Gênesis 39
39
Potifar Hnunro Kamnixyawaklu José Piranapni
1José Egito tshijne ranikka. Waneya satu Egito hajeru tsru hitakkaluru Potifar tshinkaluru phuru Faraó towreru, phuru Faraó hinotatshine towutjeru hanjitlu José. Ismaelita-nerune José hanikatshine hichanjiylu Potifar.
2Seyni Tsru Hixikatshriwa Hoyakalu José-ymalu wale tshinanu ptowruka kihle hixownale. Htowutjeru Egito hajerupji rawjeta.
3Potifar hetlu Tsru Hixikatshriwa Hoyakalu José-ymalu hiyrun-koxa ptowru potuko hkamhini José Tsru Hixikatshriwa Hoyakalu kihle kosekle rixkaklu.
4Hoyakalu heneklu José kwamon-rixyawakapa htowutjeru Potifar yhaleya hiyáhoni Potifar heneklu José walepji psoluka htowuxyawakapa hiyrun-koxa ptowru rimwaleru rinoxyawaka reneklu.
5Waneya José Potifar-pji psoluka rinotatka. Hiyahokni Tsru Hixikatshriwa Hoyakalu hepixlu Egito-nerupji Tsru Hixikatshriwa Hoyakalu hamoxyawaklu José tshinanu. Ptowruka Potifar himwaleru repixka pantshi hajeru, campo hajer-koxa.
6Potifar ptowruka rimwaleru reneklu José rinoxyawaka hiyáhoni José hislahle tshinanu hike ruslahatka Potifar seyni hnikleru tsonu ruslahatka. José koxa kihle rixmaneta hiyrun-koxa kihle hojru.
7Waneya wane pnutejiji José towutjeru hnunro het-tsotanutatkalu wane ttshinru:
— Wuya pkatshpekapanno!
8Seyni wla htshinro:
— Hike. Nuslahle tshinanu ntowutjeru hike hkojwajnawa pantshi hajeru psoluka, ptowruka rimwaleru hitamyo rutaka.
9Hikeni wane pnute tsru hitakkaluru, hita tsonu hewi pantshiya. Ntowutjeru hike htshipexyano hewiya seyni pixa tsonu htshipexyano klu tshinanu pixa hhanunroyi. Hiyáhoni hanhe nixyawaka wane pa himtukalutu nkamhanu nektuwatanu Hoyakalu yehiya?
10Yáholu tiynumsajetlu José ptowru hohneruka seyni hi hkatshpeklo, hi koxa walastsi rutuka.
11Waneya pa hohne pantshi hjihloka hkamrurewaxyawakapa seyni hi satukna wane kamrurewaxikatshri pantshi hitokote hwakanata.
12Waneya tkachimkalutlu, wla ttshinru:
— Wuya pkatshpekanno.
Seyni wale hichomtlu himkalu wala myoya, rasuka pantshi maleka sreta hyatka.
13Waneya texinixkalu pantshi maleka hyatka rasujyatkalo seyni himkalu wala myo hwatka.
14Ttomhatkana jejine, pantshi hwatshine, waneya wla ttshina:
— Hetanu, nhanuru hanikanwakatwu xye hebreu-neru rapnokaxyawakapwu. Rapyehitno hita hkatshpejyawakapno seyni hipokananu nsaplewatatka.
15Seyni hyijnakoxinixkalu tsru tokanu nix-saplewleta, ruknokamkalumtatka hitastsi waneya rasuka, maleka hyatka.
16Waneya timretlu wale mkalu walastsi haté hsatokatka José towutjeru.
17Waneya tunkaklu wale pirana hiyrunukotnaka, wla ttshinru:
— Wtowreru hebreu-neru panikleru walekni yanwakatno rapnokaxyawakapno.
18Seyni nsaplewaxini tsru saple potuko, ruknoklu himkalu hitamyoya waneya rasukatka, maleka hyatka.
19Waneya José towutjeru xye tokantshi hyijnakoxini ttshinyawaklu hhanunro wla ttshinatka:
— Wla rixno ptowreru.
Hjihekanuwpotutatka Potifar.
20Waneya José towutjeru kachitlu, preso-pji ruknoklu. Wane rutakka preso-pji tsru phuru towrene hitakjexikowaka.
21Seyni Tsru Hixikatshriwa Hoyakalu José-ymalu hiyáhoni kihleru reta hiyrun-koxa preso hinotatshri hetwamonutatkalu.
22Hiyáhoni preso hinotatshri towutlu José ptowru preso hajene ruslahyawakapa hiyrun-koxa htowutlu ptowru potuka preso hajeru kamrurtshi ruslahyawakapa.
23Waneya preso hinotatshri hike ruslahyatka klu tshinanu ptowruka José-myo yatka klu tshinanu Tsru Hixikatshriwa Hoyakalu José-ymalu hiyáhoni repixlu José wale ptowruka hkamhaleru.
