Kapyegèle 8
8
1Sɔli si maa fɔ̀lɔ Etyɛni kpóoli na.
Sɔli n Egiliziw wɔʔɔ
A wɔʔɔgbɔʔɔ fala n yìri Zyerusalɛmi Egiliziw kurugo cángi bee na. A tágafɔbèle myɛ cariga n kári Zyude tári tɛ́ɛyɛ myɛ ni ní Samarii tári ní, kapye pìitunbèle yagana ban í. 2Bele be fɛ̀ɛgí Kolocɔlɔɔ na lè, a poro Etyɛni láa n sáà tɔ́n, ní i nyaan gbanʔama wi kéeli na. 3#Kap 22:4-5; 26:9-11 Sɔli si maa tɔ̀nɔ ni Egiliziw kálagi. Wi maa ni jǐn kpáayi ni, ni nǎnbèle ní cébèle có ni kíle ni syée n sa ni nii kàsow ni.
Filipi i Syɛɛnjóocǎnri nyuu Samarii ni
4Bele be cariga lè a poro i syée tɛ́ɛyi myɛ ni n sa ni Syɛɛnjóocǎnri nyuu yaà.
5Filipi si maa tìgi n kári Samarii kègaa ma n sa ni Kirisi kéeli nyuu yaà syɛ́ɛnbèle ma. 6A pe ga ni Filipi syɛ́ɛnri lúro ní i kakpoloyi nyaagi, yee wi kpéʔele lè, a syɛ̀ɛnnɛ saʔa di sámaga n lóʔo, níì di cò ní fungo nibin ní. 7Níì cán màdebèle maa ni yákpogèle wáa gbanʔama ní i yirigi màdebèle fɔ̀ɔlɔ saʔa ni, a syɛɛnmɔngɔbèle saʔa ní tɔyaayi fɔ̀ɔlɔ saʔa i poori. 8A fundaangbɔɔrɔ tɔ̀nɔ n pye kěgi bee ni.
9Nànwaa si maa téè pye yaà kěgi bee ni pe i wi yiri Siimɔn, wi maa pye sàndooo ní i sícilimi kèlē kpéʔele, a Samarii tári syɛ̀ɛnnɛ i káama ge na, a wi i gi nyuu lǎli bee ni níì jo, woro i nyɛ syɛɛnkpɔɔɔ. 10A pe myɛ i lúro wi ma kányɛʔɛ ni n syɛɛn-yilibèle pínɛ wogbolobèle ni, a be i gi nyuu níì jo: «Kolocɔlɔɔ séew be yiri lè Wogbɔɔw, nǎnw naa wi nyɛ séew bee.»
11Pe maa ni lúro wi ma kányɛʔɛ ni, níì cán ki maa séli yaà làridɔɔnnɔ ni, a be i káama wi sícilimi kèlē na. 12Kàjáa a Filipi ga Syɛɛnjóocǎnri joo be ma Kolocɔlɔɔ fǎngi kéele, ní Zyezu Kirisi mɛ́ɛgi kéele na, a nǎnbèle ní cébèle tága níì batɛmiw kpéʔele. 13Siimɔn tiimaa maa wɔ́ɔ̀ tága, lǎli ni wi batɛmiw kpéʔele n kwɔ́ɔ lè, a wi tan Filipi na, àmɛɛ wi fɛ̀ɛkpoloyi ní kakpoloyi nyaa yi i kpéʔele lè, a wi i káama.
14 Pìitunbèle be pye yaà lè Zyerusalɛmi ni, a pe ga gi lóʔo Samarii ye n Kolocɔlɔɔ syɛ́ɛnri lóʔo níì di cò, a be Pyɛri ní Zyan tórigo yaà be ma. 15A bele bee kári n sáà Kolocɔlɔɔ nyɛ́ɛri be kéeli na koro ga pye be Pìicǎnni taa. 16Níì cán li da kɔ́ɔ̀ tìgi pe wàa faala ma í. Pe maa batɛmiw kpéʔele yagana Kàfɔw Zyezu mɛ́ɛgi na. 17Lǎli bee ni a Pyɛri ní Zyan kɔ́yi taʔa be na, a be Pìicǎnni taa.
18A Siimɔn ga gi nyaa a Kolocɔlɔɔ Pìicǎnni kaan be ma pìitunbèle kɔ́yɔ taʔala báriga ni, a wi pan ní wáli ní be ma, níì jo: 19«Ye wɔ́ɔ ye fǎngi bee kaan mii ma, koro ga pye mii ga mii kɔ́gi taʔa syɔ́ɔnwee faala na lè wi wɔ́ɔ wi Pìicǎnni taa.» 20A Pyɛri si wi yari: «Ki n yɛlɛ mɔ ní mɔ wáliw í pínɛ kálagi, àmɛɛ mɔ sɔ̀ngí lè bi Kolocɔlɔɔ yakaangi taa wáli na. 21Mɔ lɛɛlɛ o nyɛ kéeli naa ni í, mɔ a tée yafyɛn taa li ni í, níì cán mɔ fúngi ga sín Kolocɔlɔɔ ma í. 22Koro na mi kàdoʔo wáa mɔ péemi bee ma, máā Kàfɔw nyɛ́ɛri koro ga pye wi mɔ sɔngubeeri kùsulugo syɔɔ, ní ki ga pye bi gbǎn kpéʔele. 23Níì cán mii n gi nyaa a péemi tɔ̀nɔ n fànʔa taa mɔ na, á sìnzinmi mɔ pwɔɔ.» 24A Siimɔn be yari: «Ki n yɛlɛ yele tiimaa í Kàfɔw nyɛ́ɛri mii kéeli na, koro ga pye gee yele joo lè, ki kàa faala a kɔ mii taa í.»
25A pe ga séeraw kpéʔele níì Kàfɔw syɛ́ɛnrɛ joo n kwɔ́ɔ, a be lúru ni syée Zyerusalɛmi ma ní i Syɛɛnjóocǎnri nyuu Samarii ye kěyi saʔa ni.
Filipi ní Etyopii ye fǎngi syɛɛnkpɔɔwaa kéele
26A Kàfɔw tundunwaa joo ní Filipi ní níì wi pye: «Yìri mi tìgi canʔa parima ma wòrogulo kàbangi na, kólogee gi yìri lè Zyerusalɛmi ma ni syée Gaza ma ki lè fìími tára wóʔo, maa syée gee bee ni.»
27A wi yìri n kári. Wéle, a wi sáà Etyopii tári nànwaa nyaa, wee pe da wòlo n kàriga lè nìgbɛɛɔn. Tári bee fànʔafɔlɔ si maa pye cɔlɔɔ, pe i wi yiri Kandasi, nǎnw bee si i nyɛ Kandasi fǎngi syɛɛnkpɔɔwaa, woro wi da pye wi lɔ́ri myɛ tɛ́ʔɛfɔlɔ, wi maa kári Zyerusalɛmi ma sa Kolocɔlɔɔ kpɔ̀ʔɔrɔ. 28A wi ga lúru ni syée níì tɛ́ɛn wi wòtorow ni ni kanyaajoow Ezayi syɛ́ɛnri wéle, 29a Pìicǎnni Filipi pye: «Da syée mi sa pínɛ ní wòtorow yaa fɔ́lɔ ní.»
30A Filipi fàn n kári n sáà wi nyaa wi i kanyaajoow Ezayi syɛ́ɛnri wéle ni nyuu, a wi wi pye: «Dee mɔ wéle lè a mɔ di kɔ́rɔw cán lé?» 31A nǎnw wi pye: «Mɛ̀ɛ́ mii a gbǎn di cán bi sɛ́ɛ, kapye wàa ga di kɔ́rɔw tɛ̀ɛn mii na í?» Níì Filipi pye wi woro pɔʔɔ wí lúgu wi tɛ́ɛn woro taana.
32 #
Eza 53:7-8
Tɛ́ɛgee wi da ni wéle lè Kolocɔlɔɔ syɛɛnsɛbɛri ni, koro gi nyɛ gee naa:
«Pe n wi cò ni syée tɛɛ̀kpoogi ma, àmɛɛ byà nyɛ lè.
Amɛɛ bàpile gáà pyèri lè li síicɛnɛbèle kɔ́yɔ ni,
ànbée wi wɔ́ɔ̀ pye, wi ga téè wi nyɔ́ɔgi múgu í.
33Lǎli ni be wi faʔa lè,
a be kolomɔ kútiiw kúun wi na,
wìí wi a gbǎn wi yòdaʔaya kéele joo?
