Yohana 7
7
Utumin Yesu Giyie Ngo
1Yo ng’ei gin maeni Yesu wotho i Galilaya kum eyenyo ngo ewoth i Yahudi, kum Juyahudi giyenyo nege. 2#Law 23:34; Poi 16:13Nwang’u agba mi Juyahudi, ma en e agba mi otbak, udhingo ceng’ni. 3E utumin uwacu ire kumae, Ai kakeni, icidh i Yahudi, kara julubni bende ginen tic peri m’itimo. 4Kum ng’atu moko mbe ma timo gin moko ling’, ma en ebeyenyo jung’eye ngbeng’. Tek itimo gin maeni, nyuthri giri ni ng’om. 5Kum cil utumin de giyie ngo. 6Ka kumeno Yesu wacu igi kumae, Nindo para foduwok ungo; ento nindo mu nuti thiri thiri. 7Ng’om copo daguwu ngo; ento an edagu, kum atuco pire, nia tic pare rac. 8Wuidh malu i agba: aidho malu i agba maeni ngo, kum nindo para foduromo ngo. 9E kan edaru yero lembe maeni igi ebedo asu i Galilaya.
Yesu Cidho i Agba mi Otbak
10Ento ka utumin uidho malu i agba, elund eidho malu bende, kele re ngo, ento calu lwe. 11Ka kumeno Juyahudi giyenye i agba, e giwacu kumae, Eni kani? 12Man ng’ur dit ni i kind udul dhanu pire: jumoko wacu kumae, En e ng’atu ma ber: jumange ke wacu kumae, Kumeno ngo, ento erwinyo udul dhanu arwinya. 13Ento ng’atu moko mbe m’uyero pire kele ni lworo mi Juyahudi.
14Ento kan agba tundo i diere Yesu idho malu i hekalu, man eponjo. 15Ka kumeno Juyahudi igi wang’ lii, giwacu kumae, Ng’atuni ng’eyo nyiguta nenedi ma fokeponjo ngo e? 16Ka kumeno Yesu dwoko igi lembe ewacu kumae, Ponji para en e para ngo, endre pa ng’atu m’uora. 17Tek ng’atu moko yenyo etim yeny ma ie yenyo, ebing’eyo pi ponjine, tek en e pa Mungu, kadi ayero gira. 18Ng’atu m’uyero lembe m’uai i bang’e gire eyenyo dwong’ ire gire: ento ng’atu m’uyenyo dwong’ pa ng’atu m’uore, ng’atuno en e andha, gondri de moko mbe i ie. 19Musa mio iwu cik ungo, ere ng’atu moko mbe i kindwu m’utimo cikne? Nedi wuyenyo wunega? 20Udul dhanu loko lembe kumae, Pajogi ni ii: ng’a m’uyenyo enegi? 21Yesu loko lembe ewacu igi kumae, Atimo tic acel, e wun ceke iwu wang’ lii pire. 22#Law 12:3; Tha 17:10Musa yang’ umio iwu yaa (ma nia en e pa Musa re ngo, endre mi wego); man wutimo yaa i kum dhanu ceng’ sabatu. 23#Yoh 5:9Tek dhanu jolo yaa i ceng’ sabatu, kara ku jukadh ku wi cik pa Musa; kwinyo negowu i kuma, kum atito kum ng’atu moko i ceng’ sabatu? 24Kud wupok lembe calu m’anena, endre wupok lembapoka ma pwe.
Maeni En e Kristu?
25Ka kumeno jukucel m’uai Yerusalem giwacu kumae, maeni en e ng’atu ma gibeyenyo gineg ungo? 26Nen, ebeyero kele, giyero ire lem moko ngo. Nyo jubim ging’eyo andha nia maeni en e Kristu? 27Ento wang’eyo ng’atu maeni ka m’eai i ie: ento ka Kristu bino, ng’atu moko mbe ma bing’eyo ka m’eai i ie. 28E ka Yesu kok akoka i hekalu, m’ebeponjo ewacu de kumae, Wung’eya, wung’eyo de ka m’aai i ie; abino de gira ngo, ento ng’atu m’uora en e andha, ma wung’eyo ngo. 29Ang’eye, kum aai i bang’e, man eora. 30Ka kumeno giyenyo kamake: man ng’atu moko mbe m’uketho cinge i kume, kum saa pare fokuwok ungo. 31Ento kind udul dhanu dupa giyie; man giwacu kumae, Ka Kristu bibino, ebitimo giranyutha ma sagu maeni ma ng’atuni timo?
