YOHANET 12
12
He Maria nen amusu obasi hano mene Yesùt esok oba wathesike wene
(Mat.26:6-13; Mrk.14:3-9)
1Wene atì'nogo isukwasik werek kolek, ineki 5 nen logopik en, aike nen pesta Paskah a'nogo mene nùogolùk oan werek kolek, at Yesùt o Petania ap Lasarùt wa'lagaikesi'mo nen eluguthesike mene a'nogo aua wagaike. 2Wagaikomo, it apùnì atoma nen aganeke isasukwama, he Mareta nen sùpùrùk sùpùrisiko kolek, Lasarùt mel, apùnì inayoko hesukwa mene mel, Yesùt inom nasukwa. 3Atì'nogo niko kolek, at he Maria nen amusu etage narwastu obasi hano oko apigat palharek mene, setengah liter waganogo Yesùt esok oba wathesikesik he, at Maria okawerek esi ba tesike. Atì'nogo hagasikomo, ouma a'nogo obasi motok sang-pang isike. 4Atì'nogo hagasikomo, at Yesùt agoromì ane wanhì lagaukwa mene aike etage Yùrat Isikariot, hobuk Yesùt wasuagalùk yoko lagaike mene a'nogo nen he, mel isike:
5“Amusu narwastu atì ba apùnì yabu ineki omake hesik hagatenem ineki oko omakìtek wogisagarek a'nogo mene 300 wìlìk en he, it apùnì inagarok lek mene sùpùrisasak meneat he, amusu alemate atì nahalok,” ìlùk, wene palhike. 6Atì'nogo wene palhike atì re, apùnì inagarok lek mene atì etawì nen isike hùk. We, at agaiya'lak inom obogat inauang awì hesogo logolìk, at okawerek hesik hinagasogo helìkì lagaike atì nen isike. 7Atì'nogo isikomo, at Yesùt en he, mel yogosike:
“He yì amusu wathanhe atì hesik, wenagate hùk o. An hobuk noatenem nebe wa'lasumo warek salnabuogolùk amusu wathanu hagat hesogo welagasik wathanhe o. 8Nen, it apùnì inagarok lek mene atì, hit hinom motok logogun meneat he, an enek he, hit ninom motok logogun lek o,” ìlùk yogoisasike.
It ap Ala esewerek mene nen Lasarùt ebe wasuogolùk weim abok isukwa wene
9At Yesùt en atì'nogo yogoisasikesik were'ma, apùnì nen he,
“At Yesùt o Petania werek o,” ìlùk isukwama, it apùnì Yahuri mene inebe logolegat inasuk holhukwasik lagaukwa. Atì'nogo lagaukwa atì re, at Yesùt enek ineileken hùogolùk lagaukwa hùk. At he, Lasarùt warek mene Yesùt en eluguthesike a'nogo eperagat ineileken isùogolùk lagaukwa. 10-11Lagaukwama, it ap Ala esewerek inogogì kaintek en he, mel isukwa:
“Lasarùt eluguthike atì nen, apùnì Yahuri mene inebe apigat nit ninane heraksalùk inetaùken Yesùt oba hìpìrethìlì'lùgì,” ìlùk, Lasarùt hogo wasuogolùk aweim kabelhukwaat.
Yesùt ebe o Yerusalem kikenem hogorasukwa wene
(Mat.21:1-11; Mrk.11:1-11; Luk.19:28-40)
12Atì'nogo isukwasik werek kolek, hùenkwe, it apùnì nen he,
“At Yesùt o Yerusalem wesigìlùk wìrì'logo,” ìlùk isukwama, it apùnì apik pesta Paskah nikenem atogosukwa mene amanogo inasuk holhukwasik he, 13#Mzm.118:26 wùrama hake mene eka palhìgìk wolok he, Yesùt elokoma a'mìt sup hogo wùlìpì logolìk, mel isukwa:
“Wa! Wa! Wa!” ìlùk u hak,
“Hosana! Ninopase Ala Etagepogot en nit apùnì Isirael mene ninoe kain lakhagei wagama wagen yì, at enat hanothabuak o,” ìlùk etawì warìk warìk wùlìbi wagaukwa. 14-15#Za.9:9 Wùlìbi waganem, at Ala nen hageat mel isikomo helal yì'nogo waganek werek:
“Hit apùnì o kota Sion welagasep mane hinayùk agùp o!
Hinoe kain wam keledai eak ket oan mene apot oba hùrek wìrì'logo a'n hineileken lakhani o!”
ìlùk isike higit hogoat, Yesùt wam keledai eak ket oan mene aike wanhkesik he, apot oba hù'lagaikesik kisike atì. 16Atì'nogo kisike meneat he, atì sat, it at agoromì ane wanhì lagaukwa mene amanogo nen, wene haga'lagaike mene atì hùthìgìlek. Meneat he, at Yesùt wa'lagaikesi'mo nen hobuk Ala nen eluguthesikesik esinethesikesi'mo nen, ina'la ebesukwasik he, mel isukwa:
“At hesik Ala ane helal waganek weregat o. It apùnì nen at hesik hagatenem nineileken hogo a'nogo re, wene helal waganek werek ati higit hogoat hagatama o,” ìlùk ina'la ebesukwa. 17Nen, at Lasarùt warek salhukwasi'mo nen he, at Yesùt en waesikomo ebe eluk agaikesik wùlìbi waganem, it apùnì ineileken hasukwa mene amanogo nen, it he'nakìt yogoisìkì logolìk,
18“At Yesùt ebe hùthoagalùk elalin mene atì'nogo hagate,” ìlùk isukwama apùnì inebe apik inasuk holhukwasi'mo nogo nen he, Yesùt elokoma wùlìbi wagaukwa atì. 19Atì'nogo wùlìbi wagaukwa atì nen, it ap Parisi mene it-it wene ìkì logolìk he,
“Lakhani! Yì apùnì tì apùnì obogat, at opolik motok lìlì'lùgì atì nen he, nit en hagatì lago a'nogo hagatenem, ninane ebe asigin akìkì lagep a? Motok lek o,” ìlùk isukwa.
It ap Yunani mene nen Yesùt herarìk wagaukwa wene
20It apùnì pesta nìkì logolìk Ala hogorasuogolùk wagaukwa atì re, it ap Yunani mene he'nakìt inom wagaukwa. 21It ap atì wagaukwasik he, ap Pilipùt awì o Kalilea tokwe, kota etage Pesaìra mene pisikesik were'ma, oba wagaukwasik he, mel yogosukwa:
“Noe. Nit Yesùt oba wesusak walok en wago o,” ìlùk isukwama, 22at Pilipùt en wene isukwa mene atì, at Atereat yogosi lagaikesik eperak en hobuk Yesùt yogosukwa. 23Atì'nogo yogosi lagaukwama, at Yesùt en he, mel yogoisasike:
“An abat ta'lasi wagagi a'nogo, nebe hogo'nabugun oba arat asi waga o. 24Nen, apùnì nen, gandum eken awì kweangma yatì'le'ma, apùnì wa'lagaikarek atì hak, ogat alep mene hili arìk ket mene hulelhì'lek halok he, eken omakeat awì yasugun mene atìat logogin o. Meneat he, eken atì kweangma yarì'mo, apùnì wa'lagaikarek hak, ogat alep mene atì hili arìk enek he, hobuk ket mene hulelìk eken apik ìterek o,” ìlùk yogoisasike.
25Atì'nogo yogoisasikesik, wene aike mel yogoisasike:
“At sa nen, a'la nen he,
An kweangma yoma nebe neluk logousak walok, ìlùk akikerek halok he, hobuk ebe eluk motok logousak mene hesik nong asigin o. Meneat he, at sa nen a'la nen he,
Kweangma yoma neluk logousak he, nabìt, ìlùk akikerek halok he, at atì hobuk ebe nong agì'lek eluk motok logogin o. 26Men, at sa nen an natitigeke logolìk, a'la nen he,
An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.
