Piilimka 7
7
1Naawen yaa weeni Nowa ayen, <<Jo ŋaaruŋku po, fi ale fi dɔkdemma meena dii nyiŋla m nya kama ayen fi ale wayɔrisima nyɔnɔ nuruma de po. 2Lueri duŋ sii buuri ale magsi Wen tiirim teka la siyopɔi, jaduok ale jasari ale sii ale kan magsi Naawen tiirim teka la siye, jaduok ale jasari, 3ale nuinsa buuni siyopɔi, jaduok ale jasari ate si buuni a vua a bo tɛŋka meena. 4A zaani jinla a ta cheŋ daa ŋayopɔi dai m le basi ate ŋmoruk a jam ni paari da pisinaansi ale yogta pisinaansi ate javuk meena ate m nye la a kpi.>>
5Ate Nowa nye dii meena ti Naawen weeni ayen wa nye la. 6Nowa jam ka bena kobsiyuebi diipo ate ŋmorukku a ni la. 7Nowa ale wa powa ale wa nidoabilisaŋa ale ba pooma yaa jo ŋaaruŋku ayen nyiamu kan paari ba. 8Duŋ naliŋsa ale sii ale daŋ ale nuinsa ale ŋan baai ale duiri tɛŋ a cheŋ la 9ŋanduata ale ŋansaa yaa jam Nowa jigi a jo ŋaaruŋku po ase Wen ale weeni Nowa diila. 10Daa ŋayopɔiwa ale taam la nyiamu yaa jam.
11Ben dii ate Nowa nya bena kobsiyuebi la, chiik kaai ale saari siyewa la, da pi ale ŋayopɔiwa danni tɛŋka ya lagri ate nyiamu a nyini ate wenzukku mɛ lagri. 12Ate ŋmoruk a ni da pisinaansi ale yogta pisinaansi. 13Da dila danni dek Nowa ale wa nidoabilisaŋa Sɛm, ale Yɛm ale Jafet ale wa powa le wa nidoabilisa batawa pooma yaa jo ŋaaruŋku po. 14Ba jam jo ku po ale ka gɔi duŋsa buuni, ale yeri duŋsa buuni ale ŋan baai ale vuuri a cheŋ ba lɔga zuk la buuni ale nuinsa buuri tɔgatɔga, jaab meena ale ta kiŋkaŋŋa. 15Ŋanta buuri meena ale ta nyuvuri la baye baye yaa jam Nowa jigi a jo ŋaaruŋku po. 16Duŋ sii ale jam a jo la ka jaduok ale jasari a va ale Wen ale weeni Nowa diila. Naawen yaa lik wa basi du.
17Daa pisinaansi meena nyiamu jam a siŋ tɛŋka kama, bu le kasim a gum du la, bu yaa ta ŋaaruŋku a jueli wen. 18Nyiamu kasim a jueli nna yegayega tɛŋka meena ate ŋaaruŋku yaa bo nyiamu zuk a dɛ. 19Bu jam jueli ka nna yegayega ate guuk kpientaŋa meena ale bo tɛŋka zuk la a lik. 20Bu jam jueli kama a lik guutaŋa meena. A zaani guutaŋa zuk a jueli ku limisa ase ka naŋtuok magsika pisiye la. 21Javuk meena ale bo tɛŋka zuk yaa kpi. Nuinsa ale gɔi duŋsa ale yeri duŋsa ale ŋan yirinta ale nurubiik meena a jam kpi kama. 22Jaab meena le bo tɛŋzuk a ta nyueri a vuusi a kpi kama. 23Javuk meena ale jam bo tɛŋka zuk la ŋman ka. Nurubisa ale duŋsa ale ŋan baai meena ale bo tɛŋzuk a cheŋ ale wenzuk nuinsa ŋman jam ka tɛŋka zuwa. Ka Nowa nyiini ale baai ale bo ŋaaruŋku po ale wa la. 24Nyiamu jam lik tɛŋka ka daa kook ale pisinu.
