Genesis 7
7
Uliqpak
1Ataniq uqallaktuq Noah-mun, “Ikkuiñ umiaqpagmun piqatigilugich nanmiñiq iḷatin, qanukkii iḷisimaruŋa kisivich nunapayaurami nalaunŋarualiqiruagurutin. 2Ikuqatigilugich tallimat malġuktun iñugiaktigiruat igḷugiiḷḷaat pirġausiq nalaułługu salumaruat niġrutit, aŋusallullu aġnasalluŋiḷḷu, aglaan ikuqatiqaġlutin igḷugiiḷḷaałhiñanik pirġausiq nalaułługu salumaitchuaŋnik. 3Suli tallimat malġuigullaalugi alġaiġiich tiŋmiat. Tainna piñiaqtutin qanusipayauraq niġrun suli tiŋmiaq qanusiugaluaġumi iñugiaksitqiḷḷayumauq nunami. 4Tallimat malġuk uvlut pianikpata sialuktinniaġiga malġukipiani (40) uvluni unnuaniḷu, suksraunġiqsaġlugi sut iñuggutiqapayaaqtuat savaaġiŋaratka.” 5Aasii Noah savaŋaruq iluqaiññik Atanġum piraksriutigiraŋiññik.
6Noah ukiuqtutigiŋaruq 600-tun uliqpagman nuna. 7#Mt 24.38, 39; Lk 17.27.Ilaalu tuvaaqatiniḷu, iġñiġutiiniḷu suli tuvaaqatiŋich, ikuŋarut annaksaqłutiŋ uliqpagmiñ. 8Aŋusalluŋiḷḷu suli aġnasalluŋich qanusipayaurat niġrutit tiŋmiallu, paamġuqtuallu nunami, salumagaluaqpata naakka salumaiḷḷutiŋ, 9ikuŋaniqsut umiaqpagmun piqatigivlugu Noah, God-im piraksriutaatun. 10Tallimat malġuk uvlut pianiŋmata uliqpaksaŋaruq.
11 #
2 P 3.6. Noah 600-tun ukiuqtutigiliġman, akimiaq malġuŋanni (17th) uvlut tuglianni tatqich, siiqsinniġich suppuqhiaġniqsut immamik taġiumiñ itiruamiñ, upkuaŋich immat qiḷaŋmi aŋmaŋarut, 12sialuŋaruq nunami malġukipiani (40) uvluni unnuaniḷu. 13Taaptumani uvlumi Noah tuvaaqatiniḷu ikuŋaruk umiaqpagmun piqatigivlugich piŋasut iġñitiŋ, Shem-lu, Ham-lu, Japheth-lu, tuvaaqatiŋiḷḷu. 14Piqatigiŋammigaich qanusipayaurat niġrutit, pamiqsaagugaluaġmata, pamiqsaaguŋitkaluaġmata, qanusipayaurallu paamġuqtuat nunami, tiŋmiallu. 15Igḷugiḷḷaat anniġniqapayauraqtuat ikuŋarut umiaqpagmun piqatigivlugu Noah. 16Aŋusallullu aġnasallullu nigrutit isiŋarut, God-im piraksriutaa nalaułługu. Tavraasii Atanġum umiŋagaa upkuaq aquagun Noah-m.
17Uliqpaŋaruq malġukipiani (40) uvluni, imaq itisiŋaruq puktallasiḷġataqtillugu umiaqpak. 18Imaq itisisaiññaŋaruq, suli umiaqpak puktaŋaruq. 19Itisivaił̣ł̣uni matullaŋagaich qiḷaum ataaniittuat iġġipayaurat, qutchiŋñiqsratunnii; 20ulitchaiññaŋaruq qutchiksigiliġataqhuni iñuiññaq tallimat (25) isigagniqtunkavsak qaaŋiqł̣ugich iġġich. 21Iñuggutiqapayauraqtuaq nunami tuquŋaruq—tiŋmiapayaat, pamiqsaat pamiqsaaguŋitchuallu, qupilġupayaurat, iñupayaurallu. 22Sunapayauraq nunami aniġniqaqtuaq tuquŋaruq. 23Atanġum suksraunġiŋaniġaich sut iñuggutiqapayaaqtuat—iñuich, niġrutit, paamġuqtuat nunami, tiŋmiallu. Kisiŋŋuqtauŋarut kisimiŋ Noah-lu ikuqatigiraŋiḷḷu umiaqpagmun. 24Imaq anmuksaŋaitchuq 150-tun iñugiaktigiruani uvluni.
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)