Yaya 6
6
Ɛnza ŋé búlu ó láshaaya la kɛ́ á dí mɔɔn wáa lóo mán
Matiyu 14.13-21; Maki 6.30-44; Luka 9.10-17
1O kwɔ́, Ɛnza ŋé tínmin Galile bhá o ɲan dɔ ó man, min é kíila kó Tibɛliyadi bhá ó. 2Yaman bá é i bhyáa a kwɔ́ kɛ mansɔɔ a tɛ́ɛ káwananngo óni tɔɔmansii mínnu kɛ́la kɛ yangalotɔ ólu lákɛɛnya í tɛ́ɛ o yéla. 3O lɔ́, Ɛnza ni a yɛ́ kaamɔɔndhye ŋólu í yɛ́ɛ tii ó ka kɛ́ i síi yé. 4O sán ó lɔ Hɔ́lɔɲanli o ɲánlagbɛ o tɛ wɛ́ɛ sunɲan, min ŋé Yawudhyaa ólu yɛ́ fɛ́ti ó lé.
5Ɛnza ŋé mánfɛɛli kɛ́, tó aa yaman bá ó nantɔ o yé a saala. Ɛnza ŋé fɔ Filipu yɛ́ kó: «Filipu, án ngɛ́ɛ tɛ́ɛ súnman nza mín kɛ́ a dí yaman míin mán?» 6Ɛnza ŋé o kóman o fɔ le kɛ́ Filipu lɔ́swaan. Ɲɔ́ɔntɛ, ale tɛ káa min ngɛ́, a tɛ́ɛ ó lɔ.
7Filipu é a yawi ko: «Wɛ́ɛgbannan déniye kɛnmɛn fyáa búlu o táa bhɔ́likɛ yáanin kɛ kɛ́ kó dɔ́ɔnin ndɔ́ɔnin ne káa dí í bɛ́ man.»
8Ɛnza ɲɛ́n kaamɔɔndhye Andele, Simɔn Piyɛli bhádhyemannjɛ o, óo fɔ a yɛ́ kó: 9«Káweenin nɔ é yánun búlu lóo ni yɔ́ɔ dhyé nvyaa é o bhóo. Waa ó káa mínnɛɛn le ɲán yaman bá míin man?» 10Ɛnza ŋé fɔ a yɛ́ kaamɔɔndhye ŋólu yɛ́ kó: Áa mɔɔn ólu lásii. Í tɛɛ ywáa min nɔn Bín ŋo tɛ́ɛ sháa ó ywáa ó lɔ́. Ó lɔ íi í síi, cɛ ólu tɛ́ɛ mɔɔn wáa lóo si bhɔ́la. 11Ɛnza ŋé búlu ólu tá kɛ́ bálika bhɔ́ Ala yɛ́, mɔɔn mínnu tɛ́ɛ yénɔn kɛ a lɔ́taa ólu la. Aa yɔ́ɔ ólu kɛ cé. Í bɛ́ é súnman nzɔ́ɔ fɔ kɛ́ wasa. 12Mɔɔn ólu bɛ́ɛ Fá mínngɛ, Ɛnza ŋé fɔ a yɛ́ kaamɔɔndhye ŋólu yɛ́ kó: «Áa súnman ó tɔ́ ó bɛ́ ládhyɛ ké a sí kɛ́nan í lɔ́ cáan.»
13O lɔ, íi búlu lóo tɔ́ ólu cɛ kɛ́ see tá ni fyáa lafa ó tɔto ó lá. 14Mɔɔn ólu ó káwako ó yé mínngɛ, ólu kó: «Tínɲan in ne Célaba min ngákan kɛ́nan dínɲan lɔ́, o lée nin!» 15Waa, Ɛnza ŋé a lɔgbɛ ko íi fɛ́ kɛ́ ále myáan kɛ́ a lásii mansaya lá mínngɛ, aa bhɔ́ í cɛ́man kɛ í kwɔ́sɛɛ kɛ́ í yɛ́ɛ tii ó ka i kéenan.
Ɛnza ŋé táaman kɛ́ lá jí ó ka
Matiyu 14.22-33; Maki 6.45-52
16Sú óo kwó mínngɛ, Ɛnza ɲɛ́n kaamɔɔndhye ŋólu í yíi fɔ́ bhá lá ó lá. 17Íi í bhyáa kúun nɔ́lɔ kɛ́ táa Kapɛnamu bhá ó ɲan dɔ́ o mán. Sú o tɛ́ wɛ́ɛ wɛɛ kwóla tó Ɛnza ndɛ́ mán nán i saala bhá. 18Fwɛ́ɛnba lɔ́ é bhyáa, bhá o tɛ́ɛ máanmaanla. 19Í tɛ wɛ́ɛ kilo lóo, wáman wɔ́ɔlɔ ɲɔ́ɔnnɔn bwée kúun ŋó lé. Íi Ɛnza ndáamantɔ o yé bhá ó ka kɛ́nan i yɛ́ kúun ŋó sáala. Íi sháan koyoongɛ. 20Wáa a fɔ í yɛ́ kó: «A kɛ́nan sháan né lée wé.» 21Í tɛ́ɛ fɛ́ kɛ Ɛnza ndá, o ywáaninngee o lɔ́ kúun ŋoo sé tíin ŋo man í táalaa o lɔ.
