Chɛ̄nɛ̍se̍ē 7 的熱門經文

分享

Mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl Nu̍u̍wā āā, “Lu̍ɛ̍i̍ o̍ dɛ̄ndɔ̄ɔ̍ ni᷄ŋ nya̍ yu̍ŋgu̍ nu̍mndo̍ fa̍ū. Kāni̍ fu̍u̍le̍, wāŋnda̍ o̍ chi̍e̍ēŋndo̍ ni᷄ŋ fa̍ū, mɛ̄ɛ̍ nūm mi̍ Sa̍a̍lu᷄ŋ wa̍nā sa̍kpō nda̍ tɛ̄ɛ̄ŋ.

Mɛ̄ŋnda̍ŋ mā lo̍ o̍ chi̍e̍ēŋndo̍ chōo̍ ha̍a̍a̍, mɛ̄ɛ̍ mbo̍ kūā pālɛ̍i̍ kɛ̄mɛ̄ a̍ be̍le̍-ŋu̍ɛ̍ɛ̍nu̍ (150) ma̍lāŋ ma̍ ka̍ndū to̍lɔ̄ɔ̍.

Mi̍ pīɔ̄ɔ̄ bɛ̄ndū bɛ̍ndōo̍ būlī o̍ ha̍la̍ bu᷅. Mi̍ mɛ̄ŋma̍ cho̍ o̍ lɛ̄ŋnde̍ŋ bɛ̄ŋgu̍ wa̍ŋ mā būlī bā o̍ bā o̍ chi̍e̍ēŋndo̍ chōo̍. Wɔ̄sī Nu̍u̍wā chi̍ŋa̍ wɔ̄sīla̍ŋ kɛ̄mɔ̄ɔ̍ lē ŋɔ᷄mpu᷅m ndo̍ (600), pāŋgi̍i̍ di̍i̍ŋ ndūɛ̍i̍ o̍ wɔ̄sī kōŋ ni᷄ŋ mālɔ̄ tɔ̍ a̍ lē ŋɔ᷄mmɛ̍ū, pāa̍le̍ le̍ŋ pīɔ̄ɔ̄ bɛ̄ndōo̍ ho̍ō ō kāndu̍ sīa̍a̍ ni̍, mi̍ mɛ̄ŋnda̍ŋ mā kāndū chi̍e̍ēŋndo̍ chūa̍a̍. Kɛ̍ pāa̍le̍ pīɔ̍ɔ̍ kāndu̍ le̍ŋ si̍a̍a̍ le̍ŋ, Nu̍u̍wā ni̍, a̍ pūa̍a̍ ndūa̍a̍, Si̍ɛ̄m a̍ Ha̍ām a̍ Cha̍fɛ̍tī, a̍ Nu̍u̍wā la̍a̍ ndɔ̄, a̍ lāāndāā ya̍a̍wa̍a̍ pūa̍a̍ ndūa̍a̍, nda̍ a̍a̍ lu̍ɛ̍i̍nu᷄ŋ ni᷄ŋ fɛ̍lɛ̍ŋ o̍ dɛ̄ndɔ̄ɔ̍ ni᷄ŋ. Nda̍ ni̍, a̍ vīsīāā yōndūa̍a̍ su̍u̍ o̍ su̍u̍, a̍ vīsīāā chi̍e̍e̍ ni̍ŋnda̍ su̍u̍ o̍ su̍u̍, nyɛ̄ o̍ nyɛ̄ yōōmu̍, a̍ su̍u̍la̍ŋ le̍nde̍ yɛ̍ yɛ̍. Yōūwa̍ ni̍, a̍ nyɛ̄ o̍ nyɛ̍ nɔ̍ kūmba᷅ŋnda̍ŋ, a̍ su̍u̍la̍ŋ le̍nde̍ yɛ̍ yɛ̍, nda̍ kpo̍u̍ nda̍ a̍a̍ lu̍ɛ̍i̍nu᷄ŋ ni᷄ŋ o̍ dɛ̄ndɔ̄ɔ̍ ni᷄ŋ. Nyɛ̄ o̍ nyɛ̍ cho̍ nyɛ̄ yōōmāā, ma̍ hūŋ nāa̍ Nu̍u̍wā chu̍a̍ ā ŋīɔ̍ɔ̍ŋ ŋi̍ɔ̍ɔ̍ŋ, ma̍ lūɛ̄ī o̍ dɛ̄ndɔ̄ɔ̍ ni᷄ŋ. Mi̍ nyɛ̄ o̍ nyɛ̄ yōōmāā lūɛ̄ī le̍nde̍, ō pīāāndōo̍ a̍ ō lāāndōo̍, mɛ̄ɛ̍ Mɛ̄lɛ̄ka̍ dīmu̍l Nu̍u̍wā yɛ̍. Mɛ̄ɛ̍ nda̍ chīi̍ lūɛ̄īyɔ̄ɔ̄ mi̍ Mɛ̄lɛ̄ka̍ Ya̍a̍wɛ̄ɛ̄ o̍ ki̍ndā dīo̍o̍. Mi̍ pīɔ̍ɔ̍ sīā, mbo̍ sīā, mbo̍ lō sīa̍a̍ mbo̍ kūā pālɛ̍i̍ be̍le̍-hi̍ɔ̍ɔ̍lu̍ a̍ nyūmnda̍ŋ be̍le̍-hi̍ɔ̍ɔ̍lu̍.

Nyɛ̄ o̍ nyɛ̄ yo̍o̍mu̍ fo̍kɛ̄ o̍ chi̍e̍ēŋndo̍ chōo̍, wāŋndā chīe̍e̍ya̍ ni̍, a̍ vīsīa̍a̍, a̍ nyɛ̄ o̍ nyɛ̄ yōōmāa̍ wa̍ o̍ chi̍e̍ēŋndo̍ chōo̍, a̍ yōūwa̍, mi̍ Mɛ̄lɛ̄ka̍ bāsū nda̍ o̍ chi̍e̍ēŋndo̍ chōo̍ mɛ̍ɛ̍u̍. A̍ lo̍ yōōmū wa̍, mɛ̄ɛ̍ a̍ wa̍ o̍ dɛ̄ndɔ̄ɔ̍ ni᷄ŋ a̍ Nu̍u̍wā la̍tu̍lu̍ wa̍.

Mi̍ pīɔ̄ɔ̄ bɛ̄ndū bɛ̍ndōo̍ būlī o̍ ha̍la̍ bu᷅. Mi̍ mɛ̄ŋma̍ cho̍ o̍ lɛ̄ŋnde̍ŋ bɛ̄ŋgu̍ wa̍ŋ mā būlī bā o̍ bā o̍ chi̍e̍ēŋndo̍ chōo̍. Wɔ̄sī Nu̍u̍wā chi̍ŋa̍ wɔ̄sīla̍ŋ kɛ̄mɔ̄ɔ̍ lē ŋɔ᷄mpu᷅m ndo̍ (600), pāŋgi̍i̍ di̍i̍ŋ ndūɛ̍i̍ o̍ wɔ̄sī kōŋ ni᷄ŋ mālɔ̄ tɔ̍ a̍ lē ŋɔ᷄mmɛ̍ū, pāa̍le̍ le̍ŋ pīɔ̄ɔ̄ bɛ̄ndōo̍ ho̍ō ō kāndu̍ sīa̍a̍ ni̍, mi̍ mɛ̄ŋnda̍ŋ mā kāndū chi̍e̍ēŋndo̍ chūa̍a̍. Kɛ̍ pāa̍le̍ pīɔ̍ɔ̍ kāndu̍ le̍ŋ si̍a̍a̍ le̍ŋ, Nu̍u̍wā ni̍, a̍ pūa̍a̍ ndūa̍a̍, Si̍ɛ̄m a̍ Ha̍ām a̍ Cha̍fɛ̍tī, a̍ Nu̍u̍wā la̍a̍ ndɔ̄, a̍ lāāndāā ya̍a̍wa̍a̍ pūa̍a̍ ndūa̍a̍, nda̍ a̍a̍ lu̍ɛ̍i̍nu᷄ŋ ni᷄ŋ fɛ̍lɛ̍ŋ o̍ dɛ̄ndɔ̄ɔ̍ ni᷄ŋ. Nda̍ ni̍, a̍ vīsīāā yōndūa̍a̍ su̍u̍ o̍ su̍u̍, a̍ vīsīāā chi̍e̍e̍ ni̍ŋnda̍ su̍u̍ o̍ su̍u̍, nyɛ̄ o̍ nyɛ̄ yōōmu̍, a̍ su̍u̍la̍ŋ le̍nde̍ yɛ̍ yɛ̍. Yōūwa̍ ni̍, a̍ nyɛ̄ o̍ nyɛ̍ nɔ̍ kūmba᷅ŋnda̍ŋ, a̍ su̍u̍la̍ŋ le̍nde̍ yɛ̍ yɛ̍, nda̍ kpo̍u̍ nda̍ a̍a̍ lu̍ɛ̍i̍nu᷄ŋ ni᷄ŋ o̍ dɛ̄ndɔ̄ɔ̍ ni᷄ŋ. Nyɛ̄ o̍ nyɛ̍ cho̍ nyɛ̄ yōōmāā, ma̍ hūŋ nāa̍ Nu̍u̍wā chu̍a̍ ā ŋīɔ̍ɔ̍ŋ ŋi̍ɔ̍ɔ̍ŋ, ma̍ lūɛ̄ī o̍ dɛ̄ndɔ̄ɔ̍ ni᷄ŋ. Mi̍ nyɛ̄ o̍ nyɛ̄ yōōmāā lūɛ̄ī le̍nde̍, ō pīāāndōo̍ a̍ ō lāāndōo̍, mɛ̄ɛ̍ Mɛ̄lɛ̄ka̍ dīmu̍l Nu̍u̍wā yɛ̍. Mɛ̄ɛ̍ nda̍ chīi̍ lūɛ̄īyɔ̄ɔ̄ mi̍ Mɛ̄lɛ̄ka̍ Ya̍a̍wɛ̄ɛ̄ o̍ ki̍ndā dīo̍o̍. Mi̍ pīɔ̍ɔ̍ sīā, mbo̍ sīā, mbo̍ lō sīa̍a̍ mbo̍ kūā pālɛ̍i̍ be̍le̍-hi̍ɔ̍ɔ̍lu̍ a̍ nyūmnda̍ŋ be̍le̍-hi̍ɔ̍ɔ̍lu̍.