Juoro Asikari Nimaku Yesu
32Jufarisayo giwinjo udul dhanu beng’uro gin maeni pire: e julam ma dongo ku Jufarisayo gioro asikari nimake. 33Ka kumeno Yesu wacu kumae, Nindo ma nok wanuti wakudu, man acidho ba ng’atu m’uora. 34Wubiyenya, ere wubinwang’a ngo: e ka ma ani i ie, wucopo bino ngo. 35Ka kumeno Juyahudi giweco i kindgi gigi kumae, Ng’atuni bicidho kani ma wakubinwang’e ngo e? ebicidho ba ju m’ulal i kind Juyunani, man ebiponjo Juyunani? 36Lembe maeni m’eyero kumae lembang’o, Wubiyenya, ere wubinwang’a ngo; ka m’abedo i ie de wucopo bino ngo?
Kulo mi Pi mi Kwo
37 #
Law 23:36
Nie i kajikceng’, ma en e ceng’ ma dwong’ mir agba Yesu cungo ekok akoka, ewacu kumae, Tek rieu nego ng’atu moko, dong’ ebin i bang’a emadhi. 38#Eze 47:1; Zek 14:8Ng’atu m’uyia, kulo mi pi mi kwo bithwogre kud i ie, calu lembagora pa Mungu wacu. 39Ento maeni eyero pi Tipo ma ju m’uyie bijolo: kum Tipo Maleng’ fodumire ngo; kum fodi jukuyungo Yesu ngo.
Pokri Wok i kind Dhanu
40Ka kumeno jumoko ma kind udul dhanu ka giwinjo lembuni giwacu kumae, Maeni en e jabila andha. 41Jumange giwacu kumae, Maeni Kristu. Ento jumoko wacu kumae, Ang’o, Kristu ai i Galilaya? 42#2 Sam 7:12; Mik 5:2Lembagora pa Mungu wacu ngo nia Kristu ai ba kodhi Daudi, man i Beth-lehem, pacu ma yang’ Daudi bedo i ie? 43Kum kumeno pokri wok i kind udul dhanu pire. 44Jumoko m’i kindgi giyenyo gimake; ento ng’atu moko mbe m’uketho cinge i kume.
Yioyic M’umbe i Ju ma Gibedo ku Ng’ol
45Ka kumeno asikari gibino ba julam ma dongo ku Jufarisayo; e giwacu igi kumae, Wukele ngo nedi? 46Asikari giloko lembe kumae, Ng’atu ma foduweco kumeca mbe. 47Ka kumeno Jufarisayo loko igi lembe kumae, Wun bende wurwinyo? 48Kind jubim moko nuti m’uyie, kadi kind Jufarisayo de? 49Ento udul dhanu maeni m’ung’eyo cik ungo gibedo akwong’a. 50#Yoh 3:1, 2Nikodemo (ma ng’atu acel m’i kindgi, m’ular ubino i bang’e), uwacu igi kumae, 51Cik mwa poko lembe pa ng’atu moko, ma k’elar ewinje ngo, eng’eyo gin m’etimo de ngo? 52Giloko lembe giwacu ire kumae, In bende in i ng’atu m’i Galilaya? Koiyeny, inen de jabila moko mbe m’uai i Galilaya.
Dhaku ma Jurube wi Gier
53(Man ku ba dhanu ceke ng’atuman udok i ot pare man i ot pare:
The Holy Bible In Alur (Lur), Revised Orthography © United Bible Societies, 1970.