Yaman óo Ɛnza ɲíinnan
22O lusɔgbɛ ó, kɛ yaman ó tó bhá ó ɲanndɔ o mán, íi nan bhɔ́ a ɲánle kó kúun ngée ne tɛ́ɛ yé, kaamɔɔndhye ŋólu gbɛɛgbɛɛ lée lo ó kɔ́ɔnnɔn kɛ́ táa. Ɛnza mán táa ní lé. 23Mantii óo bálika bhɔ́ Ala yɛ́ kɛ búlu ó lashaaya kɛ́ a dí mɔɔn ólu mán ywáa min nɔn, kúun nɔlu bhɔ́ Tibɛliyadi kɛ́nan sé o ywáa ó lɔ́. 24Yaman óo nan yé ko Ɛnza ni a yɛ́ kaamɔɔndhye ŋólu sí tɛ́ yé. O lɔ, íi lo kúun ŋolu kɔ́ɔnnɔn kɛ táa Ɛnza ywáa ɲíin Kapɛnamu.
Lɔ́minfe míin ɲáanmanɲan o díla mɔɔn man
25Íi táa a yé bhá ó ɲan dɔ o man mínngɛ, íi a mánɲaankɛ kó: «Kaamɔɔn, ii nan yánun wáati mínnɛɛn lé lɔ́?»
26 Ɛnza ŋé í yawi kó: «Tínɲan in ne ní fɔ́la a yɛ́ ngó, ní káwako mínnu kɛ́ a ɲánla, a tɛ́ɛ né ywáa ɲíinnan o léelu kósɔn, waa áa né ywáa ɲíinnan le ké áa búlu sɔ́ɔ kɛ́ lɔ́ɔ kɛ Fá. 27A kɛ́nan bháala kɛ́ súnman míin twéenan ó kósɔn! Waa súnman min ndɛ́ cáannan, áa bháala kɛ́ ó lé kósɔn, min ŋé ɲáanmanɲan o díla. O lɔ́min ó, mɔɔn Dhyénjɛ ó yáa o di a mán. A Fá Ala wɛ́ɛ a yɛ́ Fáan o tɔɔmansii ó bhyáa a ka.»
28Íi a mánɲaankɛ kó: «Án ngákan kɛ́ mínnɛɛn lé kɛ́, kɛ́ Ala sao bháala o kɛ?»
29Ɛnza ŋé í yawi kó: «Ala é min bhyáashaa, fɔ áa lá ó lá. O lée Ala sao bháala ó lé.» 30Ólu a mánɲaankɛ kó: «Ii sé kɛ káwako mínnɛɛn le kɛ́ kɛ o yáa án nan, ké án ní lá i la? I káa mínnɛɛn lé kɛ́? 31Án nvá ólu maannin ŋo lɔɔ dhyɛ́ ó kɔ́ɔnnɔn, óyoo aa fɔ Ala yɛ́ Kitabu o lɔ́ ɲánminman kó: ‹A wɛ́ɛ lɔ́min dí í mán kɛ bhɔ́ sángboo ó lɔ́.› » 32Ɛnza ŋé fɔ í yɛ́ kó: «Tínɲan in ne ní fɔ́la a yɛ́ ngó, min ŋé lɔ́min dí a mán kɛ́ bhɔ́ sángboo ó lɔ́, ó tɛ́ Musa lé. Nvá lée búlu bhɛ́ɛ o dí a mán kɛ bhɔ́ sángboo ó lɔ́. 33Kɛ mansɔɔ Ala é lɔ́min min ndí, kɛ bhɔ́ sángboo ó lɔ́ ó lée ɲáanmanɲan kwaa o lónan dínɲan mɔɔn ólu lɔ́.»
34Íi fɔ Ɛnza ɲɛ́n kó: «Mantii ó, íi ó súnman ŋó dí án mán wáati bɛ́.»
