LUKAT 20
20
“Yesùt, hat nena mene esewerek agatik hagatì lagen,” ìlùk anema wanhukwa wene
(Mat.21:23-27; Mrk.11:27-33)
1Hobuk ineki aike sapùl he, at Yesùt Ala awì wùrì'mo kisikesik logolìk, apùnì wene hano wene sekek hogo yakùlisìgìk, inasuk watìk, ikenem, it ap Ala esewerek inogogì kaintek mel, Ala ane helal waganek esewerek mene mel, inalùgetek amanogo mel, inom at Yesùt oba wagaukwa. 2Wagaukwasik he, mel yogosukwa:
“Hat en he, nena mene ese agatik yì hagatìk, tì hagatìk, ìkì lagen. Nen, ap sa nen esewerek logouagalùk menhagaikomo hagatì lagen. Yogonisan o,” ìlùk yogosukwama, 3at Yesùt en he,
“An hogo re, hit en yogonesuageip en ìlùk, hinok omakeat wokhisagat. 4At Yohanet en ima pelaginapì lagaike a'nogo re, Ala pogot oba mene nen yogosikomo pelaginapì lagaike a? At he, apùnì kweangma mene nen yogosukwama pelaginapì lagaike a. Yogone'ni ta!” ìlùk yogoisasikomo, 5it-it ìkì logolìk he,
“Ala pogot oba mene nen yakùlesikomo pelaginapì lagaike, ìlùk yogosumo re, at en he,
Halok he, hit en Yohanet ane eberogoat ìlùk hùthìgì'lek welagagip atì nenahalok, ìlùk yogonisanogo. 6Nen,
Apùnì nen yakùlesukwama pelaginapì lagaike, ìlùk umo re, eige! It apùnì obogat en,
Yohanet atì Ala aneat yogonisìkì lagaike, ìlùk akagaresi'mo nogo nen he, helep oba ninebe motok tamuk hogo ninoasinogo,” ìlùk isukwasik he, 7hobuk Yesùt mel yogosukwa:
“Wene atì ero nit ninokot o,” ìlùk yogosukwama, 8at Yesùt en he, mel yogoisasike:
“Halok he, an nen hogo re,
Atì mene esewerek agarìk hagatì lagi ìlùk hit yogohisegein legat o,” ìlùk yogoisasike.
“Ap aike anggur yabu serogo welagaukwa,” ìlùk oba lìrogo yogoisasike wene
(Mat.21:33-46; Mrk.12:1-12)
9At Yesùt en atì'nogo yogoisasikesik he, hobuk apùnì amanogo wene aike oba lìrogo mel yogoisasike:
“Ap aike eyabumo anggur awì yasike. Yakhìlìk he, ap aike serogo logouagalùk hisalùk he, o walegat lìlìk eki aike inom hogo logopik en wesigìlùk lagaike. 10O atoma lagaikesik werek kolek, anggur eken palharek oba higit asi agaikomo re, ap eyabu esewerek mene a'nogo nen it ap amanogo nen eken aike palogo wogosuagalùk, atitigeke mene aike inoba lakhei wagaike. Lakhei wagaikomo re, it ap yabu serogo welagaukwa mene amanogo inoba wagaike mene re, ebe tùgì warogo eken paletì'lek welegat apotkwe lakhesukwa. 11Lakhesukwama re, lagaikomo re, hobuk atitigeke mene aike lakhei wagaikeat. Lakhei wagaikomo wagaike mene re, it en ekalì warogo tùgì wathìlìk he, eken paletì'lek welegat apotkwe lakhesukwaat. 12Eki pìre ba laksa wagaike mene atì'nogo hagasukwa atì nen he, hobuk atitigeke mene aike lakhei wagaikeat. Mene re, at hobuk lakhei wagaike mene atì wagaikomo it en atì'nogoat tùgì amep wùlogo warogo anggur yabumo nen po wulaksasukwa. 13Atì'nogo motok hagarinapukwama re, at kain eyabu esewerek mene a'nogo a'la nen he,
Hobuk he, nìkì'nogo hagasik he. An nokawerek naput netaùken hutik mene yìat inoba lakhoumo re, inane agauk hogo hai warogo wanugun akìkì lagì, ìlùk akasikesik lakhei wagaike. 14Lakhei wagaikomo waganem, it ap yabu serogo welagaukwa mene amanogo ineileken lakhasukwasik it-it ìkì logolìk he, mel isukwa:
Opase obùlù'mo yabu esewerek asìgìn mene a'nogo ebe waga a'lì. Halok yabu yì nirat esewerek asuok en he, ebe wasuok o, ìlùk, 15aput a'nogo yabumo nen legeta'ma po wulaksasukwasik he, ebe motok wasukwa. It atì'nogo hagasukwa atì nen he, ap kain eyabu esewerek mene atì nen he, it ap atì nìkì'nogo hagarinabigin akegep. 16At ebe wìrìk he, it atì inebe motogat warogo potsìlìk he, inobùlù'mo yabu anggur yabu a'nogo serogo logouagalùk he, ap aike hùnogoat mene menhisegeinat o,” ìlùk yogoisasikomo, it amanogo nen he:
“Eige! Atì'nogo hagasusak lek o!” ìlùk yogosukwama, 17#Mzm.118:22 at Yesùt epe hebek hogo it amanogo eileken lagisìlìk he, mel yogoisasike:
“It ap aike nen helal waganogo hìkì logolìk he,
It ap tukang o helep mene wùtarek mene nen, o ebe wùtì logolìk he,
Helep yì weak, ìlùk heraksasukwa mene atì obuleat ya'lagama o,
ìlùk helal waganogo hesukwa atì nena hesik isukwa akegep, 18Ap sa nen ebe pile helep atì ba pi waga halok he, ebe motok yeloken tagalasigin o. Nen, helep atì sa oba sebeli waga halok he, ebe motok al lebelogo wasigin o,” ìlùk yogoisasike.
“Uang pemerintah hesik kìno ikenem wogisasak a? Lek a,” ìlùk hinok Yesùt oba wanhukwa wene
(Mat.22:15-22; Mrk.12:13-17)
19At Yesùt en wene atì'nogo yogoisasikomo re, it ap Ala ane helal waganek esewerek mene mel, Ala esewerek inogogì kaintek amanogo mel, inasuk holhukwasik he,
“Wene atì nit hesik oba lìrogo yogonisike hìgì,” ìlùk huthasukwasik he, atì sat, at Yesùt ebe hakhouogohik isukwa meneat he, apùnì amanogo inayùk en he, kamo isukwa. 20Kamo isukwasik hobuk, at en ane igin oba ebe eken hìlìk, at gubernur apùnì hagisek logolìk ùkùm inoba hìgìk, kotik, ikerek esewerek mene nen ùkùm oba houagalùk, ap aike inoabùt hano salek Yesùt ineil wani loagalùk laksa wagaukwa. 21Laksa wagaukwama, Yesùt oba wagaukwasik he, hinok wokhìkì logolìk, mel yogosukwa:
“Noe! Hat he, wene yakùlisìkì logolìk apùnì aike helokoma hisìgìk, aike hapotma hisìgìk, egetek lek. We, hane higit hogoat ìkì logolìk, Ala a'la nen he,
Apùnì tì'nogo hagatì logouak, ìlùk a'la akikerek mene eberogoat yakùlnisìkì lagen atì, nit ninelu o. 22Halok he, nit Yahuri mene hagatorek higit hogo, uang pemerintah hesik, kain etagepogot Kaisat wogosusak elok a? Mea a,” ìlùk yogosukwama, 23at Yesùt en he,
“It ap yì an lalnabuogolùk inane lagak hogo yogoneta,” ìlùk, enagat hùrisìlìk he, mel yogoisasike:
24“Uang perak yabu ineki omake hesik hagatenem ineki oko wogisagarek a'nogo mene aike ìnù'neani,” ìlùk yogoisasikomo ìnùkhasukwama re,
“Yì sa ebe hagarek oba etage helal waganek werek akegep,” ìlùk yogoisasikomo, it en he,
“Arì Kaisat at o,” ìlùk yogosukwa. 25Atì'nogo yogosukwama, at Yesùt en he, mel yogoisasike:
“Halok he, Kaisat mene halok Kaisat at wogotik, Ala mene halok he, Ala at wogotìk, ìkì logoino o,” ìlùk yogoisasike. 26Atì'nogo yogoisìkì lagaikomo, apùnì ineilhanem ane ike hesik eil warogo ùkùm oba housak lek agaikomo, it en he:
“Wene oko higit hogo ike atì nayùk e!” ìlùk, inane lek kamo isukwa.
Ap Saluki mene nen apùnì wa'larìk en ineluk asugun hesik, Yesùt oba hinok wokhasukwa wene
(Mat.22:23-33; Mrk.12:18-27)
27Atì'nogo werek kolek, hobuk it ap Saluki mene nen,
“Apùnì wa'larìk en he, hobuk ineluk asugun motok lek,” ìlùk egarek mene he'nakìt Yesùt oba wagaukwasik oba hinok wokhìkì logolìk he, mel yogosukwa:
28 #
Ul.25:5-6
“Noe! At Musa nen mel yakùlnisasike:
Ap aike agwe helìlìk againapùrì taginapì'le'ma,
ebe wa'laga halok he, obùlù'mo omalik aike
taginabuagalùk he, he soge atì ap atì agorat wanusak o,
ìlùk yakùlnisasikesik helal waganogo hesikomo werek o. 29Atì'nogo isike mene were'ma re, ap inebe 7 nen inopase omakeat en tago welagaukwa. Logolìk, inoe makusa mene atì agwe wanhikesik, againapùrì taginapì'le'ma wa'lagaike. 30Wa'lagaikomo re, agot opolik mene atì nen, he soge atì wanhikesik wa'lagaikeat. 31Wa'lagaikomo, hobuk inagot inopolik mene atì nen wanhike mene re, atì'nogoat againapùrì taginapì'lek wa'lagaikeat. Atì'nogoat, it ap inebe 7 nen atì nen, he omakent atìat wanìlk he, inagainapùrì taginapì'le'ma wa'larìk enek wagaukwa. 32Nen, hobuk, he atì ebe wa'lagaikeat. 33Halok he, it ap inebe 7 nen atì, he omakeat atìat wanìk wagaukwasi'mo re, hobuk Ala nen apùnì warek mene inelugurinabigin atì sat he, he atì sa hak agwe asigin akegen,” ìlùk hinok wokhasukwa. 34Atì'nogo hinok wokhasukwama, at Yesùt en he, mel yogoisasike:
“O yogotak ya kweangma ya logolìk he, ap en hìmì ìkìgik, it aike ìgìsìgìk, ìlì'lùgì meneat he, 35it apùnì wa'larì'mo nen, Ala nen inelugurinabìk oba nen, o hobuk logogun oba atì re, elok logouak, ìlùk akikerek mene hùgì atoma logolìk, hìmì ìkìgik, it aike ìgisìgìk, ìkì logogun motok lek o. 36Apùnì wa'larì'mo Ala nen inelugurinabigin atì nen he, inebe Ala againapùrì, it malaikat pogot oba yoko negarek mene inom higit logolìk, hobuk wa'laga logogun motok lek o. 37#Kel.3:6 It apùnì wa'larì'mo Ala nen inelugurinaperek atì hesik he, at Musa nen, e sebelek eroma Ala ebe eileken hasike wene atì ba mel isike:
Aberaham ho, Isak ho, Yakùp ho, inopase Ala at,
ìlùk isikesik helal waganogo hesike atì. 38At Ala eilhanem it inebe obogat he, ineluk werek atì nen he, Ala ebe re, apùnì warek mene inopase hùk. Ineluk mene inopase o,” ìlùk yogoisasike. 39Atì'nogo yogoisasikomo re, it ap Ala ane helal waganek esewerek mene he'nakìt en mel yogosukwa:
“Noe. Hat wene oko hano yogoisegen o,” ìlùk yogosukwama, 40it aike nen, hinok wanu inayùk agaikomo re, hinok wanhì'lek kamo isukwa.
“At Karìsùt atì ebe sa akegep,” ìlùk yogoisasike wene
(Mat.22:41-46; Mrk.12:35-37)
41Atì'nogo kamo isukwa meneat he, at Yesùt en it mel rogoisasike:
“Karìsùt Ala nen ayoko hìlìk lakhei wesigin isike a'nogo, ebe Taùt en tagokwe mene o, ìlùk ìlì'lùgì atì, nìkì'nogo halok ìlì'lùgì akegep. 42-43#Mzm.110:1 At Taùt okawerek en Masimùt wene ba mel isike:
Ala Etagepogot en an noe Etagepogot yogotì logolìk he,
Apùnì hat haselei mene amanogo hesok en al
lebelogo hisanok en, an nen oan hoba hisa
wagì'lek werek kolek, an nera'lu neki ebekwe
hebe kain logoinok,
ìlùk Ala nen Karìsùt yogosike, ìlùk Taùt en isikomo helal waganek werek atì re, 44at Taat en Karìsùt ebe hesik,
Noe Etagepogot, ìlùk isike meneat he, it apùnì nen,
Karìsùt atì Taùt en tagokwe mene, ìlùk nìkì'nogo nen usak akegep. Atì'nogo usak mea o,” ìlùk yogoisasike.
“It ap Ala ane helal waganek inelu mene inoabùt atì nen lalhinabinogo,” ìlùk isike wene
(Mat.23:1-36; Mrk.12:38-40)
45At Yesùt en wene atì'nogo yogoisikenem, apùnì obogat inasuk holek werek kolek, it at agoromì ane wanhì lagaukwa mene amanogo mel yogoisasike:
46“It ap Ala ane helal waganek esewerek mene inoabùt hagarì'lùgì atì nen lalhinabinogo ìlùk, hinepe hebelogo logoino o. It atì inoabùt he, inasu uatek mene laberalùk pasar oko wanhare'ma atoma apùnì nen inane agauk hogo hai warinabuagalùk lagìk, o apùnì Yahuri mene sapan egarek oba tùlem yegelogo hù'lasi kìgìk, apùnì pesta hùko isago nikenem ap kaintek hù'lagaikarek oba yegelogo hù'lagìk, ìkì logou walok welagaikarek atì. 47Atì'nogo logolìk, hìmì soge mene inawì wùrìk mel, inagarok mel, sebelìkì logolìgat he, apùnì nen inasuk holìk,
It hano, akoagalùk sapan uan-aban lìthalùk lagaikarek atì'nogo hagatì'lek logoilepma re, Ala nen ùkùm hamùlùgat inoba hìlìk logoilep. Mene re, atì'nogo hagatarek atì nen, ùkùm ekin mene inoba hìlìk weagarinabigin o,” ìlùk yogoisasike.
LUKAT 20
20
“Yesùt, hat nena mene esewerek agatik hagatì lagen,” ìlùk anema wanhukwa wene
(Mat.21:23-27; Mrk.11:27-33)
1Hobuk ineki aike sapùl he, at Yesùt Ala awì wùrì'mo kisikesik logolìk, apùnì wene hano wene sekek hogo yakùlisìgìk, inasuk watìk, ikenem, it ap Ala esewerek inogogì kaintek mel, Ala ane helal waganek esewerek mene mel, inalùgetek amanogo mel, inom at Yesùt oba wagaukwa. 2Wagaukwasik he, mel yogosukwa:
“Hat en he, nena mene ese agatik yì hagatìk, tì hagatìk, ìkì lagen. Nen, ap sa nen esewerek logouagalùk menhagaikomo hagatì lagen. Yogonisan o,” ìlùk yogosukwama, 3at Yesùt en he,
“An hogo re, hit en yogonesuageip en ìlùk, hinok omakeat wokhisagat. 4At Yohanet en ima pelaginapì lagaike a'nogo re, Ala pogot oba mene nen yogosikomo pelaginapì lagaike a? At he, apùnì kweangma mene nen yogosukwama pelaginapì lagaike a. Yogone'ni ta!” ìlùk yogoisasikomo, 5it-it ìkì logolìk he,
“Ala pogot oba mene nen yakùlesikomo pelaginapì lagaike, ìlùk yogosumo re, at en he,
Halok he, hit en Yohanet ane eberogoat ìlùk hùthìgì'lek welagagip atì nenahalok, ìlùk yogonisanogo. 6Nen,
Apùnì nen yakùlesukwama pelaginapì lagaike, ìlùk umo re, eige! It apùnì obogat en,
Yohanet atì Ala aneat yogonisìkì lagaike, ìlùk akagaresi'mo nogo nen he, helep oba ninebe motok tamuk hogo ninoasinogo,” ìlùk isukwasik he, 7hobuk Yesùt mel yogosukwa:
“Wene atì ero nit ninokot o,” ìlùk yogosukwama, 8at Yesùt en he, mel yogoisasike:
“Halok he, an nen hogo re,
Atì mene esewerek agarìk hagatì lagi ìlùk hit yogohisegein legat o,” ìlùk yogoisasike.
