Medhetethi 14
14
Abramey Looxe Wosisetha
1Sana7oora kawoy Amrafeeli, Elsaare kawoy Ariyooki, Elama kawoy Kolodogomoorinne Goyma kawoy Tidaley oyddu kawotethati wolla, 2ichashu kawotethatara, Soodome kawa Beraara, Gamoora kawa Bersara, Adaama kawa Sen7abera, Xiboyma kawa Sambaranne Zo7aara geetetiya Beella kawuwara oletanaw dendidosona. 3Ha ichashu kawotethati issife shiiqidi Maxine Abba geetetiya Sidima zangaaran banta toora shiishidosona. 4Ha kawotethati tammanne nam7u laythi Kolodogomooras haaretidosona shin tammanne heedzantho laythan iyaw kiitetonna ixidosona. 5Tammanne oyddantho laythan Kolodogomoorinne iyara tobbida kawotethati banta olanchota eki bidi Raafaymeta Astarooten de7iya Qarnayman, Zuzayteta Haaman, Emimeta Sawen de7iya Qiratayman; 6Qassi Hoora biitta asataka derey dariya Sayre biittan oli xoonidi, mela biitta matan de7iya Elfaraana geetetiya bessa gakanaw goodidosona. 7Yaape simmidi, Qaadesa geetetiya Ayin Mispata yidosona. Amaaleqata biitta ubbanne Hazazon Tamaaren de7iya Amooreta biitta oli xoonidi oykidosona.
8Hessafe guye, Soodome kawoy, Gamoora kawoy, Adaama kawoy, Zeboyma kawoy, Zo7aare geetetiya Beella kawoy dendidi Sidima zangaaran olas giigidosona. 9Ha ichashu kawotethati, Elama kawara, Goyma kawara, Sana7oora kawaranne Elsaare kawara ha oyddu kawotethatara oletidosona. 10He wode Sidima zangaaran madeda oykiyabati de7iya ollati de7oosona. Soodome kawoynne Gamoora kawoti olape attanaw baqatishe he ollan wullidosona. Shin hanko heedzu kawotethati zumako baqatidi attidosona. 11Oyddu kawotethati Soodomeninne Gamooran de7iyaba ubba hari attoshin, enta kathaaka bonqidi efidosona. 12Abrame isha na7ay Looxey Soodomen de7iya asi gidiya gisho ika baw de7iyaba ubbara di7etis.
13Hessafe guye, di7eti bida asaape kessi ekida issi asi yidi hanidaba ubba Ibraawe addiya Abrahaames odis. He wode Abramey Amoore addiya Mamire gita mithata matan de7ees. Mamireynne iya ishati Eskolinne Aneeri olaa zaaranaw Abramera caaqidi uttidosona. 14Abramey ba isha na7ay di7etidaysa si7ida wode ba son yeleti diccidi loohida 318 tooranchota ekidi enta geedo kaallidi Daane katama gakanaw bis. 15I baara eki bida tooranchota qamma cugan cugan shaakidi morketa olidi xoonis. Damasqofe pudeha baggara de7iya Hoobe geetetiya bessi gakanaw goodis. 16Yaatidi de7etidaba ubba, ba isha na7a Looxenne iyaw de7iyaba ubba, maccasaanne hara asata woossis ekis.
Malkexaadeqanne Abrame
17Abramey Kolodogomoorinne iyara tobbida kawota xoonidi simmiya wode Soodome kawoy, Kawota Zangaara geetetiya Sawe Zangaaran iya mokanaw keyis.
18Ubbaafe Dhoqa Xoossaa kahiney, Saleema kawoy Malkexaadeqi uythinne woyne ekidi yis. 19I haysada Abrame anjis;
“Salonne sa7a medhida,
Ubbaafe Dhoqa Xoossay nena anjo.
20Ne morketa ne kushen aathidi immida,
Ubbaafe Dhoqa Xoossay galatetto” yaagidi anjis.
Abramey ba demmidaba ubbaafe asraata kessidi Malkexaadeqas immis.
21Soodome kawoy Abrameko, “Shaluwa ne ekada, asaa taw imma” yaagis.
22Shin Abramey Soodome kawako, “Taani Godaas, saluwanne sa7a medhida Ubbaafe Dhoqa Xoossas ta kushiya denthas. 23Neeni, ‘Abrame dure oothiday tana goonnaada’ hari attoshin kire woyko caamma wodoroka ekike. 24Ta asati midaysafe attishin ta aybibaaka ekike. Qassi taara bida Aneeri, Askoolinne Mamirey bantana gakiyaba eko” yaagis.
The Word for the World International and The Word for the World Ethiopia
Medhetethi 14
14
Abramey Looxe Wosisetha
1Sana7oora kawoy Amrafeeli, Elsaare kawoy Ariyooki, Elama kawoy Kolodogomoorinne Goyma kawoy Tidaley oyddu kawotethati wolla, 2ichashu kawotethatara, Soodome kawa Beraara, Gamoora kawa Bersara, Adaama kawa Sen7abera, Xiboyma kawa Sambaranne Zo7aara geetetiya Beella kawuwara oletanaw dendidosona. 3Ha ichashu kawotethati issife shiiqidi Maxine Abba geetetiya Sidima zangaaran banta toora shiishidosona. 4Ha kawotethati tammanne nam7u laythi Kolodogomooras haaretidosona shin tammanne heedzantho laythan iyaw kiitetonna ixidosona. 5Tammanne oyddantho laythan Kolodogomoorinne iyara tobbida kawotethati banta olanchota eki bidi Raafaymeta Astarooten de7iya Qarnayman, Zuzayteta Haaman, Emimeta Sawen de7iya Qiratayman; 6Qassi Hoora biitta asataka derey dariya Sayre biittan oli xoonidi, mela biitta matan de7iya Elfaraana geetetiya bessa gakanaw goodidosona. 7Yaape simmidi, Qaadesa geetetiya Ayin Mispata yidosona. Amaaleqata biitta ubbanne Hazazon Tamaaren de7iya Amooreta biitta oli xoonidi oykidosona.
8Hessafe guye, Soodome kawoy, Gamoora kawoy, Adaama kawoy, Zeboyma kawoy, Zo7aare geetetiya Beella kawoy dendidi Sidima zangaaran olas giigidosona. 9Ha ichashu kawotethati, Elama kawara, Goyma kawara, Sana7oora kawaranne Elsaare kawara ha oyddu kawotethatara oletidosona. 10He wode Sidima zangaaran madeda oykiyabati de7iya ollati de7oosona. Soodome kawoynne Gamoora kawoti olape attanaw baqatishe he ollan wullidosona. Shin hanko heedzu kawotethati zumako baqatidi attidosona. 11Oyddu kawotethati Soodomeninne Gamooran de7iyaba ubba hari attoshin, enta kathaaka bonqidi efidosona. 12Abrame isha na7ay Looxey Soodomen de7iya asi gidiya gisho ika baw de7iyaba ubbara di7etis.
13Hessafe guye, di7eti bida asaape kessi ekida issi asi yidi hanidaba ubba Ibraawe addiya Abrahaames odis. He wode Abramey Amoore addiya Mamire gita mithata matan de7ees. Mamireynne iya ishati Eskolinne Aneeri olaa zaaranaw Abramera caaqidi uttidosona. 14Abramey ba isha na7ay di7etidaysa si7ida wode ba son yeleti diccidi loohida 318 tooranchota ekidi enta geedo kaallidi Daane katama gakanaw bis. 15I baara eki bida tooranchota qamma cugan cugan shaakidi morketa olidi xoonis. Damasqofe pudeha baggara de7iya Hoobe geetetiya bessi gakanaw goodis. 16Yaatidi de7etidaba ubba, ba isha na7a Looxenne iyaw de7iyaba ubba, maccasaanne hara asata woossis ekis.
Malkexaadeqanne Abrame
17Abramey Kolodogomoorinne iyara tobbida kawota xoonidi simmiya wode Soodome kawoy, Kawota Zangaara geetetiya Sawe Zangaaran iya mokanaw keyis.
18Ubbaafe Dhoqa Xoossaa kahiney, Saleema kawoy Malkexaadeqi uythinne woyne ekidi yis. 19I haysada Abrame anjis;
“Salonne sa7a medhida,
Ubbaafe Dhoqa Xoossay nena anjo.
20Ne morketa ne kushen aathidi immida,
Ubbaafe Dhoqa Xoossay galatetto” yaagidi anjis.
Abramey ba demmidaba ubbaafe asraata kessidi Malkexaadeqas immis.
21Soodome kawoy Abrameko, “Shaluwa ne ekada, asaa taw imma” yaagis.
22Shin Abramey Soodome kawako, “Taani Godaas, saluwanne sa7a medhida Ubbaafe Dhoqa Xoossas ta kushiya denthas. 23Neeni, ‘Abrame dure oothiday tana goonnaada’ hari attoshin kire woyko caamma wodoroka ekike. 24Ta asati midaysafe attishin ta aybibaaka ekike. Qassi taara bida Aneeri, Askoolinne Mamirey bantana gakiyaba eko” yaagis.
The Word for the World International and The Word for the World Ethiopia