Hawaareta 5
5
Hananiyanne Saphiiro
1Issi Hananiya geetetiya addey ba mache Saphirira gade bayzis. 2He bayzida miishiyape ba machiya erishin bagga ashshidi, attidaysa ehidi hawaaretas immis.
3Shin Phexroosi Hananiyako, “Neeni Geeshsha Ayyaana cimmana melanne gadiya bayzida miishiyape shaakada ashshana mela Xalahey ne wozanan ayis gelidee? 4Neeni bayzanaape kase gadey nebaa gidenneyee? Qassi neeni bayza simminka miishey nebaa gidenneyee? Yaatin, hessa melaba oothanaw ayis ne wozanan qopadii? Neeni Xoossa bolla wordotadasape attishin, asa bolla wordotabaaka” yaagis.
5Hanaani he qaala si7ida mela kundidi hayqis; hessa si7ida ubbay daro yayyis. 6Na7atetha asati soo gelidi iya aha xaaxidi efidi moogidosona.
7Heedzu saatepe guye Hananiya machiya hessa eronna de7ashe Phexroosi de7iyasuwa gelasu. 8Phexroosi iiko, “Hinte gadiya haysa mela miishes bayzidetii? Ane taw oda” yaagis.
Iyaka, “Ee, haysa mela miishes bayzida” yaagasu.
9Phexroosi maccasiw, “Neeranne ne azinara Godaa Ayyaana paacanaw ayis zoretidetii? Heko, ne azina moogida asati karen de7oosona; nenaka enti kare kessana” yaagis.
10Maccasiya iiraka Phexroosa tohuwa matan kundada hayqa aggasu; na7atethati geliya wode hayqidaaro demmidi kare kessidi, I azina matan moogidosona. 11Kumetha woosa keethaynne hessa si7ida hara asa ubbay daro yayyidosona.
Malaalsiyabatanne Malaatata
12Hawaareti daro malaatatanne oorathabata asaa giddon oothosona. Ammaniya ubbay Solomone barandan issife shiiqoosona. 13Hara asape entara gahetanaw issi asika minnibeenna, shin asay enta bonchees. 14Ammaniya addetanne maccasata tayboy kaseysafe darishe bis. 15Hessa gisho, asay harganchota halaninne algan tookidi Phexroosi aadhiya wode iya kuyay entafe issota issota bolla shempana mela oge doonan kessidi wothoosona. 16Qassi daro asay Yerusalaame matan de7iya katamatape harganchotanne tuna ayyaani waaysiya asata ekidi yoosona; ubbayka paxidosona.
Hawaareta Bolla Goodi Dendis
17Kahine halaqaynne iyara de7iya Saduqaaweti ubbay qanaaten kumidi hawaareta bolla dendidosona. 18Hawaareta oykidi deriya qasho keethan yeggidosona. 19Shin Godaa kiitanchoy qamma qasho keetha pengiya dooyidi hawaareta kare kessidi, 20“Bidi, xoossa keethan eqidi ha ooratha de7o qaala asa ubbaas odite” yaagis. 21Hawaareti hessa si7ida wode wonta guura Xoossa Keethi gelidi tamaarso doomidosona.
Kahineta halaqaynne iyara de7eysati yidi, Isra7eele cimata ubbaa xeegi shiishidi hawaareta banta sinthe ehana mela wotaadareta qasho keethi kiittidosona. 22Shin wotaadareti qasho keethi bidi hawaareta demmibookona. Guye simmi yidi deriyas, 23“Nuuni biya wode qasho keetha pengey minthi gordetin, naageysati pengen eqidaysata demmida. Shin nuuni kariya dooyiya wode giddon hari attoshin issi asika baawa” yaagidosona. 24Hessa gisho, Xoossa Keethaa wotaadareta kiitteysinne kahine halaqati hessa si7ida wode, “Hawaareta bolla aybi hanidee?” yaagidi hirgidosona.
25He wode issi addey entako yidi, “Heko, qasho keethi hinte gelsida asati xoossa keethan eqidi asaa tamaarsoosona” yaagidi entaw odis. 26Xoossa Keethaa wotaadareta kiitteysi ba wotaadaretara bidi hawaareta ehis. Shin enti bantana asay shuchan caddana gidi yayyida gisho enta aaddashidi ehidosona.
27Enti hawaareta ehidi, shiiqida shanguwa sinthan essin kahine halaqay entako, 28“Hintena nuuni he uraa sunthan tamaarsonna mela minthidi kiittibooko? Heko, hinte timirtiya Yerusalaame katamaa ubba gathideta. He uraa shempuwas nuna oythanaw qopeetii?” yaagidi oychis.#Maato 27:25.
29Phexroosaranne hanko hawaaretara entaw zaarishe, “Nuuni asas kiitetanaape Xoossas kiitetanaw bessees. 30Masqaliya bolla hinte kaqidi wodhida Yesuusa, nu aawata Xoossay hayqope denthis. 31Isra7eeleti nagaraape simmana melanne enta nagaray atto geetetana mela Xoossay Yesuusa haareysanne ashsheysa oothidi bonchon baape ushacha baggan utisis. 32Hessas nuuni marka; qassi Xoossay bana ammaneysatas immida Geeshsha Ayyaanayka marka” yaagidosona.
33Shiiqida asay hessa si7ida wode daro yilotidi, hawaareta wodhanaw qopidosona. 34Shin asa ubban daro bonchetida Gamaaliyale geeteteysi, issi higge astamaareynne Farsaawey dendi eqidi hawaareta guutha wodes kare kessana mela kiittis. 35Hessafe guye, shiiqida asaako, “Isra7eele asaw, ha asata bolla hinte oothanaw qopiyabaape naagetite. 36Ayis giiko, haysafe kase Tewodaasi bana, ‘Taani gita’ gidi dendin, oyddu xeetu gidiya asati iyara issifidosona. Shin iya wodhin iya kaallida ubbay laaletin pathonna asi gididi attidosona. 37Hessafe guye, asay taybetiya wode Galila Yihudi dendidi daro asa pangayidi kaalethis, shin iyaka wodhin iya kaallida asa ubbay laaletis. 38Ha77ika ta hintew odayis; ha asatape shaaketite; enta bochofite. Ayis giiko, ha qofaanne ha oosuwa asi oothiyaba gidiko dhayana. 39Shin ha qofaynne ha oosoy Xoossafe yidaba gidiko, hinte enta dhaysanaw danda7eketa. Hessada hanishe hinte Xoossara kaccetana” yaagidi odis. Hessa gisho, shiiqida asay Gamaaliyale zoriya ekidosona.
40Hawaareta soo xeegidi lisson garaafisis. Hessafe guye, entako, “Yesuusa suntha nam7antho denthofite” gidi birshidi yeddidosona. 41Yesuusa suntha gisho, enti kawuyanaysi bessiyaba gideysa erida gisho shanguwa sinthafe ufaytishe keyidosona. 42Enti ubba gallas Xoossa keethaninne asaa son Yesuusi I Kiristoosa gideysa tamaarsonne sabbako aggibokona.
The Word for the World International and The Word for the World Ethiopia
Hawaareta 5
5
Hananiyanne Saphiiro
1Issi Hananiya geetetiya addey ba mache Saphirira gade bayzis. 2He bayzida miishiyape ba machiya erishin bagga ashshidi, attidaysa ehidi hawaaretas immis.
3Shin Phexroosi Hananiyako, “Neeni Geeshsha Ayyaana cimmana melanne gadiya bayzida miishiyape shaakada ashshana mela Xalahey ne wozanan ayis gelidee? 4Neeni bayzanaape kase gadey nebaa gidenneyee? Qassi neeni bayza simminka miishey nebaa gidenneyee? Yaatin, hessa melaba oothanaw ayis ne wozanan qopadii? Neeni Xoossa bolla wordotadasape attishin, asa bolla wordotabaaka” yaagis.
5Hanaani he qaala si7ida mela kundidi hayqis; hessa si7ida ubbay daro yayyis. 6Na7atetha asati soo gelidi iya aha xaaxidi efidi moogidosona.
7Heedzu saatepe guye Hananiya machiya hessa eronna de7ashe Phexroosi de7iyasuwa gelasu. 8Phexroosi iiko, “Hinte gadiya haysa mela miishes bayzidetii? Ane taw oda” yaagis.
Iyaka, “Ee, haysa mela miishes bayzida” yaagasu.
9Phexroosi maccasiw, “Neeranne ne azinara Godaa Ayyaana paacanaw ayis zoretidetii? Heko, ne azina moogida asati karen de7oosona; nenaka enti kare kessana” yaagis.
10Maccasiya iiraka Phexroosa tohuwa matan kundada hayqa aggasu; na7atethati geliya wode hayqidaaro demmidi kare kessidi, I azina matan moogidosona. 11Kumetha woosa keethaynne hessa si7ida hara asa ubbay daro yayyidosona.
Malaalsiyabatanne Malaatata
12Hawaareti daro malaatatanne oorathabata asaa giddon oothosona. Ammaniya ubbay Solomone barandan issife shiiqoosona. 13Hara asape entara gahetanaw issi asika minnibeenna, shin asay enta bonchees. 14Ammaniya addetanne maccasata tayboy kaseysafe darishe bis. 15Hessa gisho, asay harganchota halaninne algan tookidi Phexroosi aadhiya wode iya kuyay entafe issota issota bolla shempana mela oge doonan kessidi wothoosona. 16Qassi daro asay Yerusalaame matan de7iya katamatape harganchotanne tuna ayyaani waaysiya asata ekidi yoosona; ubbayka paxidosona.
Hawaareta Bolla Goodi Dendis
17Kahine halaqaynne iyara de7iya Saduqaaweti ubbay qanaaten kumidi hawaareta bolla dendidosona. 18Hawaareta oykidi deriya qasho keethan yeggidosona. 19Shin Godaa kiitanchoy qamma qasho keetha pengiya dooyidi hawaareta kare kessidi, 20“Bidi, xoossa keethan eqidi ha ooratha de7o qaala asa ubbaas odite” yaagis. 21Hawaareti hessa si7ida wode wonta guura Xoossa Keethi gelidi tamaarso doomidosona.
Kahineta halaqaynne iyara de7eysati yidi, Isra7eele cimata ubbaa xeegi shiishidi hawaareta banta sinthe ehana mela wotaadareta qasho keethi kiittidosona. 22Shin wotaadareti qasho keethi bidi hawaareta demmibookona. Guye simmi yidi deriyas, 23“Nuuni biya wode qasho keetha pengey minthi gordetin, naageysati pengen eqidaysata demmida. Shin nuuni kariya dooyiya wode giddon hari attoshin issi asika baawa” yaagidosona. 24Hessa gisho, Xoossa Keethaa wotaadareta kiitteysinne kahine halaqati hessa si7ida wode, “Hawaareta bolla aybi hanidee?” yaagidi hirgidosona.
25He wode issi addey entako yidi, “Heko, qasho keethi hinte gelsida asati xoossa keethan eqidi asaa tamaarsoosona” yaagidi entaw odis. 26Xoossa Keethaa wotaadareta kiitteysi ba wotaadaretara bidi hawaareta ehis. Shin enti bantana asay shuchan caddana gidi yayyida gisho enta aaddashidi ehidosona.
27Enti hawaareta ehidi, shiiqida shanguwa sinthan essin kahine halaqay entako, 28“Hintena nuuni he uraa sunthan tamaarsonna mela minthidi kiittibooko? Heko, hinte timirtiya Yerusalaame katamaa ubba gathideta. He uraa shempuwas nuna oythanaw qopeetii?” yaagidi oychis.#Maato 27:25.
29Phexroosaranne hanko hawaaretara entaw zaarishe, “Nuuni asas kiitetanaape Xoossas kiitetanaw bessees. 30Masqaliya bolla hinte kaqidi wodhida Yesuusa, nu aawata Xoossay hayqope denthis. 31Isra7eeleti nagaraape simmana melanne enta nagaray atto geetetana mela Xoossay Yesuusa haareysanne ashsheysa oothidi bonchon baape ushacha baggan utisis. 32Hessas nuuni marka; qassi Xoossay bana ammaneysatas immida Geeshsha Ayyaanayka marka” yaagidosona.
33Shiiqida asay hessa si7ida wode daro yilotidi, hawaareta wodhanaw qopidosona. 34Shin asa ubban daro bonchetida Gamaaliyale geeteteysi, issi higge astamaareynne Farsaawey dendi eqidi hawaareta guutha wodes kare kessana mela kiittis. 35Hessafe guye, shiiqida asaako, “Isra7eele asaw, ha asata bolla hinte oothanaw qopiyabaape naagetite. 36Ayis giiko, haysafe kase Tewodaasi bana, ‘Taani gita’ gidi dendin, oyddu xeetu gidiya asati iyara issifidosona. Shin iya wodhin iya kaallida ubbay laaletin pathonna asi gididi attidosona. 37Hessafe guye, asay taybetiya wode Galila Yihudi dendidi daro asa pangayidi kaalethis, shin iyaka wodhin iya kaallida asa ubbay laaletis. 38Ha77ika ta hintew odayis; ha asatape shaaketite; enta bochofite. Ayis giiko, ha qofaanne ha oosuwa asi oothiyaba gidiko dhayana. 39Shin ha qofaynne ha oosoy Xoossafe yidaba gidiko, hinte enta dhaysanaw danda7eketa. Hessada hanishe hinte Xoossara kaccetana” yaagidi odis. Hessa gisho, shiiqida asay Gamaaliyale zoriya ekidosona.
40Hawaareta soo xeegidi lisson garaafisis. Hessafe guye, entako, “Yesuusa suntha nam7antho denthofite” gidi birshidi yeddidosona. 41Yesuusa suntha gisho, enti kawuyanaysi bessiyaba gideysa erida gisho shanguwa sinthafe ufaytishe keyidosona. 42Enti ubba gallas Xoossa keethaninne asaa son Yesuusi I Kiristoosa gideysa tamaarsonne sabbako aggibokona.
The Word for the World International and The Word for the World Ethiopia