Níì cán pe n wi sìíw kwɔ́ɔ tári na.»
34A nìgbɛɛnnanw Filipi pye: «Mii i mɔ nyɛ́ɛri mi kanyaajoow syɛ́ɛnrɛ kɔ́rɔ tɛ̀ɛn mii na, wìí kéele na wi syɛ́ɛnri naa joo, woro tiimaa kéeli na láà ba fwɔɔ wàa nikwɔɔ wólo?»
35A Filipi fala n gi séli Kolocɔlɔɔ syɛɛnsɛbɛri bee tɛ́ʔɛ na ni Syɛɛnjóocǎnri nyuu wi ma Zyezu kéeli na.
36A pe ga ni syée kólogi na n sáà nan lògaa na, a nìgbɛɛnnanw jo: «Wéle, lògaa gi gee. Nyàʔá ki a ní mii yérige batɛmiw kpéʔelele na?» 37[A Filipi jo: «Mɔ ga tɛ́nɛ̀ tága ní mɔ fúngi myɛ ní, mɔ a gbǎn wi kpéʔele kɛ.» A wi jo: «Mii n tága gi na ncan Zyezu Kirisi* wi nyɛ Kolocɔlɔɔ Jáaw.»]
38A wi be pye a be wòtorow yérige. A pe myɛ siin tìgi n jée lǒgi ni, Filipi ní nìgbɛɛnnanw ní, a Filipi wi batize. 39Pe yirili kàdoʔo ma lǒgi ni, a Kàfɔw Pìle Filipi láa n núngo nìgbɛɛnnanw taana, wi ga níì wi nyaa í, a nìgbɛɛnnanw fala ni syée wi kôgárigi ni ní fundaanra ní. 40A Filipi wéle n wiyɛɛ nyaa Azɔti ni, a wi yiri nɛɛ bee ni syée Sezarikaʔa ma, ní i Syɛɛnjóocǎnri nyuu ni syée kěyee myɛ ni wi forogi lè n taa n sáà nan Sezarikaʔa na.
Kolocɔlɔɔ Syɛ́ɛnri © Bible Society of Côte d'Ivoire, 2008.
Kapyegèle 8
8
1Sɔli si maa fɔ̀lɔ Etyɛni kpóoli na.
Sɔli n Egiliziw wɔʔɔ
A wɔʔɔgbɔʔɔ fala n yìri Zyerusalɛmi Egiliziw kurugo cángi bee na. A tágafɔbèle myɛ cariga n kári Zyude tári tɛ́ɛyɛ myɛ ni ní Samarii tári ní, kapye pìitunbèle yagana ban í. 2Bele be fɛ̀ɛgí Kolocɔlɔɔ na lè, a poro Etyɛni láa n sáà tɔ́n, ní i nyaan gbanʔama wi kéeli na. 3#Kap 22:4-5; 26:9-11 Sɔli si maa tɔ̀nɔ ni Egiliziw kálagi. Wi maa ni jǐn kpáayi ni, ni nǎnbèle ní cébèle có ni kíle ni syée n sa ni nii kàsow ni.
Filipi i Syɛɛnjóocǎnri nyuu Samarii ni
4Bele be cariga lè a poro i syée tɛ́ɛyi myɛ ni n sa ni Syɛɛnjóocǎnri nyuu yaà.
5Filipi si maa tìgi n kári Samarii kègaa ma n sa ni Kirisi kéeli nyuu yaà syɛ́ɛnbèle ma. 6A pe ga ni Filipi syɛ́ɛnri lúro ní i kakpoloyi nyaagi, yee wi kpéʔele lè, a syɛ̀ɛnnɛ saʔa di sámaga n lóʔo, níì di cò ní fungo nibin ní. 7Níì cán màdebèle maa ni yákpogèle wáa gbanʔama ní i yirigi màdebèle fɔ̀ɔlɔ saʔa ni, a syɛɛnmɔngɔbèle saʔa ní tɔyaayi fɔ̀ɔlɔ saʔa i poori. 8A fundaangbɔɔrɔ tɔ̀nɔ n pye kěgi bee ni.
