Sélimɛ 20
20
Abirahami ní Abimelɛki kéeli
1A Abirahami yìri yaà beè n kári wòrogulo tári ma ní sáà tɛ́ɛn Kadɛsyi, ní Syuri níngi ni, ní náa baa kári n sáà kòro Gerari ni. 2#Sél 12:13; 26:7 Abirahami maa ni gi nyuu wi céw Sara kéeli na níì jo: «Wi i nyɛ mii senyɛnnɛ.» A Gerari fànʔafɔw Abimelɛki fala n tun a be sáà Sara láa n pan. 3Kàjáa a ki ga pye yébiligi ni, a Kolocɔlɔɔ wiyɛɛ dɛ̀ɛn Abimelɛki na ŋúnɔgɔ na níì wi pye: «Wéle, mɔ a tɔ̀nɔ́ kùu céw naa kéele na, wee mɔ láa lè, níì cán nàɔn fɔ́lɔ wii.»
4Abimelɛki da kɔ́ɔ̀ nan Sara na í. A wi Yawe pye: «Kàfɔw, a mɔ a zǐn syɛɛnfelegaa kpóo lé, àlí bi gi taa ki n sín? 5Nǎnw bee tiimaa wi gi joo mii ma níì jo woro senyɛnnɛ wii. A céw wɔ́ɔ̀ gi joo mii ma níì jo woro senyɛnnɛ wii. Mii fúngi n tɔ̀nɔ n fílige, a mii kɔ́yi wɔ́ɔ i nyɛ fɔɔnrɔ fun kéeli naa pyele na.»
6A Kolocɔlɔɔ gi joo wi ma ŋúnɔgi na níì wi yari: «Mii n tɔ̀nɔ n gi cán mɔ fúngi n fílige kéeli naa pyele na. Koro na mii tiimaa wɔ́ɔ̀ mɔ yérige jàngó mɔ a kɔ́ kapeele pye mii na í. Koro na mii gi yaʔa mɔ a kɔ́ tánga wi na í. 7Tɔ́ɔliw ni ki n yɛlɛ mi nǎnw bee cɔ́ɔ lúrugo mi kaan wi ma. Kanyaajooo wi nyɛ wi nǎnw. Wi a Kolocɔlɔɔ nyɛ́ɛri mɔ kéeli na, mɔ a kùu í. Kàjáa mɔ ga pye mɔ ga wi lúrugo n kaan wi ma í, ki n yɛlɛ mi gi cán mɔ ní mɔ kpáagi wòolo myɛ a kùu.»
8A Abimelɛki sɔ̀li n yìri nyǐngi nyɔ́ɔ na n wi syɛɛnkpolobèle yeri ní baa kérigèle bee myɛ joo n tɛ̀ɛn be na. A syɛ́ɛnbèle bee fyáa gbanʔama. 9Koro kàdoʔo ma a Abimelɛki Abirahami yeri ní baa wi pye: «Nyàʔá mɔ kpéʔele wolo na gee? Kapeelìí félege mii pye mɔ na, a koro mɔ kaan mɔ í mii ní mii fǎngi wáa kapeekpɔɔgi naa pyele na? Gee mɔ pye mii na lè, ki o nyɛ pyemɛ í.» 10A Abimelɛki níì Abirahami yari: «Nyàʔá mɔ da nyaa níì gee naa félege kpéʔele?»
11A Abirahami jo: «Mii maa gi tímana n jo Kolocɔlɔɔ yɛ́ɛgi fyáara a pye tɛ́ɛgi naa ni í. Pe a mii kpóo mii céw kéele na. 12N fàra gee bee na, ki i nyɛ kányɛʔɛ, wi i nyɛ mii senyɛnnɛ. Wo i nyɛ tofɔlɔ na, kàjáa wo o nyɛ nafɔlɔ na í, á wi baa pye mii cɔ́ɔ. 13Koro na lǎli ni Kolocɔlɔɔ mii yirige mii tóow kpaʔa ni n mii kpéʔele nyaarifɔlɔ lè, a mii gi joo mii céw ma níì wi pye: ‹Wo ga nan tɛʔɛ o tɛʔɛ na, ki n yɛlɛ mi nyɔɔ mii na mí be pye mii i nyɛ mɔ senyɛnnɛ.› »
14A Abimelɛki yaweeyiligēle ní yaweekpologèlē cò n kaan Abirahami ma, n fàra pulonànbēle ní pulocabala na, ní wɔ́ɔ̀ wi céw Sara lúrugo n kaan wi ma. 15A Abimelɛki jo: «Mii tári di dee mɔ yɛ́ʔɛ ma. Tɛ́ɛgee ga yɛlɛ mɔ ma lè, ki n yɛlɛ mi tɛ́ɛn beè.»
16A wi gi joo Sara ma níì jo: «Wéle, mii n wálifiio támabéle saala kagunɔ kaan mɔ senyɛnw ma. Gee bee a pye mɔ ma àmɛɛ nyùndɔn-yáriga nyɛ lè bele myɛ nyɛ́nɛ na be nyɛ ní mɔ ní lè, bi gi tɛ̀ɛn mɔ i nyɛ tɛɛlɛ fun kéeli naa ni.»
17A Abirahami Kolocɔlɔɔ nyɛ́ɛri. A Kolocɔlɔɔ Abimelɛki ní wi céw, ní wi pulocebèle pɔʔɔ, a be gbàn ni pìibēle sii. 18Níì cán Yawe maa Abimelɛki kpáagi wòolo myɛ yérige pìiseeri na Abirahami céw Sara kéeli na.
Kolocɔlɔɔ Syɛ́ɛnri © Bible Society of Côte d'Ivoire, 2008.
Sélimɛ 20
20
Abirahami ní Abimelɛki kéeli
1A Abirahami yìri yaà beè n kári wòrogulo tári ma ní sáà tɛ́ɛn Kadɛsyi, ní Syuri níngi ni, ní náa baa kári n sáà kòro Gerari ni. 2#Sél 12:13; 26:7 Abirahami maa ni gi nyuu wi céw Sara kéeli na níì jo: «Wi i nyɛ mii senyɛnnɛ.» A Gerari fànʔafɔw Abimelɛki fala n tun a be sáà Sara láa n pan. 3Kàjáa a ki ga pye yébiligi ni, a Kolocɔlɔɔ wiyɛɛ dɛ̀ɛn Abimelɛki na ŋúnɔgɔ na níì wi pye: «Wéle, mɔ a tɔ̀nɔ́ kùu céw naa kéele na, wee mɔ láa lè, níì cán nàɔn fɔ́lɔ wii.»
4Abimelɛki da kɔ́ɔ̀ nan Sara na í. A wi Yawe pye: «Kàfɔw, a mɔ a zǐn syɛɛnfelegaa kpóo lé, àlí bi gi taa ki n sín? 5Nǎnw bee tiimaa wi gi joo mii ma níì jo woro senyɛnnɛ wii. A céw wɔ́ɔ̀ gi joo mii ma níì jo woro senyɛnnɛ wii. Mii fúngi n tɔ̀nɔ n fílige, a mii kɔ́yi wɔ́ɔ i nyɛ fɔɔnrɔ fun kéeli naa pyele na.»
6A Kolocɔlɔɔ gi joo wi ma ŋúnɔgi na níì wi yari: «Mii n tɔ̀nɔ n gi cán mɔ fúngi n fílige kéeli naa pyele na. Koro na mii tiimaa wɔ́ɔ̀ mɔ yérige jàngó mɔ a kɔ́ kapeele pye mii na í. Koro na mii gi yaʔa mɔ a kɔ́ tánga wi na í. 7Tɔ́ɔliw ni ki n yɛlɛ mi nǎnw bee cɔ́ɔ lúrugo mi kaan wi ma. Kanyaajooo wi nyɛ wi nǎnw. Wi a Kolocɔlɔɔ nyɛ́ɛri mɔ kéeli na, mɔ a kùu í. Kàjáa mɔ ga pye mɔ ga wi lúrugo n kaan wi ma í, ki n yɛlɛ mi gi cán mɔ ní mɔ kpáagi wòolo myɛ a kùu.»
8A Abimelɛki sɔ̀li n yìri nyǐngi nyɔ́ɔ na n wi syɛɛnkpolobèle yeri ní baa kérigèle bee myɛ joo n tɛ̀ɛn be na. A syɛ́ɛnbèle bee fyáa gbanʔama. 9Koro kàdoʔo ma a Abimelɛki Abirahami yeri ní baa wi pye: «Nyàʔá mɔ kpéʔele wolo na gee? Kapeelìí félege mii pye mɔ na, a koro mɔ kaan mɔ í mii ní mii fǎngi wáa kapeekpɔɔgi naa pyele na? Gee mɔ pye mii na lè, ki o nyɛ pyemɛ í.» 10A Abimelɛki níì Abirahami yari: «Nyàʔá mɔ da nyaa níì gee naa félege kpéʔele?»
11A Abirahami jo: «Mii maa gi tímana n jo Kolocɔlɔɔ yɛ́ɛgi fyáara a pye tɛ́ɛgi naa ni í. Pe a mii kpóo mii céw kéele na. 12N fàra gee bee na, ki i nyɛ kányɛʔɛ, wi i nyɛ mii senyɛnnɛ. Wo i nyɛ tofɔlɔ na, kàjáa wo o nyɛ nafɔlɔ na í, á wi baa pye mii cɔ́ɔ. 13Koro na lǎli ni Kolocɔlɔɔ mii yirige mii tóow kpaʔa ni n mii kpéʔele nyaarifɔlɔ lè, a mii gi joo mii céw ma níì wi pye: ‹Wo ga nan tɛʔɛ o tɛʔɛ na, ki n yɛlɛ mi nyɔɔ mii na mí be pye mii i nyɛ mɔ senyɛnnɛ.› »
14A Abimelɛki yaweeyiligēle ní yaweekpologèlē cò n kaan Abirahami ma, n fàra pulonànbēle ní pulocabala na, ní wɔ́ɔ̀ wi céw Sara lúrugo n kaan wi ma. 15A Abimelɛki jo: «Mii tári di dee mɔ yɛ́ʔɛ ma. Tɛ́ɛgee ga yɛlɛ mɔ ma lè, ki n yɛlɛ mi tɛ́ɛn beè.»
16A wi gi joo Sara ma níì jo: «Wéle, mii n wálifiio támabéle saala kagunɔ kaan mɔ senyɛnw ma. Gee bee a pye mɔ ma àmɛɛ nyùndɔn-yáriga nyɛ lè bele myɛ nyɛ́nɛ na be nyɛ ní mɔ ní lè, bi gi tɛ̀ɛn mɔ i nyɛ tɛɛlɛ fun kéeli naa ni.»
17A Abirahami Kolocɔlɔɔ nyɛ́ɛri. A Kolocɔlɔɔ Abimelɛki ní wi céw, ní wi pulocebèle pɔʔɔ, a be gbàn ni pìibēle sii. 18Níì cán Yawe maa Abimelɛki kpáagi wòolo myɛ yérige pìiseeri na Abirahami céw Sara kéeli na.
Kolocɔlɔɔ Syɛ́ɛnri © Bible Society of Côte d'Ivoire, 2008.