Lukas 21
21
Mobabalo moi ami suba
(Markus 12:41-44)
1O Gikimoi Awi Tahu ma rabaka o Yesus watailako o nyawa ikakaya manga suba yongado o boruaku. 2De lo womikelelo kagena o ngopedeka mobabalo moi de mosususa lo mahino. Muna lo ami suba matota, kodo, cawali o pipi o tembaga o sengi sinoto. 3De Una wotemo, “Niakelelo! Nginika tinisingangasu igogou, mobabalo mosususa magena mongado foloi ilamo, nako positetero de o nyawa yangodu manga suba o boruaku yongangado gena. 4Sababu ona magena yahike ma sihino to ona manga arata eko manga pipi yadodiahi ma soohuka. Duma mobabalo muna magena ami arata ihiwa, so cawali kamagena de ma ngale ami oho so magena lo mahikeka.”
O Yesus Awi demo ma ngale o Gikimoi Awi Tahu done ituraba
(Matius 24:1-2, Markus 13:1-2)
5O orasi magena kanaga o nyawa itemo o Yesuska, “Pei! O Gikimoi Awi Tahu ilalamo manena daloha icarawa! O bi teto daloha idadi ma paramata de lo yadiahi daloha o bi kia naga isisusuba o Gikimoika.” Komagena so Una wotemo, 6“Done ma orasi asa imasidiado, de o bi moi-moi kagena niakokelelo dangodu magena asa iruba de ituraba, so o tahu-tahu magena ma teto o ngai moi lo asa imalapangawa de o teto ma somoa.”
O orasi ma dodogu yaado waasi de bilasu idadi o sangisara ma bodito
(Matius 24:3-14, Markus 13:3-13)
7Kagena de o Yesus Awi muri-muri wisano Unaka itemo, “Baba Guru, hika nomisingangasu muruoka asa o hali notetemo magena idadi. De lo nomisidumu o nonako o kia idadi nakoso ma orasi imasidiado.”
8Una wasango onaka wotemo, “Nimasitiari daloha, upa sidago ngini inisihaga. Sababu o nyawa yadadala asa yahino de itemo, ‘Ngohi manena dabolo o Salamati ma Kolano,’ de lo ‘Ma orasi he idumuka.’ Ngaroko komagena, duma upa ona niamote. 9So nakoso niise o habari ma ngale o kudoti de lo o gangamo isigoko gena, upa lo nimodo. O moi-moi magena bilasu idadi idoma, duma upa nitemo magena o dunia ma dodogu ma orasi imasidiadoka.”
10Kagena de Una wosingangasu wotemo, “O bangsa moi yasaturu o bangsa ma somoa, o kolano moi asa yakudoti o kolano ma somoa. 11Kiaka o dunia ma dokuka asa idadi o osu de o diwotu de lo kiaka bato o bare so o ino asa ihiwa de lo o panyake datotubuso. De o dipaka lo asa idadi o bi nonako pomomodo ma bio idala. 12Duma dangodu magena idadi waasi, de ngini asa nitago, de nisangisara, de lo ningaho o bi puji ma tahuka de o bi buika. De lo ngini asa ningaho o kolanoka eko o bobaretaka ma sababu ngini to Ngohi Ai nyawa nimomote. 13Gena ka orasi moi la ma ngale to ngini nia piricaya Ngohika gena niasingangasu onaka. 14De nia sininga nisiputuru kasi, la ma ngale ngini masirete o kia bato nisinako itiai gena upa he nia sininga isusa. 15Sababu Ngohi masirete asa o demo ma buturu de lo o cawaro gena tinihike itiai nginika, sidago nia saturu moi lo yaakuwa o kia naga nitetemo gena yasango eko isiholu. 16-17O orasi magena de ngini manena o nyawa yangodu asa niduhudu sababu ngini Ngohi nimomote. Done asa idadi to ngini nia baba de nia awa, nia gianongoru, de lo nia dodiao inisidoa nia saturuka, de nimuruo naga asa initooma. 18Duma igogou o kia naga moi lo upa idadi nginika, nia hutu nia saheka ngai moi lo done asa isisawa. 19Duma nakoso ngini nia piricaya Ngohika daputuru sidago o dunia ma dodogu imasidiado, igogou ngini magena done asa o oho ikokakali niamake.”
