata Mamre la, talimu ale vɔrumu meena ale tiisaŋa ale bo talimu banaŋa la, wa gomsi pai te 18Abrayam ase wa nitalim la, Yit demma ale jam wa tɛŋka nansuiŋku nɔi la niŋ. 19Ku ŋaaŋnyiŋ Abrayam yaa gu wa powa Saara vɔrumu ale bo Makpela a moata Mamre ale ka Yebron a bo Keenan tɛŋka po la. 20Dila talimu ale vɔrumu ale bo bu po la Yit demma ale jam pai te Abrayam ase guka jigi la.
© 2023, Ghana Institute of Linguistics, Literacy and Bible Translation