Matthieu 8
8
Jésus amadôngéda môsi ébeea éagega
(Bono na Marc 1:40–45, Luc 5:12–16)
1Vamasuma Jésus gô môkôdi, géômbé gévôni soma gémamôaanda. 2Vane môsi ébeea éagega amaviga na gôndé Jésus. Amasiba mabongo medi va mbene aJésus na amamôgondo mbe: Kumu ôkô mbe ônyôngéô ôsadagéô édôngéda me. 3Jésus amakonyo ôgogo edi na amamôbanda. Amamôaabéa mbe: Nanyôngéô égôdôngéda. Odôngi. Tsina na tsina ébeea éedi éagega émadônga. 4Na vane Jésus amamôdékéda mbe: Ombiabeenda ta na môma môvo. Na amamôtôma mbe: Kiaka, ôkétubéda ôtôe woo gôndé môdeekedi adigondoku. Oétsa ôgondoku ômatôma Moïse mbe oma angamenya mbe, ôdôngi.
Jésus amadônéda môyanzi amôgode môsi Rome
(Bono na Luc 7:1–10)
5Vamatsiga Jésus gô Capernaüm, tsesu amôkama amigode amawesea na gôndé Jésus na amamônemba mbe: 6Môyanzi ami andé gô eba yama v’ekoko. Otôe wedi ôkati. Ookô ti pievia épôni. 7Jésus amamôaabéa mbe: Nangaviga gôémôdôngéda. 8Tsesu amigode amamônikéda mbe: Kumu, me tsaba kuanakue gôébambéa éwe mbe ôviga na gô ebami. Vovoko te n’ogi ôtévo. Môyanzine wami angadônga. 9Me dôta nandé gô tsina otômu apeyami. Na me, nandé na migode g’ôtômue wami. Natôma môvo mbe: Kiaka. Akea. Natôma môvo mbe: Viga. Aviga. Natôma môvanzi ami mbe: Inda nani. Angô eenda. 10Vamookô Jésus ôgie ône amasôbasôbana. Na amabeenda ane amamôaandakani mbe: Buéyé gô éongo éetso éaIsraël me madeo tsiena môma ga ôdôô asatsuma ngudi yami paga. 11Nanôbeenda mbe oma ayekani angaviga gô gésa géviga kômbéne na gô gésa gékea yangô. Angadigaa tabudé épo na Abraham na Isaac na Jacob g’ôkumu aNzambé. 12Ivô avo asi éongo éaIsraël angagunyu gô mbadi gô tsina evitsi. Wangô angadéa miéngé na angagéa ngeko gô pievia yaô. 13Na vane, Jésus amatôma tsesu amigode mbe: Kiaka. Ene éduki éwe éngeenanô gôsitsuma éwe ngudi yami paga. Na émabaka te nane. Môyanzine wedi amadônga te gô ndéô nene.
Jésus amadôngéda oma ayekani
(Bono na Marc 1:29–34, Luc 4:38–41)
14Na vane, Jésus amakea na gô eba aPierre. Wangô ameena ôgoyi aPierre, yeene amôgayedi andé yama abeea nzônzônzô. 15Jésus amamôbanda g’ôgogoe na nzônzônzône émadônga. Môgetone amatimôga na amaambéa Jésus.
16Na dikoo, oma amakea na gôndé Jésus na pingô oma amabaka na édidi ébévani. Jésus amapatsa édidie éne n’ogi edi ôtévo. Amadôngéda oma muetso amabeeakani. 17Vane mabégôme mamavovo Esaïe môpandôédi amatasa maNzambé mameenanô. Esaïe amavovo mbe: Amabongo dipôpéa yasô. Na amanôtôa mabeea masô.
Ndongi gôndé ane anyôngéô ékea na Jésus géômbé gévo
(Bono na Luc 9:57–62)
18Jésus ameena géômbé gévôni gô kôbangô edi. Ameenda mbe: Okani na gô dipo tsényé yamubu. 19Mônigôi amige miaNzambé amawesea ne gôndé Jésus na amamôbeenda mbe: Môékédi, nangakea n’ewe na gô tungu yetso dingakeewe. 20Jésus amamônikéda mbe: Ngômba dindé na makii maô. Nyoyi dindé na mebu maô. Ivô me Muana Amôma, tsaba na gédigaa seebôga na seedunda. 21Môvo môneengi aJésus amabeenda Jésus mbe: Kumu, kokoo yeewe, inda me napanga égunyéda téta. 22Ivô Jésus amamônikéda mbe: Oka géômbé gévo n’ami. Ane amawani agunyédéké anguene.
Jésus amadékéda gékunga
(Bono na Marc 4:35–41, Luc 8:22–25)
23Jésus amapeka gô mbôngône n’aneengie edi. 24Tsina na tsina gékungage gémakungéda na miyôkiyôkimie mimeengéa na gô mbôngône. Jésus te andé gô viô gô mbôngône. 25Aneengie amawesea na vandé Jésus gôémôtimôa. Amaamugana mbe: Kumu, wedéa we kabaga tôwa. 26Jésus amaabéa ahngô mbe: ?Anye nôena gomo na nôtatéa nayee? ?Tambô nôgétsumaka ngudi yami paga‐a? Jésus amatimôga na amadékéda gékungage na miyôkiyôkimie. Vane mubue ômaba na sinzii. 27Aneengie muetso amasôbasôbana na amatsapéô mbe: O mônongo amôma ôgobedu na gékunga, buéyé na miyôkiyôkimie.
Jésus amadôngéda amôgôô abaé amabaka n’edidi ébévani
(Bono na Marc 5:1–20, Luc 8:26–39)
28Jésus amabuéa gô dipo tsényé yamubu gô tsenge émadigaa Agadarénien. Amôgôô abaé amadigaaka gô tungu éangii amaviga na vandé Jésus. Omee ane amabaka n’edidi ébévani éadibagaa. N’akaô asiôngôé éôta gô tungune émabakahngô. 29Amôgôôe ane amaadôngana mbe: ?Ewe Muana ANzambé ôbé nayee n’asô? ?Tambô ôvigi gôésiséda we ndéône madeo ésibuéa‐a? 30Va tungu nene vasitongonéké na vamabaka ôbuée angudu ômakiaka ôaa. 31Edidie ébévani émavovo na Jésus mbe: Okô ônyôngéô ékuséda we gôndé omeaa, tambô singa we tôengéa g’ôbuée angudu ôdôô. 32Jésus amatôma éangô mbe: Kiakani. Edidie ébévani émakusa gôndé amôgôôe ane na émakea gôéengéa gô nguduye. Tsina na tsina ôbuée wetso ômasuma môkôdie na gô mubu na ômatôndôméa.
33Akeneyi anguduye amabusuga tungu nene amayavôga ékea na gô mbôka gôénigôa akôa tsangône gamakusédu amôgôôe abaé ane édidie ébévani. 34Vane asi mbôkane muetso amakea gôéwanyéda Jésus. Vameenahngô Jésus ahmamôvooto mbe: Kokooye éwe, nôtôga gô tsenge éasô.
Alliance Biblique du Gabon (Bible Society in Gabon) 1983
Matthieu 8
8
Jésus amadôngéda môsi ébeea éagega
(Bono na Marc 1:40–45, Luc 5:12–16)
1Vamasuma Jésus gô môkôdi, géômbé gévôni soma gémamôaanda. 2Vane môsi ébeea éagega amaviga na gôndé Jésus. Amasiba mabongo medi va mbene aJésus na amamôgondo mbe: Kumu ôkô mbe ônyôngéô ôsadagéô édôngéda me. 3Jésus amakonyo ôgogo edi na amamôbanda. Amamôaabéa mbe: Nanyôngéô égôdôngéda. Odôngi. Tsina na tsina ébeea éedi éagega émadônga. 4Na vane Jésus amamôdékéda mbe: Ombiabeenda ta na môma môvo. Na amamôtôma mbe: Kiaka, ôkétubéda ôtôe woo gôndé môdeekedi adigondoku. Oétsa ôgondoku ômatôma Moïse mbe oma angamenya mbe, ôdôngi.
Jésus amadônéda môyanzi amôgode môsi Rome
(Bono na Luc 7:1–10)
5Vamatsiga Jésus gô Capernaüm, tsesu amôkama amigode amawesea na gôndé Jésus na amamônemba mbe: 6Môyanzi ami andé gô eba yama v’ekoko. Otôe wedi ôkati. Ookô ti pievia épôni. 7Jésus amamôaabéa mbe: Nangaviga gôémôdôngéda. 8Tsesu amigode amamônikéda mbe: Kumu, me tsaba kuanakue gôébambéa éwe mbe ôviga na gô ebami. Vovoko te n’ogi ôtévo. Môyanzine wami angadônga. 9Me dôta nandé gô tsina otômu apeyami. Na me, nandé na migode g’ôtômue wami. Natôma môvo mbe: Kiaka. Akea. Natôma môvo mbe: Viga. Aviga. Natôma môvanzi ami mbe: Inda nani. Angô eenda. 10Vamookô Jésus ôgie ône amasôbasôbana. Na amabeenda ane amamôaandakani mbe: Buéyé gô éongo éetso éaIsraël me madeo tsiena môma ga ôdôô asatsuma ngudi yami paga. 11Nanôbeenda mbe oma ayekani angaviga gô gésa géviga kômbéne na gô gésa gékea yangô. Angadigaa tabudé épo na Abraham na Isaac na Jacob g’ôkumu aNzambé. 12Ivô avo asi éongo éaIsraël angagunyu gô mbadi gô tsina evitsi. Wangô angadéa miéngé na angagéa ngeko gô pievia yaô. 13Na vane, Jésus amatôma tsesu amigode mbe: Kiaka. Ene éduki éwe éngeenanô gôsitsuma éwe ngudi yami paga. Na émabaka te nane. Môyanzine wedi amadônga te gô ndéô nene.
Jésus amadôngéda oma ayekani
(Bono na Marc 1:29–34, Luc 4:38–41)
14Na vane, Jésus amakea na gô eba aPierre. Wangô ameena ôgoyi aPierre, yeene amôgayedi andé yama abeea nzônzônzô. 15Jésus amamôbanda g’ôgogoe na nzônzônzône émadônga. Môgetone amatimôga na amaambéa Jésus.
16Na dikoo, oma amakea na gôndé Jésus na pingô oma amabaka na édidi ébévani. Jésus amapatsa édidie éne n’ogi edi ôtévo. Amadôngéda oma muetso amabeeakani. 17Vane mabégôme mamavovo Esaïe môpandôédi amatasa maNzambé mameenanô. Esaïe amavovo mbe: Amabongo dipôpéa yasô. Na amanôtôa mabeea masô.
Ndongi gôndé ane anyôngéô ékea na Jésus géômbé gévo
(Bono na Luc 9:57–62)
18Jésus ameena géômbé gévôni gô kôbangô edi. Ameenda mbe: Okani na gô dipo tsényé yamubu. 19Mônigôi amige miaNzambé amawesea ne gôndé Jésus na amamôbeenda mbe: Môékédi, nangakea n’ewe na gô tungu yetso dingakeewe. 20Jésus amamônikéda mbe: Ngômba dindé na makii maô. Nyoyi dindé na mebu maô. Ivô me Muana Amôma, tsaba na gédigaa seebôga na seedunda. 21Môvo môneengi aJésus amabeenda Jésus mbe: Kumu, kokoo yeewe, inda me napanga égunyéda téta. 22Ivô Jésus amamônikéda mbe: Oka géômbé gévo n’ami. Ane amawani agunyédéké anguene.
Jésus amadékéda gékunga
(Bono na Marc 4:35–41, Luc 8:22–25)
23Jésus amapeka gô mbôngône n’aneengie edi. 24Tsina na tsina gékungage gémakungéda na miyôkiyôkimie mimeengéa na gô mbôngône. Jésus te andé gô viô gô mbôngône. 25Aneengie amawesea na vandé Jésus gôémôtimôa. Amaamugana mbe: Kumu, wedéa we kabaga tôwa. 26Jésus amaabéa ahngô mbe: ?Anye nôena gomo na nôtatéa nayee? ?Tambô nôgétsumaka ngudi yami paga‐a? Jésus amatimôga na amadékéda gékungage na miyôkiyôkimie. Vane mubue ômaba na sinzii. 27Aneengie muetso amasôbasôbana na amatsapéô mbe: O mônongo amôma ôgobedu na gékunga, buéyé na miyôkiyôkimie.
Jésus amadôngéda amôgôô abaé amabaka n’edidi ébévani
(Bono na Marc 5:1–20, Luc 8:26–39)
28Jésus amabuéa gô dipo tsényé yamubu gô tsenge émadigaa Agadarénien. Amôgôô abaé amadigaaka gô tungu éangii amaviga na vandé Jésus. Omee ane amabaka n’edidi ébévani éadibagaa. N’akaô asiôngôé éôta gô tungune émabakahngô. 29Amôgôôe ane amaadôngana mbe: ?Ewe Muana ANzambé ôbé nayee n’asô? ?Tambô ôvigi gôésiséda we ndéône madeo ésibuéa‐a? 30Va tungu nene vasitongonéké na vamabaka ôbuée angudu ômakiaka ôaa. 31Edidie ébévani émavovo na Jésus mbe: Okô ônyôngéô ékuséda we gôndé omeaa, tambô singa we tôengéa g’ôbuée angudu ôdôô. 32Jésus amatôma éangô mbe: Kiakani. Edidie ébévani émakusa gôndé amôgôôe ane na émakea gôéengéa gô nguduye. Tsina na tsina ôbuée wetso ômasuma môkôdie na gô mubu na ômatôndôméa.
33Akeneyi anguduye amabusuga tungu nene amayavôga ékea na gô mbôka gôénigôa akôa tsangône gamakusédu amôgôôe abaé ane édidie ébévani. 34Vane asi mbôkane muetso amakea gôéwanyéda Jésus. Vameenahngô Jésus ahmamôvooto mbe: Kokooye éwe, nôtôga gô tsenge éasô.
Alliance Biblique du Gabon (Bible Society in Gabon) 1983