GÉNESIS 1
1
Qallariypi Diospa ruwasqan
1Qallariypeqa Dios janaj pachata kay pachatawan ruwarqa. 2Kay pachaqa chajrulla, yuyay chinkay ukhu laqhallataj karqa. Diospa Espirituntaj yaku patata muyuykachasharqa. 3Diostaj nerqa: K'anchay kachun, nispa; k'anchaytaj karqa. 4Dios rikorqa k'anchayqa sumaj kasqanta. K'anchaytataj laqhamanta t'aqarqa. 5Suticharqataj k'anchaytaqa p'unchay, nispa. Laqhatataj suticharqa tuta, nispa. Ajinamanta ch'isiyaywan sut'iyaywan ñaupaj kaj día karqa.
6Chaymantá Dios nerqa: Yaku chaupipi uj jark'achina kachun, yakuta iskayman t'aqaj. 7Dios jark'achinata ruwarqa yakuta iskayman t'aqajta: Khuskan qhepakorqa urapi, khuskantaj patapi. 8Chay jark'achinata yakuta iskayman t'aqajtaqa suticharqa janaj pachata. Ajinamanta ch'isiyaywan sut'iyaywan iskay kaj día karqa.
9Chaymantá Dios nerqa: Janaj pacha kaj urapi yakoqa uj cheqallapi kachun, ch'aki kaj rikhurinampaj, nispa. Ajinataj karqa. 10Chay ch'aki kajtataj Diosqa suticharqa jallp'ata. Yaku uj cheqallapi tantakojtataj mar qochata suticharqa. Chayta Dios rikorqa sumaj kasqanta. 11Chantá Dios nillarqataj: Jallp'api tukuy laya q'omerkuna wiñachun: Mujoj qhoras, poqoj sach'as ima. Ajinataj karqa. 12Jallp'api wiñarqa tukuy laya q'omerkuna: Qhoras, mujojkuna, poqoj sach'as ima. Ajinataj karqa. Chayta Dios rikorqa sumaj kasqanta. 13Ajina ch'isiyaywan sut'iyaywan kinsa kaj día karqa.
14Chaymantá Dios nillarqataj: K'anchaykuna kachun cielopi, p'unchayta wajman, tutatataj wajman t'aqanampaj; jinallataj señal kanampaj tiempospaj, diaspaj, wataspajwan. 15K'anchaykuna kachun cielopi jallp'ata k'anchanampaj. Ajinataj karqa. 16Dios ruwarqa iskay jatuchaj k'anchaykunata: Sinch'i kajta p'unchaypi k'anchanampaj, pisi kajtataj tutapi k'anchanampaj. Chaymantá ruwallarqataj qoyllurkunata. 17-18Dios churarqa k'anchaykunata cieloman, jallp'ata p'unchaynintin, tutantin k'anchamunankupajpuni; k'anchayta wajman, laqhatapis wajman t'aqanankupaj. Chayta Dios rikorqa sumaj kasqanta. 19Ajina ch'isiyaywan sut'iyaywan tawa kaj día karqa.
20Chantá Dios nillarqataj: Yakupi kausachunku ashkha animalkuna; jinallataj p'isqospis jallp'a patata phawaykachajkuna. 21Dios ruwarqa jatuchaj manchachikuna jina animalesta mar qochapi, tukuy laya khurustawan, layankuman jina yakupi kausajkunata, jinallataj tukuy laya p'isqostapis layankuman jina. Chayta Dios rikorqa sumaj kasqanta. 22Dios bendicerqa chay tukuynin animalesta, nispa: Mira castas kaychej, miraychej, mar yakuman junt'achiychej. P'isqospis jallp'a patapi mirachunku. 23Ajina ch'isiyaywan sut'iyaywan phishqa kaj día karqa.
24Chantá Dios nerqa jallp'a patapi kausachunku tukuy laya animales: Monte animales, uywas, pampata qhatatakojkuna ima, layankuman jina. Ajinataj karqa. 25Dios ruwarqa monte animalesta layankuman jina, uywasta layankuman jina, jinallataj pampata qhatatakoj animalestapis layankuman jina. Chayta Dios rikorqa sumaj kasqanta.
26Chay qhepata Dios nerqa: Runata ruwanachej noqanchejman rijch'akojta; tukuynin animalesmanta aswan atiyniyoj kachun, mundontimpi atipanampaj challwasta, p'isqosta, tawa chakiyojkunata, qhatatakojkunatawan jallp'a patapi. 27Diosqa runata ruwashaspa payman rijch'akojta ruwarqa; qharita warmitawan ruwarqa. 28Chantá bendicerqataj nispa: Mira casta kaychej, miraychej, mundoman junt'aychej; atiyniyojtaj kaychej, atipaspa mar qochapi kaj challwasta, tukuy p'isqosta, tukuy qhatatakojkunatawan jallp'a patapi.
29Chaymantá paykunaman nerqa: Qhawariychej, qankunaman qoykichej jallp'a patapi tukuy mujoj plantasta, tukuy sach'astawan. Chaykunataj mikhunaykichejpaj kanqa. 30Tukuy monte animalesman, p'isqosman, tukuy qhatatakojkunamampis jallp'a patapi, q'omer qhorasta qoni mikhunankupaj. Ajinataj karqa. 31Dios rikorqa tukuy ima ruwasqanqa sumajpuni kasqanta. Ajinamanta junt'akorqa ch'isiyaywan sut'iyaywan sojta kaj día.
Qheshwa Biblia DC © Sociedades Bíblicas Unidas, 1986.
GÉNESIS 1
1
Qallariypi Diospa ruwasqan
1Qallariypeqa Dios janaj pachata kay pachatawan ruwarqa. 2Kay pachaqa chajrulla, yuyay chinkay ukhu laqhallataj karqa. Diospa Espirituntaj yaku patata muyuykachasharqa. 3Diostaj nerqa: K'anchay kachun, nispa; k'anchaytaj karqa. 4Dios rikorqa k'anchayqa sumaj kasqanta. K'anchaytataj laqhamanta t'aqarqa. 5Suticharqataj k'anchaytaqa p'unchay, nispa. Laqhatataj suticharqa tuta, nispa. Ajinamanta ch'isiyaywan sut'iyaywan ñaupaj kaj día karqa.
6Chaymantá Dios nerqa: Yaku chaupipi uj jark'achina kachun, yakuta iskayman t'aqaj. 7Dios jark'achinata ruwarqa yakuta iskayman t'aqajta: Khuskan qhepakorqa urapi, khuskantaj patapi. 8Chay jark'achinata yakuta iskayman t'aqajtaqa suticharqa janaj pachata. Ajinamanta ch'isiyaywan sut'iyaywan iskay kaj día karqa.
9Chaymantá Dios nerqa: Janaj pacha kaj urapi yakoqa uj cheqallapi kachun, ch'aki kaj rikhurinampaj, nispa. Ajinataj karqa. 10Chay ch'aki kajtataj Diosqa suticharqa jallp'ata. Yaku uj cheqallapi tantakojtataj mar qochata suticharqa. Chayta Dios rikorqa sumaj kasqanta. 11Chantá Dios nillarqataj: Jallp'api tukuy laya q'omerkuna wiñachun: Mujoj qhoras, poqoj sach'as ima. Ajinataj karqa. 12Jallp'api wiñarqa tukuy laya q'omerkuna: Qhoras, mujojkuna, poqoj sach'as ima. Ajinataj karqa. Chayta Dios rikorqa sumaj kasqanta. 13Ajina ch'isiyaywan sut'iyaywan kinsa kaj día karqa.
14Chaymantá Dios nillarqataj: K'anchaykuna kachun cielopi, p'unchayta wajman, tutatataj wajman t'aqanampaj; jinallataj señal kanampaj tiempospaj, diaspaj, wataspajwan. 15K'anchaykuna kachun cielopi jallp'ata k'anchanampaj. Ajinataj karqa. 16Dios ruwarqa iskay jatuchaj k'anchaykunata: Sinch'i kajta p'unchaypi k'anchanampaj, pisi kajtataj tutapi k'anchanampaj. Chaymantá ruwallarqataj qoyllurkunata. 17-18Dios churarqa k'anchaykunata cieloman, jallp'ata p'unchaynintin, tutantin k'anchamunankupajpuni; k'anchayta wajman, laqhatapis wajman t'aqanankupaj. Chayta Dios rikorqa sumaj kasqanta. 19Ajina ch'isiyaywan sut'iyaywan tawa kaj día karqa.
20Chantá Dios nillarqataj: Yakupi kausachunku ashkha animalkuna; jinallataj p'isqospis jallp'a patata phawaykachajkuna. 21Dios ruwarqa jatuchaj manchachikuna jina animalesta mar qochapi, tukuy laya khurustawan, layankuman jina yakupi kausajkunata, jinallataj tukuy laya p'isqostapis layankuman jina. Chayta Dios rikorqa sumaj kasqanta. 22Dios bendicerqa chay tukuynin animalesta, nispa: Mira castas kaychej, miraychej, mar yakuman junt'achiychej. P'isqospis jallp'a patapi mirachunku. 23Ajina ch'isiyaywan sut'iyaywan phishqa kaj día karqa.
24Chantá Dios nerqa jallp'a patapi kausachunku tukuy laya animales: Monte animales, uywas, pampata qhatatakojkuna ima, layankuman jina. Ajinataj karqa. 25Dios ruwarqa monte animalesta layankuman jina, uywasta layankuman jina, jinallataj pampata qhatatakoj animalestapis layankuman jina. Chayta Dios rikorqa sumaj kasqanta.
26Chay qhepata Dios nerqa: Runata ruwanachej noqanchejman rijch'akojta; tukuynin animalesmanta aswan atiyniyoj kachun, mundontimpi atipanampaj challwasta, p'isqosta, tawa chakiyojkunata, qhatatakojkunatawan jallp'a patapi. 27Diosqa runata ruwashaspa payman rijch'akojta ruwarqa; qharita warmitawan ruwarqa. 28Chantá bendicerqataj nispa: Mira casta kaychej, miraychej, mundoman junt'aychej; atiyniyojtaj kaychej, atipaspa mar qochapi kaj challwasta, tukuy p'isqosta, tukuy qhatatakojkunatawan jallp'a patapi.
29Chaymantá paykunaman nerqa: Qhawariychej, qankunaman qoykichej jallp'a patapi tukuy mujoj plantasta, tukuy sach'astawan. Chaykunataj mikhunaykichejpaj kanqa. 30Tukuy monte animalesman, p'isqosman, tukuy qhatatakojkunamampis jallp'a patapi, q'omer qhorasta qoni mikhunankupaj. Ajinataj karqa. 31Dios rikorqa tukuy ima ruwasqanqa sumajpuni kasqanta. Ajinamanta junt'akorqa ch'isiyaywan sut'iyaywan sojta kaj día.
Qheshwa Biblia DC © Sociedades Bíblicas Unidas, 1986.