Yesùt en, “An noasugun,” ìlùk yogoisasike wene
27At Yesùt en wene atì'nogo yogoisasikaeik he, sapan aike mel isike:
“Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase. 28Halok he, nopase, hat hetage esinethakan o,” ìlùk yogotenem he, pogot oba nen ane ìkì logolìk, mel isike:
“Arat esinethakìgìrìk he, hobuk esinethakegeinat o,” ìlùk yogotenem, 29it apùnì inebe apigat atoma metek welagaukwa mene nen, inasuk holhukwasik, it aike nen he,
“Okuku ane ike,” ìgìk, nen it aike nen he,
“Lek o. It malaikat pogot oba yoko negarek mene aike nen ane hakhike o,” ìgìk, isukwa. 30Atì'nogo isukwama, at Yesùt en he, mel yogoisasike:
“Ane ikenem hinasuk holhep atì re, an hesik hùk. Hit hesik ike o. 31Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o. 32An nebe kweangma yoma menhanumo re, an nen apùnì obogat lit-lit wogisek nokawerek noba hisa wesigin o,” ìlùk yogoisasike. 33Atì'nogo yogoisasike atì ebe re,
“An hobuk apùnì nen tì'nogo menhanìlìk noasugun,” ìlùk u hak isike. 34Atì'nogo isikomo, it apùnì apik amanogo nen he, mel yogosukwa:
“Wene Ala nen ninasuk wasike wene atì ba re, nit apùnì telninabuagalùk Ala nen ap aike lakhei wesigin atì ebe wìrìk he, eluk motok logogin. Ìlùk isikomo ninasuk holhorek meneat he, hat en ìkì logolìk he,
An abat ta'lasi wagagi a'nogo apùnì nen kweangma yoma menhanugun, ìlùk egen atì re, ap aike ebe abat ta'lasi wesigin isike atì ebe sa hesik isikomo nen egen,” ìlùk yogosukwa. 35Atì'nogo yogosukwama, at Yesùt en he, mel yogoisasike:
“An nebe lìarinapìrek mene a'nogo re, we, hamùlùgat ninom logogun o. Halok, at sa nen o hùako mùmmo laga halok he,
O koma laga lagì he, okorat lìlì'logo atì nen he, hit laganem o mùm asinogo, ìlùk, an lìarinapìrek mene ninom werek kolek yaat lìa ba laga logoni o. 36Hit hinebe an lìarinapìrek mane nagainapùrì asuageip en he, an ninom werek kolek yaat, nebe hù'nììlìk hinetaùken noba hìpìrethìkì logoni o,” ìlùk yogoisasike. Wene atì'nogo arat yogoisalùk, it atoma hisalùk, at Yesùt ebe wele'ma hina'lasi lagaike.
It apùnì Yahuri mene Yesùt eberogoat ìlùk, ebe hùthìgì'lek welagaukwa wene
37At Yesùt ebe it en hùthoagalùk ineilhanem elalinat apigat hagatì lagaike meneat he, it en,
At eberogoat ìlùk, ebe hùthìkì lagaukwa motok lek. 38#Yes.53:1 It atì'nogo hagatì lagaukwa atì re, ap Yesaya Ala ane yogoisìkì lagaike mene nen ìkì logolìk he, mel isike:
“Ala Hetagepogot mene, nopase. Nit en hat hane yogoisikenem, sa nen wene atì eberogoat ìlùk hùthasike nogo.
Hat heki omame ineileken hoagalùk elalinat hagatetek a'nogo ebe hagatenem, sa nen eileken hìlìk hùthasike nogo. Lek o,”
ìlùk isike mene helal waganek werek atì, ebe asuagalùk, atì'nogo hagatì lagaukwa ati. 39At Ala nen tì'nogo hagarinapike atì nen, it atì'nogo eberogoat ìlùk hùthìgì'lek hagatì lagaukwa, ìlùk Yesaya nen aike mel isike:
40 #
Yes.6:10 “At Ala nen he, it ineileken nen tùkùm hogo hìlìk, ina'la ebethìlìk inoabùt hebelarìk he, an nawe a'ma waganem, an nen it hano hagarinabi nogo ìlùk, an nenat it ineileken mùmetsìgìk, ina'la pùgùtsìgìk, isigi o,”
ìlùk isikomo, Yesaya nen helal waganogo hesikomo werek atì. 41At Yesaya nen wene atì'nogo isike atì re, at Yesùt hobuk hagatenem ebe hogorasugun mene hesik eileken hasikesik en, at abok isike atì. 42Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa:
“It ap Parisi mane nen o napan egare'ma nen nineki lisogo wulakhina nogo,” ìlùk he,
“Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek. 43It atì Ala nen hogorinabuagalùk hagatì lagaukwa lek. We, apùnì nen hogorinapì logou walok en hagatì lagaukwa atì.
Yesùt ane atì ba ùkùm inoba hìgìk, kotìk, ikerek wene
44It atì'nogo hagatì lagaukwa meneat he, at Yesùt en ane hùkorogo mel yogoisasike:
“At sa nen etaùken an noba hìpìrethegein halok he, an noba hìpìrethegein hùk. Lek o. We, an lakhani wagaike mene a'nogo oba etaùken hìpìrethegein o. 45Nen, at sa nen, eileken an niike halok he, an lakhani wagaike mene a'nogoat eileken hike o. 46Nen, it apùnì inetaùken an noba hìpìrethogoin mene hùgì obogat he, o mùm oba logoinogo ìlùk, harinabigìlùk an nebe lìarinapìrek mene kweangma yoma pi wagagi o. 47An kweangma yoma pi wagagi atì re, apùnì ùkùm inoba heigìlùk pi wagagi hùk. We, inebe telinabigìlùk pi wagagi atì nen he, at sa nen an nane asuk holìgat he, nane hologo hagatì'lek halok, an nenat ùkùm oba hegein hùk. Lek o. 48At he, at atì an nebe wo'nabu abìrat, nen nane tùkùm hogo wanusak abìrat, atì nen, at atì ùkùm oba hegein mene werek o. Ùkùm oba hegein atì re, o elùgùn oba tegelinabigin atì ba, an nen wene yogohisìkì lagì atì baat ùkùm oba asigin o, ìlùk atì'nogo yogohisìkì lagì atì re, 49an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat,
Yì'nogo in, tì'nogo in, ìlùk yogoneto kolegat yogohisìkì lagì o. 50Nan, at on nit nineluk logouagalùk wene ninasuk warogo,
Yì'nogo haga'no, tì'nogo haga'no, ìlùk ninasuk warogo yogonisikerek atì nit nineluk logouagalùk yogonisikerek, ìlùk an nelu o. At nopase nen wene yogonìrì'logo meneat yogohisìkì lagì o,” ìlùk yogoisasike.
YOHANET 12
12
He Maria nen amusu obasi hano mene Yesùt esok oba wathesike wene
(Mat.26:6-13; Mrk.14:3-9)
1Wene atì'nogo isukwasik werek kolek, ineki 5 nen logopik en, aike nen pesta Paskah a'nogo mene nùogolùk oan werek kolek, at Yesùt o Petania ap Lasarùt wa'lagaikesi'mo nen eluguthesike mene a'nogo aua wagaike. 2Wagaikomo, it apùnì atoma nen aganeke isasukwama, he Mareta nen sùpùrùk sùpùrisiko kolek, Lasarùt mel, apùnì inayoko hesukwa mene mel, Yesùt inom nasukwa. 3Atì'nogo niko kolek, at he Maria nen amusu etage narwastu obasi hano oko apigat palharek mene, setengah liter waganogo Yesùt esok oba wathesikesik he, at Maria okawerek esi ba tesike. Atì'nogo hagasikomo, ouma a'nogo obasi motok sang-pang isike. 4Atì'nogo hagasikomo, at Yesùt agoromì ane wanhì lagaukwa mene aike etage Yùrat Isikariot, hobuk Yesùt wasuagalùk yoko lagaike mene a'nogo nen he, mel isike:
5“Amusu narwastu atì ba apùnì yabu ineki omake hesik hagatenem ineki oko omakìtek wogisagarek a'nogo mene 300 wìlìk en he, it apùnì inagarok lek mene sùpùrisasak meneat he, amusu alemate atì nahalok,” ìlùk, wene palhike. 6Atì'nogo wene palhike atì re, apùnì inagarok lek mene atì etawì nen isike hùk. We, at agaiya'lak inom obogat inauang awì hesogo logolìk, at okawerek hesik hinagasogo helìkì lagaike atì nen isike. 7Atì'nogo isikomo, at Yesùt en he, mel yogosike:
“He yì amusu wathanhe atì hesik, wenagate hùk o. An hobuk noatenem nebe wa'lasumo warek salnabuogolùk amusu wathanu hagat hesogo welagasik wathanhe o. 8Nen, it apùnì inagarok lek mene atì, hit hinom motok logogun meneat he, an enek he, hit ninom motok logogun lek o,” ìlùk yogoisasike.
It ap Ala esewerek mene nen Lasarùt ebe wasuogolùk weim abok isukwa wene
9At Yesùt en atì'nogo yogoisasikesik were'ma, apùnì nen he,
“At Yesùt o Petania werek o,” ìlùk isukwama, it apùnì Yahuri mene inebe logolegat inasuk holhukwasik lagaukwa. Atì'nogo lagaukwa atì re, at Yesùt enek ineileken hùogolùk lagaukwa hùk. At he, Lasarùt warek mene Yesùt en eluguthesike a'nogo eperagat ineileken isùogolùk lagaukwa. 10-11Lagaukwama, it ap Ala esewerek inogogì kaintek en he, mel isukwa:
“Lasarùt eluguthike atì nen, apùnì Yahuri mene inebe apigat nit ninane heraksalùk inetaùken Yesùt oba hìpìrethìlì'lùgì,” ìlùk, Lasarùt hogo wasuogolùk aweim kabelhukwaat.
Yesùt ebe o Yerusalem kikenem hogorasukwa wene
(Mat.21:1-11; Mrk.11:1-11; Luk.19:28-40)
12Atì'nogo isukwasik werek kolek, hùenkwe, it apùnì nen he,
“At Yesùt o Yerusalem wesigìlùk wìrì'logo,” ìlùk isukwama, it apùnì apik pesta Paskah nikenem atogosukwa mene amanogo inasuk holhukwasik he, 13#Mzm.118:26 wùrama hake mene eka palhìgìk wolok he, Yesùt elokoma a'mìt sup hogo wùlìpì logolìk, mel isukwa:
“Wa! Wa! Wa!” ìlùk u hak,
“Hosana! Ninopase Ala Etagepogot en nit apùnì Isirael mene ninoe kain lakhagei wagama wagen yì, at enat hanothabuak o,” ìlùk etawì warìk warìk wùlìbi wagaukwa. 14-15#Za.9:9 Wùlìbi waganem, at Ala nen hageat mel isikomo helal yì'nogo waganek werek:
“Hit apùnì o kota Sion welagasep mane hinayùk agùp o!
Hinoe kain wam keledai eak ket oan mene apot oba hùrek wìrì'logo a'n hineileken lakhani o!”
ìlùk isike higit hogoat, Yesùt wam keledai eak ket oan mene aike wanhkesik he, apot oba hù'lagaikesik kisike atì. 16Atì'nogo kisike meneat he, atì sat, it at agoromì ane wanhì lagaukwa mene amanogo nen, wene haga'lagaike mene atì hùthìgìlek. Meneat he, at Yesùt wa'lagaikesi'mo nen hobuk Ala nen eluguthesikesik esinethesikesi'mo nen, ina'la ebesukwasik he, mel isukwa:
“At hesik Ala ane helal waganek weregat o. It apùnì nen at hesik hagatenem nineileken hogo a'nogo re, wene helal waganek werek ati higit hogoat hagatama o,” ìlùk ina'la ebesukwa. 17Nen, at Lasarùt warek salhukwasi'mo nen he, at Yesùt en waesikomo ebe eluk agaikesik wùlìbi waganem, it apùnì ineileken hasukwa mene amanogo nen, it he'nakìt yogoisìkì logolìk,
18“At Yesùt ebe hùthoagalùk elalin mene atì'nogo hagate,” ìlùk isukwama apùnì inebe apik inasuk holhukwasi'mo nogo nen he, Yesùt elokoma wùlìbi wagaukwa atì. 19Atì'nogo wùlìbi wagaukwa atì nen, it ap Parisi mene it-it wene ìkì logolìk he,
“Lakhani! Yì apùnì tì apùnì obogat, at opolik motok lìlì'lùgì atì nen he, nit en hagatì lago a'nogo hagatenem, ninane ebe asigin akìkì lagep a? Motok lek o,” ìlùk isukwa.
It ap Yunani mene nen Yesùt herarìk wagaukwa wene
20It apùnì pesta nìkì logolìk Ala hogorasuogolùk wagaukwa atì re, it ap Yunani mene he'nakìt inom wagaukwa. 21It ap atì wagaukwasik he, ap Pilipùt awì o Kalilea tokwe, kota etage Pesaìra mene pisikesik were'ma, oba wagaukwasik he, mel yogosukwa:
“Noe. Nit Yesùt oba wesusak walok en wago o,” ìlùk isukwama, 22at Pilipùt en wene isukwa mene atì, at Atereat yogosi lagaikesik eperak en hobuk Yesùt yogosukwa. 23Atì'nogo yogosi lagaukwama, at Yesùt en he, mel yogoisasike:
“An abat ta'lasi wagagi a'nogo, nebe hogo'nabugun oba arat asi waga o. 24Nen, apùnì nen, gandum eken awì kweangma yatì'le'ma, apùnì wa'lagaikarek atì hak, ogat alep mene hili arìk ket mene hulelhì'lek halok he, eken omakeat awì yasugun mene atìat logogin o. Meneat he, eken atì kweangma yarì'mo, apùnì wa'lagaikarek hak, ogat alep mene atì hili arìk enek he, hobuk ket mene hulelìk eken apik ìterek o,” ìlùk yogoisasike.
25Atì'nogo yogoisasikesik, wene aike mel yogoisasike:
“At sa nen, a'la nen he,
An kweangma yoma nebe neluk logousak walok, ìlùk akikerek halok he, hobuk ebe eluk motok logousak mene hesik nong asigin o. Meneat he, at sa nen a'la nen he,
Kweangma yoma neluk logousak he, nabìt, ìlùk akikerek halok he, at atì hobuk ebe nong agì'lek eluk motok logogin o. 26Men, at sa nen an natitigeke logolìk, a'la nen he,
An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.
Yesùt en, “An noasugun,” ìlùk yogoisasike wene
27At Yesùt en wene atì'nogo yogoisasikaeik he, sapan aike mel isike:
“Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase. 28Halok he, nopase, hat hetage esinethakan o,” ìlùk yogotenem he, pogot oba nen ane ìkì logolìk, mel isike:
“Arat esinethakìgìrìk he, hobuk esinethakegeinat o,” ìlùk yogotenem, 29it apùnì inebe apigat atoma metek welagaukwa mene nen, inasuk holhukwasik, it aike nen he,
“Okuku ane ike,” ìgìk, nen it aike nen he,
“Lek o. It malaikat pogot oba yoko negarek mene aike nen ane hakhike o,” ìgìk, isukwa. 30Atì'nogo isukwama, at Yesùt en he, mel yogoisasike:
“Ane ikenem hinasuk holhep atì re, an hesik hùk. Hit hesik ike o. 31Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o. 32An nebe kweangma yoma menhanumo re, an nen apùnì obogat lit-lit wogisek nokawerek noba hisa wesigin o,” ìlùk yogoisasike. 33Atì'nogo yogoisasike atì ebe re,
“An hobuk apùnì nen tì'nogo menhanìlìk noasugun,” ìlùk u hak isike. 34Atì'nogo isikomo, it apùnì apik amanogo nen he, mel yogosukwa:
“Wene Ala nen ninasuk wasike wene atì ba re, nit apùnì telninabuagalùk Ala nen ap aike lakhei wesigin atì ebe wìrìk he, eluk motok logogin. Ìlùk isikomo ninasuk holhorek meneat he, hat en ìkì logolìk he,
An abat ta'lasi wagagi a'nogo apùnì nen kweangma yoma menhanugun, ìlùk egen atì re, ap aike ebe abat ta'lasi wesigin isike atì ebe sa hesik isikomo nen egen,” ìlùk yogosukwa. 35Atì'nogo yogosukwama, at Yesùt en he, mel yogoisasike:
“An nebe lìarinapìrek mene a'nogo re, we, hamùlùgat ninom logogun o. Halok, at sa nen o hùako mùmmo laga halok he,
O koma laga lagì he, okorat lìlì'logo atì nen he, hit laganem o mùm asinogo, ìlùk, an lìarinapìrek mene ninom werek kolek yaat lìa ba laga logoni o. 36Hit hinebe an lìarinapìrek mane nagainapùrì asuageip en he, an ninom werek kolek yaat, nebe hù'nììlìk hinetaùken noba hìpìrethìkì logoni o,” ìlùk yogoisasike. Wene atì'nogo arat yogoisalùk, it atoma hisalùk, at Yesùt ebe wele'ma hina'lasi lagaike.
