YOHANET 10
10
Wene wam topa wam serogo welagarek mene oba lìrogo yogoisasike wene
1At Yesùt en wene atì'nogo yogoisasikesik he, hobuk aike mel yogoisasike:
“An nen wene aike eberogoat yogohisak o. Sa nen wam topa warn wanigìlùk ebe lalma kigìlùk he, kwe ebekwe kìgì'lek, we, leget esia'le harogo kike halok he, at atì yoga wanherek mane eki abusak wanigìlùgat o. 2Nen, sa nen, kwe ebekwe kike halok he, at atì wam esewerek logolìk serogo welagarek meneat o. 3At wam esewerek logolìk serogo welagarek mane atì, ebe waga halok, at aike wam awì kwe ba kagalek welagarek mene nen kwe hùthikenem, at wam esewerek a'nogo nen ane hakhikenem, it wam topa wam en, at ane inasuk holharesi'mo nogo nen he, inetage lopok waisìlìk, wogisek eta'ma wùlùperek o. 4Wogisek wùlùperesik, at ebe alebagìk laga kolek he, ako topa amanogo, at ane inelumo nogo nen he, opoligat lagaikarek o. 5Atì'nogo hano lagaikarek meneat he, it ap aikeagùn inane ikenem, it wam topa wam en it inane inokot nogo nen he, inopolik lagì'lek hese lagaikarek o,” ìlùk, 6at Yesùt en, wene atì oba lìrogo it yogoisasike meneat he, wene kì mene hesik ike heat, hùthìgì'lek welagaukwa.
At Yesùt en, “Wam topa wam esewerek logolìk, serogo welagìrek mene, nebe anat o,” ìlùk yogoisasike wene
7Atì'nogo hùthìgì'lek werek kolek, hobuk at Yesùt en he, mel yogoisasike:
“Wene eberogoat aike yogohisak. Wam topa wam atì inakwe re, an nebeat o. 8An wagì'lek oan werek kolek, it apùnì aike alebagik wagaukwa atì re, it inebe obogat wam topa wam yogot wanhìk, hinatìk, egarek mene wagaukwasi'mo nogo nen he, it wam topa wam en, it inane inasuk holhì'lek welagaukwa. 9Kwe re, an nebeat o. Sa nen an nebe ba kike halok, ebe tegelek hano motok logolìk, wùlhìk-kìgìk ìkì logolìk he, eka hano mene nek nìkì logogin o. 10Nen, it ap yogot wanharek mene wagaikarek atì, wam topa wam yogot hinatìk, inoatìk, inebe motok legetsìgìk, hagasuogolùk wagaikarek meneat he, an wagagi atì nek he, it apùnì yì mene tì mene api'mo oba hilarogo welagaikarek atì hak, inebe ineluk motok logouagalùk inelugurinabì'mo nen ebe mene oba hilarogo logouagalùk wagagi o. 11Wam topa wam esewerek logolìk serogo welagìrek mene, noabùt hano re, nebe anat o. Wam topa wam esewerek logolìk serogo welagaikarek mene, oabùt hano mene re, ako topa elelerogo wa'lasigin ìlùk a'la akikerek. 12At atì'nogo akikerek meneat he, at ap aike wam topa wam esewerek mene lek. At ako hùk. At we, oko wogosuagalùk serogo were'ma yeke lo yeke waganem eileken lakhalùk, wam topa warn heraksalùk hese lagare'ma re, yeke lo yeke a'nogo nen wam amanogo aik en aroromethìgìk woginabigìlùk sìk hogo mùk hogo pùgùlogo wulaksikerek. 13At atì oko wogosuagalùk wam topa wam serogo welagarek atì nen he, wam amanogo etawì lek heraksalùk hese lagarek atì o. 14-15Wam topa wam serogo welagìrek mene noabùt hano re, nebe anat o. Nopase nen an elu, nen, an nen at nelu, welagorek atì hak, an nen nako topa nelu, nen, it en an inelu, welagarek o. Atì'nogo logolìk, an nako topa elelerogo wa'lasigìlùk welagì. 16Nen, an nako topa wam ebe lalma yoma nek werek hùk. O wele'ma aike weregat o. Nako atoma mene nane inasuk holuagalùk wogisek wesigìlùgat welagì o. Hisa wesumo, it an nako topa wam yoko palek omakìkwe nìkì logogun. Atì'nogo niko kolek, an naligat en serisek logogin o. 17An wa'larìk napotkwe neluk asigìlùk nebe wa'lasigin akìgìrek atì nen he, nopase nen an etaùken hutik welagarek o. 18An nen wa'lasigin akìgì'le'maat, it apùnì aike nen oake ba noasusak mea o. We, an nokawerek na'la nenat, nebe wa'lasigin akegein obaat wa'lasigin o. Wa'larìk, hobuk napotkwe neluk asigin atì nokawerek na'la nen akegein obaat o. Atì'nogo hagasuagalùk nopase nen lakhani wagaike meneat hagasigin o, ìlùk eberogoat yogohisìgì,” ìlùk yogoisasike.