“Ap aike anggur yabu serogo welagaukwa,” ìlùk oba lìrogo yogoisasike wene
(Mat.21:33-46; Mrk.12:1-12)
9At Yesùt en atì'nogo yogoisasikesik he, hobuk apùnì amanogo wene aike oba lìrogo mel yogoisasike:
“Ap aike eyabumo anggur awì yasike. Yakhìlìk he, ap aike serogo logouagalùk hisalùk he, o walegat lìlìk eki aike inom hogo logopik en wesigìlùk lagaike. 10O atoma lagaikesik werek kolek, anggur eken palharek oba higit asi agaikomo re, ap eyabu esewerek mene a'nogo nen it ap amanogo nen eken aike palogo wogosuagalùk, atitigeke mene aike inoba lakhei wagaike. Lakhei wagaikomo re, it ap yabu serogo welagaukwa mene amanogo inoba wagaike mene re, ebe tùgì warogo eken paletì'lek welegat apotkwe lakhesukwa. 11Lakhesukwama re, lagaikomo re, hobuk atitigeke mene aike lakhei wagaikeat. Lakhei wagaikomo wagaike mene re, it en ekalì warogo tùgì wathìlìk he, eken paletì'lek welegat apotkwe lakhesukwaat. 12Eki pìre ba laksa wagaike mene atì'nogo hagasukwa atì nen he, hobuk atitigeke mene aike lakhei wagaikeat. Mene re, at hobuk lakhei wagaike mene atì wagaikomo it en atì'nogoat tùgì amep wùlogo warogo anggur yabumo nen po wulaksasukwa. 13Atì'nogo motok hagarinapukwama re, at kain eyabu esewerek mene a'nogo a'la nen he,
Hobuk he, nìkì'nogo hagasik he. An nokawerek naput netaùken hutik mene yìat inoba lakhoumo re, inane agauk hogo hai warogo wanugun akìkì lagì, ìlùk akasikesik lakhei wagaike. 14Lakhei wagaikomo waganem, it ap yabu serogo welagaukwa mene amanogo ineileken lakhasukwasik it-it ìkì logolìk he, mel isukwa:
Opase obùlù'mo yabu esewerek asìgìn mene a'nogo ebe waga a'lì. Halok yabu yì nirat esewerek asuok en he, ebe wasuok o, ìlùk, 15aput a'nogo yabumo nen legeta'ma po wulaksasukwasik he, ebe motok wasukwa. It atì'nogo hagasukwa atì nen he, ap kain eyabu esewerek mene atì nen he, it ap atì nìkì'nogo hagarinabigin akegep. 16At ebe wìrìk he, it atì inebe motogat warogo potsìlìk he, inobùlù'mo yabu anggur yabu a'nogo serogo logouagalùk he, ap aike hùnogoat mene menhisegeinat o,” ìlùk yogoisasikomo, it amanogo nen he:
“Eige! Atì'nogo hagasusak lek o!” ìlùk yogosukwama, 17#Mzm.118:22 at Yesùt epe hebek hogo it amanogo eileken lagisìlìk he, mel yogoisasike:
“It ap aike nen helal waganogo hìkì logolìk he,
It ap tukang o helep mene wùtarek mene nen, o ebe wùtì logolìk he,
Helep yì weak, ìlùk heraksasukwa mene atì obuleat ya'lagama o,
ìlùk helal waganogo hesukwa atì nena hesik isukwa akegep, 18Ap sa nen ebe pile helep atì ba pi waga halok he, ebe motok yeloken tagalasigin o. Nen, helep atì sa oba sebeli waga halok he, ebe motok al lebelogo wasigin o,” ìlùk yogoisasike.
