GÉNESIS 6 的熱門經文

分享

Shina cajpimi Mandaj Diosca, cai pachapi runata rurashcamandaca, shungupi nanachijshnami, ninandapacha llaquirirca.

Cai pachapi causaj runacunaca, ashtaca na alitalla ruranajujtami, Mandaj Diosca ricurca. Paicunapaj shungupica, jatun na alita ruranatallami yarinajurca.

Shina cashpapash Mandaj Diosca, Noé runagu alita ruraj cashcata ricushpami, ninanda alicachishpa ricurca.

Noé runapaj miraicunaca, caicunami: Noé runaca, paipuracunapi ricujpica, alitalla ruraj, ima pandatapash na rurajmi carca. Noé runaca, Taita Diostaca tucuipi aliguta cazushpami causajurca.

Shinamandami Mandaj Diosca cashna nirca: “Cai pachapi tucui ñuca rurashcacunataca, runacunatapash, llucashpa purij animalcunatapash, jahuata rij alasyu animalcunatapash, tucui shuj animalcunatapashmi tucuchisha. Caicunata rurashcamandaca, ninandapachami llaquirini” nircami.

Gentecuna cai pachapi ninandapacha mirai callarishpami, ashtaca ushicunata charirca. Taita Diospaj churicunaca, gentecunapaj ushicuna juyaillacunapacha cajta ricushpami, chai huarmicunamanda agllashpa, paicunapaj huarmicuna cachun japinajurca. Chaimandami Mandaj Diosca, cashna nirca: “Gentecuna causaita causachunga napacha saquishachu. Paicunaca huañuna aichayujcunami. Paicunaca, patsaj ishcai chunga huatacamanllami causanga” nircami. Chai punllacunapica, Taita Diospaj churicunaca, runacunapaj ushicunahuanmi huahuacunata charirca. Chai huahuacunaca, ninan jatun runacunami carca. Paicunaca, punda huatacunamandami, tucuicuna rijsishca, ninan shinlli runacuna carca.

Shina nijpimi Noé runaca, Taita Dios imashna mandashcashnallata, tucuita pactachirca.

Chaimandami Taita Diosca, Noé runataca cashna nirca: “Paicuna na alita rurashcamandami, cai pachapica ninan llaquicunahuanlla junda causanajun. Chaimandami, causaita charij tucuicunataca, tucui cai pachandi tucuchigrini.

Canga, gofer shuti caspicunahuan, huambuna jatun huasita rurai. Chaitaca, shican shican ucucunahuan rurashpa, ucumambash, canllamanbash, breahuan jabishpa quilpangui.

Taita Diosca, tucuilla cai pachapi causaita charijcunaca, napacha alicuna cajtami ricurca.

Cai pachapi causaita tucui charijcunatapash, ima animalcuna cajpipash, paipuralla shuj jari, shuj huarmi, huambuna jatun huasi ucuman churangui. Paicunapash, canshnallata causashpa catichun, chashna churangui.