Hawaareta 18
18
Phawuloosi Qorontoosan
1Hessafe guye, Phawuloosi Ateenape keyidi, Qorontoosa bis. 2Yan Phanxoosan yeletida issi Ayhude addiya Aqila demmis. Ayhude asa ubbay Roomepe keyana mela kawoy Qalawudiyoosi kiitida gisho guutha wodepe kase I ba mache Phirisqillara Xaalepe yis. Phawuloosi entara gahetanaw bis. 3Iya oosoy entaysada dunkaane siko gidiya gisho, entara uttidi issife oothis. 4Phawuloosi Sambaata ubban Ayhudetanne Giriketa ammanthanaw ayhude woosa keethan palamees.
5Sillaaseynne Ximotiyoosi Maqedoonepe yida wode Phawuloosi ba kumetha wodiya immidi Ayhudetas Yesuusi I, Kiristoosa gidi qaala odis. 6Shin enti Phawuloosa ixidi iya cayin Phawuloosi ba ma7uwape baana qoqofishe, “Hinte gomey hintena oyko; taani hessan de7ike. Hizape guye, taani Ayhude gidonna asaako bayis” yaagis.
7Yaape keyidi Xoossaa goyinniya Titos Yosxoosa geetetiya uraa soo bis. Yosxoosa keethay ayhude woosa keetha matan de7ees. 8Ayhude woosa keetha halaqay Qarisphoosi ba soo asa ubbaara Godaa ammanis. Qorontoosa asatapeka daroti Xoossaa qaala si7ida wode ammanidi xammaqetidosona.
9Goday issi qamma Phawuloosas qoncidi, “Yayyofa; oda, si77i goopa. 10Taani neera de7ayis. Taw ha kataman daro asi de7iya gisho nena qohidi iitaban yeggana asi oonika baawa” yaagis. 11Hessa gisho, Phawuloosi Xoossaa qaala asaa tamaarsishe issi laythinne usupun ageena entara uttis.
12Gaaliyoosi Akaya biitta aysiya wode Ayhudeti issife Phawuloosa bolla dendidi pirda keethi iya efidi, 13“Ha addey higgiya ixidi, asay Xoossaa goyinnana mela oothees” yaagidosona.
14Phawuloosi odetana hanishin, Gaaliyoosi Ayhudetako, “Ayhudeto, hessi iita ooso woyko naaqo gidiyako taani hintebaa danda7ada si7anaw bessees. 15Shin qaalas, sunthasinne hinte higgiyas hinte palamiyaba gidiko hinte, hintew billite; hessa taani pirdike” yaagis. 16Yaatidi, enta pirda keethafe kare kessis. 17Hessafe guye, Girike asa ubbay ayhude woosa keetha halaqaa Sosteneesa oykidi pirda keethaa sinthan wadhidosona. Shin Gaaliyoosi hessa paxaba gibeenna.
Phirisqilla, Aqilanne Aphiloosa
18Phawuloosi daro gallas Qorontoosan uttidaape guye ammaniya asaa sarothidi, Phirisqilliranne Aqilara markaben Soore bis. Shin I baanape sinthe baw gasoy de7iya gisho Kinkire kataman ba huuphiya buluusetis.#Taybo 6:18. 19Enti Efesoona gakida wode Phawuloosi Phirisqillonne Aqila yan aggis. Shin baw ayhude woosa keethi gelidi Ayhudetara odetis. 20Enti bantara daro wode uttana mela Phawuloosa woossidosona shin I ixis. 21Entafe shaaketishe, “Taani yaa baaliya Yerusalaamen bonchanaw bessees. Shin Xoossi giiko hinteko simma yaana” yaagidi Efesoonape markabiyan bis. 22Qisaare gakida wode Yerusalaame bidi woosa keethaa asaa sarothidaape guye Anxooke bis.
23Yan guutha wode gam7idaape guye ammaniya asata ubbaa minthethishe Galatiyaranne Pirgera aadhis.
24Iskindiren yeletida issi Aphiloosa geetetiya Ayhude asi Efesoona bis. I oda eriya asinne Xoossaa qaala daro eriya asi. 25Godaa ogiyaka tamaaris, ayyaanan xuugetidi Yesuusaba suure tamaarsees. Gidoshin, Yohaanisa xinqatiya xalaala erees. 26I ayhude woosa keethan yayyonna tamaarsees. Phirisqillanne Aqili I odeysa si7ida wode bantara soo iya efidi Xoossaa ogiya kaseysafe geeshshidi iyaw odidosona.
27Aphiloosi Akaya baanaw koyin Efesoonan de7iya ammaniya asay iya qofaa ekidi Akayan de7iya ammaneysati iya mokana mela entaw dabdaabiya xaafidosona. I yaa gakida wode Xoossaa aadho keehatetha baggara Yesuus Kiristoosa ammanidaysata daro maaddis. 28Ayis giiko, Yesuusi, I, Kiristoosa gideysa Ayhudetas Xoossaa qaalape qoncisidi deriya sinthan minthi odidi enta lathis.
