Matiɔ Gia yə yi kɔ i Kiŋwakti ki Matiɔ kələ mə

Gia yə yi kɔ i Kiŋwakti ki Matiɔ kələ mə

Ntum wi ndzɔŋni wə wi kɔ i Kiŋwakti ki Matiɔ kələ mə, dzakaki a Jisɔs kɔ Kimbwili wə Nyɔ nì kaka. Ntum wi ndzɔŋni wələ kɔ i bəni bəchi fa kuku. Kiŋwakti kələ chusiki a Jisɔs kɔ Mi wi Lanini wi chəŋ wə wi kɛiŋsiki kiəki i fuku baiŋsi gia yə bənchi bə Nyɔ dzakaki. Nlani wi Jisɔs wichi i Kiŋwakti kələ mə kɔ num bə chiŋni i kifwu kite wə (1). Si Jisɔs nì yaka tsə i ŋkwuŋ bɛiŋ ka shinum yisi i laniki bəni a ŋkuŋ bi bɛiŋ kɔ bibɔ (2). Si Jisɔs nì nya ntəfi i bwa bu bə mbaŋ bə̀ jwɔfi ntsɔ bəfaa kɔm nɔm wə wi nì faaŋ bɔ yɛiŋ (3). Bəndi bə̀ Jisɔs nì ti kɔm ŋkuŋ bi bɛiŋ (4). Nlani kɔm fiɛŋ fiə mi wi mbaŋ wi Jisɔs kɔ (5). Nlani kɔm si mbi wələ bi kaaki bəh si ŋkuŋ bi Nyɔ bi dzə.

Kifwu ki gia kə ki kɔ i Kiŋwakti kələ mə

1:1–2:23 Chwɔŋkijuŋ ki bə Jisɔs Klistus bəh si bə nì bwɔ wi

3:1-12 Nɔm wi Jɔn Njulibɔkɔ

3:13–4:11 Si bə nì juli Jisɔs i bɔkɔ mə bəh si Satan nì mɔmsi wi

4:12–18:35 Nɔm wə Jisɔs nì nyaniki fəki i Galili

19:1–20:34 Jisɔs nyə i Galili, ka tsə i Jɛlusalɛm

21:1–27:66 Shi yi Jisɔs yi gɔksini i Jɛlusalɛm bəh i kɔmsi fɛiŋ

28:1-20 Si Bah Jisɔs nì dza i kpi wə, ka chusi gwu i bəni bu

目前选定：

Matiɔ Gia yə yi kɔ i Kiŋwakti ki Matiɔ kələ mə: cug

高亮显示

复制

想要在所有设备上保存你的高亮显示吗？注册或登录

进一步了解Kiŋwakti ki Nyɔ Miŋkaiŋ Mifiaŋ