Gênesis 17
17
Hoyakalu Hehiwakaxyawaklu Abrão Piranapni
1Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru:
— Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.
2Nuchinkapkakanyi pixa nixolewkakanyi hixolune pixyawakapa.
3Waneya Abrão yoptsojitamtatka tshij-hoho waneya Hoyakalu wan-tshinru:
4— Hita wan-tshinyi pixa; pixa hixo nerune kakojerune hirupyi.
5Xawakni hi Abrão-patkayi phiwakpatkani Abraão klu tshinanu nkamhatkayi hixonerune hiru pixyawakpatka.
6Nkamhanyi pixolewniywakapa, pix-yehi ruchpajinna hixonerune hiyrunu pix-yehi ruchpajinna phurune.
7Hita wane ntshinanyi numlujyayi hikeklu hohne hnikawnanu numluklewle. Pixaymano hiyrun-koxa piklopichaneymano, pixa whenene hapkatatatshinepa koxa ymapno. Pixa Poyakalutno hiyrun-koxa piklopichane Hoyakalutepno.
8Canaã tshiji psoluka, pwajexyawaka, pa neru tshijneya nenekanyi pixa hiyrun-koxa piklopichane, ptowru hohneruka mnikawnakatupa hixa hwalerupa. Wanna Hoyakalutepno.
Cão Piranapni
9Wane pnute htshinru Hoyakalu Abraão:
— Xawakni pix-xako pkahwakpiratanru ntshinyatkayi mitshi, pixa hiyrun-koxa piklopichane.
10Hiyáhoni nunkakajyatkayi pixa ruchinkapkakanyi hita pixayma, piklopichane koxa hichinkapanru hiyrunu rimretanru xako: Ptowru mturu jeji hixa tskala matuxikatshri histakaptojimtatko.
11Hiptojimta rustajiko; waneya xyekni hekhitanru nuchinkapkaklewle Hita, hixayma.
12Ptowru jeji, ptowru piklopichane oito hohne rixini rustakko. Ptowreru pixasko matuxikatshri hiyrun-koxa paneru hanjixikolu yehi hwatshri wane hixko.
13Pjiprojhaptojitanru ptowru jeji pixasko matuxikatshri hiyrunu katukta ptiyiroteyma panjireru wane hixko. Hiyáhoni ruchinkapko ntshinreru hix-mane hikeklu hohne mnikawnakatupa.
14Seyni wale jeji hma jiprojhaptojimtatkonuklunupa, wale jeji konhiwekletko wane hmixkonuklunupa hmajnakowaxyalu Hoyakalu towyehre.
Hoyakalu Hehiwakaxyawaklo Sarai Piranapni
15Waneya wane koxa htshinatkalu Hoyakalu, Abraão:
— Phanunro Sarai xawakni wane pnute hohnepatka hi Sarai ptshinanro seyni Sara.
16Kihlewaka ntshinanwakatanro hiyrunu piwuhenewatanro; halikaka kihlewaka ntshinanro hiyáhoni pa nerkaka hichpajinro, pa nerkaka tsrukakalune hichpajinro.
17Waneya Abraão tshij-hoho hyotshrijrotatatka, rutsolhiwata waneya wane htshinnawa: “Rumukata wuhenewlethe sat-jeji cem mhalerututka, Sara koxa noventa mhaletka, tumukata wuhenewlethe?”
18Waneya Abraão wan-tshinru Hoyakalu:
— Hoo rumukatkamka noturu Ismael ptshinyawaka pixka rixanumka.
19Waneya wane htshinru Hoyakalu:
— Hike seyni Sara, phanunro wuhenewatanu jejipni. Putakhiwakatanru Isaque; wale Isaque numlukanu xye numluklewle nkamhinru, nunkaklexinna koxa Isaque klopichane, hikeklu hohne mnikawnakatupa.
20Nyijnaktokanutatkayi Ismael tshinanu, hiyáhoni kihlewaka ntshinanru, nixolewkakanru hixpotpakna hiwhenene; hiyrun-koxa hwuhenetanna tsru phurune doze-pna hiyrun-koxa wale nuchpakajinri satu neruko hixolunpotpako.
21Seyni Isaque potuko nuchinkapkakanu ptowru nunkakletleru pirana. Sara honra matkajinyi Isaque pa kata hetkoko xyeklu papkokotnaka.
22Waneya Hoyakalu hali hiynumsalexinri Abraão, Abraão yehi ruchpajyatka tenhohne hyatnaka.
Abraão Jiprojhaptojixyawaklu Mturu Piranapni
23Waneya wale hohneko Abraão haniklu hiwhene Ismael hiyrunu ptowru htowrene walestsi matuxikatshine hiyrunu ptowru yine ranjirene tiyiroya hiyrun-koxa ptowru yineru jeji wanna hanikajite walestsi matuxikatshin-koxa waneya satkaka pejnu hjiprojhaptojita, hanukta htshin-towutletlu Hoyakalu.
24Abraão noventa e nove mhaletkalu hjiprojhaptojrewatatka.
25Hiwhene Ismael treze mhaletkalu hjiprojhaptojimtatkatka.
26Abraão, hiwheneymako walerutu hohne hjiprojhaptojimtka.
27Hiyrunu koxa hjiprojhaptojitkana ptowru jejine Abraão-pji hajene, htowrune koxa walesko matuxikatshine hiyrunu ranjirene howuka hichpajikatshri.
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 17
17
Hoyakalu Hehiwakaxyawaklu Abrão Piranapni
1Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru:
— Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.
2Nuchinkapkakanyi pixa nixolewkakanyi hixolune pixyawakapa.
3Waneya Abrão yoptsojitamtatka tshij-hoho waneya Hoyakalu wan-tshinru:
4— Hita wan-tshinyi pixa; pixa hixo nerune kakojerune hirupyi.
5Xawakni hi Abrão-patkayi phiwakpatkani Abraão klu tshinanu nkamhatkayi hixonerune hiru pixyawakpatka.
6Nkamhanyi pixolewniywakapa, pix-yehi ruchpajinna hixonerune hiyrunu pix-yehi ruchpajinna phurune.
7Hita wane ntshinanyi numlujyayi hikeklu hohne hnikawnanu numluklewle. Pixaymano hiyrun-koxa piklopichaneymano, pixa whenene hapkatatatshinepa koxa ymapno. Pixa Poyakalutno hiyrun-koxa piklopichane Hoyakalutepno.
8Canaã tshiji psoluka, pwajexyawaka, pa neru tshijneya nenekanyi pixa hiyrun-koxa piklopichane, ptowru hohneruka mnikawnakatupa hixa hwalerupa. Wanna Hoyakalutepno.
Cão Piranapni
9Wane pnute htshinru Hoyakalu Abraão:
— Xawakni pix-xako pkahwakpiratanru ntshinyatkayi mitshi, pixa hiyrun-koxa piklopichane.
10Hiyáhoni nunkakajyatkayi pixa ruchinkapkakanyi hita pixayma, piklopichane koxa hichinkapanru hiyrunu rimretanru xako: Ptowru mturu jeji hixa tskala matuxikatshri histakaptojimtatko.
11Hiptojimta rustajiko; waneya xyekni hekhitanru nuchinkapkaklewle Hita, hixayma.
12Ptowru jeji, ptowru piklopichane oito hohne rixini rustakko. Ptowreru pixasko matuxikatshri hiyrun-koxa paneru hanjixikolu yehi hwatshri wane hixko.
13Pjiprojhaptojitanru ptowru jeji pixasko matuxikatshri hiyrunu katukta ptiyiroteyma panjireru wane hixko. Hiyáhoni ruchinkapko ntshinreru hix-mane hikeklu hohne mnikawnakatupa.
14Seyni wale jeji hma jiprojhaptojimtatkonuklunupa, wale jeji konhiwekletko wane hmixkonuklunupa hmajnakowaxyalu Hoyakalu towyehre.
Hoyakalu Hehiwakaxyawaklo Sarai Piranapni
15Waneya wane koxa htshinatkalu Hoyakalu, Abraão:
— Phanunro Sarai xawakni wane pnute hohnepatka hi Sarai ptshinanro seyni Sara.
16Kihlewaka ntshinanwakatanro hiyrunu piwuhenewatanro; halikaka kihlewaka ntshinanro hiyáhoni pa nerkaka hichpajinro, pa nerkaka tsrukakalune hichpajinro.
17Waneya Abraão tshij-hoho hyotshrijrotatatka, rutsolhiwata waneya wane htshinnawa: “Rumukata wuhenewlethe sat-jeji cem mhalerututka, Sara koxa noventa mhaletka, tumukata wuhenewlethe?”
18Waneya Abraão wan-tshinru Hoyakalu:
— Hoo rumukatkamka noturu Ismael ptshinyawaka pixka rixanumka.
19Waneya wane htshinru Hoyakalu:
— Hike seyni Sara, phanunro wuhenewatanu jejipni. Putakhiwakatanru Isaque; wale Isaque numlukanu xye numluklewle nkamhinru, nunkaklexinna koxa Isaque klopichane, hikeklu hohne mnikawnakatupa.
20Nyijnaktokanutatkayi Ismael tshinanu, hiyáhoni kihlewaka ntshinanru, nixolewkakanru hixpotpakna hiwhenene; hiyrun-koxa hwuhenetanna tsru phurune doze-pna hiyrun-koxa wale nuchpakajinri satu neruko hixolunpotpako.
21Seyni Isaque potuko nuchinkapkakanu ptowru nunkakletleru pirana. Sara honra matkajinyi Isaque pa kata hetkoko xyeklu papkokotnaka.
22Waneya Hoyakalu hali hiynumsalexinri Abraão, Abraão yehi ruchpajyatka tenhohne hyatnaka.
Abraão Jiprojhaptojixyawaklu Mturu Piranapni
23Waneya wale hohneko Abraão haniklu hiwhene Ismael hiyrunu ptowru htowrene walestsi matuxikatshine hiyrunu ptowru yine ranjirene tiyiroya hiyrun-koxa ptowru yineru jeji wanna hanikajite walestsi matuxikatshin-koxa waneya satkaka pejnu hjiprojhaptojita, hanukta htshin-towutletlu Hoyakalu.
24Abraão noventa e nove mhaletkalu hjiprojhaptojrewatatka.
25Hiwhene Ismael treze mhaletkalu hjiprojhaptojimtatkatka.
26Abraão, hiwheneymako walerutu hohne hjiprojhaptojimtka.
27Hiyrunu koxa hjiprojhaptojitkana ptowru jejine Abraão-pji hajene, htowrune koxa walesko matuxikatshine hiyrunu ranjirene howuka hichpajikatshri.
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil