Jenesis 9 的熱門經文

分享

Hag yn-medh Duw, ‘Hemm yw tokyn a'n kevambos esov ow kul yntra my ha hwi ha pub kreatur bew usi genowgh, bys vykken ha bynnari. My a worr ow gwarak y'n kommol, ha hi a vydh tokyn a gevambos yntra my ha'n norvys.

Ha'n warak a vydh y'n kommol ha my a vir orti may perthiv kov a'n kevambos bys vykken yntra Duw ha pub kreatur bew a bub kig usi war an nor.’

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

Ha Duw a vennigas Noy ha'y vebyon ha leverel dhedha, ‘Degewgh frut ha kressyewgh ha lenwel an nor.

Pup-tra ow kwaya hag a vew a vydh boes ragowgh. Kepar ha'n losow glas, my re ros dhywgh pup-tra.

Hag own ahanowgh hag euth ahanowgh a vydh war bub best a'n nor ha war bub edhen a'n ayr, war beub ow kwaya war an tir, war oll puskes an mor. I a vydh res yn agas dorn.

Ha hwi, degewgh frut ha kressyewgh. Omlesewgh war an nor ha kressyewgh warnodho.’