Matayo 4
4
Kutepaulwa kwa Jeso
(Maako 1:12-13; Luka 4:1-13)
1Kuhwaawo Jeso wakasololelwa u Moza Usalala kuya mulukula ukutepaulwa kwa Shaatani. 2Naakamana kuliimya kulya kwa mazuba ali makumi one, wakafwa inzala. 3Mutepauzhi wakeza kwakwe wamwaambila ati, “Naa uli mwanakwe Leza cini cini aambile mabwe aza cibe cinkwa.”
4Jeso wakaingula ati, “Kulilembelwe ati muntu taponeni kulya cinkwa caloolona pele ulapona kwizwi lyoonse lihwa ku mulomo wa Leza.”#Ciz 8:3
5Ubobo Shaatani wakamutola Jeso ku munzhi usalala ku Jelusalemu wamulizika alululi lwa ŋanda ya Leza. 6Wamwita ati, “Naa uli mwanakwe Leza lifwuse anshi, nkaambo kulilembelwe ati,
“‘Leza ulakalailila baanjelo bakwe kwaamba bakakukobelele
ati utakabi nuulifwumpula kucituta cako.’”#Inte 91:11-12
7Jeso wakaingula ati, “Ulimwi kulilembelwe ati, ‘Utasunki Mwami Leza wako.’”#Ciz 6:16
8Ulimwi Shaatani wakamutola ku lupili lulamfwu kumutondezha mami anshi u bulemu bwawo. 9Amane wamwita ati, “shoonse sheshi ndakupa kufwumbwa kuti wamfwukamina u kunkomba.”
10Jeso wakamwita ati, “Ahwe awa Shaatani! Inta kulilembelwe ati, ‘Komba Mwami Leza wako ulimwi umusebezele ice nana.’ ”#Ciz 6:13
11Kuhwaawo Shaatani wakamushiya ngoonaawo baanjelo bakeza kumufwutaucila.
Jeso Wakanka Kukambauka Mu Galilaya
(Maako 1:14-15; Luka 4:14-15)
12Jeso naakateelela ati Johani waangwa, wakapiluka ku Galilaya. 13Wakakuhwa ku Nanzaleta waya kukala mu munzhi wa Kapenaumi, wakaakuli kumbali ku lwaatele lwa Galilaya mumashi a Zebuluni u Nafutali, 14kwaamba makani akaamba mushinshimi Aizaya azuzucizhiwe aakuti,
15 #
Aiz 9:1, 2 “U cishi ca Zebuluni u cishi ca Nafutali,
kolya kunzhila iiya ku lwaatele kuluya lumwi lwa Joodani,
Galilaya wa bantu bakunze,
16bantu bakaakuli u mushinze
boobona mumuni mukando.
Kuli babo bali mucinhule ca lufwu
mumuni ulakabamunicila.”#Aiz 9:1-2
17Ku ciindi ceco Jeso wakakanka kukambauka ati, “Amusanduke, nkaambo bwami bwa kwizeulu buli afwaafwi.”
Jeso Weta ba Bashiciiya Bataanzhi
(Maako 1:16-20; Luka 5:1-11)
18Jeso naakaakuya bweenda kumbali ku lwaatele lwa Galilaya, wakabona Saimoni uutewa ati Pita u Andulu munina balawaala kanyandi mu meenzhi nkaambo kabali bazezhi. 19Jeso wakabaambila ati, “Amuncilile kwaamba nkamucite bazezhi babantu.” 20Ngoonaawo bakatushiya tunyandi twabo bamucilila.
21Eende bulyo kuhwaawo wakabona ubamwi ba bunina banakwe Zebedi ba Jemusi u Johani bali mu bwato balasasa tunyandi twabo uushabo. Abo babo wakabeta, 22ngoonaawo bakabushiya bwato uushabo bamucilila.
Jeso Wakambauka u Kuponya Balwazhi
(Luka 6:17-19)
23Jeso wakeenda mu Galilaya moonse ulaya buyiisha mu shikombelo shaba Juda, u kukambauka Makani Mabotu aabwami, u kuponya malwazhi aandeene andeene akati ka bantu. 24Impuwo yakwe yakazuwa moonse mu Siliya, ubobo bantu bakamuletela boonse bakaakusata malwazhi u shicisa shamishobo yoonse. Bakabaleta boonse bakaakunjililwe myoza mibiyabi, bashikasuntu, u babo bali mibili yakaakuzuminine, boonse baba wakabashilika bakapona. 25Makamu makamu a bantu akahwa ku Galilaya ku Dekapolisi, ku Jelusalemu, ku Judiya uba ku cishi cili kumutala wa Joodani akamucilila.
Ila New Testament © Bible Society of Zambia, 2015.