“Uang pemerintah hesik kìno ikenem wogisasak a? Lek a,” ìlùk hinok Yesùt oba wanhukwa wene
(Mat.22:15-22; Mrk.12:13-17)
19At Yesùt en wene atì'nogo yogoisasikomo re, it ap Ala ane helal waganek esewerek mene mel, Ala esewerek inogogì kaintek amanogo mel, inasuk holhukwasik he,
“Wene atì nit hesik oba lìrogo yogonisike hìgì,” ìlùk huthasukwasik he, atì sat, at Yesùt ebe hakhouogohik isukwa meneat he, apùnì amanogo inayùk en he, kamo isukwa. 20Kamo isukwasik hobuk, at en ane igin oba ebe eken hìlìk, at gubernur apùnì hagisek logolìk ùkùm inoba hìgìk, kotik, ikerek esewerek mene nen ùkùm oba houagalùk, ap aike inoabùt hano salek Yesùt ineil wani loagalùk laksa wagaukwa. 21Laksa wagaukwama, Yesùt oba wagaukwasik he, hinok wokhìkì logolìk, mel yogosukwa:
“Noe! Hat he, wene yakùlisìkì logolìk apùnì aike helokoma hisìgìk, aike hapotma hisìgìk, egetek lek. We, hane higit hogoat ìkì logolìk, Ala a'la nen he,
Apùnì tì'nogo hagatì logouak, ìlùk a'la akikerek mene eberogoat yakùlnisìkì lagen atì, nit ninelu o. 22Halok he, nit Yahuri mene hagatorek higit hogo, uang pemerintah hesik, kain etagepogot Kaisat wogosusak elok a? Mea a,” ìlùk yogosukwama, 23at Yesùt en he,
“It ap yì an lalnabuogolùk inane lagak hogo yogoneta,” ìlùk, enagat hùrisìlìk he, mel yogoisasike:
24“Uang perak yabu ineki omake hesik hagatenem ineki oko wogisagarek a'nogo mene aike ìnù'neani,” ìlùk yogoisasikomo ìnùkhasukwama re,
“Yì sa ebe hagarek oba etage helal waganek werek akegep,” ìlùk yogoisasikomo, it en he,
“Arì Kaisat at o,” ìlùk yogosukwa. 25Atì'nogo yogosukwama, at Yesùt en he, mel yogoisasike:
“Halok he, Kaisat mene halok Kaisat at wogotik, Ala mene halok he, Ala at wogotìk, ìkì logoino o,” ìlùk yogoisasike. 26Atì'nogo yogoisìkì lagaikomo, apùnì ineilhanem ane ike hesik eil warogo ùkùm oba housak lek agaikomo, it en he:
“Wene oko higit hogo ike atì nayùk e!” ìlùk, inane lek kamo isukwa.
Ap Saluki mene nen apùnì wa'larìk en ineluk asugun hesik, Yesùt oba hinok wokhasukwa wene
(Mat.22:23-33; Mrk.12:18-27)
27Atì'nogo werek kolek, hobuk it ap Saluki mene nen,
“Apùnì wa'larìk en he, hobuk ineluk asugun motok lek,” ìlùk egarek mene he'nakìt Yesùt oba wagaukwasik oba hinok wokhìkì logolìk he, mel yogosukwa:
28 #
Ul.25:5-6
“Noe! At Musa nen mel yakùlnisasike:
Ap aike agwe helìlìk againapùrì taginapì'le'ma,
ebe wa'laga halok he, obùlù'mo omalik aike
taginabuagalùk he, he soge atì ap atì agorat wanusak o,
ìlùk yakùlnisasikesik helal waganogo hesikomo werek o. 29Atì'nogo isike mene were'ma re, ap inebe 7 nen inopase omakeat en tago welagaukwa. Logolìk, inoe makusa mene atì agwe wanhikesik, againapùrì taginapì'le'ma wa'lagaike. 30Wa'lagaikomo re, agot opolik mene atì nen, he soge atì wanhikesik wa'lagaikeat. 31Wa'lagaikomo, hobuk inagot inopolik mene atì nen wanhike mene re, atì'nogoat againapùrì taginapì'lek wa'lagaikeat. Atì'nogoat, it ap inebe 7 nen atì nen, he omakent atìat wanìlk he, inagainapùrì taginapì'le'ma wa'larìk enek wagaukwa. 32Nen, hobuk, he atì ebe wa'lagaikeat. 33Halok he, it ap inebe 7 nen atì, he omakeat atìat wanìk wagaukwasi'mo re, hobuk Ala nen apùnì warek mene inelugurinabigin atì sat he, he atì sa hak agwe asigin akegen,” ìlùk hinok wokhasukwa. 34Atì'nogo hinok wokhasukwama, at Yesùt en he, mel yogoisasike:
“O yogotak ya kweangma ya logolìk he, ap en hìmì ìkìgik, it aike ìgìsìgìk, ìlì'lùgì meneat he, 35it apùnì wa'larì'mo nen, Ala nen inelugurinabìk oba nen, o hobuk logogun oba atì re, elok logouak, ìlùk akikerek mene hùgì atoma logolìk, hìmì ìkìgik, it aike ìgisìgìk, ìkì logogun motok lek o. 36Apùnì wa'larì'mo Ala nen inelugurinabigin atì nen he, inebe Ala againapùrì, it malaikat pogot oba yoko negarek mene inom higit logolìk, hobuk wa'laga logogun motok lek o. 37#Kel.3:6 It apùnì wa'larì'mo Ala nen inelugurinaperek atì hesik he, at Musa nen, e sebelek eroma Ala ebe eileken hasike wene atì ba mel isike:
Aberaham ho, Isak ho, Yakùp ho, inopase Ala at,
ìlùk isikesik helal waganogo hesike atì. 38At Ala eilhanem it inebe obogat he, ineluk werek atì nen he, Ala ebe re, apùnì warek mene inopase hùk. Ineluk mene inopase o,” ìlùk yogoisasike. 39Atì'nogo yogoisasikomo re, it ap Ala ane helal waganek esewerek mene he'nakìt en mel yogosukwa:
“Noe. Hat wene oko hano yogoisegen o,” ìlùk yogosukwama, 40it aike nen, hinok wanu inayùk agaikomo re, hinok wanhì'lek kamo isukwa.
“At Karìsùt atì ebe sa akegep,” ìlùk yogoisasike wene
(Mat.22:41-46; Mrk.12:35-37)
41Atì'nogo kamo isukwa meneat he, at Yesùt en it mel rogoisasike:
“Karìsùt Ala nen ayoko hìlìk lakhei wesigin isike a'nogo, ebe Taùt en tagokwe mene o, ìlùk ìlì'lùgì atì, nìkì'nogo halok ìlì'lùgì akegep. 42-43#Mzm.110:1 At Taùt okawerek en Masimùt wene ba mel isike:
Ala Etagepogot en an noe Etagepogot yogotì logolìk he,
Apùnì hat haselei mene amanogo hesok en al
lebelogo hisanok en, an nen oan hoba hisa
wagì'lek werek kolek, an nera'lu neki ebekwe
hebe kain logoinok,
ìlùk Ala nen Karìsùt yogosike, ìlùk Taùt en isikomo helal waganek werek atì re, 44at Taat en Karìsùt ebe hesik,
Noe Etagepogot, ìlùk isike meneat he, it apùnì nen,
Karìsùt atì Taùt en tagokwe mene, ìlùk nìkì'nogo nen usak akegep. Atì'nogo usak mea o,” ìlùk yogoisasike.
“It ap Ala ane helal waganek inelu mene inoabùt atì nen lalhinabinogo,” ìlùk isike wene
(Mat.23:1-36; Mrk.12:38-40)
45At Yesùt en wene atì'nogo yogoisikenem, apùnì obogat inasuk holek werek kolek, it at agoromì ane wanhì lagaukwa mene amanogo mel yogoisasike:
46“It ap Ala ane helal waganek esewerek mene inoabùt hagarì'lùgì atì nen lalhinabinogo ìlùk, hinepe hebelogo logoino o. It atì inoabùt he, inasu uatek mene laberalùk pasar oko wanhare'ma atoma apùnì nen inane agauk hogo hai warinabuagalùk lagìk, o apùnì Yahuri mene sapan egarek oba tùlem yegelogo hù'lasi kìgìk, apùnì pesta hùko isago nikenem ap kaintek hù'lagaikarek oba yegelogo hù'lagìk, ìkì logou walok welagaikarek atì. 47Atì'nogo logolìk, hìmì soge mene inawì wùrìk mel, inagarok mel, sebelìkì logolìgat he, apùnì nen inasuk holìk,
It hano, akoagalùk sapan uan-aban lìthalùk lagaikarek atì'nogo hagatì'lek logoilepma re, Ala nen ùkùm hamùlùgat inoba hìlìk logoilep. Mene re, atì'nogo hagatarek atì nen, ùkùm ekin mene inoba hìlìk weagarinabigin o,” ìlùk yogoisasike.