35Ɛnza ngó i mán ko: «Né lée lɔ́minfe ŋó lé min ŋé ɲáanmanɲan ó díla mɔɔn mán. Mɔɔn mínngɛ nán né fɛ́, kɔ́ɔn táa ó tíi o myáan bhée. Mínngɛ lá né lá, jíminnɔɔ táa ó tíi o myáan bhée. 36Ní fɔ a yɛ́ ngó, a wɛ́ɛ ɲé waa a tɛ́ lála né lá. 37Ni nvá kɛ́ mɔɔn óo mɔɔn dí né mán, o yáa nán né fɛ́, né mánfaa bhá o tíi o lɔ́. 38Ní bhɔ́ sángboo ó lɔ́ kɛ́nan dínɲan lɔ́ njébhaa ó sao ó kɛ́ o le kanman, ni ó tɛ́ né man nan ngbú sao ó kanman. 39Né cébhaa ó sao ó mínnɛɛn lé le? A wɛ́ɛ mɔɔn mínnu dí né mán, né kɛ́nan tó ké o sí a túun. Ké ní í bɛ́ lakuun dínɲan labha lo ŋó lá. 40Nvá sao o min né kó mɔɔn óo mɔɔn kɛ́ dhyénjɛ o yé tó kɛ la a lá, kó ó tíi ó yáa ɲáanmanɲan wɛ́ɛbhɛɛ ó sɔ́ɔ. Né yáa ó lakuun labhano ŋó la.»
41Kɛ́ta o wáati ó man, Yawudhyaa ólu tɛ́ɛ í mankomankomanla a yɛ́ ko ó lɔ́, kɛ mansɔɔ a tɛ́ wɛ́ɛ fɔ kó: «Lɔ́minfe míin bhɔ́ sángboo ó lɔ́, oo ne le lé».
42Í tɛ́ɛ fɔ́la kó: «O sán ó lɔ́, Yusufu dhyénjɛ Ɛnza ndɛ́ a? Án ni a Fá lɔ, án no ŋan a mán lɔ! Óo sé kɛ́ fɔ sísan dí lé kó: ‹Ne lée bhɔ́ sángboo ó lɔ?› » 43Ɛnza ŋé kóman ó tá kɛ́ fɔ í yɛ́ kó: «Áa lákɔɔkoman ó lábhyaa ɲɔ́ɔn njɛ. 44Mɔɔn sí tɛ́ sé kɛ́ nán né fɛ́ ni nvá míin njé o man o tíi o lánan ne man. Ni o tíi o kɛ́nan ne man, né yáa o tíi ó lakuun lónabha ŋó lá. 45A sɛ́wɛnin ɲé Céla ólu yɛ́ kitabu ólu kɔ́ɔnnɔn kó: ‹Ala yáa i bɛ́ ládhye.› Sísan, mɔɔn óo mɔɔn kɛ Fá o ta kóman o myɛ́n kɛ́ sɔ́n a tá ó mán, olu bɛ́ nánla né lé man. 46Mɔɔn sí ɲan man Fa Ala yé bha, fɔ míin bhɔ́ a fɛ́ yé kɛ́nan, ó lé wɛ́ɛ Fá Ala yé.
47Tínɲan in ne ní a fɔ́la a yɛ́ ngó, ni mínngɛ lá né lá, ó tíi ó wɛ́ɛ ɲáanmanɲan wɛ́ɛbhɛɛ ó sɔ́ɔ. 48Né lée lɔ́minfe ŋó lé min ŋé ɲáanmanɲan wɛ́ɛbhɛɛ ó dila mɔɔn ólu mán. 49A Fá ólu maannin ŋó lɔ́ɔ dhyɛ́ ó kɔ́ɔnnɔn, olu bɛ́ man sayakɛ a? 50Waa lɔ́min min ŋé bhɔ́ sángboo ó lɔ́, ni mínngɛ ó lɔ́ɔ, ó tíi o táa sayakɛ fɛ́sɛ fɛ́sɛ.
51Né lée lɔ́minfe bhɛɛ o lé min ŋe bhɔ́ sángboo ó lɔ́. Ni mɔɔn min ngɛ́ ó lɔ́ɔ, o tíi o yáa tó í ɲánla wáati ó bɛ́. Né káa lɔ́min min ndí, ó lée né Fásisoo ó lé. Ní ɲɛ́ɛ dila ké dínɲan o waa sé kɛ ɲáanmanɲan ó sɔɔ.»
52Yawudhyaa ólu tɛ́ɛ ɲɔ́ɔn mánsɔsɔla gbútuukɛ kɛ fɔ kó: «Míin ŋé sé kɛ́ a Fásisoo ó dí án mán díi kɛ́ lɔ́ɔ?»
53Óo kɛ́ mínngɛ, Ɛnza ŋé fɔ í yɛ́ kó: «Tínɲan in ne ní fɔ́la a yɛ́ ngó, ní a mán mɔɔn Dhyénjɛ o Fasisoo ó lɔ́ɔ kɛ́ a yée ó min, a táa ɲáanmanɲan ó sɔ́ɔ. 54Ni mɔɔn mínngɛ né Fásisoo ó lɔ́ɔ kɛ né yée ó min, o tíi o yáa ɲáanmanɲan wɛ́ɛbhɛɛ ó sɔ́ɔ, né yáa ó tíi ó lakuun lónabha ŋo lá. 55Kɛ mansɔɔ né Fásisoo o lɔ́minfemɛɛ lé lé, né yée óo minifemɛɛ lé lé. 56Ni mɔɔn mínngɛ né Fásisoo ó lɔ́ɔ kɛ́ né yée ó min, né yáa tó ó tíi ó fɛ́, o tíi o yáa tó né fɛ́. 57Óyoo Fá o, mín ŋé i ɲanla, oo ne bhyáashaa, Fá o lée ɲáanmanɲan o di ne man, o bhóo o man, mínngɛ bhálo ne Fási o la, ó tíi o yáa tó i ɲanla ni ne lé. 58Lɔ́minfe míin bhɔ́ sángboo ó lɔ́, o lée nin. A Fá ólu lɔ́min min ngɛ dhyɛ́ ó kɔ́ɔnnɔn, tó í bɛ́ɛ sayakɛ, né ni ólu tá ó tɛ́ kéene. Ni mínngɛ o lɔ́minfe ŋo lɔ́ɔ, o tíi o yáa tó í ɲánla wáati ó bɛ́.» 59Ɛnza ŋé mɔɔn ólu kala ni kóman míinnu lé sɛ́ɛbho ŋó kɔ́ɔnnɔn Kapɛnamu o lée wé.
Ɛnza ɲɛ́n kaamɔɔndhye ŋo lɔ́lu í kwɔ́sɛɛla
60O kóman ólu myɛnnin ngwɔ́, a yɛ́ kaamɔɔndhye ŋólu shɛ́ɛman ŋé a lámyaan kɛ́ fɔ kó: «A yɛ́ kóman míinnu a gbɛ́ɛ lɛ́! Yɛ́ɛtii sé kɛ́ sɔ́n ó man?» 61Ɛnza ŋé a lɔ ŋóo a yɛ́ kaamɔɔndhye ŋólu í mankomankomanla a yɛ́ kóman o kósɔn mínngɛ, aa í mánɲaankɛ kó: «Ó kóman o wɛɛ bháa a lɔ a? 62Tó ni a kɛ mɔɔn Dhyénjɛ ó yɛ́ɛtɔ o yé a tɛɛ ywáa min nɔn kɔɔ kɛ táa yénɔn, a kaa kɛ díle o lɔ? 63Ní Sɛnnɛnyanin ŋó lée ɲáanmanɲan o díla mɔɔn man, ni ó tɛ́, ni a kɛ tó Fásisoo ó tá ó mán, o tɛ́ fósi lé. Né wɛ́ɛ kóman mínnu fɔ a yɛ́, ó lée Ni óni ɲáanmanɲan o lé. 64Waa lɔ́lu é a cɛ́man mínnu tɛ́ lála o kóman olu lá.» Kanbiini kó olu lámyaanwaati ó man, Ɛnza ndɛ́ɛ ó tii ólu lɔ. Mín ndɛ́ káa a lo mɔɔn ólu bhóo, a tɛ́ɛ ó lɔ kɛ́ bhá. 65Ɛnza ŋé fɔ í kwɔ́ kó: «O lé kósɔn ní fɔ́la a yɛ́ ngó mɔɔn sí tɛ́ sé kɛ́nan né man ni nvá man o sé o dí o tíi o man.»
66Kɛ ta ó wáati ó man, a yɛ́ kaamɔɔndhye ŋólu shɛ́ɛman ŋe í kwɔ́sɛɛ, í tɛ́ tɛ bhyáala a kwɔ́ bhée. 67O lɔ́, Ɛnza ŋé a yɛ́ céladhye ndá ni fyáa ólu mánɲaankɛ kó: «Álee lu wɛ́, ale tɛ fɛ́ kɛ táa a?» 68Simɔn Piyɛli é a yawi kó: «Mantii o, án ngɛ́ɛ tɛ́ɛ yɛ́ɛtii kwɔ? Mɔɔn ɲáanmanɲan wɛ́ɛbhɛɛ ó sɔ́ɔla íle yɛ́ kóman ó léelu bháaka lɔ́. 69Án ngwɛ́nnin ŋwɛ́ɛn lá i lá, án ŋwɛ́ɛn lɔ ŋóo ii Ala yɛ́ mɔɔn sɛ́nnɛnyanin ŋó í lé le lé.» 70Ɛnza ŋé fɔ í yɛ́ kó: «Né le mán mɔɔn tá ni fyáa lɔ́tɔnmɔn ŋan? O bɛ́ kwɔ́, mɔɔn kée ŋé a cɛ́man min ŋé Sɔtaannan mɔɔn lé.» 71O kóman ó kúnngbaanin ndɛ́ɛ Simɔn Sikaliyɔti dhyénjɛ Zudasi lé mán, ó min ndɛ́ɛ kaamɔɔndhye ndá ni fyáa ó lɔ́ lé, min ndɛ́ káa Ɛnza no mɔɔn ólu bhóo.
© (Active), Wycliffe Bible Translators, Inc. All rights reserved.