Matayo 4
4
Kutepaulwa kwa Jeso
(Maako 1:12-13; Luka 4:1-13)
1Kuhwaawo Jeso wakasololelwa u Moza Usalala kuya mulukula ukutepaulwa kwa Shaatani. 2Naakamana kuliimya kulya kwa mazuba ali makumi one, wakafwa inzala. 3Mutepauzhi wakeza kwakwe wamwaambila ati, “Naa uli mwanakwe Leza cini cini aambile mabwe aza cibe cinkwa.”
4Jeso wakaingula ati, “Kulilembelwe ati muntu taponeni kulya cinkwa caloolona pele ulapona kwizwi lyoonse lihwa ku mulomo wa Leza.”#Ciz 8:3
5Ubobo Shaatani wakamutola Jeso ku munzhi usalala ku Jelusalemu wamulizika alululi lwa ŋanda ya Leza. 6Wamwita ati, “Naa uli mwanakwe Leza lifwuse anshi, nkaambo kulilembelwe ati,
“‘Leza ulakalailila baanjelo bakwe kwaamba bakakukobelele
ati utakabi nuulifwumpula kucituta cako.’”#Inte 91:11-12
7Jeso wakaingula ati, “Ulimwi kulilembelwe ati, ‘Utasunki Mwami Leza wako.’”#Ciz 6:16
8Ulimwi Shaatani wakamutola ku lupili lulamfwu kumutondezha mami anshi u bulemu bwawo. 9Amane wamwita ati, “shoonse sheshi ndakupa kufwumbwa kuti wamfwukamina u kunkomba.”
10Jeso wakamwita ati, “Ahwe awa Shaatani! Inta kulilembelwe ati, ‘Komba Mwami Leza wako ulimwi umusebezele ice nana.’ ”#Ciz 6:13
11Kuhwaawo Shaatani wakamushiya ngoonaawo baanjelo bakeza kumufwutaucila.
Jeso Wakanka Kukambauka Mu Galilaya
(Maako 1:14-15; Luka 4:14-15)
12Jeso naakateelela ati Johani waangwa, wakapiluka ku Galilaya. 13Wakakuhwa ku Nanzaleta waya kukala mu munzhi wa Kapenaumi, wakaakuli kumbali ku lwaatele lwa Galilaya mumashi a Zebuluni u Nafutali, 14kwaamba makani akaamba mushinshimi Aizaya azuzucizhiwe aakuti,
15 #
Aiz 9:1, 2 “U cishi ca Zebuluni u cishi ca Nafutali,
kolya kunzhila iiya ku lwaatele kuluya lumwi lwa Joodani,
Galilaya wa bantu bakunze,
16bantu bakaakuli u mushinze
boobona mumuni mukando.
Kuli babo bali mucinhule ca lufwu
mumuni ulakabamunicila.”#Aiz 9:1-2
17Ku ciindi ceco Jeso wakakanka kukambauka ati, “Amusanduke, nkaambo bwami bwa kwizeulu buli afwaafwi.”
Jeso Weta ba Bashiciiya Bataanzhi
(Maako 1:16-20; Luka 5:1-11)
18Jeso naakaakuya bweenda kumbali ku lwaatele lwa Galilaya, wakabona Saimoni uutewa ati Pita u Andulu munina balawaala kanyandi mu meenzhi nkaambo kabali bazezhi. 19Jeso wakabaambila ati, “Amuncilile kwaamba nkamucite bazezhi babantu.” 20Ngoonaawo bakatushiya tunyandi twabo bamucilila.
21Eende bulyo kuhwaawo wakabona ubamwi ba bunina banakwe Zebedi ba Jemusi u Johani bali mu bwato balasasa tunyandi twabo uushabo. Abo babo wakabeta, 22ngoonaawo bakabushiya bwato uushabo bamucilila.
Jeso Wakambauka u Kuponya Balwazhi
(Luka 6:17-19)
23Jeso wakeenda mu Galilaya moonse ulaya buyiisha mu shikombelo shaba Juda, u kukambauka Makani Mabotu aabwami, u kuponya malwazhi aandeene andeene akati ka bantu. 24Impuwo yakwe yakazuwa moonse mu Siliya, ubobo bantu bakamuletela boonse bakaakusata malwazhi u shicisa shamishobo yoonse. Bakabaleta boonse bakaakunjililwe myoza mibiyabi, bashikasuntu, u babo bali mibili yakaakuzuminine, boonse baba wakabashilika bakapona. 25Makamu makamu a bantu akahwa ku Galilaya ku Dekapolisi, ku Jelusalemu, ku Judiya uba ku cishi cili kumutala wa Joodani akamucilila.
Ila New Testament © Bible Society of Zambia, 2015.