Yohana 7
7
Utumin Yesu Giyie Ngo
1Yo ng’ei gin maeni Yesu wotho i Galilaya kum eyenyo ngo ewoth i Yahudi, kum Juyahudi giyenyo nege. 2#Law 23:34; Poi 16:13Nwang’u agba mi Juyahudi, ma en e agba mi otbak, udhingo ceng’ni. 3E utumin uwacu ire kumae, Ai kakeni, icidh i Yahudi, kara julubni bende ginen tic peri m’itimo. 4Kum ng’atu moko mbe ma timo gin moko ling’, ma en ebeyenyo jung’eye ngbeng’. Tek itimo gin maeni, nyuthri giri ni ng’om. 5Kum cil utumin de giyie ngo. 6Ka kumeno Yesu wacu igi kumae, Nindo para foduwok ungo; ento nindo mu nuti thiri thiri. 7Ng’om copo daguwu ngo; ento an edagu, kum atuco pire, nia tic pare rac. 8Wuidh malu i agba: aidho malu i agba maeni ngo, kum nindo para foduromo ngo. 9E kan edaru yero lembe maeni igi ebedo asu i Galilaya.
Yesu Cidho i Agba mi Otbak
10Ento ka utumin uidho malu i agba, elund eidho malu bende, kele re ngo, ento calu lwe. 11Ka kumeno Juyahudi giyenye i agba, e giwacu kumae, Eni kani? 12Man ng’ur dit ni i kind udul dhanu pire: jumoko wacu kumae, En e ng’atu ma ber: jumange ke wacu kumae, Kumeno ngo, ento erwinyo udul dhanu arwinya. 13Ento ng’atu moko mbe m’uyero pire kele ni lworo mi Juyahudi.
14Ento kan agba tundo i diere Yesu idho malu i hekalu, man eponjo. 15Ka kumeno Juyahudi igi wang’ lii, giwacu kumae, Ng’atuni ng’eyo nyiguta nenedi ma fokeponjo ngo e? 16Ka kumeno Yesu dwoko igi lembe ewacu kumae, Ponji para en e para ngo, endre pa ng’atu m’uora. 17Tek ng’atu moko yenyo etim yeny ma ie yenyo, ebing’eyo pi ponjine, tek en e pa Mungu, kadi ayero gira. 18Ng’atu m’uyero lembe m’uai i bang’e gire eyenyo dwong’ ire gire: ento ng’atu m’uyenyo dwong’ pa ng’atu m’uore, ng’atuno en e andha, gondri de moko mbe i ie. 19Musa mio iwu cik ungo, ere ng’atu moko mbe i kindwu m’utimo cikne? Nedi wuyenyo wunega? 20Udul dhanu loko lembe kumae, Pajogi ni ii: ng’a m’uyenyo enegi? 21Yesu loko lembe ewacu igi kumae, Atimo tic acel, e wun ceke iwu wang’ lii pire. 22#Law 12:3; Tha 17:10Musa yang’ umio iwu yaa (ma nia en e pa Musa re ngo, endre mi wego); man wutimo yaa i kum dhanu ceng’ sabatu. 23#Yoh 5:9Tek dhanu jolo yaa i ceng’ sabatu, kara ku jukadh ku wi cik pa Musa; kwinyo negowu i kuma, kum atito kum ng’atu moko i ceng’ sabatu? 24Kud wupok lembe calu m’anena, endre wupok lembapoka ma pwe.
Maeni En e Kristu?
25Ka kumeno jukucel m’uai Yerusalem giwacu kumae, maeni en e ng’atu ma gibeyenyo gineg ungo? 26Nen, ebeyero kele, giyero ire lem moko ngo. Nyo jubim ging’eyo andha nia maeni en e Kristu? 27Ento wang’eyo ng’atu maeni ka m’eai i ie: ento ka Kristu bino, ng’atu moko mbe ma bing’eyo ka m’eai i ie. 28E ka Yesu kok akoka i hekalu, m’ebeponjo ewacu de kumae, Wung’eya, wung’eyo de ka m’aai i ie; abino de gira ngo, ento ng’atu m’uora en e andha, ma wung’eyo ngo. 29Ang’eye, kum aai i bang’e, man eora. 30Ka kumeno giyenyo kamake: man ng’atu moko mbe m’uketho cinge i kume, kum saa pare fokuwok ungo. 31Ento kind udul dhanu dupa giyie; man giwacu kumae, Ka Kristu bibino, ebitimo giranyutha ma sagu maeni ma ng’atuni timo?