19Wene atì'nogo yogoisasike atì nen, it ap Yahuri mene inane apik sagalhukwasik inebe mìkìlhukwa. 20Atì'nogo mìkìlhukwasik, it inebe hùkokwe nen he, mel isukwa:
“At yì mokareke oabùt weak mene a'la kikesik ebe sìnì'nùk agasik wene iko kolegat he, hit at ane holhì lagep atì nenahalok,” ìlùk isukwa. 21Atì'nogo isukwa meneat he, it he'nakìt en he, mel isukwa:
“Lek o. Apùnì mokareke oabùt weak mene ina'la kìlìk he, wene atì'nogo egarek lek o! Mokareke oabùt weak mene nen ineileken mùm mene elok hano hagarinabusak akegep? Motok mea o,” ìlùk isukwa.
It ap kaintek Yahuri mene nen Yesùt ebe wasuogolùk weim abok hobuk isukwa wene
22Atì'nogo isukwasik oba nen, it apùnì Yahuri mene ina'la nen he,
“O Yerusalem Ala awì wùrìk mene hobuk hanorogo tegelhugu a'nogo,” ìlùk ina'la eberek logolìk pesta isatarek oba arat hakok i wagaike. O atem sat he, o weak welagaike. 23Atì'nogo werek kolek, at Yesùt Ala awì wùrì'mo, selepon etage Salomo aseleponma kwe nikenem, 24it ap kaintek Yahuri mene era'lu atogosi wagaukwasik he, mel yogosukwa:
“Ninalabut hìrìk werek kolek herakhinanhì lagen yì, ninalabut siok hogo, hùlì nineki kì ba nen yogonisegein. Ala nen Karìsùt ayoko hìlìk lakhei wesigin isike a'nogo, hebe harat halok he, pak hogoat yogonisan o,” ìlùk yogotì lagaukwama, 25at Yesùt en he, mel yogoisasike:
“An arat yogohisìkì lagì meneat he, hit en eberogoat ìlùk akìkì lagep lek o. An nopase nen nayoko hesikomo hagatì lagì atì, an nabok pak hogo yogohisa hagat hagatì lagì meneat he, 26hit hinebe an mene topa hùk, hunigat atì nen he, nebe hùthanhì lagep lek atì o. 27Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o. 28Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o. 29Ap aike mea meneat he, an nopase nen nako topa wo'nesike mene atì nek he, ebe omame werek o. It an nopase nen wo'nesike mene atì, at eki ba were'ma, it ap aike nen telogo woginabusak mea o. 30Nopase neperak ninebe re, omakeat o,” ìlùk yogoisìkì lagaikomo, 31it ap kaintek Yahuri mene nen he, helep inekim wanhukwasik, Yesùt ebe motok wasuogolùk isukwa. 32Atì'nogo hagatì lagaukwama, at Yesùt en he, mel yogoisasike:
“An nopase nen hano mene apigat hagasuagalùk nayoko hesike mene hagatenem, hineileken nììkì lagep atoma obogat he, aike kì hak kolo hagatì ba nen nebe noasuogolùk ìkì lagep,” ìlùk yogoisìkì lagaikomo, 33it en he, mel yogosukwa:
“Hat hano hagatì lagen atì ba helep oba hoasuogolùk ìkì lago hùk. We, hat hebe apùnì meneat he, Ala etage weagarogo, mel ìkì lagen:
