Thangambere 1
1
Maram Mungu Cwio ko Ng’om ku Dhanu
1Ku kwong’a Mungu cwio polo ku ng’om. 2Man ng’om ubedo umbe ayi man mananu; man mudho bedo wi wang’ longro: e Tipo pa Mungu riebre wi wang’ pi. 3#2 Kor 4:6Man Mungu wacu kumae, Dong’ der ubed nuti: e der ubedo nuti. 4Man Mungu neno derne, nia e ber: e Mungu poko der ku mudho. 5Man Mungu lwong’o der Ceng’, e mudho elwong’o Diewor. Man uthieno nuti kugweno de nuti, ceng’ acel.
6 #
2 Pet 3:5
Man Mungu wacu kumae, Dong’ apokapiny ubed i kind pi, man epok kind pi ku pi. 7Man Mungu timo apokapiny, e epoko pi ma yo ther apokapiny ku pi ma yo wi apokapiny: e ebedo kumeca. 8Man Mungu lwong’o apokapiny Polo. Man uthieno nuti kugweno de nuti, ceng’ mir arionde.
9Man Mungu wacu kumae, Dong’ pi ma ni the polo cok dhoge i kar acel, man dong’ ng’om m’uthwo woki: e ebedo kumeca. 10E Mungu lwong’o ng’om m’uthwone Ng’om; man cokri mi pi ke elwong’o Nam: e Mungu neno nia e ber. 11Man Mungu wacu kumae, Dong’ ng’om utwi lum, man uboko ma cego nyinge, ku yen ma ju nyinge ma cego nyinge ku kite ku kite, ma nyinge nuti i ie, wi ng’om: e ebedo kumeca. 12Man ng’om utwio lumbe, kud ubokone ma cego nyinge ku kite ku kite, ku yedhi ma cego nyinge, ma nyinge ni i ie, ku kite ku kite: e Mungu neno nia e ber. 13Man uthieno nuti kugweno de nuti, ceng’ mir adege.
14Man Mungu wacu kumae, Dong’ der gibed nuti i apokapiny m’i polo kara gipok dieceng’ ku diewor; man dong’ gibed ni giranyutha, man ni oro ku cwir, man ni ceng’ ku rundi: 15man dong’ gibed ni der i apokapiny m’i polo kara gicar ng’om ku der: man ebedo kumeca. 16E Mungu timo der ario ma dongo; der ma dit ubim dieceng’, man der ma nok ubim diewor: etimo cero bende. 17Man Mungu kethogi i apokapiny m’i polo kara gicar ng’om ku der, 18man kara gibim wi dieceng’ man wi diewor, man kara gipok der ku moudho: e Mungu neno nia e ber. 19Man uthieno nuti kugweno de nuti, ceng’ mir ang’wende.
20Man Mungu wacu kumae, Dong’ pi pong’ kud udul giracwia ma kwo, man dong’ winyo giring i ng’om wi apokapiny ma thwolo m’i polo. 21Man Mungu cwio yedi ma dit m’i nam, man giracwia ma kwo kubang’e kubang’e ma wotho, ma pi pong’ kudo, ku kite ku kite, man winyo kubang’e kubang’e ma jubombe, ku kite ku kite: e Mungu neno nia e ber. 22E Mungu mio mugisa igi, ewacu kumae, Wunyol, man wumedru, man wupong’ pi i nam, man dong’ winyo medre i ng’om. 23E uthieno nuti kugweno de nuti, ceng’ mir abije.
24Man Mungu wacu kumae, Dong’ ng’om unyol giracwia ma kwo ku kite ku kite, lim, ku gin ma lak i ng’om, man yedi m’i ng’om ku kite ku kite: man ebedo kumeca. 25E Mungu timo yedi m’i ng’om ku kite ku kite, man lim ku kite ku kite, man ku ba gin ceke ma lak i ng’om ku kite ku kite: e Mungu neno nia e ber. 26#1 Kor 11:7Man Mungu wacu kumae, Dong’ watimu dhanu kud ayiwa, ku kitwa: man dong’ gibed ku kero wi rec m’i nam, man wi winyo m’i polo, man wi lim, man wi ng’om ngung’, man wi gin ma lak i ng’om kubang’e kubang’e ma lak wi ng’om. 27#Tha 5:1, 2#Mt 19:4; Mk 10:6Man Mungu cwio dhanu kud ayine gire, i ayi Mungu ecwie; ecwiogi nico ku dhaku. 28Man Mungu mio mugisa igi: man Mungu wacu igi kumae, Wunyol, wumedru de, wupong’ ng’om, man wudwoke wor iwu; man wubed ku kero wi rec m’i nam, man wi winyo m’i polo, man wi gin ma kwo kubang’e kubang’e ma wotho wi ng’om. 29Man Mungu wacu kumae, Nen, amio iwu uboko ceke kubang’e kubang’e ma ju nyinge, ma ni i wang’ ng’om ceke, man yen ceke kubang’e kubang’e ma nying’ yende ni i ie ma cego nyinge; ebibedo iwu ni cemo: 30man ni yedi m’i ng’om ceke kubang’e kubang’e, man ni winyo ma kor polo ceke kubang’e kubang’e, man ni gin ceke ma lak i ng’om kubang’e kubang’e, ma igi ju kwo, amio uboko ceke ma numu kubang’e kubang’e ni cemo igi: e ebedo kumeca. 31E Mungu neno gin ceke m’etimo, man, nen, e ber dit. Man uthieno nuti kugweno de nuti, ceng’ mir abusiende.
The Holy Bible In Alur (Lur), Revised Orthography © United Bible Societies, 1970.
