Luka 17
17
Yafali ó kúnnɔn cáan ó
Matiyu 18.6-7,21-22; Maki 9.42
1Ɛnza ŋé fɔ a yɛ kaamɔɔndhye ŋólu yɛ kó: «Dhyaalagboya lée a le lɔ́lu yáa kɛ sɔ́ɔbu le kɛ́ mɔɔn ólu kúnnɔn cáan, wáa mɔɔn mín ngáa kɛ o sɔ́ɔbu óle, kunnangboya é ó tíi ó yɛ. 2Ní mɔɔn lɔ kɛ kɛ sɔ́ɔbu le kɛ́ dhyémuu míin ngée ngúnnɔn cáan kɛ́ a láfii, mín ŋán físaa o tíi ó mán o lée kɛ káwaguun mbelebeleba lɔ gúun a kannan kɛ a lafii kɔɔji ó lɔ. 3Áa a yɛ́ɛkɔɔsi o kó ólu mán.
Ní í bhádhye ŋó lɔ kɛ́ i yáacɛ tá, íi a kíi kɛ́ a yɛ fii ó yáa a lá. Ní a kɛ díminsa, yafa a mán. 4Ní a kɛ i yáacɛ tá síɲan wóonvyaa kɛ́ tée kée ŋó kɔɔnnɔn, ní a kɛ́ i kwɔ́sɛɛ i mán a síɲan wóonvyaa ó bɛ́ lɔ kó íi yafa a mán, kó ale wɛɛ díminsa, íi yafa a mán.»
Ɛnza ɲɛn kaamɔɔndhye ŋólu yɛ lánanya ó
Matiyu 17.20
5Ɛnza ɲɛn céladhye ŋólu fɔ a yɛ kó: «Mantii ó, lɔ́ fala án ɲɛ lánanya ó ka.»
6Mantii ó fɔ i yɛ kó: «Ní a yɛ lánanya ó bwóɲan ó tɛ́ɛkɛ óyoo mútaalikoo o, a tɛ́ɛnan sé fɔ́la yíiba míin ɲɛn kó aa bwɔ́ kɛ bhɔ́ ya kɛ́ táa í gbáan kɔɔji ó lɔ. A tɛ́ɛnan sɔ́n ó mán.
7Ní bháalakɛdhye ngɛ́ kɛ a lɔ́ bhóo, ní áa sɛ́ɛn kɛ́la í yɛ, wáman ní aa i yɛ bhyáa ŋólu kunnansiila, ní a kɛ́ i kwɔ́sɛɛ kɛ bhɔ́ sɛɛn mán wáati mínnɔn, a yáa fɔ a yɛ kó aa í lateeya kɛ́nan lɔ́minkɛ! 8Ɔn-ɔn. A káa fɔ ó bháalakɛdhye ŋó yɛ le kó: Aa í lɔ́bhyɛ kɛ́nan a yɛ súnman ŋó dí a mán. Ní ale kɛ́wɛɛ lɔ́minkɛ ó la wáati mínnɔn, o kwɔ́ bháalakɛdhye ŋóo tó lɔ́min kɛ́la kɛ mínnin kɛ. 9Bháalakɛdhye ŋó kunndii ó yáa a tɔ́ɔɲwaan fɔ a yɛ bháala kɛ́nin ŋó kósɔn an? Mán lá o la. 10O ɲán ó mán, álee lu, bháala mín ŋwɛ́ɛn kɛ́ɛfa álee mán ní a kɛ́wɛɛ ó kɛ́la, aa fɔ kó: Án néelu án ni bháalakɛdhye née lú le cé. Án ngákan kɛ mín ngɛ́ án ŋwɛ́ɛn ó lé kɛ.»
Ɛnza ŋé kwaantɔ tá nákɛɛnya la
11Ɛnza ndɛ́ɛ táala Yeluzalɛmu, aa Samali mala óni Galile mala ó lɔ́tinmin. 12A ló ndɔ́ ó só ó kɔɔnnɔn, kwáantɔ tá ŋé nan a lɔ́bhyɛ. Ii í lɔ́ ywáaja nɔn kɛ́ cɛ dɔ́ɔnin ndó ile ní Ɛnza njɛ́. 13Íi gbáa kɛ fɔ kó: «Kaamɔɔn Ɛnza, hínnɛn án nan.»
14Ɛnza ŋé i yé mínngɛ, aa fɔ i yɛ́ kó: Áa táa a yɛ́ɛ yáa faanlɛɛɲansebhaa ólu la. Kɛ́ i tó táala sháa ó ka, í bɛ́ɛ kɛ́ɛnya. 15I cɛ́man Kée ŋé yé mínngɛ óo a wɛɛ kɛ́ɛnya, oo i kwɔ́sɛɛ kɛ táa Ɛnza nzaala, ké áa Ala tandola ni kannanyɛɛnin ne. 16Aa sé Ɛnza ndɔ́ɔfɛ mínngɛ, aa i kúnmɛɛn nɔ́kɛɛ a kɛɛnnan kɛ i ɲán ó bíin lúuman kɛ́ bálika bhɔ́ a yɛ, o cɛ ó tɛ́ɛ Samalika lé le. 17Ɛnza ŋé fɔ a yɛ kó: «Mɔɔn tá ŋó bɛ́ mán kɛ́ɛnya a? A tɔ́ kɔɔnndɔ ŋólu mín? 18Mɔɔn sí mánsɔɔ kɛ i kwɔ́sɛɛ kɛ́nan bálika bhɔ́ Ala yɛ fɔ́ lónannjɛ míin ngée ŋán!» 19O kwɔ́, aa fɔ cɛ ó yɛ kó: «I wíi íi táa, i wɛ́ɛ kísi í yɛ lánanya ó bháaka lɔ.»
Mɔɔn Dhyénjɛ ó kwɔ́sɛɛ ko ó
Matiyu 24.23-28,37-41
20 Falizɛn ŋólu Ɛnza mánɲaankɛ kó Ala yɛ́ Mansaya ó káa nan wáati mínnɛɛn lé lɔ. Aa i yawi kó: «O táa kɛ óyoo mɔɔn ólu i tá ó yéla ɲán mín mán. 21A táa fɔ kó: ‹Aa ya› wáman: ‹Aa yéenɔn.› Kɛ mansɔɔ Ala yɛ́ Mansaya óo a cɛ́man kɛ bhá.»
22O kwɔ́, aa fɔ kaamɔɔndhye ŋólu yɛ́ kó: «Ló nɔ́ yáa sé, mɔɔn Dhyénjɛ ó yélɔɔ yáa kɛ́ a lá tée kée mán, wáa a táa a yé.
23I yáa fɔ a yɛ kó: ‹A mánfɛɛ, aa ya,› wáman: ‹Aa yéenɔn.› A kɛ́nan táa, a kɛ́nan bwée, 24kɛ́ mansɔɔ sá ŋóo í bhóo lábhɔla sángboo ó kún ndɔ́ o la ɲan mín mán, kɛ táa sé a kún ndɔ́ ó mán ɲan mín mán, mɔɔn Dhyénjɛ ó káa nan o ɲan ó lé mán. 25Wáa sannin o ló ŋó á sé, dhyáalagboya lée ké mɔɔn Dhyénjɛ ó á tɔ́lɔya kóyoongɛ óni ké bímɔɔn ólu á í bá a lɔ.
26Kó míin kɛ Nuwo yɛ tée ó lɔ, o ɲɔ́ɔn né káa kɛ́ mɔɔn Dhyénjɛ ó nan wáati ó lɔ. 27Mɔɔn ólu tɛ́ɛ lɔ́min kɛ́la, i tɛ́ɛ mínnin kɛ́la, cɛ ólu ní muso ólu tɛ́ɛ fúu kɛ́la, fɔ kɛ́nan sé Nuwo ló ŋó mán kúunmba ó kɔ́ɔnnɔn. Tó sámba óo nan kɛ i bɛ́ látuun. 28A káa kɛ o ɲan kée ŋó le mán óo Lɔti ta wáati o. Mɔɔn ólu tɛ́ɛ lɔ́min kɛ́la, kɛ mínnin kɛ́la, i tɛɛ sannin kɛ́la, kɛ fée kɛ́, kɛ sɛɛn kɛ́, kɛ́ bhó ŋólu lɔ. 29Wáa Lɔti é bhɔ́ Sodɔmu só ó kɔɔnnɔn ló mínnan, Ala é tá óni fɔlɔ ó bhɔ́ sángboo ó lɔ kɛ mɔɔn ólu bɛ́ hálaki. 30A káa kɛ céne mɔɔn Dhyénjɛ o kwɔ́sɛɛ ló ŋó la.