An Ala neperak higit, ìlùk ìkì lagen atì nenat hoasuogolùk ìkì lago o,” ìlùk yogotì lagaukwama, 34#Mzm.82:6 at Yesùt en he, mel yogoisasike:
“Wene Ala nen ninasuk wasike wene a'nogo ba, at en he, mel isikomo helal waganogo hesukwama werek:
Hit hinebe alaat o,
ìlùk helal waganek werek a'nogo lek? 35Wene Ala ane helal waganek welagarek atì obogat he, aike sage agarek lek akìgì. Atì nen he, it at ane yogoisasike mene hesik,
Hinebe alaat,
ìlùk isikomo helal waganek werek kolegat, 36an nen he,
Nebe Ala aput, ìgì atì nen,
Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep. 37An nopase nen he,
Tì'nogo hagatì logoino, ìlùk, nayoko hìlìk lakhani wagaike mene, ebe hagatì'lek logoilema re, hit en nebe hùthanìlìk hinetaùken noba hìpìrethousak mea o. 38Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo, 39it en he, at Yesùt ebe hakhouogolùk isukwa meneat he, ineki habaregeke wo'lakasike.
40Yesùt atì'nogo lagaikesik, hobuk apotkwe i Yoretan aik ìlì bakwe at Yohanet en alebat apùnì ima pelaginapì lagaike ba atoma wùlìpikesik welagaike. 41Atoma were'ma, apùnì apigat at oba wagaukwasik he, mel isukwa:
“At Yohanet en elalin mene aike hagatì lagaike motok lek meneat he, at en ap yì abok ìkì lagaike a'nogo ane ebe nek agaike,” ìlùk isukwasik he, 42it apùnì atoma welagaukwa mene inebe apigat inetaùken Yesùt oba hìpìrethesukwa.
YOHANET 10
10
Wene wam topa wam serogo welagarek mene oba lìrogo yogoisasike wene
1At Yesùt en wene atì'nogo yogoisasikesik he, hobuk aike mel yogoisasike:
“An nen wene aike eberogoat yogohisak o. Sa nen wam topa warn wanigìlùk ebe lalma kigìlùk he, kwe ebekwe kìgì'lek, we, leget esia'le harogo kike halok he, at atì yoga wanherek mane eki abusak wanigìlùgat o. 2Nen, sa nen, kwe ebekwe kike halok he, at atì wam esewerek logolìk serogo welagarek meneat o. 3At wam esewerek logolìk serogo welagarek mane atì, ebe waga halok, at aike wam awì kwe ba kagalek welagarek mene nen kwe hùthikenem, at wam esewerek a'nogo nen ane hakhikenem, it wam topa wam en, at ane inasuk holharesi'mo nogo nen he, inetage lopok waisìlìk, wogisek eta'ma wùlùperek o. 4Wogisek wùlùperesik, at ebe alebagìk laga kolek he, ako topa amanogo, at ane inelumo nogo nen he, opoligat lagaikarek o. 5Atì'nogo hano lagaikarek meneat he, it ap aikeagùn inane ikenem, it wam topa wam en it inane inokot nogo nen he, inopolik lagì'lek hese lagaikarek o,” ìlùk, 6at Yesùt en, wene atì oba lìrogo it yogoisasike meneat he, wene kì mene hesik ike heat, hùthìgì'lek welagaukwa.