Thangambere 1
1
Maram Mungu Cwio ko Ng’om ku Dhanu
1Ku kwong’a Mungu cwio polo ku ng’om. 2Man ng’om ubedo umbe ayi man mananu; man mudho bedo wi wang’ longro: e Tipo pa Mungu riebre wi wang’ pi. 3#2 Kor 4:6Man Mungu wacu kumae, Dong’ der ubed nuti: e der ubedo nuti. 4Man Mungu neno derne, nia e ber: e Mungu poko der ku mudho. 5Man Mungu lwong’o der Ceng’, e mudho elwong’o Diewor. Man uthieno nuti kugweno de nuti, ceng’ acel.
6 #
2 Pet 3:5
Man Mungu wacu kumae, Dong’ apokapiny ubed i kind pi, man epok kind pi ku pi. 7Man Mungu timo apokapiny, e epoko pi ma yo ther apokapiny ku pi ma yo wi apokapiny: e ebedo kumeca. 8Man Mungu lwong’o apokapiny Polo. Man uthieno nuti kugweno de nuti, ceng’ mir arionde.
9Man Mungu wacu kumae, Dong’ pi ma ni the polo cok dhoge i kar acel, man dong’ ng’om m’uthwo woki: e ebedo kumeca. 10E Mungu lwong’o ng’om m’uthwone Ng’om; man cokri mi pi ke elwong’o Nam: e Mungu neno nia e ber. 11Man Mungu wacu kumae, Dong’ ng’om utwi lum, man uboko ma cego nyinge, ku yen ma ju nyinge ma cego nyinge ku kite ku kite, ma nyinge nuti i ie, wi ng’om: e ebedo kumeca. 12Man ng’om utwio lumbe, kud ubokone ma cego nyinge ku kite ku kite, ku yedhi ma cego nyinge, ma nyinge ni i ie, ku kite ku kite: e Mungu neno nia e ber. 13Man uthieno nuti kugweno de nuti, ceng’ mir adege.
14Man Mungu wacu kumae, Dong’ der gibed nuti i apokapiny m’i polo kara gipok dieceng’ ku diewor; man dong’ gibed ni giranyutha, man ni oro ku cwir, man ni ceng’ ku rundi: 15man dong’ gibed ni der i apokapiny m’i polo kara gicar ng’om ku der: man ebedo kumeca. 16E Mungu timo der ario ma dongo; der ma dit ubim dieceng’, man der ma nok ubim diewor: etimo cero bende. 17Man Mungu kethogi i apokapiny m’i polo kara gicar ng’om ku der, 18man kara gibim wi dieceng’ man wi diewor, man kara gipok der ku moudho: e Mungu neno nia e ber. 19Man uthieno nuti kugweno de nuti, ceng’ mir ang’wende.
20Man Mungu wacu kumae, Dong’ pi pong’ kud udul giracwia ma kwo, man dong’ winyo giring i ng’om wi apokapiny ma thwolo m’i polo. 21Man Mungu cwio yedi ma dit m’i nam, man giracwia ma kwo kubang’e kubang’e ma wotho, ma pi pong’ kudo, ku kite ku kite, man winyo kubang’e kubang’e ma jubombe, ku kite ku kite: e Mungu neno nia e ber. 22E Mungu mio mugisa igi, ewacu kumae, Wunyol, man wumedru, man wupong’ pi i nam, man dong’ winyo medre i ng’om. 23E uthieno nuti kugweno de nuti, ceng’ mir abije.
24Man Mungu wacu kumae, Dong’ ng’om unyol giracwia ma kwo ku kite ku kite, lim, ku gin ma lak i ng’om, man yedi m’i ng’om ku kite ku kite: man ebedo kumeca. 25E Mungu timo yedi m’i ng’om ku kite ku kite, man lim ku kite ku kite, man ku ba gin ceke ma lak i ng’om ku kite ku kite: e Mungu neno nia e ber. 26#1 Kor 11:7Man Mungu wacu kumae, Dong’ watimu dhanu kud ayiwa, ku kitwa: man dong’ gibed ku kero wi rec m’i nam, man wi winyo m’i polo, man wi lim, man wi ng’om ngung’, man wi gin ma lak i ng’om kubang’e kubang’e ma lak wi ng’om. 27#Tha 5:1, 2#Mt 19:4; Mk 10:6Man Mungu cwio dhanu kud ayine gire, i ayi Mungu ecwie; ecwiogi nico ku dhaku. 28Man Mungu mio mugisa igi: man Mungu wacu igi kumae, Wunyol, wumedru de, wupong’ ng’om, man wudwoke wor iwu; man wubed ku kero wi rec m’i nam, man wi winyo m’i polo, man wi gin ma kwo kubang’e kubang’e ma wotho wi ng’om. 29Man Mungu wacu kumae, Nen, amio iwu uboko ceke kubang’e kubang’e ma ju nyinge, ma ni i wang’ ng’om ceke, man yen ceke kubang’e kubang’e ma nying’ yende ni i ie ma cego nyinge; ebibedo iwu ni cemo: 30man ni yedi m’i ng’om ceke kubang’e kubang’e, man ni winyo ma kor polo ceke kubang’e kubang’e, man ni gin ceke ma lak i ng’om kubang’e kubang’e, ma igi ju kwo, amio uboko ceke ma numu kubang’e kubang’e ni cemo igi: e ebedo kumeca. 31E Mungu neno gin ceke m’etimo, man, nen, e ber dit. Man uthieno nuti kugweno de nuti, ceng’ mir abusiende.
The Holy Bible In Alur (Lur), Revised Orthography © United Bible Societies, 1970.