Yaya 6
6
Ɛnza ŋé búlu ó láshaaya la kɛ́ á dí mɔɔn wáa lóo mán
Matiyu 14.13-21; Maki 6.30-44; Luka 9.10-17
1O kwɔ́, Ɛnza ŋé tínmin Galile bhá o ɲan dɔ ó man, min é kíila kó Tibɛliyadi bhá ó. 2Yaman bá é i bhyáa a kwɔ́ kɛ mansɔɔ a tɛ́ɛ káwananngo óni tɔɔmansii mínnu kɛ́la kɛ yangalotɔ ólu lákɛɛnya í tɛ́ɛ o yéla. 3O lɔ́, Ɛnza ni a yɛ́ kaamɔɔndhye ŋólu í yɛ́ɛ tii ó ka kɛ́ i síi yé. 4O sán ó lɔ Hɔ́lɔɲanli o ɲánlagbɛ o tɛ wɛ́ɛ sunɲan, min ŋé Yawudhyaa ólu yɛ́ fɛ́ti ó lé.
5Ɛnza ŋé mánfɛɛli kɛ́, tó aa yaman bá ó nantɔ o yé a saala. Ɛnza ŋé fɔ Filipu yɛ́ kó: «Filipu, án ngɛ́ɛ tɛ́ɛ súnman nza mín kɛ́ a dí yaman míin mán?» 6Ɛnza ŋé o kóman o fɔ le kɛ́ Filipu lɔ́swaan. Ɲɔ́ɔntɛ, ale tɛ káa min ngɛ́, a tɛ́ɛ ó lɔ.
7Filipu é a yawi ko: «Wɛ́ɛgbannan déniye kɛnmɛn fyáa búlu o táa bhɔ́likɛ yáanin kɛ kɛ́ kó dɔ́ɔnin ndɔ́ɔnin ne káa dí í bɛ́ man.»
8Ɛnza ɲɛ́n kaamɔɔndhye Andele, Simɔn Piyɛli bhádhyemannjɛ o, óo fɔ a yɛ́ kó: 9«Káweenin nɔ é yánun búlu lóo ni yɔ́ɔ dhyé nvyaa é o bhóo. Waa ó káa mínnɛɛn le ɲán yaman bá míin man?» 10Ɛnza ŋé fɔ a yɛ́ kaamɔɔndhye ŋólu yɛ́ kó: Áa mɔɔn ólu lásii. Í tɛɛ ywáa min nɔn Bín ŋo tɛ́ɛ sháa ó ywáa ó lɔ́. Ó lɔ íi í síi, cɛ ólu tɛ́ɛ mɔɔn wáa lóo si bhɔ́la. 11Ɛnza ŋé búlu ólu tá kɛ́ bálika bhɔ́ Ala yɛ́, mɔɔn mínnu tɛ́ɛ yénɔn kɛ a lɔ́taa ólu la. Aa yɔ́ɔ ólu kɛ cé. Í bɛ́ é súnman nzɔ́ɔ fɔ kɛ́ wasa. 12Mɔɔn ólu bɛ́ɛ Fá mínngɛ, Ɛnza ŋé fɔ a yɛ́ kaamɔɔndhye ŋólu yɛ́ kó: «Áa súnman ó tɔ́ ó bɛ́ ládhyɛ ké a sí kɛ́nan í lɔ́ cáan.»
13O lɔ, íi búlu lóo tɔ́ ólu cɛ kɛ́ see tá ni fyáa lafa ó tɔto ó lá. 14Mɔɔn ólu ó káwako ó yé mínngɛ, ólu kó: «Tínɲan in ne Célaba min ngákan kɛ́nan dínɲan lɔ́, o lée nin!» 15Waa, Ɛnza ŋé a lɔgbɛ ko íi fɛ́ kɛ́ ále myáan kɛ́ a lásii mansaya lá mínngɛ, aa bhɔ́ í cɛ́man kɛ í kwɔ́sɛɛ kɛ́ í yɛ́ɛ tii ó ka i kéenan.
Ɛnza ŋé táaman kɛ́ lá jí ó ka
Matiyu 14.22-33; Maki 6.45-52
16Sú óo kwó mínngɛ, Ɛnza ɲɛ́n kaamɔɔndhye ŋólu í yíi fɔ́ bhá lá ó lá. 17Íi í bhyáa kúun nɔ́lɔ kɛ́ táa Kapɛnamu bhá ó ɲan dɔ́ o mán. Sú o tɛ́ wɛ́ɛ wɛɛ kwóla tó Ɛnza ndɛ́ mán nán i saala bhá. 18Fwɛ́ɛnba lɔ́ é bhyáa, bhá o tɛ́ɛ máanmaanla. 19Í tɛ wɛ́ɛ kilo lóo, wáman wɔ́ɔlɔ ɲɔ́ɔnnɔn bwée kúun ŋó lé. Íi Ɛnza ndáamantɔ o yé bhá ó ka kɛ́nan i yɛ́ kúun ŋó sáala. Íi sháan koyoongɛ. 20Wáa a fɔ í yɛ́ kó: «A kɛ́nan sháan né lée wé.» 21Í tɛ́ɛ fɛ́ kɛ Ɛnza ndá, o ywáaninngee o lɔ́ kúun ŋoo sé tíin ŋo man í táalaa o lɔ.
Yaman óo Ɛnza ɲíinnan
22O lusɔgbɛ ó, kɛ yaman ó tó bhá ó ɲanndɔ o mán, íi nan bhɔ́ a ɲánle kó kúun ngée ne tɛ́ɛ yé, kaamɔɔndhye ŋólu gbɛɛgbɛɛ lée lo ó kɔ́ɔnnɔn kɛ́ táa. Ɛnza mán táa ní lé. 23Mantii óo bálika bhɔ́ Ala yɛ́ kɛ búlu ó lashaaya kɛ́ a dí mɔɔn ólu mán ywáa min nɔn, kúun nɔlu bhɔ́ Tibɛliyadi kɛ́nan sé o ywáa ó lɔ́. 24Yaman óo nan yé ko Ɛnza ni a yɛ́ kaamɔɔndhye ŋólu sí tɛ́ yé. O lɔ, íi lo kúun ŋolu kɔ́ɔnnɔn kɛ táa Ɛnza ywáa ɲíin Kapɛnamu.
Lɔ́minfe míin ɲáanmanɲan o díla mɔɔn man
25Íi táa a yé bhá ó ɲan dɔ o man mínngɛ, íi a mánɲaankɛ kó: «Kaamɔɔn, ii nan yánun wáati mínnɛɛn lé lɔ́?»
26 Ɛnza ŋé í yawi kó: «Tínɲan in ne ní fɔ́la a yɛ́ ngó, ní káwako mínnu kɛ́ a ɲánla, a tɛ́ɛ né ywáa ɲíinnan o léelu kósɔn, waa áa né ywáa ɲíinnan le ké áa búlu sɔ́ɔ kɛ́ lɔ́ɔ kɛ Fá. 27A kɛ́nan bháala kɛ́ súnman míin twéenan ó kósɔn! Waa súnman min ndɛ́ cáannan, áa bháala kɛ́ ó lé kósɔn, min ŋé ɲáanmanɲan o díla. O lɔ́min ó, mɔɔn Dhyénjɛ ó yáa o di a mán. A Fá Ala wɛ́ɛ a yɛ́ Fáan o tɔɔmansii ó bhyáa a ka.»
28Íi a mánɲaankɛ kó: «Án ngákan kɛ́ mínnɛɛn lé kɛ́, kɛ́ Ala sao bháala o kɛ?»
29Ɛnza ŋé í yawi kó: «Ala é min bhyáashaa, fɔ áa lá ó lá. O lée Ala sao bháala ó lé.» 30Ólu a mánɲaankɛ kó: «Ii sé kɛ káwako mínnɛɛn le kɛ́ kɛ o yáa án nan, ké án ní lá i la? I káa mínnɛɛn lé kɛ́? 31Án nvá ólu maannin ŋo lɔɔ dhyɛ́ ó kɔ́ɔnnɔn, óyoo aa fɔ Ala yɛ́ Kitabu o lɔ́ ɲánminman kó: ‹A wɛ́ɛ lɔ́min dí í mán kɛ bhɔ́ sángboo ó lɔ́.› » 32Ɛnza ŋé fɔ í yɛ́ kó: «Tínɲan in ne ní fɔ́la a yɛ́ ngó, min ŋé lɔ́min dí a mán kɛ́ bhɔ́ sángboo ó lɔ́, ó tɛ́ Musa lé. Nvá lée búlu bhɛ́ɛ o dí a mán kɛ bhɔ́ sángboo ó lɔ́. 33Kɛ mansɔɔ Ala é lɔ́min min ndí, kɛ bhɔ́ sángboo ó lɔ́ ó lée ɲáanmanɲan kwaa o lónan dínɲan mɔɔn ólu lɔ́.»
34Íi fɔ Ɛnza ɲɛ́n kó: «Mantii ó, íi ó súnman ŋó dí án mán wáati bɛ́.»