Juoro Asikari Nimaku Yesu
32Jufarisayo giwinjo udul dhanu beng’uro gin maeni pire: e julam ma dongo ku Jufarisayo gioro asikari nimake. 33Ka kumeno Yesu wacu kumae, Nindo ma nok wanuti wakudu, man acidho ba ng’atu m’uora. 34Wubiyenya, ere wubinwang’a ngo: e ka ma ani i ie, wucopo bino ngo. 35Ka kumeno Juyahudi giweco i kindgi gigi kumae, Ng’atuni bicidho kani ma wakubinwang’e ngo e? ebicidho ba ju m’ulal i kind Juyunani, man ebiponjo Juyunani? 36Lembe maeni m’eyero kumae lembang’o, Wubiyenya, ere wubinwang’a ngo; ka m’abedo i ie de wucopo bino ngo?
Kulo mi Pi mi Kwo
37 #
Law 23:36
Nie i kajikceng’, ma en e ceng’ ma dwong’ mir agba Yesu cungo ekok akoka, ewacu kumae, Tek rieu nego ng’atu moko, dong’ ebin i bang’a emadhi. 38#Eze 47:1; Zek 14:8Ng’atu m’uyia, kulo mi pi mi kwo bithwogre kud i ie, calu lembagora pa Mungu wacu. 39Ento maeni eyero pi Tipo ma ju m’uyie bijolo: kum Tipo Maleng’ fodumire ngo; kum fodi jukuyungo Yesu ngo.
Pokri Wok i kind Dhanu
40Ka kumeno jumoko ma kind udul dhanu ka giwinjo lembuni giwacu kumae, Maeni en e jabila andha. 41Jumange giwacu kumae, Maeni Kristu. Ento jumoko wacu kumae, Ang’o, Kristu ai i Galilaya? 42#2 Sam 7:12; Mik 5:2Lembagora pa Mungu wacu ngo nia Kristu ai ba kodhi Daudi, man i Beth-lehem, pacu ma yang’ Daudi bedo i ie? 43Kum kumeno pokri wok i kind udul dhanu pire. 44Jumoko m’i kindgi giyenyo gimake; ento ng’atu moko mbe m’uketho cinge i kume.
Yioyic M’umbe i Ju ma Gibedo ku Ng’ol
45Ka kumeno asikari gibino ba julam ma dongo ku Jufarisayo; e giwacu igi kumae, Wukele ngo nedi? 46Asikari giloko lembe kumae, Ng’atu ma foduweco kumeca mbe. 47Ka kumeno Jufarisayo loko igi lembe kumae, Wun bende wurwinyo? 48Kind jubim moko nuti m’uyie, kadi kind Jufarisayo de? 49Ento udul dhanu maeni m’ung’eyo cik ungo gibedo akwong’a. 50#Yoh 3:1, 2Nikodemo (ma ng’atu acel m’i kindgi, m’ular ubino i bang’e), uwacu igi kumae, 51Cik mwa poko lembe pa ng’atu moko, ma k’elar ewinje ngo, eng’eyo gin m’etimo de ngo? 52Giloko lembe giwacu ire kumae, In bende in i ng’atu m’i Galilaya? Koiyeny, inen de jabila moko mbe m’uai i Galilaya.
Dhaku ma Jurube wi Gier
53(Man ku ba dhanu ceke ng’atuman udok i ot pare man i ot pare:
The Holy Bible In Alur (Lur), Revised Orthography © United Bible Societies, 1970.