The Word for the World International and The Word for the World Ethiopia
Hawaareta 18
18
Phawuloosi Qorontoosan
1Hessafe guye, Phawuloosi Ateenape keyidi, Qorontoosa bis. 2Yan Phanxoosan yeletida issi Ayhude addiya Aqila demmis. Ayhude asa ubbay Roomepe keyana mela kawoy Qalawudiyoosi kiitida gisho guutha wodepe kase I ba mache Phirisqillara Xaalepe yis. Phawuloosi entara gahetanaw bis. 3Iya oosoy entaysada dunkaane siko gidiya gisho, entara uttidi issife oothis. 4Phawuloosi Sambaata ubban Ayhudetanne Giriketa ammanthanaw ayhude woosa keethan palamees.
5Sillaaseynne Ximotiyoosi Maqedoonepe yida wode Phawuloosi ba kumetha wodiya immidi Ayhudetas Yesuusi I, Kiristoosa gidi qaala odis. 6Shin enti Phawuloosa ixidi iya cayin Phawuloosi ba ma7uwape baana qoqofishe, “Hinte gomey hintena oyko; taani hessan de7ike. Hizape guye, taani Ayhude gidonna asaako bayis” yaagis.
7Yaape keyidi Xoossaa goyinniya Titos Yosxoosa geetetiya uraa soo bis. Yosxoosa keethay ayhude woosa keetha matan de7ees. 8Ayhude woosa keetha halaqay Qarisphoosi ba soo asa ubbaara Godaa ammanis. Qorontoosa asatapeka daroti Xoossaa qaala si7ida wode ammanidi xammaqetidosona.
9Goday issi qamma Phawuloosas qoncidi, “Yayyofa; oda, si77i goopa. 10Taani neera de7ayis. Taw ha kataman daro asi de7iya gisho nena qohidi iitaban yeggana asi oonika baawa” yaagis. 11Hessa gisho, Phawuloosi Xoossaa qaala asaa tamaarsishe issi laythinne usupun ageena entara uttis.
12Gaaliyoosi Akaya biitta aysiya wode Ayhudeti issife Phawuloosa bolla dendidi pirda keethi iya efidi, 13“Ha addey higgiya ixidi, asay Xoossaa goyinnana mela oothees” yaagidosona.
14Phawuloosi odetana hanishin, Gaaliyoosi Ayhudetako, “Ayhudeto, hessi iita ooso woyko naaqo gidiyako taani hintebaa danda7ada si7anaw bessees. 15Shin qaalas, sunthasinne hinte higgiyas hinte palamiyaba gidiko hinte, hintew billite; hessa taani pirdike” yaagis. 16Yaatidi, enta pirda keethafe kare kessis. 17Hessafe guye, Girike asa ubbay ayhude woosa keetha halaqaa Sosteneesa oykidi pirda keethaa sinthan wadhidosona. Shin Gaaliyoosi hessa paxaba gibeenna.
Phirisqilla, Aqilanne Aphiloosa
18Phawuloosi daro gallas Qorontoosan uttidaape guye ammaniya asaa sarothidi, Phirisqilliranne Aqilara markaben Soore bis. Shin I baanape sinthe baw gasoy de7iya gisho Kinkire kataman ba huuphiya buluusetis.#Taybo 6:18. 19Enti Efesoona gakida wode Phawuloosi Phirisqillonne Aqila yan aggis. Shin baw ayhude woosa keethi gelidi Ayhudetara odetis. 20Enti bantara daro wode uttana mela Phawuloosa woossidosona shin I ixis. 21Entafe shaaketishe, “Taani yaa baaliya Yerusalaamen bonchanaw bessees. Shin Xoossi giiko hinteko simma yaana” yaagidi Efesoonape markabiyan bis. 22Qisaare gakida wode Yerusalaame bidi woosa keethaa asaa sarothidaape guye Anxooke bis.
23Yan guutha wode gam7idaape guye ammaniya asata ubbaa minthethishe Galatiyaranne Pirgera aadhis.
24Iskindiren yeletida issi Aphiloosa geetetiya Ayhude asi Efesoona bis. I oda eriya asinne Xoossaa qaala daro eriya asi. 25Godaa ogiyaka tamaaris, ayyaanan xuugetidi Yesuusaba suure tamaarsees. Gidoshin, Yohaanisa xinqatiya xalaala erees. 26I ayhude woosa keethan yayyonna tamaarsees. Phirisqillanne Aqili I odeysa si7ida wode bantara soo iya efidi Xoossaa ogiya kaseysafe geeshshidi iyaw odidosona.
27Aphiloosi Akaya baanaw koyin Efesoonan de7iya ammaniya asay iya qofaa ekidi Akayan de7iya ammaneysati iya mokana mela entaw dabdaabiya xaafidosona. I yaa gakida wode Xoossaa aadho keehatetha baggara Yesuus Kiristoosa ammanidaysata daro maaddis. 28Ayis giiko, Yesuusi, I, Kiristoosa gideysa Ayhudetas Xoossaa qaalape qoncisidi deriya sinthan minthi odidi enta lathis.
The Word for the World International and The Word for the World Ethiopia