35Ɛnza ngó i mán ko: «Né lée lɔ́minfe ŋó lé min ŋé ɲáanmanɲan ó díla mɔɔn mán. Mɔɔn mínngɛ nán né fɛ́, kɔ́ɔn táa ó tíi o myáan bhée. Mínngɛ lá né lá, jíminnɔɔ táa ó tíi o myáan bhée. 36Ní fɔ a yɛ́ ngó, a wɛ́ɛ ɲé waa a tɛ́ lála né lá. 37Ni nvá kɛ́ mɔɔn óo mɔɔn dí né mán, o yáa nán né fɛ́, né mánfaa bhá o tíi o lɔ́. 38Ní bhɔ́ sángboo ó lɔ́ kɛ́nan dínɲan lɔ́ njébhaa ó sao ó kɛ́ o le kanman, ni ó tɛ́ né man nan ngbú sao ó kanman. 39Né cébhaa ó sao ó mínnɛɛn lé le? A wɛ́ɛ mɔɔn mínnu dí né mán, né kɛ́nan tó ké o sí a túun. Ké ní í bɛ́ lakuun dínɲan labha lo ŋó lá. 40Nvá sao o min né kó mɔɔn óo mɔɔn kɛ́ dhyénjɛ o yé tó kɛ la a lá, kó ó tíi ó yáa ɲáanmanɲan wɛ́ɛbhɛɛ ó sɔ́ɔ. Né yáa ó lakuun labhano ŋó la.»
41Kɛ́ta o wáati ó man, Yawudhyaa ólu tɛ́ɛ í mankomankomanla a yɛ́ ko ó lɔ́, kɛ mansɔɔ a tɛ́ wɛ́ɛ fɔ kó: «Lɔ́minfe míin bhɔ́ sángboo ó lɔ́, oo ne le lé».
42Í tɛ́ɛ fɔ́la kó: «O sán ó lɔ́, Yusufu dhyénjɛ Ɛnza ndɛ́ a? Án ni a Fá lɔ, án no ŋan a mán lɔ! Óo sé kɛ́ fɔ sísan dí lé kó: ‹Ne lée bhɔ́ sángboo ó lɔ?› » 43Ɛnza ŋé kóman ó tá kɛ́ fɔ í yɛ́ kó: «Áa lákɔɔkoman ó lábhyaa ɲɔ́ɔn njɛ. 44Mɔɔn sí tɛ́ sé kɛ́ nán né fɛ́ ni nvá míin njé o man o tíi o lánan ne man. Ni o tíi o kɛ́nan ne man, né yáa o tíi ó lakuun lónabha ŋó lá. 45A sɛ́wɛnin ɲé Céla ólu yɛ́ kitabu ólu kɔ́ɔnnɔn kó: ‹Ala yáa i bɛ́ ládhye.› Sísan, mɔɔn óo mɔɔn kɛ Fá o ta kóman o myɛ́n kɛ́ sɔ́n a tá ó mán, olu bɛ́ nánla né lé man. 46Mɔɔn sí ɲan man Fa Ala yé bha, fɔ míin bhɔ́ a fɛ́ yé kɛ́nan, ó lé wɛ́ɛ Fá Ala yé.
47Tínɲan in ne ní a fɔ́la a yɛ́ ngó, ni mínngɛ lá né lá, ó tíi ó wɛ́ɛ ɲáanmanɲan wɛ́ɛbhɛɛ ó sɔ́ɔ. 48Né lée lɔ́minfe ŋó lé min ŋé ɲáanmanɲan wɛ́ɛbhɛɛ ó dila mɔɔn ólu mán. 49A Fá ólu maannin ŋó lɔ́ɔ dhyɛ́ ó kɔ́ɔnnɔn, olu bɛ́ man sayakɛ a? 50Waa lɔ́min min ŋé bhɔ́ sángboo ó lɔ́, ni mínngɛ ó lɔ́ɔ, ó tíi o táa sayakɛ fɛ́sɛ fɛ́sɛ.
51Né lée lɔ́minfe bhɛɛ o lé min ŋe bhɔ́ sángboo ó lɔ́. Ni mɔɔn min ngɛ́ ó lɔ́ɔ, o tíi o yáa tó í ɲánla wáati ó bɛ́. Né káa lɔ́min min ndí, ó lée né Fásisoo ó lé. Ní ɲɛ́ɛ dila ké dínɲan o waa sé kɛ ɲáanmanɲan ó sɔɔ.»
52Yawudhyaa ólu tɛ́ɛ ɲɔ́ɔn mánsɔsɔla gbútuukɛ kɛ fɔ kó: «Míin ŋé sé kɛ́ a Fásisoo ó dí án mán díi kɛ́ lɔ́ɔ?»
53Óo kɛ́ mínngɛ, Ɛnza ŋé fɔ í yɛ́ kó: «Tínɲan in ne ní fɔ́la a yɛ́ ngó, ní a mán mɔɔn Dhyénjɛ o Fasisoo ó lɔ́ɔ kɛ́ a yée ó min, a táa ɲáanmanɲan ó sɔ́ɔ. 54Ni mɔɔn mínngɛ né Fásisoo ó lɔ́ɔ kɛ né yée ó min, o tíi o yáa ɲáanmanɲan wɛ́ɛbhɛɛ ó sɔ́ɔ, né yáa ó tíi ó lakuun lónabha ŋo lá. 55Kɛ mansɔɔ né Fásisoo o lɔ́minfemɛɛ lé lé, né yée óo minifemɛɛ lé lé. 56Ni mɔɔn mínngɛ né Fásisoo ó lɔ́ɔ kɛ́ né yée ó min, né yáa tó ó tíi ó fɛ́, o tíi o yáa tó né fɛ́. 57Óyoo Fá o, mín ŋé i ɲanla, oo ne bhyáashaa, Fá o lée ɲáanmanɲan o di ne man, o bhóo o man, mínngɛ bhálo ne Fási o la, ó tíi o yáa tó i ɲanla ni ne lé. 58Lɔ́minfe míin bhɔ́ sángboo ó lɔ́, o lée nin. A Fá ólu lɔ́min min ngɛ dhyɛ́ ó kɔ́ɔnnɔn, tó í bɛ́ɛ sayakɛ, né ni ólu tá ó tɛ́ kéene. Ni mínngɛ o lɔ́minfe ŋo lɔ́ɔ, o tíi o yáa tó í ɲánla wáati ó bɛ́.» 59Ɛnza ŋé mɔɔn ólu kala ni kóman míinnu lé sɛ́ɛbho ŋó kɔ́ɔnnɔn Kapɛnamu o lée wé.
Ɛnza ɲɛ́n kaamɔɔndhye ŋo lɔ́lu í kwɔ́sɛɛla
60O kóman ólu myɛnnin ngwɔ́, a yɛ́ kaamɔɔndhye ŋólu shɛ́ɛman ŋé a lámyaan kɛ́ fɔ kó: «A yɛ́ kóman míinnu a gbɛ́ɛ lɛ́! Yɛ́ɛtii sé kɛ́ sɔ́n ó man?» 61Ɛnza ŋé a lɔ ŋóo a yɛ́ kaamɔɔndhye ŋólu í mankomankomanla a yɛ́ kóman o kósɔn mínngɛ, aa í mánɲaankɛ kó: «Ó kóman o wɛɛ bháa a lɔ a? 62Tó ni a kɛ mɔɔn Dhyénjɛ ó yɛ́ɛtɔ o yé a tɛɛ ywáa min nɔn kɔɔ kɛ táa yénɔn, a kaa kɛ díle o lɔ? 63Ní Sɛnnɛnyanin ŋó lée ɲáanmanɲan o díla mɔɔn man, ni ó tɛ́, ni a kɛ tó Fásisoo ó tá ó mán, o tɛ́ fósi lé. Né wɛ́ɛ kóman mínnu fɔ a yɛ́, ó lée Ni óni ɲáanmanɲan o lé. 64Waa lɔ́lu é a cɛ́man mínnu tɛ́ lála o kóman olu lá.» Kanbiini kó olu lámyaanwaati ó man, Ɛnza ndɛ́ɛ ó tii ólu lɔ. Mín ndɛ́ káa a lo mɔɔn ólu bhóo, a tɛ́ɛ ó lɔ kɛ́ bhá. 65Ɛnza ŋé fɔ í kwɔ́ kó: «O lé kósɔn ní fɔ́la a yɛ́ ngó mɔɔn sí tɛ́ sé kɛ́nan né man ni nvá man o sé o dí o tíi o man.»
66Kɛ ta ó wáati ó man, a yɛ́ kaamɔɔndhye ŋólu shɛ́ɛman ŋe í kwɔ́sɛɛ, í tɛ́ tɛ bhyáala a kwɔ́ bhée. 67O lɔ́, Ɛnza ŋé a yɛ́ céladhye ndá ni fyáa ólu mánɲaankɛ kó: «Álee lu wɛ́, ale tɛ fɛ́ kɛ táa a?» 68Simɔn Piyɛli é a yawi kó: «Mantii o, án ngɛ́ɛ tɛ́ɛ yɛ́ɛtii kwɔ? Mɔɔn ɲáanmanɲan wɛ́ɛbhɛɛ ó sɔ́ɔla íle yɛ́ kóman ó léelu bháaka lɔ́. 69Án ngwɛ́nnin ŋwɛ́ɛn lá i lá, án ŋwɛ́ɛn lɔ ŋóo ii Ala yɛ́ mɔɔn sɛ́nnɛnyanin ŋó í lé le lé.» 70Ɛnza ŋé fɔ í yɛ́ kó: «Né le mán mɔɔn tá ni fyáa lɔ́tɔnmɔn ŋan? O bɛ́ kwɔ́, mɔɔn kée ŋé a cɛ́man min ŋé Sɔtaannan mɔɔn lé.» 71O kóman ó kúnngbaanin ndɛ́ɛ Simɔn Sikaliyɔti dhyénjɛ Zudasi lé mán, ó min ndɛ́ɛ kaamɔɔndhye ndá ni fyáa ó lɔ́ lé, min ndɛ́ káa Ɛnza no mɔɔn ólu bhóo.
© (Active), Wycliffe Bible Translators, Inc. All rights reserved.