Matta 1
1
Sot Yesu Kristi
(Luka 3:23-38)
1Kpa na ban jem sot ji Yesu Kristi na̱n hyok ni nna ni: A̱ yin yet ka̱mbvon Dawuda, Dawuda a̱ ma̱n yet ka̱mbvon Ibrahim.
2Ibrahim nu a̱ yin yet a̱tyyi Ishaku nu;
Ishaku a̱ yet a̱tyyi Yakubu;
Yakubu a̱ yet a̱tyyi Yahuda bu ba̱wumbeyang nu ba sa̱rei;
3Yahuda a̱ byin Farisa bu Zaraha,
Tamara a̱mi a̱ yin yet a̱naa mba nu;
Farisa a̱ byin Hasaruna;
Hasaruna a̱ byin Arama;
4Arama a̱ byin Aminadap;
Aminadap a̱ byin Nahashuna;
Nahashuna a̱ byin Salmuna;
5Salmuna a̱ byin Bwaza,
Rahab a̱mi a̱ yin yet a̱naa nu nu;
Bwaza a̱ byin Obida,
Ra'uta a̱mi a̱ yin yet a̱naa nu nu;
Obida a̱ byin Yassa;
6Yassa a̱ byin A̱gwam Dawuda.
To, Dawuda a̱mi a̱ yin byin Solomon. (Ambyring Uriya nu Dawuda na̱ yin tyyi ba hywat ni a̱mi a̱ yin byin Solomon);
7Solomon a̱ byin Rahabama;
Rahabama a̱ byin Abiya;
Abiya a̱ byin Asa;
8Asa a̱ byin Yahushafata;
Yahushafata a̱ byin Yuramu;
Yuramu a̱ byin Uzaya;
9Uzaya a̱ byin Yutamu;
Yutamu a̱ byin Ahazu;
Ahazu a̱ byin Hizikiya;
10Hizikiya a̱ byin Manassa;
Manassa a̱ byin Amuna;
Amuna a̱ byin Yushaya;
11Yushaya a̱ byin Yakunya bu ba̱wumbeyang nu ba, ka̱ram iya a̱mi ba yin ba bvwa a̱ nat i dikwwa i ka̱byen Babila.
12Ka̱ram ka ban shyi Babila ka ni, Yakunya a̱ byin Sha'altilu;
Sha'altilu a̱ byin Zarubabila;
13Zarubabila a̱ byin Abihudu; Abihudu a̱ byin Aliyakimu;
Aliyakimu a̱ byin Azuru;
14Azuru a̱ byin Saduku;
Saduku a̱ byin Akimu;
Akimu a̱ byin Aliyudu;
15Aliyudu a̱ byin Alazarut;
Alazarut a̱ byin Matanu;
Matanu a̱ byin Yakubu;
16Yakubu a̱ byin Yusufu.
Maryamu a̱mbyring Yusufu nu a̱mi a̱ byin Yesu ban nyei Kristi.
17To, a ryi, nyyai zi Ibrahim bu tat Dawuda, cei swak bu naai a̱mi. Nyyai ka̱ram Dawuda ka bu tat ka̱ram ka ba yin nat ba̱ mba Babila ni, cei swak bu naai. Nyyai ka̱ram ka ban ba̱ kok a̱ nat i Babila ni si tat Kristi, cei swak bu naai brak.
Ka̱sak ka byin Yesu na ku yin dyi ni
(Luka 2:1-7)
18Taka̱i byin na ba yin byin Yesu Kristi ni ku na ni. Yusufu a̱mi a̱ yin kwei Maryamu, ma nyyai na̱ ka̱n ba nyreng Yusufu na ba a̱ shya ka̱hwa. Ka̱hwa ka a̱ yin yet ka̱nying Tswa Ka̱za. 19To, Yusufu a̱ yin yet a̱tsatsak a̱yin, a̱ cat a̱ wruk a̱za̱kpai a̱ tyyi Maryamu nsum ba, ma a̱ cat a̱ ku rak i ka̱nrang. 20Ka̱ram ka na̱n shyi a a̱huhwa a̱ywu ni, a̱pfong Ka̱za a̱yaan a̱ nyyai a̱ ba da̱ nu i ba̱zzak a̱ bu hywa, “Yusufu, ka̱won Dawuda, ryok hok ka̱wun sook Maryamu na̱ yet a̱mbyring nwan ba, rot ka̱hwa ka na̱ shyi mi ni a̱ yet ka̱nying Tswa Ka̱za. 21A̱ ni byin ka̱won ka̱seyang ba ka̱ tyyi diyrek Yesu, rot nu a̱mi a̱ ni tssu ba̱nyet nu ba a̱ tun a a̱ka̱tukyya mba nu.”
22Ku cong ba ba̱cicrak bu kyang a A̱gwam Ka̱za na̱ hywa ka̱nu a̱ntyok tyyei ba̱ryat nu ka ni, 23“A ryi e? Ka̱neyang a̱ yemi a̱ ni shya ka̱hwa a̱ byin ka̱won, ba ka̱ yei Immanuwel.” (Diyrek Immanuwel ti nti yet, “Ka̱za a̱ shyi ba̱ njit”.)
24Yusufu na̱ bu shyek nda ka a̱ tssup ba̱ryat ba a̱pfong Ka̱za nu na̱ ku tyyei ni, a̱ sook Maryamu na̱ yet a̱mbyring nu. 25Ma Yusufu a̱ mon ba̱ nu ba, se na̱ bun byin ka̱won ka, na̱ ma̱n ka̱ yei Yesu.
© 2011, Wycliffe Bible Translators, Inc. All rights reserved.