Markus 2
2
Yesuw a mbəl a mala magàha a bəɗ duwa i Kafarnahum
Mata 9:1-8; Luka 5:17-26
1I dəba mehinne zaakwa ya ka, Yesuw a màha a Kafarnahum. Gà mburma tə tsaraka aka màha a ma ka, 2tə daha, ti yaha ba gər hinne a ma ŋgar ndaka biye hərmaga ŋa dze, aɗaba təv mendze a sle a tar tsa. Yesuw a dza ba aà metsìkè a tar guma ŋgar.
3I təv ana a riŋ a tsik a ter a ya ka, gà mìsle ŋgiɗ pam asa, tə dara a təv ŋgar a. Tə darra à mala magàha a bəɗ duwa ya, gà gawla faɗ ika magər gà mburma ata tə zlara. 4Ama ti sle a aà mipètè dər a Yesuw tsa, aɗaba gà mburma ana riŋ hinne ika biye hərmaga ata Yesuw iɗəm a. Tə daha, tə tsala aka ga ata, ŋgər tə təm gər ga, ser aka Yesuw. Tə zla mala magàha a bəɗ ata madzàwà ŋa aà slə̀làh. Ta gasa i liɓir a, ta vəlaraha. 5Yesuw a samata gəzləŋ gà mburma ana tə zlaha wele ata ya ka, ta gəs ŋgat lele. A gwaɗa a mala magàha a bəɗ ata: «Kəla gà, Yàa pə̀lak à bakal yak.»
6Gà Əbay gà ɓəzla medzeŋge məpala ahəm Mbulum tar riŋ i fata mbaŋa. Tə dzala i gər tar, ta gwa: 7«Meme na wele aaha a tsik a bazlam Mbulum a mburma kataya ya? Wànà a tsik dukw ana ŋgwala tsiye aà Mbulum, a ndavayar ivaɗ a? Weke na a sle a aà məpəla à bakal a mburma ya, na Mbulum ilik tsiye?» 8Yesuw a sər a taraha aka dukw ana tə dzala ya tsara. A gwaɗa a tar: «Aàmala na kà dzalum gà gər kataya ya? 9Magwàɗà a mala magàha a bəɗ: <Yàa pə̀lak à bakal yak>, nda bazlam masakəŋa ka, a wur ba tsa, kige tsa: <Hitse, ka zla slə̀làh yak, dite ka da> ka, taŋa ka, a wur ba. 10Ama a sèsiŋ ka, sərum dər, iye, *wur ana a dara i təv Mbulum a, iye riŋ nda gà ndzəɗa à məpəla à bakal ika gər ahəɗ.»
Yesuw a tsik kataya tsara ka, a gwaɗa a mala magàha a bəɗ aaha: 11«Iye i gwaɗak: Hitse, zla slə̀làh yak, ka daba a ma.»
12I təv ana ə̀ba gà mburma ta fə̀r aakaha ya ka, wele aaha a hitse tsara, a zla slə̀làh ŋgar ata, a daba. Gà mburma ata i fataya, tə dzadzar hinne, agəra dukw mene aà mburma ata Yesuw a ge ya. Ta gwa: «Yweh, yweh, yweh, maa ŋgat a duwa ilik kamala naha ya tsidze.» Dite i fataya ka, tə zàmbaɗa à Mbulum hinne tsara.
Yesuw a zal a Levi
Mata 9:9-13; Luka 5:27-32
13I dəba ŋa ya, Yesuw a dara i ga ya, a mbəɗ gər aà gùva duluv Galile asa. Gà mburma hinne tə daha a təv ŋgar. A tsik a tar guma ŋgar. 14I dəba guma ŋgar ata ya ka, a hitse i fataya, a dza ba aà mede. A təv ana a riŋ a de a ya ka, aka ŋgataha a Levi, kəla Alfayus, a riŋ mandza ŋa i ga dùwan, aɗaba ŋgat ka, mala dùwan. Yesuw a daha a təv ŋgar, a gwaɗar: «Dara, zezem iye.» Levi a tsaraka kataya tsara ka, a hitsera i fataya, a zazam ŋgat, tə da a ma ŋgar.
15Aləka i dəba ŋa ya, ti ndzeha a bəra Levi tsara ka, a der ɗaf. A zal dər a gà asiŋ gà ɓəzla dùwan ŋgiɗ mbaŋa, dite nda gà asiŋ gà mburma ana i liwiŋ tar meɗè zləm tar ŋgwala tsiye asa. Ama gà mburma ata i fataya tserdze, tə zazam Yesuw bagwal ŋa. Tə daha, tə zəm akaba ɗaf nda gà ŋgat, nda gà ɓəzla mazazama ŋgat ata tserdze ya, a təv ilik ŋa. 16I fata ka, gà ɓəzla medzeŋge məpala ahəm Mbulum, tar riŋ mbaŋa. Tar ka, gà *Farisa. Tar riŋ ta fir a aà Yesuw. Tə samata, gà Yesuw ana tə zəm akaba ɗaf nda gà mburma ata tserdze ya ka, ta gwaɗa a gà ɓəzla mazazama ŋgat ata: «Aàmala dze ya na gà Yesuw ti zim akaba a ɗaf nda gà ɓəzla dùwan, dite nda gà mburma aka meɗè zləm tar ŋgwala tsiye ya?» 17Yesuw aka tsaraka dukw ana ti tsik ahər kataya ya tsara. A gwaɗa a tar: «Wura a de a a dàkwtar tsa, na ba ŋgar a riŋ lele ya, say na a riŋ nda gà dukw məməta ya dzekwiŋ. I dara ka, aà mazàlà a gà na ta gweɗe a, waytsà mər ka, gà ŋgwal ŋa ika miɗ Mbulum a tsa, say a gà ɓəzla bakal ivaɗ.»
Mege ndəra i təv Yesuw
Mata 9:14-17; Luka 5:33-39
18A pat ŋgiɗ duwa, gà ɓəzla mazazama Yuhana metsìlwìɓè à mburma a yam, nda gà *Farisa tə zəmawa duwa tsa mehinne zaakwa i huɗ kwaskwa ya. Ta ge a ndəra. Gà mburma ŋgiɗ pam tə dara a təv Yesuw a. Ta gwaɗar: «Naha ana, meme na gà ɓəzla mazazama Yuhana nda gà Farisa ta gewa ndəra ka, gà mburma ana ti zezem a kər a ka, ta ge a ti tsiye?» 19I dəba ŋa ya, Yesuw a live dər aba à ba ŋgar a nda mazla daala ya. A gwaɗa a tar: «Na kinehe wura a zla daala, à ndìɗ a daala ŋgar ata a bəra, a zelewe a a mburma hinne, aɗaba dukw mezime ana, pat ata ana, mburma a ndze a dà/?asasa, a ge a ndəra ya? Ti sle a aà mendze aà dukw mezime ya, dite ta ge a ndəra tsa. 20Ama i təv gà mburma gà ya tekeɗe, kamala taŋa ya mbaŋa. Na iye riŋ i təv tar mba ka, ti sle a aà mege ndəra tsa. Say a pat ana iye riŋ i təv tar asa tsiye dzekwiŋ, na ta ge a ndəra ya.»
21Yesuw a tsik a tar ahəm minew ŋgiɗ pam asa. A live dər aba nda guma ŋgar ana awiya ŋa ya. A gwaɗa a tar: «Wura a sle a aà medepe awiya petek aà miviye ŋana tsa, aɗaba miviye ŋana ka, a nis a ihər a, vagugwà à sìkèh ahər a à biye hinne asa. 22Kamala taŋa ya asa mbaŋa, wura a sle a aà medzè guzum himmè ŋa a duwa kwiye miviye ŋana tsa, aɗaba guzum ata a kwesiŋa, duwa kwiye ata à zlìrite a asa tsa, ə̀nduh à ndìzliŋa, guzum tekeɗe, aka nəs. Say mandza guzum himmè ŋana ka, a duwa kwiye awiya ŋana mbaŋa, aɗaba awiya ŋana ka, à zlìritiŋa.»
Pat mesìfìkà ba i təv Yesuw
Mata 12:1-8; Luka 6:1-5
23A pat mesìfìkà ba duwa ka, gà Yesuw nda gà ɓəzla mazazama ŋgat tə da nda gùvàh dukw duwa kamala daw a. Gà ɓəzla mazazama ŋgat ata, tə dza ba aà mahaɓa dukw ata aà gùva vatwa ya, ti zimiŋa. 24Gà *Farisa duwa a riŋ i fata, ta ŋgat a tar aaka kataya ka, ta gwaɗa a Yesuw: «Samata gà mburma yak aaha kwaŋ, dukw ana ta ge a ya. Aàmala na ta heɓe a dukw aaha a pat mesìfìkà ba ya, aɗaba məpala ahəm Mbulum ka, aka vəl vatwa aà megemir a pat mesìfìkà ba tsiye?» 25Yesuw a gwaɗa a tar: «Wànà kàa dzeŋgwim dukw ana Dawda a ge ya te ibam a? A ge dze ana, meme na i təv ana may riŋ ihər a wir aà ter a nda gà mburma ŋgar, ti yehe a dukw mezime ya?*fa* 26Akahər ata ka, Abiyatar ŋgat mala mandəva kuɗa a Mbulum batsah ŋana. Dawda a da a ga Mbulum. A daha ka, a zla dukw mezime ana ta vəl aɗaba Mbulum a, a zəm, ku mege dite məpala ahəm Mbulum a vəl vatwa aà mazəma ŋa ka, a gà ɓəzla mandəva kuɗa a Mbulum ɗekɗek tekeɗe ya. Ama Dawda ŋgat ka, a daha, aka ndzək dukw ata, aka zəm. Aka vəl mezehe ŋa a gà mburma ŋgar mbaŋa.»
27Yesuw a gwaɗa a tar asa: «Mbulum a ge pat mesìfìkà ba ka, dite ma ge ŋgulum a mburma, tsəka, aɗaba mburma na ma ge ŋgulum a mesìfìkà ba ya tsa. 28Aɗaba taŋa, iye, *wur ana a dara i təv Mbulum a, na a kwere a pat mesìfìkà ba ŋa ya seyiŋ.»
© Wycliffe Bible Translators, Inc. All rights reserved.
Markus 2
2
Yesuw a mbəl a mala magàha a bəɗ duwa i Kafarnahum
Mata 9:1-8; Luka 5:17-26
1I dəba mehinne zaakwa ya ka, Yesuw a màha a Kafarnahum. Gà mburma tə tsaraka aka màha a ma ka, 2tə daha, ti yaha ba gər hinne a ma ŋgar ndaka biye hərmaga ŋa dze, aɗaba təv mendze a sle a tar tsa. Yesuw a dza ba aà metsìkè a tar guma ŋgar.
3I təv ana a riŋ a tsik a ter a ya ka, gà mìsle ŋgiɗ pam asa, tə dara a təv ŋgar a. Tə darra à mala magàha a bəɗ duwa ya, gà gawla faɗ ika magər gà mburma ata tə zlara. 4Ama ti sle a aà mipètè dər a Yesuw tsa, aɗaba gà mburma ana riŋ hinne ika biye hərmaga ata Yesuw iɗəm a. Tə daha, tə tsala aka ga ata, ŋgər tə təm gər ga, ser aka Yesuw. Tə zla mala magàha a bəɗ ata madzàwà ŋa aà slə̀làh. Ta gasa i liɓir a, ta vəlaraha. 5Yesuw a samata gəzləŋ gà mburma ana tə zlaha wele ata ya ka, ta gəs ŋgat lele. A gwaɗa a mala magàha a bəɗ ata: «Kəla gà, Yàa pə̀lak à bakal yak.»
6Gà Əbay gà ɓəzla medzeŋge məpala ahəm Mbulum tar riŋ i fata mbaŋa. Tə dzala i gər tar, ta gwa: 7«Meme na wele aaha a tsik a bazlam Mbulum a mburma kataya ya? Wànà a tsik dukw ana ŋgwala tsiye aà Mbulum, a ndavayar ivaɗ a? Weke na a sle a aà məpəla à bakal a mburma ya, na Mbulum ilik tsiye?» 8Yesuw a sər a taraha aka dukw ana tə dzala ya tsara. A gwaɗa a tar: «Aàmala na kà dzalum gà gər kataya ya? 9Magwàɗà a mala magàha a bəɗ: <Yàa pə̀lak à bakal yak>, nda bazlam masakəŋa ka, a wur ba tsa, kige tsa: <Hitse, ka zla slə̀làh yak, dite ka da> ka, taŋa ka, a wur ba. 10Ama a sèsiŋ ka, sərum dər, iye, *wur ana a dara i təv Mbulum a, iye riŋ nda gà ndzəɗa à məpəla à bakal ika gər ahəɗ.»
Yesuw a tsik kataya tsara ka, a gwaɗa a mala magàha a bəɗ aaha: 11«Iye i gwaɗak: Hitse, zla slə̀làh yak, ka daba a ma.»
12I təv ana ə̀ba gà mburma ta fə̀r aakaha ya ka, wele aaha a hitse tsara, a zla slə̀làh ŋgar ata, a daba. Gà mburma ata i fataya, tə dzadzar hinne, agəra dukw mene aà mburma ata Yesuw a ge ya. Ta gwa: «Yweh, yweh, yweh, maa ŋgat a duwa ilik kamala naha ya tsidze.» Dite i fataya ka, tə zàmbaɗa à Mbulum hinne tsara.
Yesuw a zal a Levi
Mata 9:9-13; Luka 5:27-32
13I dəba ŋa ya, Yesuw a dara i ga ya, a mbəɗ gər aà gùva duluv Galile asa. Gà mburma hinne tə daha a təv ŋgar. A tsik a tar guma ŋgar. 14I dəba guma ŋgar ata ya ka, a hitse i fataya, a dza ba aà mede. A təv ana a riŋ a de a ya ka, aka ŋgataha a Levi, kəla Alfayus, a riŋ mandza ŋa i ga dùwan, aɗaba ŋgat ka, mala dùwan. Yesuw a daha a təv ŋgar, a gwaɗar: «Dara, zezem iye.» Levi a tsaraka kataya tsara ka, a hitsera i fataya, a zazam ŋgat, tə da a ma ŋgar.
15Aləka i dəba ŋa ya, ti ndzeha a bəra Levi tsara ka, a der ɗaf. A zal dər a gà asiŋ gà ɓəzla dùwan ŋgiɗ mbaŋa, dite nda gà asiŋ gà mburma ana i liwiŋ tar meɗè zləm tar ŋgwala tsiye asa. Ama gà mburma ata i fataya tserdze, tə zazam Yesuw bagwal ŋa. Tə daha, tə zəm akaba ɗaf nda gà ŋgat, nda gà ɓəzla mazazama ŋgat ata tserdze ya, a təv ilik ŋa. 16I fata ka, gà ɓəzla medzeŋge məpala ahəm Mbulum, tar riŋ mbaŋa. Tar ka, gà *Farisa. Tar riŋ ta fir a aà Yesuw. Tə samata, gà Yesuw ana tə zəm akaba ɗaf nda gà mburma ata tserdze ya ka, ta gwaɗa a gà ɓəzla mazazama ŋgat ata: «Aàmala dze ya na gà Yesuw ti zim akaba a ɗaf nda gà ɓəzla dùwan, dite nda gà mburma aka meɗè zləm tar ŋgwala tsiye ya?» 17Yesuw aka tsaraka dukw ana ti tsik ahər kataya ya tsara. A gwaɗa a tar: «Wura a de a a dàkwtar tsa, na ba ŋgar a riŋ lele ya, say na a riŋ nda gà dukw məməta ya dzekwiŋ. I dara ka, aà mazàlà a gà na ta gweɗe a, waytsà mər ka, gà ŋgwal ŋa ika miɗ Mbulum a tsa, say a gà ɓəzla bakal ivaɗ.»
Mege ndəra i təv Yesuw
Mata 9:14-17; Luka 5:33-39
18A pat ŋgiɗ duwa, gà ɓəzla mazazama Yuhana metsìlwìɓè à mburma a yam, nda gà *Farisa tə zəmawa duwa tsa mehinne zaakwa i huɗ kwaskwa ya. Ta ge a ndəra. Gà mburma ŋgiɗ pam tə dara a təv Yesuw a. Ta gwaɗar: «Naha ana, meme na gà ɓəzla mazazama Yuhana nda gà Farisa ta gewa ndəra ka, gà mburma ana ti zezem a kər a ka, ta ge a ti tsiye?» 19I dəba ŋa ya, Yesuw a live dər aba à ba ŋgar a nda mazla daala ya. A gwaɗa a tar: «Na kinehe wura a zla daala, à ndìɗ a daala ŋgar ata a bəra, a zelewe a a mburma hinne, aɗaba dukw mezime ana, pat ata ana, mburma a ndze a dà/?asasa, a ge a ndəra ya? Ti sle a aà mendze aà dukw mezime ya, dite ta ge a ndəra tsa. 20Ama i təv gà mburma gà ya tekeɗe, kamala taŋa ya mbaŋa. Na iye riŋ i təv tar mba ka, ti sle a aà mege ndəra tsa. Say a pat ana iye riŋ i təv tar asa tsiye dzekwiŋ, na ta ge a ndəra ya.»
21Yesuw a tsik a tar ahəm minew ŋgiɗ pam asa. A live dər aba nda guma ŋgar ana awiya ŋa ya. A gwaɗa a tar: «Wura a sle a aà medepe awiya petek aà miviye ŋana tsa, aɗaba miviye ŋana ka, a nis a ihər a, vagugwà à sìkèh ahər a à biye hinne asa. 22Kamala taŋa ya asa mbaŋa, wura a sle a aà medzè guzum himmè ŋa a duwa kwiye miviye ŋana tsa, aɗaba guzum ata a kwesiŋa, duwa kwiye ata à zlìrite a asa tsa, ə̀nduh à ndìzliŋa, guzum tekeɗe, aka nəs. Say mandza guzum himmè ŋana ka, a duwa kwiye awiya ŋana mbaŋa, aɗaba awiya ŋana ka, à zlìritiŋa.»
Pat mesìfìkà ba i təv Yesuw
Mata 12:1-8; Luka 6:1-5
23A pat mesìfìkà ba duwa ka, gà Yesuw nda gà ɓəzla mazazama ŋgat tə da nda gùvàh dukw duwa kamala daw a. Gà ɓəzla mazazama ŋgat ata, tə dza ba aà mahaɓa dukw ata aà gùva vatwa ya, ti zimiŋa. 24Gà *Farisa duwa a riŋ i fata, ta ŋgat a tar aaka kataya ka, ta gwaɗa a Yesuw: «Samata gà mburma yak aaha kwaŋ, dukw ana ta ge a ya. Aàmala na ta heɓe a dukw aaha a pat mesìfìkà ba ya, aɗaba məpala ahəm Mbulum ka, aka vəl vatwa aà megemir a pat mesìfìkà ba tsiye?» 25Yesuw a gwaɗa a tar: «Wànà kàa dzeŋgwim dukw ana Dawda a ge ya te ibam a? A ge dze ana, meme na i təv ana may riŋ ihər a wir aà ter a nda gà mburma ŋgar, ti yehe a dukw mezime ya?*fa* 26Akahər ata ka, Abiyatar ŋgat mala mandəva kuɗa a Mbulum batsah ŋana. Dawda a da a ga Mbulum. A daha ka, a zla dukw mezime ana ta vəl aɗaba Mbulum a, a zəm, ku mege dite məpala ahəm Mbulum a vəl vatwa aà mazəma ŋa ka, a gà ɓəzla mandəva kuɗa a Mbulum ɗekɗek tekeɗe ya. Ama Dawda ŋgat ka, a daha, aka ndzək dukw ata, aka zəm. Aka vəl mezehe ŋa a gà mburma ŋgar mbaŋa.»
27Yesuw a gwaɗa a tar asa: «Mbulum a ge pat mesìfìkà ba ka, dite ma ge ŋgulum a mburma, tsəka, aɗaba mburma na ma ge ŋgulum a mesìfìkà ba ya tsa. 28Aɗaba taŋa, iye, *wur ana a dara i təv Mbulum a, na a kwere a pat mesìfìkà ba ŋa ya seyiŋ.»
© Wycliffe Bible Translators, Inc. All rights reserved.