31O ló ŋó la, Mɔɔn mín ngɛ kɛ bhó ŋó kúnnɔn, ké a bhóofe ŋólu bhó ŋó kɔɔnnɔn, o tíi ó kɛ́nan i yíi kɛ a bhóofe ŋólu tá. Ni mɔɔn mín ngɛ kɛ sɛɛn mán, o tíi ó kɛ́nan i kwɔ́sɛɛ a bhóo lúman. 32Kó míin kɛ́ Lɔti muso la, aa í mili ó mán. 33Mɔɔn míin fɛ kɛ́ a ní ó látaan, o tíi ó yáa bɔɔn a ní ó lɔ. Wáa ní mɔɔn mínngɛ bɔɔn a ní ó lɔ, o tíi ó yáa a ní ó sɔ́ɔ. 34Ní fɔ́la a yɛ ngó, o sú ó lɔ́, mɔɔn fyáa yáa kɛ́ láfe ngée ŋó ka, kée ɲáan tá kɛ́ tɔ kée ŋó tó yé. 35Muso fyáa yáa tó koonduu ó la kée né, kée ɲáan tá kɛ́ a tɔ kée ŋó tó yé. 36[Cɛ fyáa yáa kɛ sɛɛn kée ngɔɔnnɔn, kée ɲáan tá, kɛ a tɔ kée ŋó tó yé.]»
37Kaamɔɔndhye ŋólu Ɛnza manɲaankɛ kó: «Mantii ó, o káa kɛ ywáa mínnɛɛn lé lɔ?» Ɛnza ŋé i yawi kó: «Fénzu kɛ́ kɛ ywáa mínnɔn, lwaa ólu í ladhyɛla o ywáa ó lé lɔ.»
© (Active), Wycliffe Bible Translators, Inc. All rights reserved.
Luka 17
17
Yafali ó kúnnɔn cáan ó
Matiyu 18.6-7,21-22; Maki 9.42
1Ɛnza ŋé fɔ a yɛ kaamɔɔndhye ŋólu yɛ kó: «Dhyaalagboya lée a le lɔ́lu yáa kɛ sɔ́ɔbu le kɛ́ mɔɔn ólu kúnnɔn cáan, wáa mɔɔn mín ngáa kɛ o sɔ́ɔbu óle, kunnangboya é ó tíi ó yɛ. 2Ní mɔɔn lɔ kɛ kɛ sɔ́ɔbu le kɛ́ dhyémuu míin ngée ngúnnɔn cáan kɛ́ a láfii, mín ŋán físaa o tíi ó mán o lée kɛ káwaguun mbelebeleba lɔ gúun a kannan kɛ a lafii kɔɔji ó lɔ. 3Áa a yɛ́ɛkɔɔsi o kó ólu mán.
Ní í bhádhye ŋó lɔ kɛ́ i yáacɛ tá, íi a kíi kɛ́ a yɛ fii ó yáa a lá. Ní a kɛ díminsa, yafa a mán. 4Ní a kɛ i yáacɛ tá síɲan wóonvyaa kɛ́ tée kée ŋó kɔɔnnɔn, ní a kɛ́ i kwɔ́sɛɛ i mán a síɲan wóonvyaa ó bɛ́ lɔ kó íi yafa a mán, kó ale wɛɛ díminsa, íi yafa a mán.»
Ɛnza ɲɛn kaamɔɔndhye ŋólu yɛ lánanya ó
Matiyu 17.20
5Ɛnza ɲɛn céladhye ŋólu fɔ a yɛ kó: «Mantii ó, lɔ́ fala án ɲɛ lánanya ó ka.»
6Mantii ó fɔ i yɛ kó: «Ní a yɛ lánanya ó bwóɲan ó tɛ́ɛkɛ óyoo mútaalikoo o, a tɛ́ɛnan sé fɔ́la yíiba míin ɲɛn kó aa bwɔ́ kɛ bhɔ́ ya kɛ́ táa í gbáan kɔɔji ó lɔ. A tɛ́ɛnan sɔ́n ó mán.