9Nànwaa si maa téè pye yaà kěgi bee ni pe i wi yiri Siimɔn, wi maa pye sàndooo ní i sícilimi kèlē kpéʔele, a Samarii tári syɛ̀ɛnnɛ i káama ge na, a wi i gi nyuu lǎli bee ni níì jo, woro i nyɛ syɛɛnkpɔɔɔ. 10A pe myɛ i lúro wi ma kányɛʔɛ ni n syɛɛn-yilibèle pínɛ wogbolobèle ni, a be i gi nyuu níì jo: «Kolocɔlɔɔ séew be yiri lè Wogbɔɔw, nǎnw naa wi nyɛ séew bee.»
11Pe maa ni lúro wi ma kányɛʔɛ ni, níì cán ki maa séli yaà làridɔɔnnɔ ni, a be i káama wi sícilimi kèlē na. 12Kàjáa a Filipi ga Syɛɛnjóocǎnri joo be ma Kolocɔlɔɔ fǎngi kéele, ní Zyezu Kirisi mɛ́ɛgi kéele na, a nǎnbèle ní cébèle tága níì batɛmiw kpéʔele. 13Siimɔn tiimaa maa wɔ́ɔ̀ tága, lǎli ni wi batɛmiw kpéʔele n kwɔ́ɔ lè, a wi tan Filipi na, àmɛɛ wi fɛ̀ɛkpoloyi ní kakpoloyi nyaa yi i kpéʔele lè, a wi i káama.
14 Pìitunbèle be pye yaà lè Zyerusalɛmi ni, a pe ga gi lóʔo Samarii ye n Kolocɔlɔɔ syɛ́ɛnri lóʔo níì di cò, a be Pyɛri ní Zyan tórigo yaà be ma. 15A bele bee kári n sáà Kolocɔlɔɔ nyɛ́ɛri be kéeli na koro ga pye be Pìicǎnni taa. 16Níì cán li da kɔ́ɔ̀ tìgi pe wàa faala ma í. Pe maa batɛmiw kpéʔele yagana Kàfɔw Zyezu mɛ́ɛgi na. 17Lǎli bee ni a Pyɛri ní Zyan kɔ́yi taʔa be na, a be Pìicǎnni taa.
18A Siimɔn ga gi nyaa a Kolocɔlɔɔ Pìicǎnni kaan be ma pìitunbèle kɔ́yɔ taʔala báriga ni, a wi pan ní wáli ní be ma, níì jo: 19«Ye wɔ́ɔ ye fǎngi bee kaan mii ma, koro ga pye mii ga mii kɔ́gi taʔa syɔ́ɔnwee faala na lè wi wɔ́ɔ wi Pìicǎnni taa.» 20A Pyɛri si wi yari: «Ki n yɛlɛ mɔ ní mɔ wáliw í pínɛ kálagi, àmɛɛ mɔ sɔ̀ngí lè bi Kolocɔlɔɔ yakaangi taa wáli na. 21Mɔ lɛɛlɛ o nyɛ kéeli naa ni í, mɔ a tée yafyɛn taa li ni í, níì cán mɔ fúngi ga sín Kolocɔlɔɔ ma í. 22Koro na mi kàdoʔo wáa mɔ péemi bee ma, máā Kàfɔw nyɛ́ɛri koro ga pye wi mɔ sɔngubeeri kùsulugo syɔɔ, ní ki ga pye bi gbǎn kpéʔele. 23Níì cán mii n gi nyaa a péemi tɔ̀nɔ n fànʔa taa mɔ na, á sìnzinmi mɔ pwɔɔ.» 24A Siimɔn be yari: «Ki n yɛlɛ yele tiimaa í Kàfɔw nyɛ́ɛri mii kéeli na, koro ga pye gee yele joo lè, ki kàa faala a kɔ mii taa í.»
25A pe ga séeraw kpéʔele níì Kàfɔw syɛ́ɛnrɛ joo n kwɔ́ɔ, a be lúru ni syée Zyerusalɛmi ma ní i Syɛɛnjóocǎnri nyuu Samarii ye kěyi saʔa ni.
Filipi ní Etyopii ye fǎngi syɛɛnkpɔɔwaa kéele
26A Kàfɔw tundunwaa joo ní Filipi ní níì wi pye: «Yìri mi tìgi canʔa parima ma wòrogulo kàbangi na, kólogee gi yìri lè Zyerusalɛmi ma ni syée Gaza ma ki lè fìími tára wóʔo, maa syée gee bee ni.»
