MATYOO Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ
Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ
Rìwòŋzàg ɗi mɛ̀to mɛ ɓiɓan mɛ ɓi kaàtà ànɛ ɗi wuɓsɛɛ rì ɗi Marikus ɓi ɓìɓan fɛlɛ yɛ̀ɛ ɓi:
- Rìlààlàmɓɛ̀n ɗi ɓɔlɛ ɗi Zyaŋ Bàɓtis (Mt. 3:1-12)
- Yeesus à ɓaɓtɛɛ, Satàn a fèèghrɛ̀n nyi (3:13--4:11)
- Kìsay ki Yeesus à kìghà a Galile: A kighà lɛ à kalì ɓìɓan ɓi Bɛ̀ll, à rèsàg gwìy yi ɓum, à wɔ̀ɔ̀zì ɓɛ̀roroɓ (4:12--18:35).
- Rìkɛ̀ɛ̀ ɗii ɗi a Yorisalɛm (19:1--20:34)
- Bimiɗ à sɔnɗì ànɛ Yeesus à ghagsìghà à Yorisalɛm ɓɛ ɓan nyi, ɓɛ yɔm̀ nyi, ɓɛ wey nyi, wɔ̀lɛ rìghèmɓɛ̀n ɗii, ɗì kìɓan ki lɛ, ajɛ̀m ì rìghèmɓɛ̀n ɗii, à rèèrèsɛ̀ngà a ɓum, ɓi yakà ɓum rìwog (21:1--28:20).
Kìɓan kìfog, Matyoo à rèsii lɛ rì rìfuu yì ɗi Yeesus rì rìyalɛ̀n ɗii, rì ɓìɓan ɓi ɓi kilɛ̀ngà ɓi cɛɓ kii di à kaka man à mɓweɗ (Mt. 1:1--2:23). Lɔŋ ɓi rìtumɛ̀n ɗiǹ Matyoo à ghɛ̀lɛɛ kì rèsii rikuu ɗi mum ɗi Yeesus àrì; Yeesus ànɛn innɛ à ɓiì nɔ̀ɔnɔɔ̀tì ɓi kaàtà ànɛ bimiɗ. Mii mɛ à ghɛ̀lɛɛ nyi kì faà mɛ ri lɛ:
- Kiris ànɛ àrì rìfòm ɗi ɗi ri biì ghɛɓsii ɓum yɛ̀ɛ Bɛ̀ll à kàkà.
- Emanuɛl, yɛɛ lɔɔ lɛ <<Bɛ̀ll rì ɓìsi>>. Àrì roànɛ Bɛ̀ll à roozighà mɛ̀kàg mɛ à faghà ɓi Fìɗyàɓ fi Bee ɓi nyi.
Syeesyee à Ɓɔlɛ ànɛ Matyoo à kàngà àrì tì rì kìɓan kidɛŋ lɛ à taŋzɛɛ kigwey ki ɓi mɛ̀rèsàg mɛ Yeesus ɓi jaŋ yitaǹ:
1) Ɓìɓan ɓi Bɛ̀ll ɓi Yeesus à kpaaghà ɓi dòn aɗyoo (5:1--7:29). Ɓi jàŋ inɛ̀n Yeesus à kpaa yɛ̀ɛ rìgherɛ̀n ɗi kɔɔ̀kɔɔ̀ ɗi ghɛɛ̀sɛɛ kì ɓaà ɓi san ànɛ a ɓɛ̀roɓɛ ɓɛ ri kɛ̀n ɓi kìlɔ̀ŋ ki aɗyoo.
2) Ɓìɓan ɓi ɓɛ̀roɓɛ ɓɛ ghɛɛ̀sɛɛ kì ghagsii ɓɔlɛ à rìyù ɗi kilɔ̀ŋ ki aɗyoo kiŋcèm ɓɛ ghɛɛ̀sɛɛ kì kìi (10).
3) Dàɗkì taàɓɛ̀ɛ̀ yi Yeesus à tekà à ràɗ ɗì kìlɔ̀ŋ ki aɗyoo; ɓi cààmɛ̀n ki kìlɔ̀ŋ kiǹ ki kaka ki nyamɛn, kìɓan kifog ki ri ɓiì ràgɛɛ lɛ tɛntɛ̀ɛ̀n rì ìtèɗ (13).
4) Ɓɛ̀syàpiìtɛ̀rɛ̀ 18 ɓɛ resii lannɛ ɓɔn ɓɛ ɓi nyɔɔnyɔn à kìlɔ̀ŋ ànɛn ɓɛ ghɛɛ̀sɛɛ kì ghɛɓi ɓi rìgeni.
5) Ɓi ɓɛ̀syàpiìtɛ̀rɛ̀ 24 ri 25 Yeesus a reɓi yɛ̀ɛ ɓɛ ghɛɛ̀sɛɛ kì ɓoŋɓoŋi rìkpaŋ ɗi kilɔ̀ŋ ki Bɛ̀ll ɓi rìlèg ɗi zi.
Bi Syeesyee à Ɓɔlɛ ànɛ Matyoo à kàngà, Yeesus àrì fɛlɛ yɛ̀ɛ Nɗèsàg ànɛ à yùu kì nɛmì nyɔɔnyɔn à kìlɔ̀ŋ ànɛn à ki fa ɓɛroɓɛ ɓɛ ɓiì ɗiŋii miì mɛ̀rèsag mɛ ɓɛ ghɛɛ̀sɛɛ kì terì lɛ ɓɛɛ ɓa ɓɛ̀tɛɛzì kìɓan ki kilɔ̀ŋ kiǹ ɓi mis mɛ ɓum ɓɛdɛŋ.
高亮显示
分享
复制
想要在所有设备上保存你的高亮显示吗？ 注册或登录
Bafia Nouveau Testament © Bible Society of Cameroon, 2019.
MATYOO Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ
Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ
Rìwòŋzàg ɗi mɛ̀to mɛ ɓiɓan mɛ ɓi kaàtà ànɛ ɗi wuɓsɛɛ rì ɗi Marikus ɓi ɓìɓan fɛlɛ yɛ̀ɛ ɓi:
- Rìlààlàmɓɛ̀n ɗi ɓɔlɛ ɗi Zyaŋ Bàɓtis (Mt. 3:1-12)
- Yeesus à ɓaɓtɛɛ, Satàn a fèèghrɛ̀n nyi (3:13--4:11)
- Kìsay ki Yeesus à kìghà a Galile: A kighà lɛ à kalì ɓìɓan ɓi Bɛ̀ll, à rèsàg gwìy yi ɓum, à wɔ̀ɔ̀zì ɓɛ̀roroɓ (4:12--18:35).
- Rìkɛ̀ɛ̀ ɗii ɗi a Yorisalɛm (19:1--20:34)
- Bimiɗ à sɔnɗì ànɛ Yeesus à ghagsìghà à Yorisalɛm ɓɛ ɓan nyi, ɓɛ yɔm̀ nyi, ɓɛ wey nyi, wɔ̀lɛ rìghèmɓɛ̀n ɗii, ɗì kìɓan ki lɛ, ajɛ̀m ì rìghèmɓɛ̀n ɗii, à rèèrèsɛ̀ngà a ɓum, ɓi yakà ɓum rìwog (21:1--28:20).
Kìɓan kìfog, Matyoo à rèsii lɛ rì rìfuu yì ɗi Yeesus rì rìyalɛ̀n ɗii, rì ɓìɓan ɓi ɓi kilɛ̀ngà ɓi cɛɓ kii di à kaka man à mɓweɗ (Mt. 1:1--2:23). Lɔŋ ɓi rìtumɛ̀n ɗiǹ Matyoo à ghɛ̀lɛɛ kì rèsii rikuu ɗi mum ɗi Yeesus àrì; Yeesus ànɛn innɛ à ɓiì nɔ̀ɔnɔɔ̀tì ɓi kaàtà ànɛ bimiɗ. Mii mɛ à ghɛ̀lɛɛ nyi kì faà mɛ ri lɛ:
- Kiris ànɛ àrì rìfòm ɗi ɗi ri biì ghɛɓsii ɓum yɛ̀ɛ Bɛ̀ll à kàkà.
- Emanuɛl, yɛɛ lɔɔ lɛ <<Bɛ̀ll rì ɓìsi>>. Àrì roànɛ Bɛ̀ll à roozighà mɛ̀kàg mɛ à faghà ɓi Fìɗyàɓ fi Bee ɓi nyi.
Syeesyee à Ɓɔlɛ ànɛ Matyoo à kàngà àrì tì rì kìɓan kidɛŋ lɛ à taŋzɛɛ kigwey ki ɓi mɛ̀rèsàg mɛ Yeesus ɓi jaŋ yitaǹ:
1) Ɓìɓan ɓi Bɛ̀ll ɓi Yeesus à kpaaghà ɓi dòn aɗyoo (5:1--7:29). Ɓi jàŋ inɛ̀n Yeesus à kpaa yɛ̀ɛ rìgherɛ̀n ɗi kɔɔ̀kɔɔ̀ ɗi ghɛɛ̀sɛɛ kì ɓaà ɓi san ànɛ a ɓɛ̀roɓɛ ɓɛ ri kɛ̀n ɓi kìlɔ̀ŋ ki aɗyoo.
2) Ɓìɓan ɓi ɓɛ̀roɓɛ ɓɛ ghɛɛ̀sɛɛ kì ghagsii ɓɔlɛ à rìyù ɗi kilɔ̀ŋ ki aɗyoo kiŋcèm ɓɛ ghɛɛ̀sɛɛ kì kìi (10).
3) Dàɗkì taàɓɛ̀ɛ̀ yi Yeesus à tekà à ràɗ ɗì kìlɔ̀ŋ ki aɗyoo; ɓi cààmɛ̀n ki kìlɔ̀ŋ kiǹ ki kaka ki nyamɛn, kìɓan kifog ki ri ɓiì ràgɛɛ lɛ tɛntɛ̀ɛ̀n rì ìtèɗ (13).
4) Ɓɛ̀syàpiìtɛ̀rɛ̀ 18 ɓɛ resii lannɛ ɓɔn ɓɛ ɓi nyɔɔnyɔn à kìlɔ̀ŋ ànɛn ɓɛ ghɛɛ̀sɛɛ kì ghɛɓi ɓi rìgeni.
5) Ɓi ɓɛ̀syàpiìtɛ̀rɛ̀ 24 ri 25 Yeesus a reɓi yɛ̀ɛ ɓɛ ghɛɛ̀sɛɛ kì ɓoŋɓoŋi rìkpaŋ ɗi kilɔ̀ŋ ki Bɛ̀ll ɓi rìlèg ɗi zi.
Bi Syeesyee à Ɓɔlɛ ànɛ Matyoo à kàngà, Yeesus àrì fɛlɛ yɛ̀ɛ Nɗèsàg ànɛ à yùu kì nɛmì nyɔɔnyɔn à kìlɔ̀ŋ ànɛn à ki fa ɓɛroɓɛ ɓɛ ɓiì ɗiŋii miì mɛ̀rèsag mɛ ɓɛ ghɛɛ̀sɛɛ kì terì lɛ ɓɛɛ ɓa ɓɛ̀tɛɛzì kìɓan ki kilɔ̀ŋ kiǹ ɓi mis mɛ ɓum ɓɛdɛŋ.
Bafia Nouveau Testament © Bible Society of Cameroon, 2019.