Mwanduso 6
6
Ghehile gha iwanu
1Iwanu hawongetseke muisi na kweleka iwana mapinga, 2iwana we Imulungu tsawawona iwana we iwanu wanogha, na chila yumwe kamkwela yula iyamsaghule. 3Kuya IMNDEWA kalonga, “Sitsowaleka baye iwanu wakale ghamatsuwa ghose, watsakufa. Kulawa sambi na kughendelela ng'awatsokala baye kubita miyaka miya imwe na ishirini.” 4Mna ghamatsuwa ghala, hata hambele muisi tsakukala ne mitsinu mikulu iyelekighwe ne iwana we Imulungu iwawasile ne iwana mapinga we iwanu. Awo iwo iwanu iwakalile wane ngupfu na iwamanyike ghamatsuwa agho. Tsawakemighwa Wanefili.
5IMNDEWA kawona iwanu wotenda ghehile ng'ani na ghose ghawokwalangula mna mimoyo yawo gheha ghamatsuwa ghose. 6IMNDEWA kaghanzika ng'ani kumlumba imunu muisi, na kona usungu sideke mmoyo mwake. 7Apfo IMNDEWA kalonga, “Nitsowakoma iwanu wose yaniwalumbile iwali muisi, pfipfila nitsowakoma iwanyama na pfilumbe iwotambala na iwapfideghe. Nakona usungu kwaapfila tsaniwalumba muisi.” 8Lekeni Nuhu tsakoneka kanogha kwe IMNDEWA.
Nuhu
9Aino mbuli ya Nuhu.
Nuhu tsakakala imunu yanoghile yaliheka, tsakakala kahela totso mna ghamatsuwa ghake. Yang'ali yokala pfinoghile ne Imulungu. 10Nuhu tsakakala ne iwana wadatu, Shemu, Hamu na Yafeti.
11Imulungu kayona isi iha ghendo, imema ughobo. 12Imulungu kailola isi, kayona ikala iha, kwaapfila iwanu wose wang'ali wokala pfihile.
13Apfo Imulungu kamlongela Nuhu, “Nitsowakoma iwanu wose iwali muisi, kwaapfila woimemesa ughobo isi yose. Nolongesa nitsowakoma wose na isi yose. 14Apfo witsengele safina kwa mbiki wa mmingo, utende pfiheleto mghati mwake na uibakatse lami mghati na kunze. 15Uitsenge pfino. Utali wake mita mia imwe selasini na tisa, ughatsi wake mita ishilini na tano na kulawa hasi mbaka mchanya iwe mita kumi na tano. 16Safina ayo iwe na kano ndatu, ya kuchanya, ya haghati na ya kuhisi, na wike libani mlubapfu. Wike nusu mita mghati mwe chiswili na kano. 17Ulole, nitsoghala gharika muisi mwose, kuwakoma iwapfilumbe wose iwali muisi. Ichinu chochose ichili muisi chitsakufa. 18Lekeni nitsakwika laghano na ghweghwe, kutsakwingila mna safina, ghweghwe na mwehe wako na iwanagho hamwe ne iwapinga wawo. 19Uwaghale mna safina wapfilumbe weli weli, immale ne ipinga, ili wawe waghima hamwe naghwe. 20Usole wapfideghe weli weli wa chila aina, wanyama weli weli wa chila aina na awala iwotambala weli weli, ili wawe waghima hamwe naghwe. 21Usole pfijo pfose na wikile chijo kwaajili yenu na kwaajili yawo.” 22Nuhu katenda ka Imulungu pfayamlaghitse.
Mwanduso 6
6
Ghehile gha iwanu
1Iwanu hawongetseke muisi na kweleka iwana mapinga, 2iwana we Imulungu tsawawona iwana we iwanu wanogha, na chila yumwe kamkwela yula iyamsaghule. 3Kuya IMNDEWA kalonga, “Sitsowaleka baye iwanu wakale ghamatsuwa ghose, watsakufa. Kulawa sambi na kughendelela ng'awatsokala baye kubita miyaka miya imwe na ishirini.” 4Mna ghamatsuwa ghala, hata hambele muisi tsakukala ne mitsinu mikulu iyelekighwe ne iwana we Imulungu iwawasile ne iwana mapinga we iwanu. Awo iwo iwanu iwakalile wane ngupfu na iwamanyike ghamatsuwa agho. Tsawakemighwa Wanefili.
5IMNDEWA kawona iwanu wotenda ghehile ng'ani na ghose ghawokwalangula mna mimoyo yawo gheha ghamatsuwa ghose. 6IMNDEWA kaghanzika ng'ani kumlumba imunu muisi, na kona usungu sideke mmoyo mwake. 7Apfo IMNDEWA kalonga, “Nitsowakoma iwanu wose yaniwalumbile iwali muisi, pfipfila nitsowakoma iwanyama na pfilumbe iwotambala na iwapfideghe. Nakona usungu kwaapfila tsaniwalumba muisi.” 8Lekeni Nuhu tsakoneka kanogha kwe IMNDEWA.
Nuhu
9Aino mbuli ya Nuhu.
Nuhu tsakakala imunu yanoghile yaliheka, tsakakala kahela totso mna ghamatsuwa ghake. Yang'ali yokala pfinoghile ne Imulungu. 10Nuhu tsakakala ne iwana wadatu, Shemu, Hamu na Yafeti.
11Imulungu kayona isi iha ghendo, imema ughobo. 12Imulungu kailola isi, kayona ikala iha, kwaapfila iwanu wose wang'ali wokala pfihile.
13Apfo Imulungu kamlongela Nuhu, “Nitsowakoma iwanu wose iwali muisi, kwaapfila woimemesa ughobo isi yose. Nolongesa nitsowakoma wose na isi yose. 14Apfo witsengele safina kwa mbiki wa mmingo, utende pfiheleto mghati mwake na uibakatse lami mghati na kunze. 15Uitsenge pfino. Utali wake mita mia imwe selasini na tisa, ughatsi wake mita ishilini na tano na kulawa hasi mbaka mchanya iwe mita kumi na tano. 16Safina ayo iwe na kano ndatu, ya kuchanya, ya haghati na ya kuhisi, na wike libani mlubapfu. Wike nusu mita mghati mwe chiswili na kano. 17Ulole, nitsoghala gharika muisi mwose, kuwakoma iwapfilumbe wose iwali muisi. Ichinu chochose ichili muisi chitsakufa. 18Lekeni nitsakwika laghano na ghweghwe, kutsakwingila mna safina, ghweghwe na mwehe wako na iwanagho hamwe ne iwapinga wawo. 19Uwaghale mna safina wapfilumbe weli weli, immale ne ipinga, ili wawe waghima hamwe naghwe. 20Usole wapfideghe weli weli wa chila aina, wanyama weli weli wa chila aina na awala iwotambala weli weli, ili wawe waghima hamwe naghwe. 21Usole pfijo pfose na wikile chijo kwaajili yenu na kwaajili yawo.” 22Nuhu katenda ka Imulungu pfayamlaghitse.