27A wi yìri n kári. Wéle, a wi sáà Etyopii tári nànwaa nyaa, wee pe da wòlo n kàriga lè nìgbɛɛɔn. Tári bee fànʔafɔlɔ si maa pye cɔlɔɔ, pe i wi yiri Kandasi, nǎnw bee si i nyɛ Kandasi fǎngi syɛɛnkpɔɔwaa, woro wi da pye wi lɔ́ri myɛ tɛ́ʔɛfɔlɔ, wi maa kári Zyerusalɛmi ma sa Kolocɔlɔɔ kpɔ̀ʔɔrɔ. 28A wi ga lúru ni syée níì tɛ́ɛn wi wòtorow ni ni kanyaajoow Ezayi syɛ́ɛnri wéle, 29a Pìicǎnni Filipi pye: «Da syée mi sa pínɛ ní wòtorow yaa fɔ́lɔ ní.»
30A Filipi fàn n kári n sáà wi nyaa wi i kanyaajoow Ezayi syɛ́ɛnri wéle ni nyuu, a wi wi pye: «Dee mɔ wéle lè a mɔ di kɔ́rɔw cán lé?» 31A nǎnw wi pye: «Mɛ̀ɛ́ mii a gbǎn di cán bi sɛ́ɛ, kapye wàa ga di kɔ́rɔw tɛ̀ɛn mii na í?» Níì Filipi pye wi woro pɔʔɔ wí lúgu wi tɛ́ɛn woro taana.
32 #
Eza 53:7-8
Tɛ́ɛgee wi da ni wéle lè Kolocɔlɔɔ syɛɛnsɛbɛri ni, koro gi nyɛ gee naa:
«Pe n wi cò ni syée tɛɛ̀kpoogi ma, àmɛɛ byà nyɛ lè.
Amɛɛ bàpile gáà pyèri lè li síicɛnɛbèle kɔ́yɔ ni,
ànbée wi wɔ́ɔ̀ pye, wi ga téè wi nyɔ́ɔgi múgu í.
33Lǎli ni be wi faʔa lè,
a be kolomɔ kútiiw kúun wi na,
wìí wi a gbǎn wi yòdaʔaya kéele joo?
Níì cán pe n wi sìíw kwɔ́ɔ tári na.»
34A nìgbɛɛnnanw Filipi pye: «Mii i mɔ nyɛ́ɛri mi kanyaajoow syɛ́ɛnrɛ kɔ́rɔ tɛ̀ɛn mii na, wìí kéele na wi syɛ́ɛnri naa joo, woro tiimaa kéeli na láà ba fwɔɔ wàa nikwɔɔ wólo?»
35A Filipi fala n gi séli Kolocɔlɔɔ syɛɛnsɛbɛri bee tɛ́ʔɛ na ni Syɛɛnjóocǎnri nyuu wi ma Zyezu kéeli na.
36A pe ga ni syée kólogi na n sáà nan lògaa na, a nìgbɛɛnnanw jo: «Wéle, lògaa gi gee. Nyàʔá ki a ní mii yérige batɛmiw kpéʔelele na?» 37[A Filipi jo: «Mɔ ga tɛ́nɛ̀ tága ní mɔ fúngi myɛ ní, mɔ a gbǎn wi kpéʔele kɛ.» A wi jo: «Mii n tága gi na ncan Zyezu Kirisi* wi nyɛ Kolocɔlɔɔ Jáaw.»]
38A wi be pye a be wòtorow yérige. A pe myɛ siin tìgi n jée lǒgi ni, Filipi ní nìgbɛɛnnanw ní, a Filipi wi batize. 39Pe yirili kàdoʔo ma lǒgi ni, a Kàfɔw Pìle Filipi láa n núngo nìgbɛɛnnanw taana, wi ga níì wi nyaa í, a nìgbɛɛnnanw fala ni syée wi kôgárigi ni ní fundaanra ní. 40A Filipi wéle n wiyɛɛ nyaa Azɔti ni, a wi yiri nɛɛ bee ni syée Sezarikaʔa ma, ní i Syɛɛnjóocǎnri nyuu ni syée kěyee myɛ ni wi forogi lè n taa n sáà nan Sezarikaʔa na.
Kolocɔlɔɔ Syɛ́ɛnri © Bible Society of Côte d'Ivoire, 2008.