7Ní bháalakɛdhye ngɛ́ kɛ a lɔ́ bhóo, ní áa sɛ́ɛn kɛ́la í yɛ, wáman ní aa i yɛ bhyáa ŋólu kunnansiila, ní a kɛ́ i kwɔ́sɛɛ kɛ bhɔ́ sɛɛn mán wáati mínnɔn, a yáa fɔ a yɛ kó aa í lateeya kɛ́nan lɔ́minkɛ! 8Ɔn-ɔn. A káa fɔ ó bháalakɛdhye ŋó yɛ le kó: Aa í lɔ́bhyɛ kɛ́nan a yɛ súnman ŋó dí a mán. Ní ale kɛ́wɛɛ lɔ́minkɛ ó la wáati mínnɔn, o kwɔ́ bháalakɛdhye ŋóo tó lɔ́min kɛ́la kɛ mínnin kɛ. 9Bháalakɛdhye ŋó kunndii ó yáa a tɔ́ɔɲwaan fɔ a yɛ bháala kɛ́nin ŋó kósɔn an? Mán lá o la. 10O ɲán ó mán, álee lu, bháala mín ŋwɛ́ɛn kɛ́ɛfa álee mán ní a kɛ́wɛɛ ó kɛ́la, aa fɔ kó: Án néelu án ni bháalakɛdhye née lú le cé. Án ngákan kɛ mín ngɛ́ án ŋwɛ́ɛn ó lé kɛ.»
Ɛnza ŋé kwaantɔ tá nákɛɛnya la
11Ɛnza ndɛ́ɛ táala Yeluzalɛmu, aa Samali mala óni Galile mala ó lɔ́tinmin. 12A ló ndɔ́ ó só ó kɔɔnnɔn, kwáantɔ tá ŋé nan a lɔ́bhyɛ. Ii í lɔ́ ywáaja nɔn kɛ́ cɛ dɔ́ɔnin ndó ile ní Ɛnza njɛ́. 13Íi gbáa kɛ fɔ kó: «Kaamɔɔn Ɛnza, hínnɛn án nan.»
14Ɛnza ŋé i yé mínngɛ, aa fɔ i yɛ́ kó: Áa táa a yɛ́ɛ yáa faanlɛɛɲansebhaa ólu la. Kɛ́ i tó táala sháa ó ka, í bɛ́ɛ kɛ́ɛnya. 15I cɛ́man Kée ŋé yé mínngɛ óo a wɛɛ kɛ́ɛnya, oo i kwɔ́sɛɛ kɛ táa Ɛnza nzaala, ké áa Ala tandola ni kannanyɛɛnin ne. 16Aa sé Ɛnza ndɔ́ɔfɛ mínngɛ, aa i kúnmɛɛn nɔ́kɛɛ a kɛɛnnan kɛ i ɲán ó bíin lúuman kɛ́ bálika bhɔ́ a yɛ, o cɛ ó tɛ́ɛ Samalika lé le. 17Ɛnza ŋé fɔ a yɛ kó: «Mɔɔn tá ŋó bɛ́ mán kɛ́ɛnya a? A tɔ́ kɔɔnndɔ ŋólu mín? 18Mɔɔn sí mánsɔɔ kɛ i kwɔ́sɛɛ kɛ́nan bálika bhɔ́ Ala yɛ fɔ́ lónannjɛ míin ngée ŋán!» 19O kwɔ́, aa fɔ cɛ ó yɛ kó: «I wíi íi táa, i wɛ́ɛ kísi í yɛ lánanya ó bháaka lɔ.»
Mɔɔn Dhyénjɛ ó kwɔ́sɛɛ ko ó
Matiyu 24.23-28,37-41
20 Falizɛn ŋólu Ɛnza mánɲaankɛ kó Ala yɛ́ Mansaya ó káa nan wáati mínnɛɛn lé lɔ. Aa i yawi kó: «O táa kɛ óyoo mɔɔn ólu i tá ó yéla ɲán mín mán. 21A táa fɔ kó: ‹Aa ya› wáman: ‹Aa yéenɔn.› Kɛ mansɔɔ Ala yɛ́ Mansaya óo a cɛ́man kɛ bhá.»
22O kwɔ́, aa fɔ kaamɔɔndhye ŋólu yɛ́ kó: «Ló nɔ́ yáa sé, mɔɔn Dhyénjɛ ó yélɔɔ yáa kɛ́ a lá tée kée mán, wáa a táa a yé.
23I yáa fɔ a yɛ kó: ‹A mánfɛɛ, aa ya,› wáman: ‹Aa yéenɔn.› A kɛ́nan táa, a kɛ́nan bwée, 24kɛ́ mansɔɔ sá ŋóo í bhóo lábhɔla sángboo ó kún ndɔ́ o la ɲan mín mán, kɛ táa sé a kún ndɔ́ ó mán ɲan mín mán, mɔɔn Dhyénjɛ ó káa nan o ɲan ó lé mán. 25Wáa sannin o ló ŋó á sé, dhyáalagboya lée ké mɔɔn Dhyénjɛ ó á tɔ́lɔya kóyoongɛ óni ké bímɔɔn ólu á í bá a lɔ.
26Kó míin kɛ Nuwo yɛ tée ó lɔ, o ɲɔ́ɔn né káa kɛ́ mɔɔn Dhyénjɛ ó nan wáati ó lɔ. 27Mɔɔn ólu tɛ́ɛ lɔ́min kɛ́la, i tɛ́ɛ mínnin kɛ́la, cɛ ólu ní muso ólu tɛ́ɛ fúu kɛ́la, fɔ kɛ́nan sé Nuwo ló ŋó mán kúunmba ó kɔ́ɔnnɔn. Tó sámba óo nan kɛ i bɛ́ látuun. 28A káa kɛ o ɲan kée ŋó le mán óo Lɔti ta wáati o. Mɔɔn ólu tɛ́ɛ lɔ́min kɛ́la, kɛ mínnin kɛ́la, i tɛɛ sannin kɛ́la, kɛ fée kɛ́, kɛ sɛɛn kɛ́, kɛ́ bhó ŋólu lɔ. 29Wáa Lɔti é bhɔ́ Sodɔmu só ó kɔɔnnɔn ló mínnan, Ala é tá óni fɔlɔ ó bhɔ́ sángboo ó lɔ kɛ mɔɔn ólu bɛ́ hálaki. 30A káa kɛ céne mɔɔn Dhyénjɛ o kwɔ́sɛɛ ló ŋó la.
31O ló ŋó la, Mɔɔn mín ngɛ kɛ bhó ŋó kúnnɔn, ké a bhóofe ŋólu bhó ŋó kɔɔnnɔn, o tíi ó kɛ́nan i yíi kɛ a bhóofe ŋólu tá. Ni mɔɔn mín ngɛ kɛ sɛɛn mán, o tíi ó kɛ́nan i kwɔ́sɛɛ a bhóo lúman. 32Kó míin kɛ́ Lɔti muso la, aa í mili ó mán. 33Mɔɔn míin fɛ kɛ́ a ní ó látaan, o tíi ó yáa bɔɔn a ní ó lɔ. Wáa ní mɔɔn mínngɛ bɔɔn a ní ó lɔ, o tíi ó yáa a ní ó sɔ́ɔ. 34Ní fɔ́la a yɛ ngó, o sú ó lɔ́, mɔɔn fyáa yáa kɛ́ láfe ngée ŋó ka, kée ɲáan tá kɛ́ tɔ kée ŋó tó yé. 35Muso fyáa yáa tó koonduu ó la kée né, kée ɲáan tá kɛ́ a tɔ kée ŋó tó yé. 36[Cɛ fyáa yáa kɛ sɛɛn kée ngɔɔnnɔn, kée ɲáan tá, kɛ a tɔ kée ŋó tó yé.]»
37Kaamɔɔndhye ŋólu Ɛnza manɲaankɛ kó: «Mantii ó, o káa kɛ ywáa mínnɛɛn lé lɔ?» Ɛnza ŋé i yawi kó: «Fénzu kɛ́ kɛ ywáa mínnɔn, lwaa ólu í ladhyɛla o ywáa ó lé lɔ.»
© (Active), Wycliffe Bible Translators, Inc. All rights reserved.