At Yesùt en, “Wam topa wam esewerek logolìk, serogo welagìrek mene, nebe anat o,” ìlùk yogoisasike wene
7Atì'nogo hùthìgì'lek werek kolek, hobuk at Yesùt en he, mel yogoisasike:
“Wene eberogoat aike yogohisak. Wam topa wam atì inakwe re, an nebeat o. 8An wagì'lek oan werek kolek, it apùnì aike alebagik wagaukwa atì re, it inebe obogat wam topa wam yogot wanhìk, hinatìk, egarek mene wagaukwasi'mo nogo nen he, it wam topa wam en, it inane inasuk holhì'lek welagaukwa. 9Kwe re, an nebeat o. Sa nen an nebe ba kike halok, ebe tegelek hano motok logolìk, wùlhìk-kìgìk ìkì logolìk he, eka hano mene nek nìkì logogin o. 10Nen, it ap yogot wanharek mene wagaikarek atì, wam topa wam yogot hinatìk, inoatìk, inebe motok legetsìgìk, hagasuogolùk wagaikarek meneat he, an wagagi atì nek he, it apùnì yì mene tì mene api'mo oba hilarogo welagaikarek atì hak, inebe ineluk motok logouagalùk inelugurinabì'mo nen ebe mene oba hilarogo logouagalùk wagagi o. 11Wam topa wam esewerek logolìk serogo welagìrek mene, noabùt hano re, nebe anat o. Wam topa wam esewerek logolìk serogo welagaikarek mene, oabùt hano mene re, ako topa elelerogo wa'lasigin ìlùk a'la akikerek. 12At atì'nogo akikerek meneat he, at ap aike wam topa wam esewerek mene lek. At ako hùk. At we, oko wogosuagalùk serogo were'ma yeke lo yeke waganem eileken lakhalùk, wam topa warn heraksalùk hese lagare'ma re, yeke lo yeke a'nogo nen wam amanogo aik en aroromethìgìk woginabigìlùk sìk hogo mùk hogo pùgùlogo wulaksikerek. 13At atì oko wogosuagalùk wam topa wam serogo welagarek atì nen he, wam amanogo etawì lek heraksalùk hese lagarek atì o. 14-15Wam topa wam serogo welagìrek mene noabùt hano re, nebe anat o. Nopase nen an elu, nen, an nen at nelu, welagorek atì hak, an nen nako topa nelu, nen, it en an inelu, welagarek o. Atì'nogo logolìk, an nako topa elelerogo wa'lasigìlùk welagì. 16Nen, an nako topa wam ebe lalma yoma nek werek hùk. O wele'ma aike weregat o. Nako atoma mene nane inasuk holuagalùk wogisek wesigìlùgat welagì o. Hisa wesumo, it an nako topa wam yoko palek omakìkwe nìkì logogun. Atì'nogo niko kolek, an naligat en serisek logogin o. 17An wa'larìk napotkwe neluk asigìlùk nebe wa'lasigin akìgìrek atì nen he, nopase nen an etaùken hutik welagarek o. 18An nen wa'lasigin akìgì'le'maat, it apùnì aike nen oake ba noasusak mea o. We, an nokawerek na'la nenat, nebe wa'lasigin akegein obaat wa'lasigin o. Wa'larìk, hobuk napotkwe neluk asigin atì nokawerek na'la nen akegein obaat o. Atì'nogo hagasuagalùk nopase nen lakhani wagaike meneat hagasigin o, ìlùk eberogoat yogohisìgì,” ìlùk yogoisasike.
19Wene atì'nogo yogoisasike atì nen, it ap Yahuri mene inane apik sagalhukwasik inebe mìkìlhukwa. 20Atì'nogo mìkìlhukwasik, it inebe hùkokwe nen he, mel isukwa:
“At yì mokareke oabùt weak mene a'la kikesik ebe sìnì'nùk agasik wene iko kolegat he, hit at ane holhì lagep atì nenahalok,” ìlùk isukwa. 21Atì'nogo isukwa meneat he, it he'nakìt en he, mel isukwa:
“Lek o. Apùnì mokareke oabùt weak mene ina'la kìlìk he, wene atì'nogo egarek lek o! Mokareke oabùt weak mene nen ineileken mùm mene elok hano hagarinabusak akegep? Motok mea o,” ìlùk isukwa.