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 39
39
Potifar Hnunro Kamnixyawaklu José Piranapni
1José Egito tshijne ranikka. Waneya satu Egito hajeru tsru hitakkaluru Potifar tshinkaluru phuru Faraó towreru, phuru Faraó hinotatshine towutjeru hanjitlu José. Ismaelita-nerune José hanikatshine hichanjiylu Potifar.
2Seyni Tsru Hixikatshriwa Hoyakalu José-ymalu wale tshinanu ptowruka kihle hixownale. Htowutjeru Egito hajerupji rawjeta.
3Potifar hetlu Tsru Hixikatshriwa Hoyakalu José-ymalu hiyrun-koxa ptowru potuko hkamhini José Tsru Hixikatshriwa Hoyakalu kihle kosekle rixkaklu.
4Hoyakalu heneklu José kwamon-rixyawakapa htowutjeru Potifar yhaleya hiyáhoni Potifar heneklu José walepji psoluka htowuxyawakapa hiyrun-koxa ptowru rimwaleru rinoxyawaka reneklu.
5Waneya José Potifar-pji psoluka rinotatka. Hiyahokni Tsru Hixikatshriwa Hoyakalu hepixlu Egito-nerupji Tsru Hixikatshriwa Hoyakalu hamoxyawaklu José tshinanu. Ptowruka Potifar himwaleru repixka pantshi hajeru, campo hajer-koxa.
6Potifar ptowruka rimwaleru reneklu José rinoxyawaka hiyáhoni José hislahle tshinanu hike ruslahatka Potifar seyni hnikleru tsonu ruslahatka. José koxa kihle rixmaneta hiyrun-koxa kihle hojru.
7Waneya wane pnutejiji José towutjeru hnunro het-tsotanutatkalu wane ttshinru:
— Wuya pkatshpekapanno!
8Seyni wla htshinro:
— Hike. Nuslahle tshinanu ntowutjeru hike hkojwajnawa pantshi hajeru psoluka, ptowruka rimwaleru hitamyo rutaka.
9Hikeni wane pnute tsru hitakkaluru, hita tsonu hewi pantshiya. Ntowutjeru hike htshipexyano hewiya seyni pixa tsonu htshipexyano klu tshinanu pixa hhanunroyi. Hiyáhoni hanhe nixyawaka wane pa himtukalutu nkamhanu nektuwatanu Hoyakalu yehiya?
10Yáholu tiynumsajetlu José ptowru hohneruka seyni hi hkatshpeklo, hi koxa walastsi rutuka.
11Waneya pa hohne pantshi hjihloka hkamrurewaxyawakapa seyni hi satukna wane kamrurewaxikatshri pantshi hitokote hwakanata.
12Waneya tkachimkalutlu, wla ttshinru:
— Wuya pkatshpekanno.
Seyni wale hichomtlu himkalu wala myoya, rasuka pantshi maleka sreta hyatka.
13Waneya texinixkalu pantshi maleka hyatka rasujyatkalo seyni himkalu wala myo hwatka.
14Ttomhatkana jejine, pantshi hwatshine, waneya wla ttshina:
— Hetanu, nhanuru hanikanwakatwu xye hebreu-neru rapnokaxyawakapwu. Rapyehitno hita hkatshpejyawakapno seyni hipokananu nsaplewatatka.
15Seyni hyijnakoxinixkalu tsru tokanu nix-saplewleta, ruknokamkalumtatka hitastsi waneya rasuka, maleka hyatka.
16Waneya timretlu wale mkalu walastsi haté hsatokatka José towutjeru.
17Waneya tunkaklu wale pirana hiyrunukotnaka, wla ttshinru:
— Wtowreru hebreu-neru panikleru walekni yanwakatno rapnokaxyawakapno.
18Seyni nsaplewaxini tsru saple potuko, ruknoklu himkalu hitamyoya waneya rasukatka, maleka hyatka.
19Waneya José towutjeru xye tokantshi hyijnakoxini ttshinyawaklu hhanunro wla ttshinatka:
— Wla rixno ptowreru.
Hjihekanuwpotutatka Potifar.
20Waneya José towutjeru kachitlu, preso-pji ruknoklu. Wane rutakka preso-pji tsru phuru towrene hitakjexikowaka.
21Seyni Tsru Hixikatshriwa Hoyakalu José-ymalu hiyáhoni kihleru reta hiyrun-koxa preso hinotatshri hetwamonutatkalu.
22Hiyáhoni preso hinotatshri towutlu José ptowru preso hajene ruslahyawakapa hiyrun-koxa htowutlu ptowru potuka preso hajeru kamrurtshi ruslahyawakapa.
23Waneya preso hinotatshri hike ruslahyatka klu tshinanu ptowruka José-myo yatka klu tshinanu Tsru Hixikatshriwa Hoyakalu José-ymalu hiyáhoni repixlu José wale ptowruka hkamhaleru.
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil