Hawaareta 16
16
Ximotiyoosi Phawuloosaranne Sillaasera Gahetis
1Phawuloosi Darbenne Lisxira bis. Yan Ximotiyoosa geetetiya ammaniya asi de7ees. Iya aayiya ammaniya Ayhude maccasi, iya aaway Girike asi. 2Lisxiraninne Iqoniyoonen de7iya ammaneysati Ximotiyoosaba loythidi markatidosona. 3Phawuloosi Ximotiyoosa baara efanaw koydi, iya aaway Girike asi gididaysa he bessan de7iya Ayhude ubbay eriya gisho iya qaxaris. 4Enti katamatara bishe Yerusalaamen de7iya hawaaretinne cimati wothida higgiya ammaneysati naagana mela entaw odishe aadhidosona. 5Hessa gisho, woosa keethati ammanon minnishe, taybonka gallas gallas dari dari bidosona.
Phawuloosi Maqedoone Baanaw Xeegetis
6Iisen qaala odonna mela Geeshsha Ayyaanay enta diggida gisho, Pirgeranne Galatiya biittara aadhidosona. 7Enti Miise zawa gakida wode Bitaane baanaw koydosona. Shin Yesuusa Ayyaanay enta diggis. 8Hessa gisho, enti Miise matara aadhishe Xiro7aada wodhidosona. 9Phawuloosi qamma qoncethan issi Maqedoone asi baako, “Maqedoone pinnada nuna maaddarki” yaagishe eqidi woossishin be7is. 10Qoncethaa I be7idaape guye ellesidi nuuni Maqedoone baanaw koyda. Ayis giiko, wongela yan de7iya asaas odanaw Xoossay nuna xeegidaysa erida.
Liidiya Kiristoosa Ammanasu
11Xiro7aadape dendidi markaben gelidi Samotiraaqe bida, wontetha gallas Naaphule bida. 12Yaape dendidi Maqedoone biittan de7iya Filphisiyuusa katama bida. Filphisiyuusi Roome asay de7iya katama. Nuuni he kataman guutha gallas uttida.
13Sambaata gallas katamaape gaxan Shaafa doonan Ayhudeti Xoossaa woossiya bessi de7eysa eridi yaa bida. He bessan shiiqida maccasaas qaala odida.
14Nuna si7iya asape issi Liidiya geetetiya Tiyatroona katamaape yida, Xoossaa ammanida zo7o afila zal7iya, maccasiya de7awusu. Phawuloosi odeysa iya si7ana mela Xoossay I wozanaa dooyis. 15Liidiya ba soo asaara issife xammaqetidaape guye nuuko, “Hinte tana Godaa tuma ammanasu giiko ta soo yedhite” gada minthada woossasu.
Phawuloosinne Sillaasey Qashetidosona
16Nuuni Xoossaa woossiya bessaa bishin iita ayyaanay I bolla de7idi marothiya issi geela7o gadhindoy nuura gahetasu. Iya kaayada daro miishe ba godatas ehawusu. 17Phawuloosanne nuna kaallada, “Haysati Ubbaafe Bolla Xoossaa aylleta! Enti hinte attana oge odeyisata” gada waassasu.
18Ubba gallas hessada gawusu. Shin Phawuloosi yilotidi guye simmidi, he ayyaana, “Yesuus Kiristoosa sunthan neeni iipe keya” gidi kiittis. Iiraka iita ayyaanay iipe keyi aggis.
19Shin I godati bantaw miishe demmiya ogey dhayidaysa be7idi, Phawuloosanne Sillaase oykidi, dabaaba daynnata sinthe goochi efidosona. 20Daynnata sinthe enta efidi, “Haysati Ayhude asi gidishe nu katamaa asaa daro waaysosona. 21Nuuni Roome biitta asi gidishe ekanawunne oothanaw woga gidonnaba tamaarsoosona” yaagidosona.
22Asay issi bagga gididi, Phawuloosa bollanne Sillaase bolla dendidosona. Daynnati enta ma7uwa qaaridi xam7an shocana mela kiittidosona. 23Enta daro wadhidaape guye, qasho keethi gelsidosona. Qasho keethaa naageysika enta minthi naagana mela kiittidosona. 24Qasho keethaa naageysi he kiita ekidi, Phawuloosanne Sillaase qasho keethas qol7a gelsis. Enta tohuwa duxis.
25Shin giddi bilahe gidiya wode Phawuloosaranne Sillaasera woossishenne mazmure yexishe Xoossaa galatoosona. Qasho keethan de7iya hara asatika enti giyaba si7oosona. 26Qoponna qasho keetha baasoy qaaxana gakanaw biitta qaaxoy hanis. He saatenka penge ubbay dooyetis; qashetida asa ubbaa santhalaatay birsheti wodhis. 27Qasho keethaa naageysi dhiskofe barkida wode qasho keethaa penge ubbay dooyetidaysa be7idi qasho asay kessi eki bidaba daanin bana wodhanaw mashshe ekis. 28Shin Phawuloosi qaala dhoqu oothidi “Nu ubbay haysan de7iya gisho neeni nena qohopa” yaagis.
29Qasho keethaa naageysi xompe woossi ekidi ellesidi gaathi woxis. Kokorishe Phawuloosa sinthaninne Sillaase sinthan gufannis. 30Enta kare kessidi, “Ta godato, taani attanaw ay oothanaw bessii?” yaagis.
31Phawuloosaranne Sillaasera iyako, “Godaa Yesuus Kiristoosa ammana; neeranne ne soo asaara attana” yaagidosona. 32Enti iyasinne iya son de7iya ubbaas Godaa qaala odidosona. 33Qamma he saatenka qasho keetha naageysi enta efidi enta madunthaa meeccis. Ellesidi ba soo asa ubbaara xammaqetis. 34Phawuloosanne Sillaase ba soo efidi entaw kathi aathis. I ba soo asa ubbaara Xoossa ammanida gisho ufaytis.
35Sa7i wontin daynnati, “He asata billa” yaagidi wotaadareta halaqata iyako kiittidosona. 36Qasho keetha naageysi, “Hinte biletana mela daynnati kiittidosona. Hiza, keyidi saro biite” yaagidi he kiita Phawuloosas odis.
37Shin Phawuloosi, “Nuuni Roome asi#16:37 Roome asi: Phawuloosi Roome asi yaagidi bana xeegiday he wode Ayhude biitta haarey Roome kawotethaa gidida gishosa. He wode Roome biittan de7iya asay pirdi bayna garaafetokona. gidishin enti nuna pirdi bayna asaa sinthan wadhidi, qasho keethan yeggidosona. Ha77i nuna geeman keyidi boo goonna? Hanenna, enti banta huuphen yidi nuna kesso” yaagis.
38Wotaadare halaqati daynnatas hessa odin, Phawuloosaranne Sillaasera Roome biitta ase gididaysa si7ida wode yayyidosona. 39Hessa gisho, daynnati yidi entako, “Nuuni hintena qohida” gidoosona. Qasho keethafe kare enta kessidi, katamape keydi baana mela woossidosona. 40Phawuloosaranne Sillaasera qasho keethafe keyidi Liidiya soo bidosona. Yan ammaneysatara gaketidi enta minthethidi keydi bidosona.
The Word for the World International and The Word for the World Ethiopia
Hawaareta 16
16
Ximotiyoosi Phawuloosaranne Sillaasera Gahetis
1Phawuloosi Darbenne Lisxira bis. Yan Ximotiyoosa geetetiya ammaniya asi de7ees. Iya aayiya ammaniya Ayhude maccasi, iya aaway Girike asi. 2Lisxiraninne Iqoniyoonen de7iya ammaneysati Ximotiyoosaba loythidi markatidosona. 3Phawuloosi Ximotiyoosa baara efanaw koydi, iya aaway Girike asi gididaysa he bessan de7iya Ayhude ubbay eriya gisho iya qaxaris. 4Enti katamatara bishe Yerusalaamen de7iya hawaaretinne cimati wothida higgiya ammaneysati naagana mela entaw odishe aadhidosona. 5Hessa gisho, woosa keethati ammanon minnishe, taybonka gallas gallas dari dari bidosona.
Phawuloosi Maqedoone Baanaw Xeegetis
6Iisen qaala odonna mela Geeshsha Ayyaanay enta diggida gisho, Pirgeranne Galatiya biittara aadhidosona. 7Enti Miise zawa gakida wode Bitaane baanaw koydosona. Shin Yesuusa Ayyaanay enta diggis. 8Hessa gisho, enti Miise matara aadhishe Xiro7aada wodhidosona. 9Phawuloosi qamma qoncethan issi Maqedoone asi baako, “Maqedoone pinnada nuna maaddarki” yaagishe eqidi woossishin be7is. 10Qoncethaa I be7idaape guye ellesidi nuuni Maqedoone baanaw koyda. Ayis giiko, wongela yan de7iya asaas odanaw Xoossay nuna xeegidaysa erida.
Liidiya Kiristoosa Ammanasu
11Xiro7aadape dendidi markaben gelidi Samotiraaqe bida, wontetha gallas Naaphule bida. 12Yaape dendidi Maqedoone biittan de7iya Filphisiyuusa katama bida. Filphisiyuusi Roome asay de7iya katama. Nuuni he kataman guutha gallas uttida.
13Sambaata gallas katamaape gaxan Shaafa doonan Ayhudeti Xoossaa woossiya bessi de7eysa eridi yaa bida. He bessan shiiqida maccasaas qaala odida.
14Nuna si7iya asape issi Liidiya geetetiya Tiyatroona katamaape yida, Xoossaa ammanida zo7o afila zal7iya, maccasiya de7awusu. Phawuloosi odeysa iya si7ana mela Xoossay I wozanaa dooyis. 15Liidiya ba soo asaara issife xammaqetidaape guye nuuko, “Hinte tana Godaa tuma ammanasu giiko ta soo yedhite” gada minthada woossasu.
Phawuloosinne Sillaasey Qashetidosona
16Nuuni Xoossaa woossiya bessaa bishin iita ayyaanay I bolla de7idi marothiya issi geela7o gadhindoy nuura gahetasu. Iya kaayada daro miishe ba godatas ehawusu. 17Phawuloosanne nuna kaallada, “Haysati Ubbaafe Bolla Xoossaa aylleta! Enti hinte attana oge odeyisata” gada waassasu.
18Ubba gallas hessada gawusu. Shin Phawuloosi yilotidi guye simmidi, he ayyaana, “Yesuus Kiristoosa sunthan neeni iipe keya” gidi kiittis. Iiraka iita ayyaanay iipe keyi aggis.
19Shin I godati bantaw miishe demmiya ogey dhayidaysa be7idi, Phawuloosanne Sillaase oykidi, dabaaba daynnata sinthe goochi efidosona. 20Daynnata sinthe enta efidi, “Haysati Ayhude asi gidishe nu katamaa asaa daro waaysosona. 21Nuuni Roome biitta asi gidishe ekanawunne oothanaw woga gidonnaba tamaarsoosona” yaagidosona.
22Asay issi bagga gididi, Phawuloosa bollanne Sillaase bolla dendidosona. Daynnati enta ma7uwa qaaridi xam7an shocana mela kiittidosona. 23Enta daro wadhidaape guye, qasho keethi gelsidosona. Qasho keethaa naageysika enta minthi naagana mela kiittidosona. 24Qasho keethaa naageysi he kiita ekidi, Phawuloosanne Sillaase qasho keethas qol7a gelsis. Enta tohuwa duxis.
25Shin giddi bilahe gidiya wode Phawuloosaranne Sillaasera woossishenne mazmure yexishe Xoossaa galatoosona. Qasho keethan de7iya hara asatika enti giyaba si7oosona. 26Qoponna qasho keetha baasoy qaaxana gakanaw biitta qaaxoy hanis. He saatenka penge ubbay dooyetis; qashetida asa ubbaa santhalaatay birsheti wodhis. 27Qasho keethaa naageysi dhiskofe barkida wode qasho keethaa penge ubbay dooyetidaysa be7idi qasho asay kessi eki bidaba daanin bana wodhanaw mashshe ekis. 28Shin Phawuloosi qaala dhoqu oothidi “Nu ubbay haysan de7iya gisho neeni nena qohopa” yaagis.
29Qasho keethaa naageysi xompe woossi ekidi ellesidi gaathi woxis. Kokorishe Phawuloosa sinthaninne Sillaase sinthan gufannis. 30Enta kare kessidi, “Ta godato, taani attanaw ay oothanaw bessii?” yaagis.
31Phawuloosaranne Sillaasera iyako, “Godaa Yesuus Kiristoosa ammana; neeranne ne soo asaara attana” yaagidosona. 32Enti iyasinne iya son de7iya ubbaas Godaa qaala odidosona. 33Qamma he saatenka qasho keetha naageysi enta efidi enta madunthaa meeccis. Ellesidi ba soo asa ubbaara xammaqetis. 34Phawuloosanne Sillaase ba soo efidi entaw kathi aathis. I ba soo asa ubbaara Xoossa ammanida gisho ufaytis.
35Sa7i wontin daynnati, “He asata billa” yaagidi wotaadareta halaqata iyako kiittidosona. 36Qasho keetha naageysi, “Hinte biletana mela daynnati kiittidosona. Hiza, keyidi saro biite” yaagidi he kiita Phawuloosas odis.
37Shin Phawuloosi, “Nuuni Roome asi#16:37 Roome asi: Phawuloosi Roome asi yaagidi bana xeegiday he wode Ayhude biitta haarey Roome kawotethaa gidida gishosa. He wode Roome biittan de7iya asay pirdi bayna garaafetokona. gidishin enti nuna pirdi bayna asaa sinthan wadhidi, qasho keethan yeggidosona. Ha77i nuna geeman keyidi boo goonna? Hanenna, enti banta huuphen yidi nuna kesso” yaagis.
38Wotaadare halaqati daynnatas hessa odin, Phawuloosaranne Sillaasera Roome biitta ase gididaysa si7ida wode yayyidosona. 39Hessa gisho, daynnati yidi entako, “Nuuni hintena qohida” gidoosona. Qasho keethafe kare enta kessidi, katamape keydi baana mela woossidosona. 40Phawuloosaranne Sillaasera qasho keethafe keyidi Liidiya soo bidosona. Yan ammaneysatara gaketidi enta minthethidi keydi bidosona.
The Word for the World International and The Word for the World Ethiopia