Matie 1
1
Zezu Kli 'na 'bhaledɛ ne lɛ
(Luke 3.23-38)
1Zezu Kli 'na 'gwɛlenya 'na "kukoweli ne lɛ: Zezu Kli, Davide 'na yu 'na yu yɔ -lɔ "ne Davide, Ablame 'na yu 'na yu yɔ -lɔ.
2Ablame -gwɛle -lɔ Izake, "ne Izake yi -lɔ Zakɔbo gwɛle-, "ne Zakɔbo yi -lɔ Zuda -nyɛ 'ɔ "nowlia 'wɔ "bhaa gwɛle-. 3"Ne Zuda -gwɛle -lɔ Falɛse, Zela 'ɔ "nɔŋɔ Tamale "me. "Ne Falɛse yi -lɔ Eselɔne gwɛle-, "ne Eselɔne yi -lɔ Ylame gwɛle-. 4"Ne Ylame yi -lɔ Aminadabo gwɛle-, "ne Aminadabo yi -lɔ Nasɔne gwɛle-; "ne Naasɔ yi -lɔ Salema gwɛle-. 5"Ne Salema yi -lɔ Booze gwɛle-, Ylaabo "me, "ne Booze yi -lɔ Obɛde gwɛle-; Wlute "me, "ne Obɛde yi -lɔ Jese gwɛle-. 6"Ne Jese yi -lɔ -klɔgbɔnyɔ Davide gwɛle-. "Ne Davide yi -lɔ Salomɔ gwɛle-, Uli "nɔŋɔ "me. 7"Ne Salomɔ yi -lɔ Wloboame gwɛle-; "ne Wloboame yi -lɔ Abia gwɛle-; "ne Abia yi -lɔ Azafo gwɛle-. 8"Ne Azafo yi -lɔ Zozafa gwɛle-; "ne Zozafa yi -lɔ Zolame gwɛle-; "ne Zolame yi -lɔ Oziase gwɛle-. 9"Ne Oziase yi -lɔ Yotame gwɛle-; "ne Yotame yi -lɔ Akaze gwɛle-; "ne Akaze yi -lɔ Ezeciase gwɛle-. 10"Ne Ezeciase yi -lɔ Manase gwɛle-; "ne Manase yi -lɔ Amɔ gwɛle-; "ne Amɔ yi -lɔ Zoziase gwɛle-; 11"Ne Zoziase yi -lɔ Yekonia -nyɛ 'ɔ "nowlia 'wɔ "bhaa gwɛle-, lɔbhɔ 'ye 'wa -kɔmoa 'awɔ -lɔ galu 'yli Babilɔne.
12'Ɛ "kɛ 'ple "bhuɔ ne, "ne Yekonia yi -lɔ Salatiɛle gwɛle-; "ne Salatiɛle yi -lɔ Zolobabɛle gwɛle-. 13"Ne Zolobabɛle yi -lɔ Abiude gwɛle-; "ne Abiude yi -lɔ Eliacime gwɛle-; "ne Eliacime yi -lɔ Azɔle gwɛle-. 14"Ne Azɔle yi -lɔ Sadɔke gwɛle-; "ne Sadɔke yi -lɔ Acime gwɛle-; "ne Acime yi -lɔ Eliude gwɛle-. 15"Ne Eliude yi -lɔ Eleazale gwɛle-; "ne Eleazale yi -lɔ Mata gwɛle-; "ne Mata yi -lɔ Zakɔbo gwɛle-. 16"Ne Zakɔbo yi -lɔ Mali "luwli Zozɛfo gwɛle-, "ne Mali yi -lɔ Zezu -ye 'wa la Klise -wɛ gwɛle-.
17Zaa, -see 'ɛ 'bhale lɛ Ablame "ku "ne 'ɛ sibhɔ lɛ Davide "ku, 'ɛ -yle ŋeyi kogbɔ -mɔnɔ, "ne -see 'ɛ 'bhale Davide "ku -kaa "ne 'ɛ sibhɔ -dee 'wa -noa nɛ Babilɔne galu 'yli -kɔme -wɛ, 'ɛ -yle ŋeyi -kogbɔ -mɔnɔ, 'ɛ 'ple lɛ "bhuɔ ne, "ne 'ɛ sibhɔ Klise "ku -wɛ, 'ɛ -yle ŋeyi -kogbɔ -mɔnɔ.
Zezu Kli 'na gwɛlesɛ
(Luke 2.1-7)
18Zezu Kli 'na -see 'wa -gwɛlo 'na weli ne lɛ: 'Ɔ "nɔ Mali, 'wa 'tebhe- 'awɔ -lɔ Zozɛfo "ku, -mɔ, 'wa -namlɛ nɛ "ku 'kole- "ne Zuzu Wlewle 'na 'bhɛloɛ kɔ, Mali yi -lɔ go 'ye#1.18 'Wa 'tebhe- Mali -mɔ, Zozɛfo "bhaa 'wa -namlɛ "ku kole-.. 19-Mɔ, 'ɔnɛɛ 'tebhetebhewidi Zozɛfo "meŋwinɛlenyɔ yɔ -lɔ, sɔbhɔ za, 'ɔ "ne 'yɔbhɔ -gbɔ 'ɔ "kɔ -zejilɛ "me zu labhale-, zaa, 'ɔ "kɔ 'diɛɛ "me 'beku 'bhale- -se 'nyɔkpɔ te -kɛ "no. 20'Ɔ "pɛ nɛ "ku 'dle "ne "nɔgɔzilɔ yu -lɔ 'yliku sibhɔ 'yla "me, "ne 'ɔ yu -lɔ bhulɛle- nɛɛ: «Zozɛfo, Davide 'na yu 'na yu, te 'se Mali 'na "kulibhiɛ -gɛ 'gu, -mɔ, Zuzu Wlewle -gbɔ -lɔ "ne 'ɔ yi -lɔ go 'ye. 21'Ɔ yi 'widiyu gwɛle-, "ne -e yu Zezu#1.21 Zezu 'sɛ zɔ -gbɔ 'Fuɔnyɔ. ziɛle-, "naa-, 'ɔɔ "kɛ 'ce -lɔ 'ɔnɛɛ -gligbɛnya 'fuɔ, "ne 'ɔ "koa 'ce -lɔ 'wanɛɛ 'nyinyonoli 'na gbo 'wlime -sɛ.»
22Zaa, -ye Anyinɛnyɔ -bhulɛ 'awɔ "guɔkwɔmenyɔ 'na nuɛ "me -wɛ, 'ɛɛ 'wlole- -lɔ 'yli:
23 'A -gɛ 'yli, 'ŋuyu digbɔ -ɔ -namlɛ 'widi yibhlele- yi go 'ye,
"ne 'ɔ yi 'widiyu gwɛle-
"ne 'wa yu 'ce Emanuɛle la, # 1.23
Eza 7.14.
'Ɛ sɛ zɔ nɛɛ: Lagɔ "bhaa -a -kole "ku.
24Zozɛfo "kɛ gɔlɔ- ne, -ye Anyinɛnyɔ 'na "nɔgɔzilɔ -bhulɛlo -wɛ, 'ɛyi 'ye 'ɔ -no -lɔ. "Ne Zozɛfo yi -lɔ Mali "ku 'libhi "ne 'ɔ yu -lɔ sueme kɔme-. 25-Mɔ, Mali "bhaa 'wa "ne "ku -kole -kaa "ne 'ɔ yi -lɔ widiyu gwɛle- "ne Zozɛfo yu -lɔ Zezu ziɛle-.
© 2024 (Active), Wycliffe Bible Translators, Inc. All rights reserved.