O Yesus wosingangasu done o dorou ilalamo asa isiwaro
(Matius 24:15-21, Markus 13:14-19)
20“Ma orasika asa niakelelo o Yerusalem isigilolino gena o saturu ma prajurit, de ngini asa nianako, igogou iteka kawa de o doku manena asa isituraba. 21So nakoso niakelelo, de nagoona o Yudea ma daeraka bilasu yoloda o talaye. Nagoona kanaga kota ma rabaka lo bilasu ka yodoloda, de lo nagoona kanaga o kota ma duduka upa he iwosa o kota ma rabaka. 22Sababu o orasi magena o Gikimoi Awi saturu wasangisara, ena gena ma orasi yaadoka, la o bi moi-moi isilelefo to Una Awi Jaji ma Buku ma rabaka dangodu asa isiganapu. 23De yasibodito ilamo o bi ngopedeka yatotilibuka de o bi awa la manga ngopa ka yasusususi. Kodo! Isusa ona yoloda. Sababu igogou asa idadi o sangisara ilalamo o Gikimoino o doku dangodu de lo ma nyawaka. 24Ona ma binuka asa yatooma de o sumarangi. Ma binukali asa yatago de yangaho o bi bangsa ma somoaka, ena gena o Yahudi ma bi nyawa yasowo. De o Yerusalem ma doku magena done asa yasidipito de lo yabidoto, sidago ma orasi o Gikimoi wasitatapu onaka, gena yaado so isiganapuka.”
O Yesus wosingangasu done wahino kali
(Matius 24:29-31, Markus 13:24-27)
25“O orasi magenaka asa o wange, de o ngoosa, de lo o bi ngoma o dipaka kanaga o nonako pakelelo. O bi bangsa yangodu asa manga sininga isusa de lo igamamu icarawa yoise o teoka o moku-moku de o bao imakataga ma kuguru. 26Sidago o nyawa asa yatodoka de yomodo so yosone, yakelelo o kia naga idadadi o dunia ma sigilolika. Sababu o dipa lo ihiti so o moi-moi dangodu o dipaka ma dodagi he yamote kawa. 27Ma orasi magena de asa o bi nyawa yangodu Ngohi, o Nyawa ma Duhutu, ikelelo tahino touti o lobi-lobi ma rabaku de to Ngohi Ai mulia ma siwa tomasisaoka de Ai kuasa ma buturu. 28Nakoso o orasi magena isolano o bi moi-moi dangodu idadi, de ngini nia sininga nisiputuru de lo nimamataga, sababu ma orasi he imasidiado to ngini nia sangisarano asa inipalako.”
O simodoto o ara ma hutuka
(Matius 24:32-35, Markus 13:28-31)
29Dabolo de o Yesus wosiade-ade wotemo onaka, “Niatailako o ara ma hutu de lo o gota ma hutu ma somoaka. 30Nakoso niakelelo itoori de lo iboboko, magena inisinonako o ogo ilalamo idumuka. 31Komagena lo nakoso o susa de o sangisara dangodu Ngohi tododedemoka la idadi gena, nianako ma orasi he idumuka o Gikimoi asa wopareta maro o kolano moi o duniaka. 32So ngini tinisingangasu igogou, o nyawa yangodu iooho manena isone waasi, de o bi sangisara ma hali moi-moi manena done asa idadi de imaaka. 33So o dipa de o tona asa isisa de dalutu, duma Ai demo de Ai dodoto asa itagi gila-gila de ma dodogu ihiwa.”
Bilasu pomajaga de nanga dailakoka powidamaha o Yesus done wahino
34“Nimajaga daloha, upa sidago ngini nirame-rame ifoloi de nidalu, eko o orasi isigeto-geto niosininga ka nia oho o duniaka, sidago done Ai wange Ngohi tahino kali gena inisitodokano de ngini nimasidailako waasi. 35Sababu Ai wangeka magena asa o bi nyawa yangoduka yatodoka, maro o haiwani moi datodoka de o sabatolo. 36So bilasu ngini salalu nimajaga de nia dailakoka, de lo niwigolo o Gikimoika la ngini asa niamoku niputuru o sangisara dangodu kiaka asa idadadi gena, sidago aku Ngohi o Nyawa ma Duhutuka nirisima.”
37O orasi magena o wangeka gena o Yesus wodoto o Gikimoi Awi Tahuka, de daputuku Una womasihoika o kota magenano, de wotagi womasidodogu o Zaitun ma Talaka. 38De o goginita isigeto-geto o bi nyawa yadadala yotagi o Gikimoi Awi Tahuka imatolomu yodupa yoise to Una Awi dodoto.
@ LAI 2002
Lukas 21
21
Mobabalo moi ami suba
(Markus 12:41-44)
1O Gikimoi Awi Tahu ma rabaka o Yesus watailako o nyawa ikakaya manga suba yongado o boruaku. 2De lo womikelelo kagena o ngopedeka mobabalo moi de mosususa lo mahino. Muna lo ami suba matota, kodo, cawali o pipi o tembaga o sengi sinoto. 3De Una wotemo, “Niakelelo! Nginika tinisingangasu igogou, mobabalo mosususa magena mongado foloi ilamo, nako positetero de o nyawa yangodu manga suba o boruaku yongangado gena. 4Sababu ona magena yahike ma sihino to ona manga arata eko manga pipi yadodiahi ma soohuka. Duma mobabalo muna magena ami arata ihiwa, so cawali kamagena de ma ngale ami oho so magena lo mahikeka.”
O Yesus Awi demo ma ngale o Gikimoi Awi Tahu done ituraba
(Matius 24:1-2, Markus 13:1-2)
5O orasi magena kanaga o nyawa itemo o Yesuska, “Pei! O Gikimoi Awi Tahu ilalamo manena daloha icarawa! O bi teto daloha idadi ma paramata de lo yadiahi daloha o bi kia naga isisusuba o Gikimoika.” Komagena so Una wotemo, 6“Done ma orasi asa imasidiado, de o bi moi-moi kagena niakokelelo dangodu magena asa iruba de ituraba, so o tahu-tahu magena ma teto o ngai moi lo asa imalapangawa de o teto ma somoa.”
O orasi ma dodogu yaado waasi de bilasu idadi o sangisara ma bodito
(Matius 24:3-14, Markus 13:3-13)
7Kagena de o Yesus Awi muri-muri wisano Unaka itemo, “Baba Guru, hika nomisingangasu muruoka asa o hali notetemo magena idadi. De lo nomisidumu o nonako o kia idadi nakoso ma orasi imasidiado.”
8Una wasango onaka wotemo, “Nimasitiari daloha, upa sidago ngini inisihaga. Sababu o nyawa yadadala asa yahino de itemo, ‘Ngohi manena dabolo o Salamati ma Kolano,’ de lo ‘Ma orasi he idumuka.’ Ngaroko komagena, duma upa ona niamote. 9So nakoso niise o habari ma ngale o kudoti de lo o gangamo isigoko gena, upa lo nimodo. O moi-moi magena bilasu idadi idoma, duma upa nitemo magena o dunia ma dodogu ma orasi imasidiadoka.”
10Kagena de Una wosingangasu wotemo, “O bangsa moi yasaturu o bangsa ma somoa, o kolano moi asa yakudoti o kolano ma somoa. 11Kiaka o dunia ma dokuka asa idadi o osu de o diwotu de lo kiaka bato o bare so o ino asa ihiwa de lo o panyake datotubuso. De o dipaka lo asa idadi o bi nonako pomomodo ma bio idala. 12Duma dangodu magena idadi waasi, de ngini asa nitago, de nisangisara, de lo ningaho o bi puji ma tahuka de o bi buika. De lo ngini asa ningaho o kolanoka eko o bobaretaka ma sababu ngini to Ngohi Ai nyawa nimomote. 13Gena ka orasi moi la ma ngale to ngini nia piricaya Ngohika gena niasingangasu onaka. 14De nia sininga nisiputuru kasi, la ma ngale ngini masirete o kia bato nisinako itiai gena upa he nia sininga isusa. 15Sababu Ngohi masirete asa o demo ma buturu de lo o cawaro gena tinihike itiai nginika, sidago nia saturu moi lo yaakuwa o kia naga nitetemo gena yasango eko isiholu. 16-17O orasi magena de ngini manena o nyawa yangodu asa niduhudu sababu ngini Ngohi nimomote. Done asa idadi to ngini nia baba de nia awa, nia gianongoru, de lo nia dodiao inisidoa nia saturuka, de nimuruo naga asa initooma. 18Duma igogou o kia naga moi lo upa idadi nginika, nia hutu nia saheka ngai moi lo done asa isisawa. 19Duma nakoso ngini nia piricaya Ngohika daputuru sidago o dunia ma dodogu imasidiado, igogou ngini magena done asa o oho ikokakali niamake.”
O Yesus wosingangasu done o dorou ilalamo asa isiwaro
(Matius 24:15-21, Markus 13:14-19)
20“Ma orasika asa niakelelo o Yerusalem isigilolino gena o saturu ma prajurit, de ngini asa nianako, igogou iteka kawa de o doku manena asa isituraba. 21So nakoso niakelelo, de nagoona o Yudea ma daeraka bilasu yoloda o talaye. Nagoona kanaga kota ma rabaka lo bilasu ka yodoloda, de lo nagoona kanaga o kota ma duduka upa he iwosa o kota ma rabaka. 22Sababu o orasi magena o Gikimoi Awi saturu wasangisara, ena gena ma orasi yaadoka, la o bi moi-moi isilelefo to Una Awi Jaji ma Buku ma rabaka dangodu asa isiganapu. 23De yasibodito ilamo o bi ngopedeka yatotilibuka de o bi awa la manga ngopa ka yasusususi. Kodo! Isusa ona yoloda. Sababu igogou asa idadi o sangisara ilalamo o Gikimoino o doku dangodu de lo ma nyawaka. 24Ona ma binuka asa yatooma de o sumarangi. Ma binukali asa yatago de yangaho o bi bangsa ma somoaka, ena gena o Yahudi ma bi nyawa yasowo. De o Yerusalem ma doku magena done asa yasidipito de lo yabidoto, sidago ma orasi o Gikimoi wasitatapu onaka, gena yaado so isiganapuka.”
O Yesus wosingangasu done wahino kali
(Matius 24:29-31, Markus 13:24-27)
25“O orasi magenaka asa o wange, de o ngoosa, de lo o bi ngoma o dipaka kanaga o nonako pakelelo. O bi bangsa yangodu asa manga sininga isusa de lo igamamu icarawa yoise o teoka o moku-moku de o bao imakataga ma kuguru. 26Sidago o nyawa asa yatodoka de yomodo so yosone, yakelelo o kia naga idadadi o dunia ma sigilolika. Sababu o dipa lo ihiti so o moi-moi dangodu o dipaka ma dodagi he yamote kawa. 27Ma orasi magena de asa o bi nyawa yangodu Ngohi, o Nyawa ma Duhutu, ikelelo tahino touti o lobi-lobi ma rabaku de to Ngohi Ai mulia ma siwa tomasisaoka de Ai kuasa ma buturu. 28Nakoso o orasi magena isolano o bi moi-moi dangodu idadi, de ngini nia sininga nisiputuru de lo nimamataga, sababu ma orasi he imasidiado to ngini nia sangisarano asa inipalako.”
O simodoto o ara ma hutuka
(Matius 24:32-35, Markus 13:28-31)
29Dabolo de o Yesus wosiade-ade wotemo onaka, “Niatailako o ara ma hutu de lo o gota ma hutu ma somoaka. 30Nakoso niakelelo itoori de lo iboboko, magena inisinonako o ogo ilalamo idumuka. 31Komagena lo nakoso o susa de o sangisara dangodu Ngohi tododedemoka la idadi gena, nianako ma orasi he idumuka o Gikimoi asa wopareta maro o kolano moi o duniaka. 32So ngini tinisingangasu igogou, o nyawa yangodu iooho manena isone waasi, de o bi sangisara ma hali moi-moi manena done asa idadi de imaaka. 33So o dipa de o tona asa isisa de dalutu, duma Ai demo de Ai dodoto asa itagi gila-gila de ma dodogu ihiwa.”
Bilasu pomajaga de nanga dailakoka powidamaha o Yesus done wahino
34“Nimajaga daloha, upa sidago ngini nirame-rame ifoloi de nidalu, eko o orasi isigeto-geto niosininga ka nia oho o duniaka, sidago done Ai wange Ngohi tahino kali gena inisitodokano de ngini nimasidailako waasi. 35Sababu Ai wangeka magena asa o bi nyawa yangoduka yatodoka, maro o haiwani moi datodoka de o sabatolo. 36So bilasu ngini salalu nimajaga de nia dailakoka, de lo niwigolo o Gikimoika la ngini asa niamoku niputuru o sangisara dangodu kiaka asa idadadi gena, sidago aku Ngohi o Nyawa ma Duhutuka nirisima.”
37O orasi magena o wangeka gena o Yesus wodoto o Gikimoi Awi Tahuka, de daputuku Una womasihoika o kota magenano, de wotagi womasidodogu o Zaitun ma Talaka. 38De o goginita isigeto-geto o bi nyawa yadadala yotagi o Gikimoi Awi Tahuka imatolomu yodupa yoise to Una Awi dodoto.
@ LAI 2002