It apùnì Yahuri mene Yesùt eberogoat ìlùk, ebe hùthìgì'lek welagaukwa wene
37At Yesùt ebe it en hùthoagalùk ineilhanem elalinat apigat hagatì lagaike meneat he, it en,
At eberogoat ìlùk, ebe hùthìkì lagaukwa motok lek. 38#Yes.53:1 It atì'nogo hagatì lagaukwa atì re, ap Yesaya Ala ane yogoisìkì lagaike mene nen ìkì logolìk he, mel isike:
“Ala Hetagepogot mene, nopase. Nit en hat hane yogoisikenem, sa nen wene atì eberogoat ìlùk hùthasike nogo.
Hat heki omame ineileken hoagalùk elalinat hagatetek a'nogo ebe hagatenem, sa nen eileken hìlìk hùthasike nogo. Lek o,”
ìlùk isike mene helal waganek werek atì, ebe asuagalùk, atì'nogo hagatì lagaukwa ati. 39At Ala nen tì'nogo hagarinapike atì nen, it atì'nogo eberogoat ìlùk hùthìgì'lek hagatì lagaukwa, ìlùk Yesaya nen aike mel isike:
40 #
Yes.6:10 “At Ala nen he, it ineileken nen tùkùm hogo hìlìk, ina'la ebethìlìk inoabùt hebelarìk he, an nawe a'ma waganem, an nen it hano hagarinabi nogo ìlùk, an nenat it ineileken mùmetsìgìk, ina'la pùgùtsìgìk, isigi o,”
ìlùk isikomo, Yesaya nen helal waganogo hesikomo werek atì. 41At Yesaya nen wene atì'nogo isike atì re, at Yesùt hobuk hagatenem ebe hogorasugun mene hesik eileken hasikesik en, at abok isike atì. 42Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa:
“It ap Parisi mane nen o napan egare'ma nen nineki lisogo wulakhina nogo,” ìlùk he,
“Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek. 43It atì Ala nen hogorinabuagalùk hagatì lagaukwa lek. We, apùnì nen hogorinapì logou walok en hagatì lagaukwa atì.
Yesùt ane atì ba ùkùm inoba hìgìk, kotìk, ikerek wene
44It atì'nogo hagatì lagaukwa meneat he, at Yesùt en ane hùkorogo mel yogoisasike:
“At sa nen etaùken an noba hìpìrethegein halok he, an noba hìpìrethegein hùk. Lek o. We, an lakhani wagaike mene a'nogo oba etaùken hìpìrethegein o. 45Nen, at sa nen, eileken an niike halok he, an lakhani wagaike mene a'nogoat eileken hike o. 46Nen, it apùnì inetaùken an noba hìpìrethogoin mene hùgì obogat he, o mùm oba logoinogo ìlùk, harinabigìlùk an nebe lìarinapìrek mene kweangma yoma pi wagagi o. 47An kweangma yoma pi wagagi atì re, apùnì ùkùm inoba heigìlùk pi wagagi hùk. We, inebe telinabigìlùk pi wagagi atì nen he, at sa nen an nane asuk holìgat he, nane hologo hagatì'lek halok, an nenat ùkùm oba hegein hùk. Lek o. 48At he, at atì an nebe wo'nabu abìrat, nen nane tùkùm hogo wanusak abìrat, atì nen, at atì ùkùm oba hegein mene werek o. Ùkùm oba hegein atì re, o elùgùn oba tegelinabigin atì ba, an nen wene yogohisìkì lagì atì baat ùkùm oba asigin o, ìlùk atì'nogo yogohisìkì lagì atì re, 49an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat,
Yì'nogo in, tì'nogo in, ìlùk yogoneto kolegat yogohisìkì lagì o. 50Nan, at on nit nineluk logouagalùk wene ninasuk warogo,
Yì'nogo haga'no, tì'nogo haga'no, ìlùk ninasuk warogo yogonisikerek atì nit nineluk logouagalùk yogonisikerek, ìlùk an nelu o. At nopase nen wene yogonìrì'logo meneat yogohisìkì lagì o,” ìlùk yogoisasike.