It ap kaintek Yahuri mene nen Yesùt ebe wasuogolùk weim abok hobuk isukwa wene
22Atì'nogo isukwasik oba nen, it apùnì Yahuri mene ina'la nen he,
“O Yerusalem Ala awì wùrìk mene hobuk hanorogo tegelhugu a'nogo,” ìlùk ina'la eberek logolìk pesta isatarek oba arat hakok i wagaike. O atem sat he, o weak welagaike. 23Atì'nogo werek kolek, at Yesùt Ala awì wùrì'mo, selepon etage Salomo aseleponma kwe nikenem, 24it ap kaintek Yahuri mene era'lu atogosi wagaukwasik he, mel yogosukwa:
“Ninalabut hìrìk werek kolek herakhinanhì lagen yì, ninalabut siok hogo, hùlì nineki kì ba nen yogonisegein. Ala nen Karìsùt ayoko hìlìk lakhei wesigin isike a'nogo, hebe harat halok he, pak hogoat yogonisan o,” ìlùk yogotì lagaukwama, 25at Yesùt en he, mel yogoisasike:
“An arat yogohisìkì lagì meneat he, hit en eberogoat ìlùk akìkì lagep lek o. An nopase nen nayoko hesikomo hagatì lagì atì, an nabok pak hogo yogohisa hagat hagatì lagì meneat he, 26hit hinebe an mene topa hùk, hunigat atì nen he, nebe hùthanhì lagep lek atì o. 27Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o. 28Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o. 29Ap aike mea meneat he, an nopase nen nako topa wo'nesike mene atì nek he, ebe omame werek o. It an nopase nen wo'nesike mene atì, at eki ba were'ma, it ap aike nen telogo woginabusak mea o. 30Nopase neperak ninebe re, omakeat o,” ìlùk yogoisìkì lagaikomo, 31it ap kaintek Yahuri mene nen he, helep inekim wanhukwasik, Yesùt ebe motok wasuogolùk isukwa. 32Atì'nogo hagatì lagaukwama, at Yesùt en he, mel yogoisasike:
“An nopase nen hano mene apigat hagasuagalùk nayoko hesike mene hagatenem, hineileken nììkì lagep atoma obogat he, aike kì hak kolo hagatì ba nen nebe noasuogolùk ìkì lagep,” ìlùk yogoisìkì lagaikomo, 33it en he, mel yogosukwa:
“Hat hano hagatì lagen atì ba helep oba hoasuogolùk ìkì lago hùk. We, hat hebe apùnì meneat he, Ala etage weagarogo, mel ìkì lagen:
An Ala neperak higit, ìlùk ìkì lagen atì nenat hoasuogolùk ìkì lago o,” ìlùk yogotì lagaukwama, 34#Mzm.82:6 at Yesùt en he, mel yogoisasike:
“Wene Ala nen ninasuk wasike wene a'nogo ba, at en he, mel isikomo helal waganogo hesukwama werek:
Hit hinebe alaat o,
ìlùk helal waganek werek a'nogo lek? 35Wene Ala ane helal waganek welagarek atì obogat he, aike sage agarek lek akìgì. Atì nen he, it at ane yogoisasike mene hesik,
Hinebe alaat,
ìlùk isikomo helal waganek werek kolegat, 36an nen he,
Nebe Ala aput, ìgì atì nen,
Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep. 37An nopase nen he,
Tì'nogo hagatì logoino, ìlùk, nayoko hìlìk lakhani wagaike mene, ebe hagatì'lek logoilema re, hit en nebe hùthanìlìk hinetaùken noba hìpìrethousak mea o. 38Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo, 39it en he, at Yesùt ebe hakhouogolùk isukwa meneat he, ineki habaregeke wo'lakasike.
40Yesùt atì'nogo lagaikesik, hobuk apotkwe i Yoretan aik ìlì bakwe at Yohanet en alebat apùnì ima pelaginapì lagaike ba atoma wùlìpikesik welagaike. 41Atoma were'ma, apùnì apigat at oba wagaukwasik he, mel isukwa:
“At Yohanet en elalin mene aike hagatì lagaike motok lek meneat he, at en ap yì abok ìkì lagaike a'nogo ane ebe nek agaike,” ìlùk isukwasik he, 42it apùnì atoma welagaukwa mene inebe apigat inetaùken Yesùt oba hìpìrethesukwa.
