Maruku 5 的熱門經文

分享

De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

De ahao manga dodagi ma goronaka de naga momatengo o ngofeka de duru mokangela ma titi ami mede. Muna gea ami taongo ngimoi de hinootoino mokangela, de muna gea ma ngoe momahibau ona yohou-hourika hiadono ami tiwi ko iwaka. De ngaro hokogea ma ngoe momahibau, masara ona gea ko akunua imiduhunu de tanu ami kangela gea ka idogo.

Ho ka de ai baju maso de motogumoka ami kangelaino gea, abe ami awunu ko itagiokaua. De duru ma oraha gea ami badangoka mamao hoka ami kangela ko iwaka.

Yowohamika de o Yesusu womiso ami giamika de wotemo munangika de to Una ai demo wato, “Talita kum!” abe naga de ma titi hokonaa, “Ngofeka, ngona naa nomomikoka!”

O Yesusu ka yomakoketemohi de ma ngofeka gea de naga womatengo o Yairusu ai tauino woboa de witemo o Yairusika ato, “Marai ngoni ora mohonengoka, ho ibootoka nanga guru gea niruwae.” De gea o Yesusu woihene, masara ko wopusingua ma titi manga demo gea, de ka witemo o Yairusika wato, “Ngaro ufa nohawana, ma kiani nohingakuohi Ngohino.”

De o Yesusu wohira wotemo, wato, “Ngona o tokata ma dorou abe nomanoa unangoka naa, nohupuoka!” Gea de iwikokitokata duru kohaamokiye womapoaka o Yesusika wato, “Yesusu to Ma Jou Wokokurutiye ai Ngofaka, Ngona naa ka nohidodoa ngohino? Ho ngohi togahoko la ufa nohihikangela de gea kiani nohihibehehongo ngohino abe nomahikoboto moi de napake Ma Jou ai romanga!” De ahao o Yesusu woleha enangika, wato, “Ani romanga onaguna?” De ma tokata ipaluhu o Yesusika ato, “Ngomi naa mia romanga o Legiono, angamoi ngomi naa duru ko mia ngoe.”