© 2023, Ghana Institute of Linguistics, Literacy and Bible Translation
Piilimka 7
7
1Naawen yaa weeni Nowa ayen, <<Jo ŋaaruŋku po, fi ale fi dɔkdemma meena dii nyiŋla m nya kama ayen fi ale wayɔrisima nyɔnɔ nuruma de po. 2Lueri duŋ sii buuri ale magsi Wen tiirim teka la siyopɔi, jaduok ale jasari ale sii ale kan magsi Naawen tiirim teka la siye, jaduok ale jasari, 3ale nuinsa buuni siyopɔi, jaduok ale jasari ate si buuni a vua a bo tɛŋka meena. 4A zaani jinla a ta cheŋ daa ŋayopɔi dai m le basi ate ŋmoruk a jam ni paari da pisinaansi ale yogta pisinaansi ate javuk meena ate m nye la a kpi.>>
5Ate Nowa nye dii meena ti Naawen weeni ayen wa nye la. 6Nowa jam ka bena kobsiyuebi diipo ate ŋmorukku a ni la. 7Nowa ale wa powa ale wa nidoabilisaŋa ale ba pooma yaa jo ŋaaruŋku ayen nyiamu kan paari ba. 8Duŋ naliŋsa ale sii ale daŋ ale nuinsa ale ŋan baai ale duiri tɛŋ a cheŋ la 9ŋanduata ale ŋansaa yaa jam Nowa jigi a jo ŋaaruŋku po ase Wen ale weeni Nowa diila. 10Daa ŋayopɔiwa ale taam la nyiamu yaa jam.
11Ben dii ate Nowa nya bena kobsiyuebi la, chiik kaai ale saari siyewa la, da pi ale ŋayopɔiwa danni tɛŋka ya lagri ate nyiamu a nyini ate wenzukku mɛ lagri. 12Ate ŋmoruk a ni da pisinaansi ale yogta pisinaansi. 13Da dila danni dek Nowa ale wa nidoabilisaŋa Sɛm, ale Yɛm ale Jafet ale wa powa le wa nidoabilisa batawa pooma yaa jo ŋaaruŋku po. 14Ba jam jo ku po ale ka gɔi duŋsa buuni, ale yeri duŋsa buuni ale ŋan baai ale vuuri a cheŋ ba lɔga zuk la buuni ale nuinsa buuri tɔgatɔga, jaab meena ale ta kiŋkaŋŋa. 15Ŋanta buuri meena ale ta nyuvuri la baye baye yaa jam Nowa jigi a jo ŋaaruŋku po. 16Duŋ sii ale jam a jo la ka jaduok ale jasari a va ale Wen ale weeni Nowa diila. Naawen yaa lik wa basi du.
17Daa pisinaansi meena nyiamu jam a siŋ tɛŋka kama, bu le kasim a gum du la, bu yaa ta ŋaaruŋku a jueli wen. 18Nyiamu kasim a jueli nna yegayega tɛŋka meena ate ŋaaruŋku yaa bo nyiamu zuk a dɛ. 19Bu jam jueli ka nna yegayega ate guuk kpientaŋa meena ale bo tɛŋka zuk la a lik. 20Bu jam jueli kama a lik guutaŋa meena. A zaani guutaŋa zuk a jueli ku limisa ase ka naŋtuok magsika pisiye la. 21Javuk meena ale bo tɛŋka zuk yaa kpi. Nuinsa ale gɔi duŋsa ale yeri duŋsa ale ŋan yirinta ale nurubiik meena a jam kpi kama. 22Jaab meena le bo tɛŋzuk a ta nyueri a vuusi a kpi kama. 23Javuk meena ale jam bo tɛŋka zuk la ŋman ka. Nurubisa ale duŋsa ale ŋan baai meena ale bo tɛŋzuk a cheŋ ale wenzuk nuinsa ŋman jam ka tɛŋka zuwa. Ka Nowa nyiini ale baai ale bo ŋaaruŋku po ale wa la. 24Nyiamu jam lik tɛŋka ka daa kook ale pisinu.
© 2023, Ghana Institute of Linguistics, Literacy and Bible Translation